ހީނަރުވެ ފީވަމުންދާ އަވަށްޓެރިކަމުގެ ގުޅުން

ކިޔާފައިވާ ޢަދަދު: 2509

ޙަސަން ޒަހީން

ޒަމާން ބަދަލުވެއްޖެއެވެ. ތަރައްޤީއާ ކުރިއެރުން އިންސާނާ ހޯދާއިފިއެވެ. ކުޑަވަގުތު ކޮޅެއްގެ ތެރޭގައި މުޅި ދުނިޔެ ތިމާއަށް ބަލައިލެވިދާނެއެވެ. ދުނިޔޭގެ ކަންކޮޅުތަކުގައި ކަންހިގާގޮތް އޮޅުން ފިލައިދާނެއެވެ. ފަޒާގެ ވާހަކަތަކާއި ކަނޑުއަޑީގެ ވާހަކަތަކާއި ބިމުގެ އެކި ބައްރުތަކުގެ ވާހަކަތައް ބޭނުންވަގުތަކު، ބޭނުން މިންވަރަކަށް އޮޅުން ފިލުވިދާނެއެވެ. މިކަމަށްޓަކައި ބޭނުންވަނީ މަދު ސިކުންތުކޮޅެކެވެ. ހަމަޔަޤީނުންވެސް އިންސާނާ ވަނީ ޓެކްނޮލޮޖީއާއެކު އެ ޒަމާން ހޯދާފައެވެ. ޢިލްމީގޮތުންނާއި ފިކުރީގޮތުން އެހާ ހިސާބަށް އާދެވިފައެވެ. އެހެންނަމަވެސް މި ކުރިއެރުމާއެކު އިންސާނިއްޔަތުން ބައެއް ފަހަތައްވެސް ސޮއްސައިލައިފިއެވެ.

ފަރަންސޭސިވިލާތުގައި ނިރުބަވެރިކަމާ ދެކޮޅުވުމުގެ ކަމާކެމީގެ އިސް ސަފުގައި ނަތަންޔާހޫ!!!

ކިޔާފައިވާ ޢަދަދު: 2761
އިބްރާހީމު ރަޝީދު މޫސާ
ކޮންމެ ފަދަ ސަބަބުތަކަކާ ލައިގެން ހިންގުނު ކަމުގައި ވިޔަސް ، ދެމީހަކު ދެބަސް ނުވާނެ ފަދައިން ނިރުބަވެރިކަމަށް ދީނެއް އަދި ޢަޤީދާއެއް ނެތެވެ. އެއީ ފިކްރީ އަދި ނަސްލީ ޙައްދުފަހަނަޅައި ދިޔުމުގެ އުނގުތެރޭގައި ބޮޑުވެފައިވާ ރަން ދަރިއެކެވެ. އެއީ ހަމައެކަނި މުސްލިމުންގެ ބޮލަށް ފޫޅުކެނޑެން އޮތް ކަމެއް ނޫނެވެ. މުސްލިމުންނަށް ވުރެ މާ ގިނައިން ނަޞާރާއިންނާއި، ޔަހޫދީންނާއި، ހިންދީން ނިރުބަވެރި ޢަމަލުތައް ވަނީ ހިންގައިފައެވެ. އަދި ދަނީ ހިންގަމުން ވެސް މެއެވެ. ބައިނަލްއަޤްވާމީ ހަމްދަރްދީއާ އެކު ފަރަންސޭސި ވިލާތުގައި ނިރުބަވެރިކަމާ ދެކޮޅަށް ބޮޑު ހިނގައިލުމެއް ބޭއްވުމުން މުސްލިމުން ވެސް އެކަމާ އުފާކުރިއެވެ. އެއީ ހުޅަނގު ޤަބޫލު ނުކުރިއަސް ހައްދުފަހަނަޅައި ދިޔުމުގެ ނުރައްކާތެރިކަމާ ހިރާސް އެމީހުންނަށް ވެސް ތަޞައްވުރު ކުރެވުނީތީއެވެ. ޙަޤީޤަތަށް ބަލައި އިރު، މިހާރު  ފެތުރިފައި މިވާ ހައްދުފަހަނަޅައިދިޔުމުގެ ޙަރަކާތްތަކަކީ ހުޅަނގުގެ ބޭނުންތަކަށްޓަކައި އުފައްދައި، ބޯހިޔާވަހިކަން ދީ ، ބަލައި ބޮޑުކުރި ޙަރަކާތްތަކެކެވެ. މިހާރު އެ ޢިފްރީތު އެ އޮތީ އެމީހުންގެ ބާރުގެ ދަށުން ނުކުމެފައެވެ. 
 

