އިންސާނީ ޙައްޤުތައް ރައްކާތެރިކުރުން، އިންސާނީ ވާޖިބެއް (4)

ކިޔާފައިވާ ޢަދަދު: 2277
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު
 
2.7 އިންސާނީ ޙައްޤުތައް ރައްކާތެރި ކުރުމަށް އެޅޭ ހުރަސްތައް
އިންސާނީ ޙައްޤުތައް ކަމުގައިވާ އެމީހަކަށް ފެންނަގޮތެއް ބުނުމުގެ ޙައްޤު، ޖަމްޢިއްޔާ ޖަމާޢަތްތައް ހެދުމާއި އެއްވެ އުޅުމުގެ މިނިވަންކަމުގެ ޙައްޤު، ދަތުރުފަތުރު ކުރުމުގެ މިނިވަންކަމުގެ ޙައްޤު، ޒާތީ އަދި ޢާއިލީ ދިރިއުޅުމުގެ ޙައްޤު، އަދި، ޒާތީ މުވާޞަލާތު ކުރުމުގެ ޙައްޤަކީ އެހެން ބައެއްގެ މިފަދަ ޙައްޤުތަކެއް ރައްކާތެރި ކުރުމުގެ ބޭނުމުގައި ޤާނޫނެއްގެ ދަށުން ކޮންމެވެސް މިންވަރަކަށް ހިފެހެއްޓިދާނެ ޙައްޤުތަކެކެވެ. މިގޮތަށް ހިފަހައްޓަނީ އަނެކުންގެ ޙައްޤުތަކާއި މިނިވަންކަން، ދައުލަތުގެ އަމަން އަމާންކަން، ޢާއްމު ޞިއްޙަތާއި ޢާއްމު އަދަބުތައް ރައްކާތެރި ކުރުމަށްޓަކައެވެ. މިފަދަ ޙައްޤުތައް ހަނިކުރުމާއި ޙައްޤުތައް ދިނުމުގައި ޢާއްމު ފަރުދެއްގެ މިނިވަންކަމާއި ޖަމާއަތުގެ މަސްލަހަތަށް ބަލައި ތިލަފަތް ހަމަވާ އުސޫލަށް ވަޒަންކުރަންވާނެއެވެ. މިއިން އެއްވެސް ޙައްޤެއްގެ އެއްވެސް މިންވަރެއް ހިފެހެއްޓޭނީ، މިނިވަން ޑިމޮކްރެޓިކް މުޖްތަމައެއްގައި މިފަދަ ޙައްޤެއް ނުވަތަ މިނިވަންކަމެއް ހިފެހެއްޓިދާނެ ކަމަށް ޤަބޫލު ކުރެވޭ މިންވަރަށެވެ.
 

އިސްލާމީ ޝަރީޢަތުގައި ދައުލަތް (9)

ކިޔާފައިވާ ޢަދަދު: 2386
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު 
(02 ޖެނުއަރީ 2015 (ހުކުރު) ދުވަހު ޝާއިޢުކުރި ބަޔާގުޅޭ)
2.8 ކީރިތި ރަސޫލާ އުއްމަތާ މަޝްވަރާ ކުރެއްވިކަން ސުންނަތުން ސާބިތުވެއެވެ.
 
ވެރިންގެ މައްޗަށް މަޝްވަރާ ލާޒިމުވާނެކަމުގެ ދަލީލަކީ ކީރިތި ރަސޫލާ صلى الله عليه وسلم  އެކަލޭގެފާނުގެ މަތިވެރިކަމާއި ޙިކްމަތެރިކަމުގެ އިތުރުން، އެކަލޭގެފާނުގެ މައްޗަށް ވަޙީ ބާވައިލެއްވޭ ބޭކަލަކު  ކަމުގައި ވީއިރުވެސް އެކަލޭގެފާނުގެ އަޞްޙާބުންނާ ނުހަނު ގިނައިން މަޝްވަރާ ކުރައްވާ ކަމުގައިވީކަމެވެ.
 

