މަސައްކަތް ކުރާން ވާނީ ދިރިއުޅެމުންނެވެ.

ކިޔާފައިވާ ޢަދަދު: 966
ތަރުޖަމާ: ފަތުޙުﷲ ޞާލިހު، ޏ. ފުވައްމުލައް
ޕާން ހަދާ ތަނެއްގައި ޑެލިވަރީ ވަޒީފާ އަދާކޮށްގެން ލިބޭ ކުޑަ މުސާރަކޮޅުން ޢާއިލާގެ ކަންތައް ހަމަޖައްސަމުން ގެންދިޔަ ބައްޕައެކެވެ. ޢާއިލާގައި ހިމެނެނީ އޭނާގެ އަންހެނުންނާއި ދެމީހުންގެ ތިން ކުދީންނެވެ. މުޅި ދުވަހު ހަތަރުދަމު މަސައްކަތުގައި އުޅުމަށްފަހު ގެއަށް އާދެވުމާއިއެކު ފެންވަރާލައިގެން ދަނީ އޭނާ ކިޔަވާންދާ ކުލާހަށެވެ. މިހާރަށްވުރެން ރަނގަޅު އާމްދަނީއެއް ލިބޭ ވަޒީފާއެއް ފަހުން ހޯދޭނޭ ކަމުގެ އުއްމީދުގައި އިތުރަށް ކިޔަވަނީއެވެ. ދިރިއުޅުމުގެ ކަންތައް މިހެން ހުންނާތީވޭ އާއިލާއާއިއެކު ހޭދަކުރާނޭ ވަގުތެއް ނުލިބެއެވެ. ރެއާއި ދުވާލު އެހައި ބުރަކޮށް މަސައްކަތްކުރަނީ ޢާއިލާގެ ކުރިމަގާއިމެދު އޭނާ ދެކެމުން އަންނަ ހުވަފެންތަކުގައި ކުލަޖެއްސުމަށެވެ. އާއިލާއަށް ޖެހޭ ބޭނުންތައް ހިނދުން ހިނދަށް ހަމަޖައްސައިދެވުމާއިއެކު ބޭނުންވާ ކޮންމެ އެއްޗެއް ބޭނުންވާ ގަޑީގައި ހޯދައިދެވުމަކީ އޭނާގެ ހުވަފެނެވެ.
 

އިސްރާފު ކުރުން، އިޖްތިމާއީ ވިސްނުމަކުން!

ކިޔާފައިވާ ޢަދަދު: 1038
އަޙްމަދް ސަމީރު ޢަލީ
 
މީގެ ތިންހަތަރު މަސްދުވަސް ކުރިން އަޅުގަނޑަށް ލިބުނު އީ މެއިލެއްގެ ސަބަބުން ކުރިން ވިސްނިފައި ނެތް ދިމާއަކަށް ފުންކޮށް ވިސްނައިލެވުނެވެ. އެ އީ މެއިލުގައި އޮތް މައިގަނޑު ޚަބަރު، މިހާރު އިންޓަނެޓުގައި އެކި ބައިބައި ބަދަލުވެފައި ހުއްޓައިވެސް އެބަ ފެނެއެވެ. އަޅުގަނޑަށް ލިބުނީ ރައްޓެއްސަކު  ކިޔާފައި އޭނާވެސް އަޅުގަނޑަށް ‘ ފޯރުކުރި’ މެއިލެކެވެ. ލިޔެފައި އޮތީ އަރަބި ބަހުންނެވެ.
 

ދުންބަޑި (1)

ކިޔާފައިވާ ޢަދަދު: 999
ތަރުޖަމާކޮށް އެކުލަވައިލީ: އަޙްމަދު އަޖުމަލް ޙާމިދު
ރަމަޟާން މަހަކީ ތަފާތު މަހެކެވެ. ދީނާ ކިތަންމެ “ދުރުވެގެން އުޅޭ މީހަކުވިޔަސް އެހެން މަސްމަހާ ޚިލާފަށް އެމަސް ގާތްވަމުން އަންނަ ވަރަކަށް އާދަޔާ ޚިލާފު ޝުޢޫރުތަކެއް ހިތުތެރޭގައި ހިނގައިގަނެއެވެ. ވަށައިގެންވާ ވެށީގައާއި އެވެށީގައި ދިރިއުޅޭ މީހުންގެ ކިބައިން ފެންނަ “ރޯދަ ރޫޙުގެ” ސަބަބުންވެސް ތޯއްޗެކެވެ. ތިރީސް ދުވަހުގެ މުއްދަތަށް ދިރިއުޅުމުގެ ވައްޓަފާޅިއަށް ގެންނަށްޖެހޭ ބަދަލާމެދު ވިސްނާ ފިކުރުކުރެވެން ފަށައެވެ.  އެހެނީ އެމަހަކީ އަމިއްލަ އުޅުންތަކާއި ގުޅުންތައް މިނެލައި އެއިން ހެޔޮ ނުބައި ވަކިކޮށްލަން ލިބޭ ރަނުގެ ފުރުޞަތެކެވެ. އަޅުކަމާ ދުރުވެވޭކަމަށް ފާހަގަ ކުރެވޭނަމަ އެކަން އިޞްލާޙްކޮށްލެވިދާނެއެވެ. މިޒާޖުގައި އުނިކަމެއް ހުރިނަމަ އެސިފައެއް ބަދަލުކުރުމަށް ގަދައަޅައި މަސައްކަތްކުރެވިދާނެއެވެ. ނުބައި އެއްޗަކަށް އަޅުދާސްވެފައިވާނަމަ އެކަމާވެސް ދުރުހެލިވެވިދާނެއެވެ.

