މެތިއު އޮރިފިލަ: ޓޮކްސިއޮލޮޖީގެ ބައްޕަ

ކިޔާފައިވާ ޢަދަދު: 368

މެތިއު އޮރިފިލަ ޓޮކްސިއޮލޮޖީގެ ބައްޕަ ޙުސައިން ޝާކިރު ޕްރޮފެސަރ މެތިއު އޮރްފިލަ، ވިހަ އާއި ޒަހަރުގެ ބާވަތްތަކުގެ ބައްޕަ ކަމުގައި މަޝްހޫރުކަން ހޯއްދެވި މި ޒަމާނުގެ ޓޮކްސިއޮލޮޖީގެ ބައްޕަ އުފަންވެ ވަޑައިގަތީ 1787 އެޕްރީލް 24 ގައި މިނޮކާ އައިލޭންޑްގައެވެ. ޕްރޮފިސަރ ދަސްވެނިވެ ވަޑައިގަތީ ބާސިލޯނާއާއި ވެލެންސިއާއިން ޓޮކްސޮލޮޖީއާއި ކެމިސްޓްރީންނެވެ. މިރޮނގުގައި ޕްރޮފެސަރއަކީ ކްރިމިނަލް ހިސްޓަރީގައި މަތީ މަގާމެއް އެރުވިފައިވާ އިޙުތިރާމް ލިބިވަޑައިގެން ހުންނެވި ޝަޚުޞެކެވެ. ޕްރޮފެސަރގެ ”ޓްރީޓީ އޮން ޕޮއިޒަން” އަދިވެސް ބެލެވިފައިވަނީ ކްރިމިނަލް ސައިންް…

ތޯމަސް ޖެނިންގްސް : ފިންގަޕްރިންޓުން ހެކި ސާބިތުވެގެން ޔޫ.އެސް.ގައި މަރުގެ ހުކުމް ތަންފީޒު ކުރި ފުރަތަމަ މީހާ

ކިޔާފައިވާ ޢަދަދު: 381

ތޯމަސް ޖެނިންގްސްއަކީ ދިރިއުޅުމަށް ކުރާ މަސައްކަތެއްގެ ގޮތުގައި ފޮށިފަޅައި ވައްކަންކުރި މީހެކެވެ. އިލިނޮއިސް ގެ ޖޮލިއެޓް ސްޓޭޓް ޖަލުން ޕެރޯލްގެ ދަށުން 1910 ވަނަ އަހަރު ދޫކޮށްލާފައި ހުރި މީހެކެވެ. 1910 ސެޕްޓެންބަރު 19 ވަނަ ރޭ ޗިކާގޯ ވެސްޓް 104 ސްޓްރީޓްގައި ހުރިގެއެއް އޭނާ ފަޅައިލިއެވެ. އޭގެ ކުރިން ހަމަ އެރޭ އެ ހިސާބުގެ އެހެންގެއެއް އޭނާ ފަޅައިލާފައި ވެއެވެ. އެ ގެތަކުގެ ވެރިން ތޯމަސް ޖެނިންގްސް ފާހަގަކޮށް ހެކިދެމުން އެއީ ހެދިހުރި ހަށިގަނޑު ވަރުގަދަ…

އެޑްމަންޑް ލޮކާރޑް

ކިޔާފައިވާ ޢަދަދު: 1208

އެޑްމަންޑް ލޮކާރޑްއަކީ މެޑިކަލް ޑޮކްޓަރެކެވެ. ކްރިމިނޮލޮޖިސްޓެކެވެ. ފޮރިންސިކް ސައިންޓިސްޓެކެވެ. ގާނޫނީ ވަކީލެކެވެ. އެކުވެރިންގެ “ފްރާންސް ގެ ޝަރލޮކް ހޮލްމްސް” އެވެ. ޑރ.އެޑްމަންޑް ލޮކާރޑް ގެ ފަންނަކީ ޕަބްލިކް ހެލްތް ގެ ދާއިރާއާއި ފޮރިންސިކް ސައިންސްގެ ދާއިރާ އެވެ. ޑރ.އެޑްމަންޑް ލޮކާރޑްއަކީ ކްރިމިނޮލޮޖީ އަދި ފޮރިންސިކް ސައިންސްގެ ބާނީ ގެ ގޮތުން މަޝްހޫރުވެ ވަޑައިގެން ބޭފުޅެކެވެ. އެޑްމަންޑް ލޮކާރޑް އުފަންވެވަޑައިގަތީ 1877 ވަނަ އަހަރު ނޮވެންްބަރު 13 ވަނަ ދުވަހު ފްރާންސް ގެ ސެއިންޓް – ޗެމަންޑް ގައެވެ.…

