މަންޒިލަކީ ކޮބާ؟

ކިޔާފައިވާ ޢަދަދު: 2635
ލިޔުނީ: ޢާއިޝަތު ނާޖީ
ފަތިހުގެ ހާ ގޮވައިލާ އަޑު އިވުމާ އެކު ލޮލަށް ވެރިވެފައިވާ ގަދަ ނިދި ފިލައިގެން ދަނީ ކުރަން ހުރި މަސައްކަތްތައް ހިތަށް އަރައިފައެވެ. ފުންމައިގެން އެނދުން ތެދުވެ މޫނު ވެސް ނުދޮވެ، ދުއްވައިގަންނަނީ ކުދިން އިސްކޫލަށް ފޮނުވުމަށްޓަކައި ވާންޖެހޭ ތައްޔާރީތައް ވުމަށެވެ. ޔުނީފޯމު އިސްތިރިކުރާށެވެ. މޭޒުމައްޗަށް ސައި ތައްޔާރު ކުރާށެވެ. އިންޓޯލު ތައްޔާރުކޮށް ދަބަހަށް އަޅާށެވެ. ފޮތްތައް ހަމަކުރާށެވެ. ކުދިވެރިންނަށް ގޮވަނީ ވެސް މިހުރިހައި ކަމެއް ކުރުމަށްފަހުގައެވެ. އެއީ އެންމެ މިނިޓެއް ވެސް އިތުރަށް ނިދަން ލިބުނިއްޔާ ކިލާހުގައި ތިބޭއިރު ފިލާވަޅަށް ސަމާލުކަން ދެވޭލެއް ބޮޑުވާނެތީ އެވެ. އެހެންކަމުން އެއްވެސް ކުއްޖަކަށް ހެނދުނު ހަޔެއް ޖެހުމުގެ ކުރިއަކުން ނުގޮވަމެވެ.

އިންސާނަކަށް ފުދޭނީ ކިހައި ބިމަކުން ހެއްޔެވެ؟

ކިޔާފައިވާ ޢަދަދު: 5590
ލިޔުއްވީ: ލިޔޯ ޓޮލްސްޓޯއި
ތަރުޖަމާ: އަޙްމަދް ސަމީރު ޢަލީ
1828ގައި ރަޝިޔާ އަށް އުފަން ލިއޯ ޓޮލްސްޓޯއި (Leo Tolstoy) އަކީ ރަޝިޔާގެ އެންމެ މަޝްހޫރު އަދީބުންގެ ލިސްޓުގައި ރަން ވަނައެއް ނޫނީ ހައްގުވާނޭ ބޭފުޅެއް ނޫނެވެ! ޓޮލްސްޓޯއިގެ އެންމެ މަޝްހޫރު ރިވާޔަތް ތަކުގެ ތެރޭގައި މުޅި ދުނިޔެއަށް މަޝްހޫރު ”ހަނގުރާމައާއި ސުލްހަ މަސަލަސްކަން” ”އަނާ ކަރެނީނާ” ފާހަގަ ކޮށްލަން ޖެހެއެވެ. ދިގު ވާހަކައިގެ އިތުރުން އިސްޓޭޖް  ތަމްސީލު ލިޔުއްވިއެވެ. އަދި ގިނަ އަދަދެއްގެ، ވަރަށް ރީތި ކުރުވާހަކަ ވެސް ލިޔުއްވިއެވެ. މީގެ ތެރޭގައި، އިންސާނުންގެ ކިބައިގައި ހުންނަ ނޭދެވޭ ސިފަތައް އިސްލާހު ކުރެއްވުމުގެ ގޮތުން، އަޅުގަނޑު މި ތަރުޖަމާކުރާ ވާހަކަ ފަދަ ވަރަށް ގިނަ  ވާހަކަ ހިމެނެއެވެ! ޓޮލްސްޓޯއި އަވަހާރަވީ 1910 ގައެވެ.

