މެދުމިން (5)

ކިޔާފައިވާ ޢަދަދު: 949
Share on FacebookTweet about this on TwitterShare on LinkedInShare on Google+Email this to someonePrint this page
އިބްރާހީމް މާހިރު
 
13. އިސްލާމީ ބިންތައް މިނިވަންކުރުން
ޣައިރު މުސްލިމުންގެ ހިފާފައިވާ އިސްލާމީ ބިންތައް މިނިވަން ކުރުމުގެ ފަރްޟުވެރިކަމާމެދު އުއްމަތް ހޭލުންތެރި ކުރަންޖެހެއެވެ. ހިފާފައިވާ ބިންތަކުގައި އުޅޭ ޣައިރު މުސްލިމުންނާ ދެކޮޅަށް ތެދުވުމަކީ ދީނުގައި ކަނޑައަޅުއްވާފައިވާ ފަރްޟެކެވެ. އެމީހުން މުސްލިމުންގެ ބިންތަކުން ފައްސާލެވުމަށް ދާންދެނެވެ.
 

ހޮނިހިރު ދުވަހު ރޯދަ ހިފުން

ކިޔާފައިވާ ޢަދަދު: 856
Share on FacebookTweet about this on TwitterShare on LinkedInShare on Google+Email this to someonePrint this page
އިދާރާ

ތިރީގައި މިވަނީ “ޢަރަފާތު ދުވަހުގެ ރޯދަ ހޮނިހިރު ދުވަހާ ދިމާޥެއްޖެ ނަމަ….” މި މައުޟޫޢަށް އައްޝައިޚު އާދަމް ޝަމީމް ބިން އިބްރާހީމް، އޭނާގެ ބްލޮގް ގައި 4 ނޮވެމްބަރ 2011 ގައި ލިޔުއްވައިފައިވާ ލިޔުއްވުމެކެވެ. މުހިއްމު ޙުކުމެއް ބަޔާންކޮށްދެއްވައިފައިވާ ލިޔުމަކަށް ވާތީ މި ސައިޓްގެ އަހުލުވެރީންނަށް މި ލިޔުން ހަދިޔާކޮށްލާހިތްވީ އެވެ. ޝާއިޢުކޮށްފައި މިވަނީ އެއްވެސް އުނި އިތުރެއް ގެނައުމަކާ ނުލައެވެ.

ޤުރުއާނުގެ ހިޔަލުގައި (8)

ކިޔާފައިވާ ޢަދަދު: 2325
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު
ސަލާމާއި ޞަލަވާތްލެއްވި ކީރިތި ރަސޫލާއަކީ ލިޔަން ކިޔަން ދެނެވަޑައި ނުގަންނަވާ އުއްމިއްޔަ ނަބީއެކެވެ. އެހެން ކަމުން ކީރިތި ރަސޫލާގެ ބަސްފުޅުތަކުގައި ކަނޑައެޅިގެން އެއް އުސްލޫބާއި އަނެއް އުސްލޫބު ތަފާތުކުރެވޭ ތިން ވައްތަރެއްގެ ބަސްމޮށުންތެރިކަން ހުރެދާނެހެއްޔެވެ؟ މިދެންނެވީ ޤުރުއާނުގެ އުސްލޫބު (ބަސްމަގު) ހުންނަގޮތާއި، ޤުދުސީ ޙަދީސްގެ އުސްލޫބު (ބަސްމަގު) ހުންނަގޮތާއި، ކީރިތި ނަބިއްޔާގެ ނަބަވީ ޙަދީސްފުޅުތަކުގެ އުސްލޫބު (ބަސްމަގު) ހުންނަގޮތުގެ ވާހަކައެވެ. 
 

ޤުރުއާނުގެ ހިޔަލުގައި (7)

ކިޔާފައިވާ ޢަދަދު: 2343
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު
ޤުރުއާނުގެ އެހެން މުޢުޖިޒާއަކަށް ބަލައިލަމާތޯއެވެ؟ އެއީ ﷲ ގެ ރަސޫލެއްގެ ގޮތުގައި މުޙައްމަދު ބިން ޢަބްދުﷲ އިޚްތިޔާރު ކުރެއްވުމާއި އެ ރިސާލަތަށް އެކަލޭގެފާނު ތައްޔާރުކުރެއްވުމެވެ. ކީރިތި ރަސޫލާގެ ޙަޔާތްޕުޅަށް އަހަރެމެން ބަލައިފިނަމަ ފެންނާނީ އެކަލާނގެ އިޚްތިޔާރު ކުރައްވާފައިވަނީ ލިޔަން ކިޔަން އެނގިވަޑައި ނުގަންނަވާ އުއްމިއްޔަ ނަބީއެއްކަމެވެ. ނަމަވެސް އެކަލޭގެފާނުގެ ރިސާލަތުގެ ތެދުކަން ދައްކައިދޭ ހުރިހާ ސިފަތަކެއް އެކަލޭގެފާނުގެ ފަރާތްޕުޅުންވަނީ ފާޅުވެފައެވެ. އެހެނީ ސަލާމާއި ޞަލަވާތްލެއްވި ކީރިތި ރަސޫލާއަކީ އެޒަމާނުގެ މަޝްހޫރުކަން ލިބިފައިވާ ޤައިސް ބިން ސާޢިދާ ނުވަތަ އަކްޘަމް ބިން ޞައިފީފަދަ، ޅެމެއް ނުވަތަ ނަޘްރެއް އަދި މިއިން އެއްވެސް ފަންނެއްގައި ކުރިއަރާފައިވާ ބޭފުޅެއްނޫނެވެ. ބަލާޣާތްތެރިކަމުން ކީރިތި ރަސޫލާއަށް ލިބިވަޑައިގެންފައިވަނީ އާދައިގެމިންވަރެކެވެ.
 