ސުންޑަ ކެލަޕަ

ކިޔާފައިވާ ޢަދަދު: 1105

މިލިޔުމުގައި އަޅުގަނޑު މިބަލައިލަނި މީގެ ދުވަސްކޮޅެއް ކުރިން ރައްޓެއްސަކު އަޅުގަނޑަށް ވައިބަރުން ފޮނުވި ފޮޓޯ އެއްގައިވާ އިނގިރޭސިބަހުން ލިޔެފައިވާ ދޮޅަސް ދެ ފޮޅުވަތަށެވެ. މި ދެންނެވި ލިޔުމަށް ބަލައިލުމުގެ ކުރިން ސުންޑަ ކެލަޕައަކީ ކޮންތަނެއްގައި އޮންނަ ކޮންތަނެއްތޯ ބަލައިލުމަށް ގޫގުލް ކޮށްލީމެވެ. ތިރީގައި މިވަނީ ވިކިޕީޑިއާ ގެ ފްރީ ސައިޓްތަކުން ހޯދި ބައެއް މަޢުލޫމާތުގެ ޚުލާސާ އެކެވެ. އިންޑޮނޭޝިއާގެ ނޯތު ޖަކާޓާގައި އޮންނަ ސުންޑަ ކެލަޕަ  (Sunda Kalapa)އަކީ ޖަކާޓާގެ ދުވަސްވީ ބަނދަރެކެވެ. މިއަދު އެބަނދަރުގައިވަނީ، ދެކުނބުލީ…

ބައެއް މީހުނަށް ފެންނަ ހުވަފެން ތެދުވެއެވެ.

ކިޔާފައިވާ ޢަދަދު: 781

ޙުސައިން ޝާކިރު 
މިދިޔަ އޮކްޓޯބަރ މަހު އަޅުގަނޑު ލ.އަތޮޅަށް ދިޔައީމެވެ. އެ އަތޮޅުގެ ބައެއް މަސްވެރި އޮޑިވެރި، ކެޔޮޅުންނާއި ދަނޑުވެރިންނާއި ބައްދަލުވެ ވާހަކަދައްކައިލުމުގެ ނަސީބު ލިބުނެވެ. ލ.އަތޮޅުގެ މަޝްހޫރު ކެޔޮޅަކާ ބައްދަލުވެ ވާހަކަދެއްކުމުގެ ފުރުޞަތު ލިބުނުމުން ނަންގަނެލީމެވެ. މުޅި ޢުމުރު ކަނޑުމަތީގައި މަސްވެރިކަމުގައި ހޭދަކުރެއްވުމަށްފަހު، މިހާރު ދޯނިން ފައިބާ ހުންނެވިއިރު ކަނޑުމަތީގައި ދިމާވި އެންމެ ހަނދާނުނެތޭ ނުވަތަ ހަނދާން ނެތުމަށް ދަތި ހާދިސާއަކީ ކޮބައިތޯއެވެ. 

މުލަކު އިބްރާހީމް ދީދީ

ކިޔާފައިވާ ޢަދަދު: 1002
ޙުސައިން ޝާކިރު
މުލަކު އިބްރާހީމް ދީދީ އަކީ ދީންވެރި ޢިލްމުވެރި ފަންޑިތަވެރި ބޭފުޅެކެވެ. ދަންނަވަން މިއުޅެނީ މާދުވަސްވީ ވާހަކައެއް ނޫނެވެ. ހާހާ ނުވަ ސަތޭކަ ހައްޓީގެ އަހަރުތަކުގެ ކުރީކޮޅުގެ އަހަރެއްގައި ހިނގާދިޔަ ކަމެއްގެ ވާހަކައެވެ. ދުށްމީހަކު އަދި އެކަމުގައި ބައިވެރިވެ އެކަން ތަޖުރިބާކުރި އޭރުގެ ދިހަބާރަ އަހަރުގެ ކުއްޖަކު، މިއަދު އުމުރުން ފަސްދޮޅަހުގެ އަހަރުތައް ގުނަމުންދާ ގދ.ތިނަދޫގައި ބަސްވިކޭ ހަރުބޭފުޅަކު އޭނާގެ ލޮލުން ދެކިލައްވައި ތަޖުރިބާކުރެއްވި ގޮތަށް، އޭނާ ވިދާޅުވެދެއްވި ގޮތަށް މުލަކު އިބްރާހީމް ދީދީ އާއި ގުޅޭ ވާހަކައެއް ދެންނެވޭތޯއެވެ. އޭނާ ވިދާޅުވިގޮތުގައި މިއަދުވެސް މިކަމުގައި މިދެންނެވި ބޭފުޅާއާއެކު ބައިވެރިވެވަޑައިގަތް، އޭރު އެ ދުވަސްވަރުގެ ޒުވާން އެއްއުމުރުފުރާވަރުގެ ބޭފުޅުން ދުނިޔޭގައި އެބަ ތިއްބެވިއެވެ.