އިސްލާމީ ޝަރީޢަތުގައި ދައުލަތް (8)

ކިޔާފައިވާ ޢަދަދު: 2369
Share on FacebookTweet about this on TwitterShare on LinkedInShare on Google+Email this to someonePrint this page

ޙުސައިން ޢާމިރު

(26 ޑިސެމްބަރ 2014 (ހުކުރު) ދުވަހު ޝާއިޢުކުރި ބަޔާގުޅޭ)

2.5 ވަލީޢަހުދު އައްޔަނުކުރުން

ދައުލަތުގެ ރައީސަކީ އުއްމަތް އިޚްތިޔާރުކުރާ މީހެކޭ ބުނުމުން އެކަމަށް ބައެއް މީހުން އިޢުތިރާޟު ކޮށްފާނެއެވެ. މިފަދަ އިޢްތިރާޟު ގެންނަ މީހުންގެ ޖަވާބަކަށް ވާނީ، ފިޤުހުވެރިން ވިދާޅުވާ ގޮތުގައި ދައުލަތުގެ ވެރިކަމަށް މީހަކު އިސްވާނީ ކުރީގެ ޚަލީފާ، ފަހުން އަންނާނެ މީހަކު އިސްކުރުމުންނެވެ. އަލްމާވަރުދީ ވިދާޅުވެފައިވާ ގޮތުގައި، “އިމާމު – އެބަހީ ދައުލަތުގެ ވެރިޔާ – ދެ ގޮތަކަށް އެކަމާ ޙަވާލު ކުރެވިދާނެއެވެ. އެއް ގޮތަކީ އަހުލުލް ޙައްލު ވަލްޢަޤުދުގެ އަހުލުވެރިން ވެރިޔަކު އިޚްތިޔާރު ކުރުމެވެ. އަނެއް ގޮތަކީ އޭނާގެ ކުރިން ހުރި އިމާމު ވެރިކަންކުރާނެ މީހަކު ހޮވުމެވެ.”

އިސްލާމީ ޝަރީޢަތުގައި ދައުލަތް (7)

ކިޔާފައިވާ ޢަދަދު: 2307
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު 
(19 ޑިސެމްބަރ 2014 (ހުކުރު) ދުވަހު ޝާއިޢުކުރި ބަޔާގުޅޭ)
 
2.3 އަހްލުލް ޙައްލު ވަލްޢަޤުދު
ދައުލަތުގެ ވެރިޔަކު ހޮވުމަށް ސީދާ ވޯޓު ލައިގެން ނޫންގޮތެއްގައި އިންތިޚާބު ކުރުމަކީވެސް އިސްލާމީ ޝަރުޢުގައި ބޭނުންކުރެވިފައިވާ އުސްލޫބެކެވެ. މިކަމާ ޙަވާލުވެ ތިބޭ މީހުންނަށް ފިޤުހުވެރިން ދެއްވާފައިވާ ނަމަކީ އަލް ޙައްލު ވަލްޢަޤުދުގެ އަހްލުވެރިންނެވެ. އެހެންކަމަށްވާނަމަ މިއީ ކޮން ބައެއްހެއްޔެވެ؟ އަދި މިބައިމީހުންނާއި އުއްމަތާ ހުރި ގުޅުމަކީ ކޮބައިހެއްޔެވެ؟ އެބައިމީހުންނަށް މިފަދަ މަޤާމެއް ލިބުނީ ކިހިނެތް ހެއްޔެވެ؟ ފުރަތަމަ ސުވާލުގެ ޖަވާބަކީ، ފިޤުހުވެރިން މިބޭކަލުންނަށް ވަނީ ވަކި ސިފަތަކެއް ކަނޑައަޅުއްވާފައެވެ. އަލްމާވަރުދީ ވިދާޅުވާގޮތުގައި މިބޭކަލުންނަށް ތިން ސިފަ ޝަރުޠުވާނެއެވެ. އެއްކަމަކީ، ޢަދުލުވެރިކަމުގެ ހުރިހާ ޝަރުޠުތަކެއް ފުރިހަމަވެފައި ހުރުމެވެ. ދެވަނަ ކަމަކީ، އިމާމުކަން އޭގެ ޝަރުޠުތަކާއެކު ޙައްޤުވަނީ ކާކަށްކަން އެނގޭ ޢިލްމާއި މަޢްރިފާ މިބޭކަލުންގައި ހުންނަންވާނެއެވެ.
 