އިސްލާމްދީނަކީ މެދުމިނުގެ ދީންކަން ދެނެގަތުމަށްޓަކައި.. (2)

ކިޔާފައިވާ ޢަދަދު: 1724
Share on FacebookTweet about this on TwitterShare on LinkedInShare on Google+Email this to someonePrint this page
ޑރ.ޔޫސުފް އަލްޤަރަޟާވީ
ތަރުޖަމާ: އިބްރާހީމް މާހިރު
(29 ޖެނުއަރީ 2015 (ބުރާސްފަތި) ދުވަހު ޝާއިޢުކުރި ބަޔާ ގުޅޭ)
 
04. ތަކްލީފުތައް ޝަރްޢީ ހަމަތަކުން ތަރުތީބު ކުރުން
އިސްލާމްދީނުގައި ކުރުމަށް ކަނޑައަޅުއްވާފައިވާ އަޅުކަންތަކާއި އެނޫންވެސް ތަކްލީފުތައް ފަހްމުކުރަންޖެހޭނީ ދީނުގައި އެކަންކަން ކަނޑައަޅުއްވާފައިވާ ތަރުތީބުން ކަނޑައަޅާފައިވާ މިންގަނޑުތަކުގެ ތެރޭގައެވެ. އެއިން ކޮންމެ ކަމަކަށްވެސް ނައްޞުތަކުގެ އަލީގައި ދީނުގައި ކަނޑައަޅުއްވާފައިވާ މަޤާމު ދޭންވާނެއެވެ. އިސްލާމްދީނުގައި ކުރުމަށް އަމުރުކުރައްވާފައިވާ ހުރިހާ ކަމަކީ އެއް ދަރަޖައެއްގައި ކަނޑައަޅުއްވާފައިވާ ކަންކަމެއް ނޫނެވެ. އައްތައުބާ ސޫރަތުގެ 19 ވަނަ އާޔަތުގައި ވެއެވެ. “أَجَعَلْتُمْ سِقَايَةَ الْحَاجِّ وَعِمَارَةَ الْمَسْجِدِ الْحَرَامِ كَمَنْ آَمَنَ بِاللَّهِ وَالْيَوْمِ الْآَخِرِ وَجَاهَدَ فِي سَبِيلِ اللَّهِ لَا يَسْتَوُونَ عِنْدَ اللَّهِ” މާނައަކީ: “ޙައްޖުވެރިންނަށް ބޯފެންދީ، ޙުރުމަތްތެރިވެގެންވާ މިސްކިތް ފަޅުފިލުވައި ބަލަހައްޓައި އުޅޭމީހަކާއި، ﷲ އާއި އާޚިރަތްދުވަހަށް އީމާންވެ، ﷲގެ މަގުގައި ޖިހާދުކޮށް އުޅޭ މީހަކާ ދެމީހުން އެއްފަދަކަމަށް ތިޔަބައިމީހުން ހަދަނީހެއްޔެވެ؟ ﷲ ގެ ޙަޟްރަތުގައި އެދެބައިމީހުން ހަމަހަމައެއް ނުވާނެތެވެ” ދީނުގައި ހުރިހާކަމެއް ހުރީ އެއް ދަރަޖައެއްގައި ނޫންކަން މިއާޔަތުން ވެސް އެނގެއެވެ. އިސްކުރަންޖެހޭ ކަންކަމާއި، ފަސްކުރަންޖެހޭ ކަންކަން ދީނުގައި ހުރެއެވެ. ބޮޑެތި ކަންކަމާއި ކުދިކަންކަން ދީނުގައި ހުރެއެވެ.