ދެ ގައުކޮޅު

ކިޔާފައިވާ ޢަދަދު: 1863
ތަރުޖަމާ: އަޙްމަދް ސަމީރު ޢަލީ
އިޓަލީ ވިލާތުގައި މާ ކުރީ ޒަމާނެއްގައި، އޭނާ ކުރަމުން އައި ވިޔަފާރި ބޮލާއަޅާފައިވާ ސައުދާގަރަކު އުޅުނެވެ. ވިޔަފާރިއަށް އައި ދަތި ދުވަސްވަރެއްގައި  ސޫދަށް ފައިސާ ދޫކުރާމީހެއްގެ އަތުން ދަރަންޏަށް ފައިސާގެ މިންވަރެއް ނަގަން މަޖުބޫރުވިއެވެ. ނަމަވެސް އެއްބަސްވެފައިވާ މުއްދަތު ޖެހޭއިރުވެސް އެ ފައިސާ ނުދެއްކޭނެކަން ޔަގީންވާތީ، ދަރަންޏަށް ފައިސާ ދޫކުރި މީހާ، ވިޔަފާރިވެރިޔާގެ ގާތަށް، ހުށަހެޅުމަކައިގެން ދުރުވެއްޖެއެވެ!

ދެކޭ ގޮތް ބަދަލުކުރުން

ކިޔާފައިވާ ޢަދަދު: 2039
ތަރުޖަމާ: އަޙްމަދް ސަމީރު ޢަލީ
އެއް ދުވަސްވަރެއްގައި ފިސާރި ބޮޑު މުއްސަންޖަކު ލޮލެއްގައި ރިހޭތީ އުޅުނެވެ. ތަނަވަސް މީހަކަށް ވާތީ މީނާ އަށް ފަރުވާ ކުރުމުގައި ސަރަހައްދުގައި ނަންހިނގާ ޑަކްޓަރުންގެ ޖަމާއަތް ޖަމާއަތުން ތަފާތު ބޭސް ހަދައިދީ އުޅުނެވެ. ނަމަވެސް ލޮލުގައި އަޅާ ގަދަ ވޭނަަށް ދާއިމީ ފަރުވާއެއް ނުލިބެއެވެ!

ޙަޔާތުގެ ދަތުރު (1)

ކިޔާފައިވާ ޢަދަދު: 1346

ޙަޔާތުގެ ދަތުރު (1)

މާޔޫސް ނުވާށެވެ.

ފަތުޙުﷲ ޞާލިޙު، ޏ. ފުވައްމުލައް
ދިރިއުޅުމުގެ ޙަޔާތުގައި ދުނިޔެ ތިމާއަށް އަބަދު އެއްކުލަވަރެއް ދައްކަމުންދާނޭ ކަމުގައި އުއްމީދުކޮށްގެން ނުވާނެއެވެ. އިންސާނުންނާއި ދޭތެރޭ އެކި ފަހަރު މެދުވެރި ވަމުންދާނީ އެކި ގޮތެވެ. ބައެއް ފަހަރު ހިތްނުތަނަވަސް ވާނޭ ފަދަ ހިތްދަތި ދަނޑިވަޅުތަކާއި ކުރިމަތިލާން ޖެހިދާނެއެވެ. އެފަދަ ކޮންމެ ވަގުތަކީ މާޔޫސްވެ، އާވާރާ ވެގެން ގޮސް ދުނިޔެމަތީން ފޫހިވެ ދިރިއުޅުން ދޫކޮށްލާން ހިތުލާން ޖެހޭފަދަ ވަގުތުތަކެއް ކަމުގައި ވެގެން ނުވާނެއެވެ. ކޮންމެ ޙާލަތަކީވެސް މިންވަރުފުޅުގައި ހުރިގޮތް ކަމުގައި ދެކެގެން މާތްﷲ ވަކީލުކޮށް ކުރިމަގު ފަހި ވުމަށް އަދައިގެން ދިމާވާ އަޑިގަނޑުތައް ކަޑައްތު ކުރުމަށް ހިންމަތްކޮށް ތިމާގެ ޙަޔާތުގެ ދަތުރާއިގެން ދާން ޖެހެނީ ކުރިއަށެވެ. ފެންނާން ހުރި ރާސްތާ ދިގުކަމުގައި ވިޔަސް އަތުވާން ހުރި މަންޒިލް ފާގަތި ވެދާނެއެވެ. އެހެން ކަމުން، އެއްގޮތަކަށްވެސް މާޔޫސް ވުމެއްނެތި ހުރަސްތައް ގިރާކުމަށް މަސައްކަތްކޮށް ޙަޔާތުގެ ލަނޑުދަނޑިތަކާއިގެން ކުރިއަށްދިއުން ހުއްޓައި ނުލާށެވެ.
 

