ހެދުމުގައި ބާހެދި ހާއަޅަން ފަށައިފައި…..

ކިޔާފައިވާ ޢަދަދު: 1157
ޙަސަން ޒަހީން
އަޅުގަނޑުމެނަކީވެސް ޤައުމެކެވެ. ޤައުމުވަންތަ ގޮތް ހުރި ބައެކެވެ. ޤައުމިއްޔަތެއްގެ ރުކުންތައް ފުރިހަމަވާ ބައެކެވެ. ޤައުމު ކިތަންމެ ކުޑަނަމަވެސް މީސްކޮޅު ކިތަންމެ މަދުނަމަވެސް އަމިއްލަ ވަންތަކަމާއި އަމިއްލަ ދިރިއުޅުމަކަށް ބަރޯސާވާ ބައެކެވެ. އެގޮތްތައް ހިފަހައްޓަމުން އައިސްފައިވާ ބައެކެވެ. އެހެންނަމަވެސް ޒަމާނާއެކު ބަދަލުވަމުންދާ ދިރިއުޅުމުގެ ހަމަތަކުގެ ތެރެއިން އަމިއްލަ ވަންތަކަމާއި ޤައުމުގެ ޤައުމީ ވަންތަކަމަށް ފަނޑުކަމުގެ ކުލަވަރު އަރަން ފަށައިފިއެވެ. ޤައުމިއްޔަތުގެ ރުކުންތަކަކީ ކޮބައިކަން ވަކިކުރަން  ދަތިވާން ފަށައިފިއެވެ.

އުފާވެރި ހިނިތުންވުމަކުން އަނެކުންގެ ހިތްތައް ތިބާއަށް ގަނެވޭ

ކިޔާފައިވާ ޢަދަދު: 1127
ޙަސަން ޒަހީން
ރީތި ހިނިތުންވުމަކީ އެއިން އަނެކާއަށް އުފާވެރިކަމާއި ހިތްހަމަޖެހުން ގެނެސްދޭ ކަމެކެވެ. ތިމާއާ މެދު އެހެންމީހުން ދެކޭގޮތް ބަދަލުކޮށްލާ ސިފައެކެވެ. އުފާވެރި ހިނިތުންވުމަކުން އަނެކުންގެ ހިތްތައް ތިބާއަށް ގަނެވިދާނެއެވެ. އަގަކާ ނުލައެވެ. އެއިން އެމީހުންގެ ހިތްތަކަށް ނެގެސްދެވޭ ތަސައްލީއެއްގެ ބޮޑުކަމުންނެވެ. ނުތަނަވަސްކަމާއި ހާސްކަމަށް ލުޔެއް ދޭތީއެވެ. މިއީ މިއަދުގެ ދިރާސާވެރިންނާއި ޢިލްމީ ހޯދުންތެރިން އިއްތިފާޤުވާ ކަމެކެވެ. އެމީހުންގެ ހޯދުމުގެ ރަމަލުން ކަށަވަރުކޮށްފައިވާ ހަޤީޤަތެކެވެ.

މިނިވަންކަމަށް 50 އަހަރު ފުރޭ ހިނދު…

ކިޔާފައިވާ ޢަދަދު: 1550
ޙަސަން ޒަހީން
އަޅުގަނޑުމެންނާ ބައްދަލުކުރަމުން މި އަންނަނީ ތާރީޚީ ދުވަހެކެވެ. ދިވެހިންގެ ފަޚުރުވެރި މިނިވަން ދުވަހެވެ. މިނިވަންކަމާއެކު މި ޤައުމުގެ ދިދަ ވިހެރެމުންދާތާ 50 އަހަރު ފުރޭ އުފާވެރި ދުވަހެވެ. މިނިވަން ޤައުމެއްގެ ގޮތުގައި ރާއްޖެ ދެމި އޮތްތާ ބައި ޤަރުނުވީއެވެ. މިއީ މަދު ދުވަސްކޮޅެއް ނޫނެވެ. 19 ވަނަ ޤަރުނުގެ ފަހުކޮޅު އިނގިރޭސީންގެ ހިމާޔަތުގެ އެއްބަސްވުމާއެކު ސިޔާސީގޮތުން ގެއްލުނު މިނިވަންކަން ހޯދުނުތާ ބައި ޤަރުނުވީއެވެ. މިކަމުގެ ހުރިހާ ތަޢުރީފާއި ޝުކުރެއް ޙައްޤުވަނީ އަލްމަރުޙޫމް އިބްރާހީމް ނާޞިރަށެވެ. އެއީ އަޅުގަނޑުމެންގެ މިނިވަންކަމުގެ ހީރޯއެވެ. ހަމައެކަނި ސިޔާސީ މިވަންކަމެއް ނޫނެވެ. ވޯރާ ވިޔަފާރިވެރިންގެ އިޤުތިޞާދީ އަޅުވެތިކަމުން ދިވެހިން ސަލާމަތްކުރި ބާނީވެސް މެއެވެ.