ޤުރުއާނުގެ ހިޔަލުގައި (5)

ކިޔާފައިވާ ޢަދަދު: 2421
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު
އަހަރެމެން ޤުރުއާން ދެނެގަންނަން ބޭނުންނަމަ އިންސާނުން މިންއަޅައި މިނެކިރާ މިންތަކުން ބޭރަށް ނުކުންނަން ޖެހެއެވެ. އަހަރެމެން ދިގުމިން ބަލާ ފަތިގަނޑާއި ބަރުދަންބަލާ ރާތަލުން ކިރައިގެން އެކަން ކުރެވޭނެގޮތެއް ނޯންނާނެއެވެ. ޤުރުއާން އުނގެނުމަށްޓަކައި ފަށަންވާނީ ޤުރުއާނުގެ ފެށުމުންނެވެ. އެއީ بسم الله الرحمن الرحيم ، ސޫރަތުލް ފާތިޙާ އިން ފަށައިގެން ޤުރުއާނުގެ އެންމެފަހު ސޫރަތް ކަމުގައިވާ ނާސި ސޫރަތުގެ ނިޔަލަށެވެ. އަދި ޤުރުއާން ކިޔަވަން ފަށަންވާނީ ޝައިޠާނާގެ ވަސްވާސްތަކުން ދުރުވެ ރައްކާތެރިވުމަށް ﷲ ގެ ޙަޟްރަތުން ވާގިއެދި ތިބެގެންނެވެ. އަހަރެމެން ޤުރުއާން ކިޔަވަން ފަށާއިރު أعوذ ކިޔަނީ މި ސަބަބަށްޓަކައެވެ.

އިސްލާމްދީނަކީ މެދުމިނުގެ ދީންކަން ދެނެގަތުމަށްޓަކައި.. (1)

ކިޔާފައިވާ ޢަދަދު: 2098
Share on FacebookTweet about this on TwitterShare on LinkedInShare on Google+Email this to someonePrint this page
ޑރ.ޔޫސުފް އަލްޤަރަޟާވީ 
 ތަރުޖަމާ: އިބްރާހީމް މާހިރު
 
01. އިސްލާމްދީން އޭގެ ޝާމިލު މާނާގައި ދެނެގަތުން
އިސްލާމްދީން ފަހްމުކުރަންޖެހޭނީ ހުރިހާ ދާއިރާއެއް އެކުލެވޭ ޝާމިލު މާނާގައެވެ. ﷲ އެކަލާނގެ ރަސޫލާއަށް އެދީން ބާވައިލެއްވި ގޮތަށެވެ. އިސްލާމްދީނުގައި ޢަޤީދާއާއި ޝަރީޢަތް ހިމެނެއެވެ. ޢިލްމާއި ޢަމަލު ހިމެނެއެވެ. ޢިބާދާތާއި މުޢާމަލާތު ހިމެނެއެވެ. ޘަޤާފަތާއި އަޚްލާޤު ހިމެނެއެވެ. ޙައްޤާއި ބާރު ހިމެނެއެވެ. ދަޢުވަތާއި ދައުލަތް ހިމެނެއެވެ. ދީނީ ކަންކަމޭ ކިޔާ ކަންކަމާއި ދުނިޔަވީ ކަންކަންމޭ ކިޔާ ކަންކަން ހިމެނެއެވެ. ޙަޟާރަތާއި އުއްމަތް ހިމެނެއެވެ.
 

ވިޔަފާރިވެރިން ޒަކާތް ދައްކާނީ ކިހިނެއް؟

ކިޔާފައިވާ ޢަދަދު: 1819
Share on FacebookTweet about this on TwitterShare on LinkedInShare on Google+Email this to someonePrint this page
އިބްރާހިމް މާހިރު
ނަމާދާއި ރޯދަ ފަދައިން، މުދަލުގެ ޒަކާތަކީ އިސްމާލްދީނުގެ އެއް ރުކުނެވެ. ތިމާގެ ބެލުމުގެ ދަށުގައި ހުރި ނަމަވެސް މުދަލުގެ ޙަޤީޤި މިލްކުވެރި ފަރާތަކީ ކީރިތި ﷲ އެވެ. އެކަލާނގެ ވަނީ މުދަލުގައި ފަޤީރުންނަށް ޙައްޤެއް ކަނޑައަޅުއްވާފައެވެ. މުސްލިމުންގެ ފުރަތަމަ ޚަލީފާ އަބޫބަރު އައްޞިއްދީޤު ވަނީ ފަޤީރުންނަށް އެ ޙައްޤު ހޯއްދަވައި ދެއްވުމަށް ހަނގުރާމަ ކުރައްވާފައެވެ. މުޅި އިންސާނީ ތާރީޚުގައި ވެސް ފަޤީރުންގެ ޙައްޤު ހޯދުމަށް ދައުލަތަކުން ހަނގުރާމަ ކުރި ބަޔަކީ މުސްލިމުންނެވެ. މިލިޔުމުގައި ހަމައެކަނި މިވަނީ ވިޔަފާރިވެރިން ޒަކާތް ދެއްކުމުގައި ޢަމަލުކުރަންޖެހޭ ގޮތެވެ. 
 