ބިއްލޫރިތަށީގެ ބަރުދަން

ކިޔާފައިވާ ޢަދަދު: 2564

 

ފާޠިމަތު ސަރީރާ ޢަލީ ޝަރީފް

ޢާންމުކޮށް ސައިކޮލޮޖީ ކިލާސްތަކުގައި ޓީޗަރުން ކޮށް އުޅޭ ކަމެއް އޮވެއެވެ. އެއީ ބައިތަށި ފެން ދަރިވަރުންނަށް ދައްކާލާފައި ސުވާލެއް ކުރުމެވެ. އެ ސުވާލަކީ “މިއީ ދެ ބައިކުޅަ އެއް ބަޔަށް ފުރިފައި ހުރި ތަށްޓެއްހެއްޔެވެ؟ ނުވަތަ ދެ ބައިކުޅަ އެއް ބައި ހުސްވެފައި ހުރި ތަށްޓެއްހެއްޔެވެ؟” މި ސުވާލުގެ ޖަވާބު އެކި ދަރިވަރުން ދޭނީ އެކި ގޮތަށެވެ. ދެން ޓީޗަރު ބުނާނެއެވެ. “ތިޔަ ހުރިހައި ދަރިވަރުންނަށް ވެސް ތިޔަ ފެނުނީ ހަމަ އެއް ތަށްޓެކެވެ. ފެން ހުރީ އެއްވަރަކަށެވެ. އެންމެން ތިޔަ ތިބީ އެއް ތަނެއްގައެވެ. ތަށި ތިޔަ ފެނުނީ ހަމަ އެއް ވަގުތެއްގައެވެ. އެކަމަކު ޖަވާބު ކިހައި ތަފާތުހެއްޔެވެ؟ އެއީ އެއްގޮތަކަށް ވެސް ފެންތަށްޓާ ގުޅުން ހުރި ކަމެއް ނޫނެވެ. ކޮންމެ ދަރިވަރަކު ދޭ ޖަވާބު ކަނޑައަޅަނީ އެ ދަރިވަރަކު ދުނިޔޭގެ ކަންތައްތަކާ މެދު ދެކޭ ގޮތެވެ. ދުނިޔޭގެ ކަންކަމާ މެދު ހެޔޮކޮށް ދެކޭ ދަރިވަރުންނަށް ފެންނާނީ ދެ ބައިކުޅަ އެއްބަޔަށް ފުރިފައި ހުރި ތަށްޓެކެވެ. އެ ދަރިވަރުން އެ ބަލަނީ އޭގައި ހުރި ރިޒުގަށެވެ. ފެނަށެވެ. އަދި ގޯސްކޮށް ދެކޭ ދަރިވަރުންނަށް ފެންނާނީ ދެ ބައިކުޅަ އެއްބައި ހުސްވެފައި ހުރި ތަށްޓެކެވެ. އެ ދަރިވަރުން އެ ބަލަނީ އެތަށީގައި ވާ ހުސްތަނަށެވެ. އެ ތަށީގައިވާ ފެން އެ ދަރިވަރުންނަށް ނުވެސް ފެންނަ ފަދައެވެ.” 