މިއީ ތަންފުކެއް ބޮޑުވަރު

ކިޔާފައިވާ ޢަދަދު: 1100
ޙަސަން ޒަހީން
ރަމަޟާން މަހަކީ ތަޤުވާގެ މަހެވެ. އަޅުކަމުގެ މަހެވެ. ހެޔޮ ޢަމަލުތަކާއި ހެޔޮކަންތައްތައް ކުރުންމަތީ ދެމިތިބުމަށް ލިބިފައިވާ ނިޢުމަތުގެ މަހެެވެ. މި މަތިވެރި މައްސަރުގެ ޘަވާބާ ދަރުމަ ހޯދުމަށް މަސައްކަތްކުރުމުގައި މާތްﷲއަށް ބިރުވެތި ވާންޖެހެއެވެ. އަޅުކަން އަދާކުރުމުގައި އިޚްލާސްތެރި ވާންހެޖެއެވެ. އެހެންނަމަވެސް ބައެއް މީހުންގެ ފަރާތުން ފެންނަ މަންޒަރާ އުޅުން މުޅިން ތަފާތެވެ. އަޅުކަމުގައި ހޭދަކުރިނަމަވެސް އެފަދަ މީހުންގެ ނަފުސާއި ޙިޔާލުތައް އުޅެމުންދަނީ މުޅީން އެހެން ދުނިޔެއެއްގައެވެ. 
 

މަސައްކަތް ކުރާން ވާނީ ދިރިއުޅެމުންނެވެ.

ކިޔާފައިވާ ޢަދަދު: 1010
ތަރުޖަމާ: ފަތުޙުﷲ ޞާލިހު، ޏ. ފުވައްމުލައް
ޕާން ހަދާ ތަނެއްގައި ޑެލިވަރީ ވަޒީފާ އަދާކޮށްގެން ލިބޭ ކުޑަ މުސާރަކޮޅުން ޢާއިލާގެ ކަންތައް ހަމަޖައްސަމުން ގެންދިޔަ ބައްޕައެކެވެ. ޢާއިލާގައި ހިމެނެނީ އޭނާގެ އަންހެނުންނާއި ދެމީހުންގެ ތިން ކުދީންނެވެ. މުޅި ދުވަހު ހަތަރުދަމު މަސައްކަތުގައި އުޅުމަށްފަހު ގެއަށް އާދެވުމާއިއެކު ފެންވަރާލައިގެން ދަނީ އޭނާ ކިޔަވާންދާ ކުލާހަށެވެ. މިހާރަށްވުރެން ރަނގަޅު އާމްދަނީއެއް ލިބޭ ވަޒީފާއެއް ފަހުން ހޯދޭނޭ ކަމުގެ އުއްމީދުގައި އިތުރަށް ކިޔަވަނީއެވެ. ދިރިއުޅުމުގެ ކަންތައް މިހެން ހުންނާތީވޭ އާއިލާއާއިއެކު ހޭދަކުރާނޭ ވަގުތެއް ނުލިބެއެވެ. ރެއާއި ދުވާލު އެހައި ބުރަކޮށް މަސައްކަތްކުރަނީ ޢާއިލާގެ ކުރިމަގާއިމެދު އޭނާ ދެކެމުން އަންނަ ހުވަފެންތަކުގައި ކުލަޖެއްސުމަށެވެ. އާއިލާއަށް ޖެހޭ ބޭނުންތައް ހިނދުން ހިނދަށް ހަމަޖައްސައިދެވުމާއިއެކު ބޭނުންވާ ކޮންމެ އެއްޗެއް ބޭނުންވާ ގަޑީގައި ހޯދައިދެވުމަކީ އޭނާގެ ހުވަފެނެވެ.
 