ޤުރުއާނުގެ ހިޔަލުގައި (4)

ކިޔާފައިވާ ޢަދަދު: 3045
Share on FacebookTweet about this on TwitterShare on LinkedInShare on Google+Email this to someonePrint this page
ޙުސައިން ޢާމިރު
ޤުރުއާން ބާވައިލެއްވެމުން ދިޔަ ދުވަސްވަރު، ޤުރުއާނުގެ މޫރިތި އާޔަތްތަކުގައިވާ ކައުނީ ޙަޤީޤަތްތަކުގެ ވާހަކައަށް ކީރިތި ނަބިއްޔާ އިޝާރާތް ކުރެއްވިނަމަ، އޭރު މީސްތަކުންގެ ސިކުނޑިތައް ތަރައްޤީވެފައިވާ މިންވަރަށް ބަލާއިރު، ދީނުގެ އަސާސީ ކަންކަން ދޫކޮށްލައި، ކައުނުގެ ސިއްރުތަކާމެދު ބޭނުމެއްނެތް ޖަދަލަކާ ކުރިމަތިލައިފާނެއެވެ. އެއީ އޭރު މީސްތަކުން ތިބީ އެފަދަކަމެއް އެމީހުންގެ ސިކުނޑިތަކުން ވިސްނައި ފަހުމް ކުރެވޭވަރުގެ ޢިލްމީ ކުރިއެރުމެއްގައެއް ނޫނެވެ. ނަމަވެސް މާތް ﷲ ގެ އިރާދަފުޅުގައިވަނީ ކައުނުގައިވާ ބައެއް ޙަޤީޤަތްތައް ޢިލްމީ ކުރިއެރުމާއެކު ހާމަވެގެން ދިއުމަށެވެ.
 

ފަރަންސޭސިވިލާތުގައި ނިރުބަވެރިކަމާ ދެކޮޅުވުމުގެ ކަމާކެމީގެ އިސް ސަފުގައި ނަތަންޔާހޫ!!!

ކިޔާފައިވާ ޢަދަދު: 2674
Share on FacebookTweet about this on TwitterShare on LinkedInShare on Google+Email this to someonePrint this page
އިބްރާހީމު ރަޝީދު މޫސާ
ކޮންމެ ފަދަ ސަބަބުތަކަކާ ލައިގެން ހިންގުނު ކަމުގައި ވިޔަސް ، ދެމީހަކު ދެބަސް ނުވާނެ ފަދައިން ނިރުބަވެރިކަމަށް ދީނެއް އަދި ޢަޤީދާއެއް ނެތެވެ. އެއީ ފިކްރީ އަދި ނަސްލީ ޙައްދުފަހަނަޅައި ދިޔުމުގެ އުނގުތެރޭގައި ބޮޑުވެފައިވާ ރަން ދަރިއެކެވެ. އެއީ ހަމައެކަނި މުސްލިމުންގެ ބޮލަށް ފޫޅުކެނޑެން އޮތް ކަމެއް ނޫނެވެ. މުސްލިމުންނަށް ވުރެ މާ ގިނައިން ނަޞާރާއިންނާއި، ޔަހޫދީންނާއި، ހިންދީން ނިރުބަވެރި ޢަމަލުތައް ވަނީ ހިންގައިފައެވެ. އަދި ދަނީ ހިންގަމުން ވެސް މެއެވެ. ބައިނަލްއަޤްވާމީ ހަމްދަރްދީއާ އެކު ފަރަންސޭސި ވިލާތުގައި ނިރުބަވެރިކަމާ ދެކޮޅަށް ބޮޑު ހިނގައިލުމެއް ބޭއްވުމުން މުސްލިމުން ވެސް އެކަމާ އުފާކުރިއެވެ. އެއީ ހުޅަނގު ޤަބޫލު ނުކުރިއަސް ހައްދުފަހަނަޅައި ދިޔުމުގެ ނުރައްކާތެރިކަމާ ހިރާސް އެމީހުންނަށް ވެސް ތަޞައްވުރު ކުރެވުނީތީއެވެ. ޙަޤީޤަތަށް ބަލައި އިރު، މިހާރު  ފެތުރިފައި މިވާ ހައްދުފަހަނަޅައިދިޔުމުގެ ޙަރަކާތްތަކަކީ ހުޅަނގުގެ ބޭނުންތަކަށްޓަކައި އުފައްދައި، ބޯހިޔާވަހިކަން ދީ ، ބަލައި ބޮޑުކުރި ޙަރަކާތްތަކެކެވެ. މިހާރު އެ ޢިފްރީތު އެ އޮތީ އެމީހުންގެ ބާރުގެ ދަށުން ނުކުމެފައެވެ.