 

އިތާމުތުގެ ތިން ދޮރާށި

ކިޔާފައިވާ ޢަދަދު: 5409
ފާޠިމަތު ސަރީރާ ޢަލީ ޝަރީފު
ކިޔަވާން އުޅުނު ދުވަސްވަރު މުދައްރިސުން ދައްކާފައި ހުރި ވާހަކަތަކުގެ ތެރެއިން ބައެއް ވާހަކަ އަޅުގަނޑު ވަރަށް ބޮޑަށް ހަނދާން ހުރެއެވެ. މި ގޮތުން، އޮސްޓްރޭލިއާގެ ކަރޓިން ޔުނިވަރސިޓީގައި “މެނެޖީރިއަލް އިފެކްޓިވްނަސް” މި މާއްދާގެ ތެރޭގައި “ކޮންފްލިކްޓް ރިޒޮލިއުޝަން” (މައްސަލަ ހައްލުކުރުން)، މި ބައި ކިޔަވައިދިން ކިލާހެއްގައި، ދަރިވަރަކު އެއް ދުވަހަކު ޕްރޮފެސަރާ ކުރި ސުވާލުގެ ޖަވާބުގައި އޭނާ ދެއްކި ވާހަކައަކީ، އެ އިރުޝާދާ އެއް ގޮތަށް ކޮންމެ ފަހަރަކު އަޅުގަނޑަށް ޢަމަލު ނުކުރެވުނުކަމުގައިވީ ނަމަވެސް، ހިތުން ފިލައިގެންދާނޭ ވާހަކައެއް ނޫނެވެ.  

މަގޭ ދަރިންނޭ.!!!

ކިޔާފައިވާ ޢަދަދު: 2265
ޙަސަން ޒަހީން
ލޯބިވާ ދަރިންނޭ! މިއީ މަޔެއްހިތުގައި ވާ ލޯތްބާއި ކުލުނުވެރިކަމުގެ ސަބަބުން އުފަންވި ޝޫއޫރުތަކެކެވެ. ހިތަށް އޮބިނޯވެގެން ބުނެދެނީއެވެ. ހިތަށް ކެތްނުވެގެން ބަންޑުންވީއެވެ. މި މަންމަގެ އުނގު، އަބަދުވެސް ތިޔަކުދިންނަށްޓަކައި ވަނީ ހުޅުވައިލެވިފައެވެ. އޯގާތެރިކަމާއެކުގައެވެ. ޙަމްދަރުދީއާއެކުގައެވެ. ކުލުނާއި ލޯތްބާ އެކުގައެވެ. މި ހިތުން ތިޔަ ކުދިންނަށް ތަފާތު ކޮށްފައެއް ނޯންނާނެއެވެ. ތަފާތެއް ފެންނާކަށްވެސް ނޯންނާއެވެ. އަދި ތަފާތެއް ނުވެސް ކުރާނަމެވެ. އެއީ މި މަންމަގެ މާޒީގައި ވެސް ކޮށްފައިވާނެ ކަމެއް ނޫނެވެ. ތަފާތު މިޒާޖުގެ ދަރިން ބަލައިބޮޑުކޮށްފީމެވެ. އެކަމަކު އެއިން ކުއްޖަކާމެދު ދުވަހަކު ވެސް ދެގޮތެއްވެފައެއް ނުވާނެއެވެ! އަޅެ ބުނެބަލާށެވެ. އެފަދަ ތަފާތެއް އަހަރެންގެ ފުށުން ފެނިފައި ވޭހެއްޔެވެ؟ 
 

އަހަރެންގެ ކާމިޔާބީގެ ބިނާ، ބިނާކުރީ އެހެންމީހުން އަހަރެންނާ ދިމާއަށް އުކި އޮށްގަލުން

ކިޔާފައިވާ ޢަދަދު: 2415
ޙަސަން ޒަހީން
ދިރުއުޅުމުގެ ޙަޔާތް ކާމިޔާބުކަމާއެކު ކުރިއަށް ގެންދިއުމަކީ ކޮންމެ މީހަކުވެސް އެދޭނެކަމެވެ. އެކަން ޙާސިލްކުރުމަށް އެކިމީހުން ގެންގުޅޭ ތިޔަރިއާ މޮޑެލް ތަފާތެވެ. ޢަލުކުރާކުރާގޮތާއި އުސޫލުތައް ތަފާތެވެ. އިސްލާމީ މަޝްހޫރު ޢިލްމުވެރިއެއްކަމަށްވާ ޑރ. ޢާއިޝް އަލްޤަރަނީ ވިދާޅުވެފައިވެއެވެ. ކާމިޔާބަކީ ހަދިޔާއެއްހެން ލިބޭނެ އެއްޗެއް ނޫނެވެ. އަދި މަސައްކަތަކާ ނުލައި ލިބޭނެ ޝަރަފެއްވެސް ނޫނެވެ. ކާމިޔާބާހަމަޔަށް ދިއުމަށްޓަކައި ގަދައަޅައި ހިތްވަރާއެކު މަސައްކަތްކުރަންޖެހެއެވެ.