އިސްރާފު ކުރުން، އިޖްތިމާއީ ވިސްނުމަކުން!

ކިޔާފައިވާ ޢަދަދު: 1076
އަޙްމަދް ސަމީރު ޢަލީ
 
މީގެ ތިންހަތަރު މަސްދުވަސް ކުރިން އަޅުގަނޑަށް ލިބުނު އީ މެއިލެއްގެ ސަބަބުން ކުރިން ވިސްނިފައި ނެތް ދިމާއަކަށް ފުންކޮށް ވިސްނައިލެވުނެވެ. އެ އީ މެއިލުގައި އޮތް މައިގަނޑު ޚަބަރު، މިހާރު އިންޓަނެޓުގައި އެކި ބައިބައި ބަދަލުވެފައި ހުއްޓައިވެސް އެބަ ފެނެއެވެ. އަޅުގަނޑަށް ލިބުނީ ރައްޓެއްސަކު  ކިޔާފައި އޭނާވެސް އަޅުގަނޑަށް ‘ ފޯރުކުރި’ މެއިލެކެވެ. ލިޔެފައި އޮތީ އަރަބި ބަހުންނެވެ.
 

ދުންބަޑި (1)

ކިޔާފައިވާ ޢަދަދު: 1028
ތަރުޖަމާކޮށް އެކުލަވައިލީ: އަޙްމަދު އަޖުމަލް ޙާމިދު
ރަމަޟާން މަހަކީ ތަފާތު މަހެކެވެ. ދީނާ ކިތަންމެ “ދުރުވެގެން އުޅޭ މީހަކުވިޔަސް އެހެން މަސްމަހާ ޚިލާފަށް އެމަސް ގާތްވަމުން އަންނަ ވަރަކަށް އާދަޔާ ޚިލާފު ޝުޢޫރުތަކެއް ހިތުތެރޭގައި ހިނގައިގަނެއެވެ. ވަށައިގެންވާ ވެށީގައާއި އެވެށީގައި ދިރިއުޅޭ މީހުންގެ ކިބައިން ފެންނަ “ރޯދަ ރޫޙުގެ” ސަބަބުންވެސް ތޯއްޗެކެވެ. ތިރީސް ދުވަހުގެ މުއްދަތަށް ދިރިއުޅުމުގެ ވައްޓަފާޅިއަށް ގެންނަށްޖެހޭ ބަދަލާމެދު ވިސްނާ ފިކުރުކުރެވެން ފަށައެވެ.  އެހެނީ އެމަހަކީ އަމިއްލަ އުޅުންތަކާއި ގުޅުންތައް މިނެލައި އެއިން ހެޔޮ ނުބައި ވަކިކޮށްލަން ލިބޭ ރަނުގެ ފުރުޞަތެކެވެ. އަޅުކަމާ ދުރުވެވޭކަމަށް ފާހަގަ ކުރެވޭނަމަ އެކަން އިޞްލާޙްކޮށްލެވިދާނެއެވެ. މިޒާޖުގައި އުނިކަމެއް ހުރިނަމަ އެސިފައެއް ބަދަލުކުރުމަށް ގަދައަޅައި މަސައްކަތްކުރެވިދާނެއެވެ. ނުބައި އެއްޗަކަށް އަޅުދާސްވެފައިވާނަމަ އެކަމާވެސް ދުރުހެލިވެވިދާނެއެވެ.