ތަޢުލީމުދިނުމުގެ މައިގަނޑު މަޤުޞަދުތައް، ރައްޖޭގައި ދެވޭ ތަޢުލީމުން ޙާޞިލު ކުރެވޭބާވައެވެ!!

ކިޔާފައިވާ ޢަދަދު: 3910
ޢާއިޝަތު ނާޖީ
ޤައުމިއްޔަތު ދެކެ ލޯބިވުމާއި ދީނީ ޢަޤީދާ ވަރުގަދަވުމާއި އެއްބަޔަކު އަނެއްބަޔަކަށް ލޯތްބާއި އިޙުތިރާމް ދިނުމާއި ޤާނޫނާއި ޤަވާޢިދުތަކަށް ޙުރުމަތްތެރިކޮށް ހިތުމާއި ދުނިޔެއާއި އާޚިރަތުގެ ބާއްޖަވެރިކަން ހޯދުމަށްޓަކައި ކުރަންޖެހޭ މަސައްކަތްތައް ކުރުމަކީ އިންސާނީވަންތަކަމުގެ މައިގަނޑު ސިފަތަކެވެ. މި ސިފަތައް އަޅުގަނޑުމެންގެ ކިބައިގައި ނެތިއްޖެނަމަ މިދުނިޔެ ހަލާކުގެތެރެއަށް ވެއްޓި، ފަނާވެ، ނެތި ހިނގައިދާނެކަމީ އެއްވެސް ޝައްކެއް އޮތްކަމެއްނޫނެވެ.

ހުސްނުވާ ގަލަން

ކިޔާފައިވާ ޢަދަދު: 2422
މަހި ނޫރު
ލިފްޓުން ދިމާވި އޮފީހުގެގާތް ރަޙުމަތްތެރިއެކެވެ. ސަލާން ކޮށްލުމަށްފަހު، ދުނިޔަވީ އެކިއެކި ވާހަކަތައް ދައްކައިލުމަށް ލިފްޓްގައި މަޑުކޮށްލީމެވެ. އެވަގުތު އޭނާގެ ޖީބަށް ޖަހައިފައިވާ ތިން ގަލަން އަހަރެންގެ ލޮލުގައި އަޅައިގަތެވެ. ހައިރާންވެ ހުރެ އެއީ ކޮންހާ ގަލަންތަކެއްތޯ އަހައިލީމެވެ. ޖަވާބުގައި އެއީ އޮފީހުން ގެއަށް ގެންދެވިފައި ހުރި ގަލަންތަކެއް ކަމަށާއި، ގޭގައި ގަލަންތައް މާ ގިނަވުމުން އޮފީހަށް އަންނަމުން ބައެއް ގަލަންތައް ގެނައީ ކަމަށް ރަޙުމަތްތެރިޔާ ބުންޏެވެ.
 

ޓްރެފިކް ލައިޓް

ކިޔާފައިވާ ޢަދަދު: 2803

ޢާއިޝަތު ނާޖީ

މިއީ މީގެ ޒަމާންތަކެއް ކުރިން އިންޑިޔާގެ ކުޑަކުޑަ އަވަށެއްގައި ހިނގި ހާދިސާއެކެވެ. އެ އަވަށަށް ވަންނަ  މައި މަގުގެ ހަތަރު އަނގޮޅި ކަންމައްޗަކީ އެތައް ޒަމާންތަކެއް ވަންދެން ފަސޭހަކަމާއެކު ދުއްވާ އެއްޗެއްސާއި މީހުން ހިނގައިބިނގައި، ދަތުރުފަތުރު ކުރަން ބޭނުންކުރި ހަތަރު އަނގޮޅިއެކެވެ. ނަމަވެސް އެ އަވަށުގައި ދިރިއުޅޭ މީހުންގެ އާބާދީ އިތުރުވަމުން ދިޔުމާ ގުޅިގެން އެ ހަތަރު އަނގޮޅީގައި މީހުންނާއި އެއްގަމު އުޅަނދުފަހަރު  ތޮއްޖެހުމުގެ މައްސަލަ ކުރިމަތިވެގެން ދިޔައެވެ. މައްސަލައިގެ ޝަކުވާ އަވަށުގެ ވެރިންނާ ހަމައަށް އުފުލެން ފެށިއެވެ. ޓްރެފިކް ލައިޓް ހަރުކޮށް ދިނުމަށް ރައްޔިތުންގެ ފަރާތުން ގޮވާލެވެން ފެށިއެވެ.