އޮގަރު ކޮއި – 2

ކިޔާފައިވާ ޢަދަދު: 1055
 

 ހިތްވަރުގަދަ އޮގަރުކޮޔާއި ވަގުކަލޭގެ

 
ޙުސައިން ޝާކިރު
 
މި ވާހަކައަކީ ވެސް އޮގަރު ކޮޔާއި ބެހޭ ގޮތުން އުމުރުގެ ކޮންމެވެސް ދުވަސްވަރެއްގައި، ވަރަށް ޅަފަތުގައި އަހާފައިވާ ވާހަކައެކެވެ. މި ވާހަކަ ކިޔައިދިން މީހެއް އިވުނުތަނެއް ދުވަސްވަރެއް ހަނދާނަކަށް ނުގެނެވެއެވެ. ފަހަރުގައި މިފަދަ ވާހަކަތަކަކީ ޢިބްރަތެއް ހާސިލު ނުވާ އެއްވެސް ޙަޤީޤަތެއްނެތް ހަމައެކަނި އަނގަމަޖާކޮށްލުމަށް ނުވަތަ މުނިފޫހިފިލުވައިލުމަށް އެކުވެރިންގެ މެދުގައި ކިޔޭ ވާހަކަތަކަކަށް ވުމަކީވެސް އެކަށީގެންވާ ކަމެކެވެ. ކަންމިހެން ހުރިނަމަވެސް، މިފަދަ ޔޯލަވާހަކަތަކަކީ ވެސް އެވާހަކައެއް ކިޔާ އުޅުނު ދުވަސްވަރެއްގެ ޙާލަތާއި ކަންހިނގާމަގާއި މީހުންގެ މެދުގައި ކަންހުރިމަގާއި ވާހަކަދެއްކުމުގެ އަދަބުސަދަބާއިގުޅޭ ކުރެހުމެއްކަމަށް ވާނެކަމަށް ދެކެމެވެ.

މާޒީން ހާސިލުކުރަންވީ ޢިބުރަތެވެ!

ކިޔާފައިވާ ޢަދަދު: 2177
ޙުސައިން ޝާކިރު
ދިވެހި ޤައުމު ކުޑައެވެ. މީސްކޮޅު މަދެވެ. ބިން ކުޑައެވެ. ފެނިހުރި ވަސީލަތްތައް މަދެވެ. އެހެނަސް، އެއީ މި ޤައުމުގައި ލިބިހުރި ވަސީލަތްތައް މަދީއެކޭ ބުނެވޭކަށް ނެތެވެ. ހޯދިހޯދިހެން ވަސީލަތްތައް ދަނީ ފެނި ހާމަވެ އިތުރުވެ ގިނަ ގުނަ ވަމުންނެވެ. މިޤައުމުގައި ފޮރުވިފައިވާ ގައުމީ ޖައުހަރުގެ އަގުބޮޑެވެ. 
 
ދުނިޔޭގެ އެހެންވެސް ޤައުމުތަކާ އަޅައިބަލައި ކިޔުމުގައި މި ޤައުމުގައި ކުޑަވެސް އުނިކަމެއް ނުކުޅެދުންތެރިކަމެއް ވާކަމަށް ގަބޫލެއް ނުކުރެވެއެވެ. މި ޤައުމަށް ވެސް ޤައުމެއްގައި އެކުލެވިފައި ހުންނަންޖެހޭ ހުރިހާ ރުކުން ތަކަކާއި ސިފަތަކެއް ލިބިފައި ވެއެވެ. އެހެން ޤައުމުތައް ފަދައިންނެވެ. އަމިއްލަ ބަހަކާއި އަކުރެއް ލިބިފައިވެއެވެ. އަމިއްލަ ސަޤާފަތަކާއި އަމިއްލަވަންތަ ސިފަތަކެއް ލިބިފައިވެއެވެ. 