ދެ ގައުކޮޅު

ކިޔާފައިވާ ޢަދަދު: 1955
ތަރުޖަމާ: އަޙްމަދް ސަމީރު ޢަލީ
އިޓަލީ ވިލާތުގައި މާ ކުރީ ޒަމާނެއްގައި، އޭނާ ކުރަމުން އައި ވިޔަފާރި ބޮލާއަޅާފައިވާ ސައުދާގަރަކު އުޅުނެވެ. ވިޔަފާރިއަށް އައި ދަތި ދުވަސްވަރެއްގައި  ސޫދަށް ފައިސާ ދޫކުރާމީހެއްގެ އަތުން ދަރަންޏަށް ފައިސާގެ މިންވަރެއް ނަގަން މަޖުބޫރުވިއެވެ. ނަމަވެސް އެއްބަސްވެފައިވާ މުއްދަތު ޖެހޭއިރުވެސް އެ ފައިސާ ނުދެއްކޭނެކަން ޔަގީންވާތީ، ދަރަންޏަށް ފައިސާ ދޫކުރި މީހާ، ވިޔަފާރިވެރިޔާގެ ގާތަށް، ހުށަހެޅުމަކައިގެން ދުރުވެއްޖެއެވެ!

ދެކޭ ގޮތް ބަދަލުކުރުން

ކިޔާފައިވާ ޢަދަދު: 2092
ތަރުޖަމާ: އަޙްމަދް ސަމީރު ޢަލީ
އެއް ދުވަސްވަރެއްގައި ފިސާރި ބޮޑު މުއްސަންޖަކު ލޮލެއްގައި ރިހޭތީ އުޅުނެވެ. ތަނަވަސް މީހަކަށް ވާތީ މީނާ އަށް ފަރުވާ ކުރުމުގައި ސަރަހައްދުގައި ނަންހިނގާ ޑަކްޓަރުންގެ ޖަމާއަތް ޖަމާއަތުން ތަފާތު ބޭސް ހަދައިދީ އުޅުނެވެ. ނަމަވެސް ލޮލުގައި އަޅާ ގަދަ ވޭނަަށް ދާއިމީ ފަރުވާއެއް ނުލިބެއެވެ!

ޙަޔާތުގެ ދަތުރު (1)

ކިޔާފައިވާ ޢަދަދު: 1409

ޙަޔާތުގެ ދަތުރު (1)

މާޔޫސް ނުވާށެވެ.

ފަތުޙުﷲ ޞާލިޙު، ޏ. ފުވައްމުލައް
ދިރިއުޅުމުގެ ޙަޔާތުގައި ދުނިޔެ ތިމާއަށް އަބަދު އެއްކުލަވަރެއް ދައްކަމުންދާނޭ ކަމުގައި އުއްމީދުކޮށްގެން ނުވާނެއެވެ. އިންސާނުންނާއި ދޭތެރޭ އެކި ފަހަރު މެދުވެރި ވަމުންދާނީ އެކި ގޮތެވެ. ބައެއް ފަހަރު ހިތްނުތަނަވަސް ވާނޭ ފަދަ ހިތްދަތި ދަނޑިވަޅުތަކާއި ކުރިމަތިލާން ޖެހިދާނެއެވެ. އެފަދަ ކޮންމެ ވަގުތަކީ މާޔޫސްވެ، އާވާރާ ވެގެން ގޮސް ދުނިޔެމަތީން ފޫހިވެ ދިރިއުޅުން ދޫކޮށްލާން ހިތުލާން ޖެހޭފަދަ ވަގުތުތަކެއް ކަމުގައި ވެގެން ނުވާނެއެވެ. ކޮންމެ ޙާލަތަކީވެސް މިންވަރުފުޅުގައި ހުރިގޮތް ކަމުގައި ދެކެގެން މާތްﷲ ވަކީލުކޮށް ކުރިމަގު ފަހި ވުމަށް އަދައިގެން ދިމާވާ އަޑިގަނޑުތައް ކަޑައްތު ކުރުމަށް ހިންމަތްކޮށް ތިމާގެ ޙަޔާތުގެ ދަތުރާއިގެން ދާން ޖެހެނީ ކުރިއަށެވެ. ފެންނާން ހުރި ރާސްތާ ދިގުކަމުގައި ވިޔަސް އަތުވާން ހުރި މަންޒިލް ފާގަތި ވެދާނެއެވެ. އެހެން ކަމުން، އެއްގޮތަކަށްވެސް މާޔޫސް ވުމެއްނެތި ހުރަސްތައް ގިރާކުމަށް މަސައްކަތްކޮށް ޙަޔާތުގެ ލަނޑުދަނޑިތަކާއިގެން ކުރިއަށްދިއުން ހުއްޓައި ނުލާށެވެ.