ވަރީގެ ނިސްބަތް އެންމެ މަތީ ޤައުމުތަކުގެ އެންމެ ކުރީގައި ދިވެހިރާއްޖެ!!

ކިޔާފައިވާ ޢަދަދު: 3252
ޢަބްދުލްޢަޒީޒު ޖަމާލު އަބޫބަކުރު
އދ. ގެ ތަފާސް ހިސާބުތަކަށް ބަލާއިރު އަހަރަކު އެންމެ ގިނަ ކާވެނި ރޫޅޭ ގައުމަކީ ދިވެހިރާއްޖެކަމުގައި ދުނިޔޭގެ ރެކޯޑް ފޮތުން ޖާގަ ކަށަވަރުކޮށްފިއެވެ. މި ދައްކަނީ މާ ކުރީގެ ވާހަކަތަކެއް ނޫނެވެ. މިއީ މިއަދުގެ ވެސް ޙާލަތެވެ. މުސްލިމު ޤައުމެއްގައި މިހެން ކަންތައް އޮތުމަކީ ހިތާމަކުރަން ޖެހޭ ކަމެކެވެ. މިކަމުގެ ސަބަބުތަކާއި އެކަން އިޞްލާޙުކުރެވޭނެ ގޮތްތަކަކީ ކޮބައިތޯ ބަލައި ފިޔަވަޅު އެޅުން މުހިއްމެވެ.

އޭރުގެ ފަތްފުށްތަކުން…. (61)

ކިޔާފައިވާ ޢަދަދު: 2684

ވާހަކަކިޔަންއަޅުގަޑުމެން شوقވެރިވާސަބަބަކީކޮބައިތޯ؟

عبدالرحيم عبدالمجيد


ގ. މަންޒިލް، އަލްފާޟިލް ޢަބްދުއްރަޙީމް ޢަބްދުލްމަޖީދު (ރަޙިމަހުﷲ) އަކީ، ލިޔުންތެރިއެކެވެ. ތަރުޖަމާކުރައްވާ ބޭފުޅެކެވެ. އަތުލިޔުމުގެ ފަންނުވެރިއެކެވެ. “ސަރުކާރުގެ ޚަބަރު”ން ފެށިގެން “ދަރުމަ” ފަދަ ފަހުގެ މަޖައްލާތަކަށްވެސް ލިޔުއްވާފައިވާ ކުޅަދާނަ ލިޔުންތެރިއެކެވެ. އަދި އިސްލާމީ ތާރީޚާގުޅޭ ބައެއް ފޮތް ލިޔުއްވައި ތަރުޖަމާކުރައްވާފައިވާ ބޭފުޅެއްވެސް މެއެވެ. އަލްފާޟިލް ޢަބްދުއްރަޙީމް ޢަބްދުލްމަޖީދަށް ވަނީ، ރާއްޖޭގެ ނޫސްވެރިކަމަށް 50 އަހަރު ފުރުމުގެ މުނާސަބަތުގައި 1993 ވަނަ އަހަރު ނޫސްވެރިކަން ދެމެހެއްޓުމުގެ ޚިދުމަތުގެ ރަންގަލަން ލިބިވަޑައިގެންފައެވެ. އަދި ތާނަ ޢަރަބި ލިޔުމުގެ ރޮނގުން ހިތްވަރު ދިނުމުގެ އިނާމު 1979 ވަނަ އަހަރު، ދިވެހިބަހުގެ ލިޔުންތެރިކަމުގެ ރޮނގުން ހިތްވަރު ދިނުމުގެ އިނާމު 1995 ވަނަ އަހަރު ލިބިވަޑައިގެންފައިވެއެވެ.