އޮގަރު ކޮޔާއި ވަގުކަލޭގެ

ކިޔާފައިވާ ޢަދަދު: 985
ޙުސައިން ޝާކިރު
މީ ކޮންޒަމާނެއްގައި ހިނގި ކަމެއްކަން ދަންނަވާކަށް ނޭނގެއެވެ. ދާދިފަހަކުން، މިވެސް ލިޔެލަން ރަނގަޅު ވާހަކައެކޭ ހީވެ ހަނދާން ނެތެމުންދާ މިވާހަކައިގެ ހަނދާން އައުކޮށްލުމަށްޓަކައި ލިޔެލީއެވެ. 
 
އޮގަރުކޮޔަކީ، ރަދުން ރަސްމިއްޔާތުތަކަށް ނުކުންނަވާއިރު ރަދުންގެ ކަނޑިކޮޅު ހިފައިގެން ހުންނަ މީހާއޭ ބުނަތީ އަހަމެވެ. ރަދުންގެ އަރިހުގައި ނިހާލި ބަންނަވައިގެން ހުންނަވާ ޢިއްޒަތްތެރިއެކެވެ. ކަނޑިއެއް ހިފައި، އެކަނޑި މޭހުރަސްކޮށް މޭމައްޗަށް ލަފާލައްވައިގެން ހުންނަވާ ބޭކަލަކު، އިހުގައި ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ނަގާފައި ހުންނަ ފޮޓޯފޮޓޯގައި ހުންނަވަނިކޮށް ފެނިފައިވެއެވެ.
 

ޖަބް ޕިޔާރް ކިސީ ސޭ ހޯތާހޭ.

ކިޔާފައިވާ ޢަދަދު: 2195
ޙުސައިން ޝާކިރު 
މިއީ، ޢުމުރުގެ ސާދަ ފަނަރަ އަހަރާ ގުޅިފައިވާ ހަނދާނެކެވެ. ހަނދާނަށް ގެނެވޭގޮތުގައި އެއީ، ނަވާރަ ސަތޭކަ ފަސްދޮޅަހުގެ އަހަރުތަކެވެ. “ފަންސިނަމާ” އާދެ، ފަރީދީ ސިނަމާގެ ދައުރު ނިމި މާލޭގެ މެދުތެރޭގައި އޮލިމްޕަސް ތިއޭޓަރ ހެދި އެ ދުވަސްވަރު އިންޑިއާގައި އުފައްދާ އެންމެ މަޝްހޫރު ފިލްމުތައް މާލެ ގެނެވި އޮލިމްޕަސް ތިއޭޓަރުގައި އަޅުވަމުން ދިޔަ ދުވަސްވަރެވެ. ބޮލީވުޑް ނަން ދިވެހިން ނުދަންނަ ޒަމާނެވެ. އަތުގައި އެންމެ ރުފިޔާއެއް އޮތްނަމަވެސް ދެޖިންސްގެ ޒުވާނުންނާއި ކޮންމެ ޒުވާން ދެމަފިރިޔަކު ހިތްހަމަޖައްސައިލުމަށްޓަކައި ބައިސްކޯފު ބަލާން އޮލިމްޕަހަށް ވަދެ އެނބުރޭފަންކާގެ ދަށުގައި ގޮދަޑިޖެހި ގޮޑީގައި އިށީނދެލައިގެން ފިލްމުބަލައި އުޅުނު ދުވަސްވަރެވެ. އިރުއޮއްސިގެން އަންނައިރު އޮލިމްޕަހު ގޭޓުންފެށިގެން އިރުމައްޗަށް ދަމާލެވޭ ކިޔޫ ހަނދުވަރު ހިނގުމުން އުތުރަށް ދަމައިލެވި މަގުފުރި ތޮއްޖެހިގެން ހަމަކޮންމެރެއަކުހެން ދިޔަ ޒަމާނެވެ.