އިސްލާމީ ޝަރީޢަތުގައި ދައުލަތް (6)

ކިޔާފައިވާ ޢަދަދު: 2423
Share on FacebookTweet about this on TwitterShare on LinkedInShare on Google+Email this to someonePrint this page

 

ޙުސައިން ޢާމިރު

(12 ޑިސެމްބަރ 2014 (ހުކުރު) ދުވަހު ޝާއިޢުކުރި ބަޔާގުޅޭ)

2.2  ވެރިޔަކު ހޮވުމުގައި ސީދާވޯޓާއި ނުސީދާ ވޯޓް

އިސްލާމީ ޝަރީޢަތުގައި ވެރިޔަކު ހޮވުމުގެ ޙައްޤަކީ އުއްމަތަށް ލިބިފައިވާ ޙައްޤެކެވެ. ނަމަވެސް މިޙައްޤު ބޭނުންކުރާނީ ކިހިނެތް ކަމާމެދު ވިސްނާލަން ޖެހެއެވެ. މީގެ މާނައަކީ އުއްމަތުގެ ހުރިހާ ފަރުދުން ބައިވެރިވެގެން ސީދާގޮތެއްގައި ވޯޓްލައިގެން ހޮވާނީތޯ ނުވަތަ އުއްމަތުގެ އިތުބާރުހިފޭ ވަކިބަޔަކަށް ދީފައިވާ ޙައްޤެއްގެ ގޮތުގައި ބަލައި އެބައިމީހުން ރައީސަކު ހޮވާނީތޯއެވެ؟

އިސްލާމީ ދައުލަތުގައި ފަރުދީ ޙައްޤުތައް

ކިޔާފައިވާ ޢަދަދު: 1377
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު

1.1 މަގު ފަހިކޮށްލުން
އިސްލާމީ ދައުލަތުގައި ފަރުދެއްގެ ޝަޚުޞިއްޔަތު ވަރަށް ބޮޑަށް ފާޅުވާނެއެވެ. އެޝަޚުޞިއްޔަތު ފޮހެލައި ނައްތާލާކަށް ބޭނުމެއް ނުވާނެއެވެ. ނަމަވެސް އެ ޝަޚުޞިއްޔަތު ދަމަހައްޓައި އިޞްލާހުކުރުމަށް ބާރުއަޅާނެއެވެ. ދައުލަތެއްގެ ފަރުދުން އިސްލާޙުވުމަކީ އެދައުލަތެއްގެ ކަންކަން އިޞްލާޙުވުމެވެ. މި ސަބަބަށްޓަކައި އިސްލާމްދީން ކަނޑައަޅާ އިމުގެ ތެރޭގައި ފަރުދުންގެ ޙައްޤުތައް ފުރިހަމައަށް ލިބެންވާނެއެވެ. އެހެނީ އިސްލާމްދީން ކަނޑައަޅާ ކަންތައްތަކަކީ އިސްލާމީ ދައުލަތް ކަނޑައަޅާ ކަންތައްތަކެވެ.

އިސްލާމީ ޝަރީޢަތުގައި ދައުލަތް (4)

ކިޔާފައިވާ ޢަދަދު: 2921
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު 
(22 ނޮވެމްބަރ 2014 (ހޮނިހިރު) ދުވަހު ޝާއިޢުކުރި ބަޔާގުޅޭ)
 
9. ދާރުލްއިސްލާމް އަކީ ފިޤުހީ އިޞްތިލާޙުގައި އިސްލާމީ ދައުލަތެވެ.
ފިޤުހު ޢިލްމުވެރިން އިސްލާމީ ދައުލަތަށް ކިޔާފައިވާ ނަމަކީ دار الإسلام އެވެ. މިޢިބާރާތުގައި މިޒަމާނުގެ ޤާނޫނީ އިޞްތިލާޙުގައި ދައުލަތޭ ބުނުމުން ދޭހަވާމާނަ އެކުލެވިފައިވެއެވެ. އެއީ ދާރުލް އިސްލާމަކީ ކޮބައިކަން ކަނޑައެޅުމަށް ފިޤުހުވެރިން ދެއްވާފައިވާ ތަޢުރީފުތަކުގެ ފާޅުކަންބޮޑު މާނައަށް ބަލައިގެންނެވެ.