ދުވަސްވީ ލިޔުންތެރިއެއް ފަސްއެނބުރި ބަލައިލާހިނދު..

ކިޔާފައިވާ ޢަދަދު: 7793
ލިޔުއްވީ: އެންޑީ ރޫނީ
ތަރުޖަމާ: އަޙްމަދް ސަމީރު އަލީ


އެންޑީ ރޫނީ (Andrew Aitken “Andy” Rooney) އަކީ އެމެރިކާގެ  ތަފާތު ޓީވީ/ރޭޑިޔޯ އިސްޓޭޝަން ތަކަށް ދިގު މުއްތަކަށް ލިޔުއްވި ވަރަށް ތަޖުރިބާކާރު ލިޔުންތެރިއެކެވެ. އުމުރުން 92 އަހަރުގައި އަވަހާރަވީ 2011 ވަނަ އަހަރެވެ. ކުރު އިބާރާތުން މާނަފުން، ހިކުމަތްތެރި ލިޔުމެއް ލިޔުއްވުމަކީ އެންޑީ ރޫނީގެ ޚާއްސަ ފަންނެކެވެ.


ޝަރަފުވެރި ދިރިއުޅުމަކީ ފައިސާއިން ގަނެވޭނެ އެއްޗެއް ނޫންކަން އަހަންނަށް އެނގި ޔަގީންވެއްޖެއެވެ!

ހޮވައިގެން ލިބޭ މާވަހަރަކީ ބަދުނަސީބު އެއްޗެއްބާއެވެ؟

ކިޔާފައިވާ ޢަދަދު: 8104
އަޙްމަދް ސަމީރުޢަލީ
މާވަހަރެއް ހޮވާ ހިސާބުން އިވެން ފަށަނީ ރަހުމަތްތެރިން ރުޅިވާ ވާހަކައެވެ. ހައިރާންކަންމަތީ ބަލަން ތިބޭ މީހުންނަށް ފެންނަނީ ޒަމާނުންސުރެ ދެކެފަރިތަ މިތުރުން އަދާވާތްތެރިންނަށް ފުރޮޅިގެންދާ ތަނެވެ. ހޮވި މާވަހަރެއް ވިއްކާލައިގެން ކުއްލިއަކަށް ލިބޭ ފައިސާއިން އެމީހާއަށް މާބޮޑު އުފަލެއް ނުލިބޭކަމުގެ ހިތްދަތި ޚަބަރަކީ އަޑުއަހަން ފަސޭހަ ޚަބަރެއްނޫނެވެ.

ދިރިއުޅުން އުފާވެރިކުރުވާނީ ކިހިނެއް؟ (5)

ކިޔާފައިވާ ޢަދަދު: 6847

ހުޅުވިފައިވާ ލޮލަކުން ބެލުން

ޢަބްދުﷲ ނަޢީމް އިބްރާހީމް


ޝާއިޢުކުރި ފަރާތުގެ ބަޔާނެއް: މިއީ މައުލާނާ ވާޙީދުއްދީން ޚާން ލިޔުއްވައިފައިވާ “ތަޢުމީރުލްޙަޔާތި” މި ފޮތުގައި ފާހަގަކުރައްވައިފައިވާ 10 ނުކުތާގެ ތެރެއިން އެއް ނުކުތާގެ މާނައިގެ ތަރުޖަމާއެކެވެ.


އިންސާނާ އޭނާގެ ސިކުނޑި ތަރުބިއްޔަތުކުރާންޖެހެނީ ކުރިމަތިވާ ކަންތައްތަކުން ފިލާވަޅު ލިބިގަނެވޭފަދަ ގޮތަކަށެވެ. ފިލާވަޅު ލިބިގަތުމުގެ މިޒާޖަކީ އެއްކޮޅުން އިންސާނާ ވިސްނުން ފުރިހަމަވާ ކަމެކެވެ. އަނެއްކޮޅުން އޭނާ ގެއްލުންތަކުން ސަލާމަތްކޮށްދޭ ކަމެކެވެ.