އިސްލާމީ ޝަރީޢަތުގައި ދައުލަތް (2)

ކިޔާފައިވާ ޢަދަދު: 2707
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު 
(06 ނޮވެމްބަރ 2014 (ބުރާސްފަތި) ދުވަހު ޝާއިޢުކުރި ބަޔާގުޅޭ)

5. ކީރިތި ރަސޫލާ ދައުލަތެއް ބިނާކުރައްވަން ފެއްޓެވުން

ޠަބީޢީގޮތުން އިސްލާމީ ޝަރީޢަތުގައި ދައުލަތެއް ޤާއިމް ކުރުން ލާޒިމް ކުރެއެވެ. އަދި އެކަމަށް އަމުރު ކުރެއެވެ. އެހެން ކަމާއެކު ސަލާމާއި ޞަލަވާތްލެއްވި ކީރިތި ރަސޫލާ މިދައުލަތް ޤާއިމް ކުރެއްވުމަށްޓަކައި މަސައްކަތް ފެއްޓެވިއެވެ. މިގޮތުން އެޅުއްވި އެންމެ ފުރަތަމަ ފިޔަވަޅަކީ ޢަޤަބާގައި ދެވަނަ ބައިޢަތު ހިއްޕެވުމެވެ. މިއީ މަދީނާއަށް ހިޖްރައަށްވަޑައިގަތުމުގެ ކުރިން ހިއްޕެވި ބައިޢަތެކެވެ.

މުފައްކިރުންގެ ފިކުރު: ދީންވެރި މުޖުތަމަޢަކަށް

ކިޔާފައިވާ ޢަދަދު: 1880
Share on FacebookTweet about this on TwitterShare on LinkedInShare on Google+Email this to someonePrint this page
އިބްރާހީމް މާހިރު 

އައްޝައިޚް މުޙައްމަދު އަލްޣަޒާލީ

“ދީނީ ފިކުރުގެ” އަހުލުވެރިންނަށް ކުރެވޭ ކުށްތަކުގެ ފައިދާނަގައި މާއްދީ ފިކުރުގެ ޖަމާޢަތްތަކުން ރައްޔިތުންގެ ހިތްތަކުން ޖާގަ ހޯދައެވެ. ޢާއްމުންގެ މައްސަލަތަކަށް އަވަސް ޙައްލުތައް ހޯދައިދިނުމަށް އެމީހުން މަސައްކަތް ކުރެތެވެ. ދީނީ ފިކުރުގެ ބައެއް މީހުން ކަންކަން ބޮޑުކޮށް އުނދަގޫ ކުރިމަތި ކުރުވައެވެ. ޢާއްމުންގެ އިޙްސާސް ދެނެގަތުމުގައި އެފަދަ މީހުންގެ ސިކުޑިތައް ކޮށްޓެވެ.
 

އިސްލާމީ ޝަރީޢަތުގައި ދައުލަތް

ކިޔާފައިވާ ޢަދަދު: 2427
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު

ފުރަތަމަ ބައި

އިސްލާމީ ޝަރީޢަތް

1. މަގުފަހިކޮށްލުން

ޝަރީޢަތަކީ ހަމައެކަނީ ދީނީ ކަންތައްތަކަށް ދޭ ދަޢުވަތެކެވެ. ދީން އަޅާލަންޖެހެނީ ރިވެތި އަޚްލާޤަށް މަގުފަހިކުރުމާއި އިންސާނާ އާއި އެއިންސާނާ ހެއްދެވި ފަރާތާ ދެމެދުގެ ގުޅުންތައް ތަންޡީމު ކުރުމާ މެދުގައެވެ. އެބަހީ އަޅުކަމާ މެދުގައެވެ. އޭގެ ފަހަތުގައި އޮންނަ، ފަރުދުންގެ ޢާއްމު ދިރިއުޅުމާއި ދައުލަތުގެ ކަންތައްތަކަށް ގޮތްކިޔުމަކީ ކޮންމެހެން ދީން އެއާ ބެހެންޖެހޭ ކަންތައްތަކެއް ނޫނެވެ. ނަމަވެސް .. މިއީ މިހެންބުނާ މީހުންނަށް މިބަސް ރައްދުކުރަންޖެހޭ ޝަރީޢަތް ކަނޑައެޅިގެން އިންކާރުކުރާ ރައުޔެކެވެ.