އިސްލާމީ ޝަރީޢަތުގައި ދައުލަތް (10)

ކިޔާފައިވާ ޢަދަދު: 2495
ޙުސައިން ޢާމިރު 
 
3.2 ޒަމާނަށް ފެތޭގޮތަށް މަޝްވަރާކުރުން އިންތިޒާމުކުރުން
އިސްވެދިޔަ ނުކުތާތަކުގައި ކީރިތި ރަސޫލާ ގެ ސުންނަތުގައި މަޝްވަރާ އޮތްގޮތާ ބެހޭގޮތުން ވާހަކަ ދެކެވިއްޖެއެވެ. ޖުމްލަކޮށް އެއިން އެނގެނީ އިސްލާމީ ޝަރީޢަތުގައި މަޝްވަރާކުރުމަށް ވަކި ޚާއްޞަ މަޙްދޫދު ނިޒާމެއް  ކަޑައަޅާފައި ނުވާކަމެވެ. މިއިން ދޭހަވަނީ ސުންނަތުގެ ފުރިހަމަކަމާއި މުސްތަޤްބަލުގައި ދިމާވެދާނެ ކަންކަމަށް ތަންދީފައިވާކަމެވެ. އެހެނީ ޢަމަލީގޮތުން، މަޝްވަރާ ކުރަންޖެހޭ ކަންތައްތައް ޒަމާނާއި ތަން ތަފާތުވުމުން ތަފާތުވާނެއެވެ. ވީމާ އެ ކަންތައްވަނީ އުއްމަތުގެ ޙާލާއި ބޭނުންތަކާ އެއްގޮތަށް ކުރުމަށް ދޫކުރައްވާފައެވެ.
 

އިންސާނީ ޙައްޤުތައް ރައްކާތެރިކުރުން، އިންސާނީ ވާޖިބެއް (4)

ކިޔާފައިވާ ޢަދަދު: 2335
ޙުސައިން ޢާމިރު
 
2.7 އިންސާނީ ޙައްޤުތައް ރައްކާތެރި ކުރުމަށް އެޅޭ ހުރަސްތައް
އިންސާނީ ޙައްޤުތައް ކަމުގައިވާ އެމީހަކަށް ފެންނަގޮތެއް ބުނުމުގެ ޙައްޤު، ޖަމްޢިއްޔާ ޖަމާޢަތްތައް ހެދުމާއި އެއްވެ އުޅުމުގެ މިނިވަންކަމުގެ ޙައްޤު، ދަތުރުފަތުރު ކުރުމުގެ މިނިވަންކަމުގެ ޙައްޤު، ޒާތީ އަދި ޢާއިލީ ދިރިއުޅުމުގެ ޙައްޤު، އަދި، ޒާތީ މުވާޞަލާތު ކުރުމުގެ ޙައްޤަކީ އެހެން ބައެއްގެ މިފަދަ ޙައްޤުތަކެއް ރައްކާތެރި ކުރުމުގެ ބޭނުމުގައި ޤާނޫނެއްގެ ދަށުން ކޮންމެވެސް މިންވަރަކަށް ހިފެހެއްޓިދާނެ ޙައްޤުތަކެކެވެ. މިގޮތަށް ހިފަހައްޓަނީ އަނެކުންގެ ޙައްޤުތަކާއި މިނިވަންކަން، ދައުލަތުގެ އަމަން އަމާންކަން، ޢާއްމު ޞިއްޙަތާއި ޢާއްމު އަދަބުތައް ރައްކާތެރި ކުރުމަށްޓަކައެވެ. މިފަދަ ޙައްޤުތައް ހަނިކުރުމާއި ޙައްޤުތައް ދިނުމުގައި ޢާއްމު ފަރުދެއްގެ މިނިވަންކަމާއި ޖަމާއަތުގެ މަސްލަހަތަށް ބަލައި ތިލަފަތް ހަމަވާ އުސޫލަށް ވަޒަންކުރަންވާނެއެވެ. މިއިން އެއްވެސް ޙައްޤެއްގެ އެއްވެސް މިންވަރެއް ހިފެހެއްޓޭނީ، މިނިވަން ޑިމޮކްރެޓިކް މުޖްތަމައެއްގައި މިފަދަ ޙައްޤެއް ނުވަތަ މިނިވަންކަމެއް ހިފެހެއްޓިދާނެ ކަމަށް ޤަބޫލު ކުރެވޭ މިންވަރަށެވެ.
 

“އަޅުގަނޑު ދީން ބަދަލުކުރީއެއްނޫނެވެ. ޙަޤީޤަތުގައި ދީނަކީ އިސްލާމްދީނެވެ.”

ކިޔާފައިވާ ޢަދަދު: 2173
 

“އަޅުގަނޑު ދީން ބަދަލުކުރީއެއްނޫނެވެ. ޙަޤީޤަތުގައި ދީނަކީ އިސްލާމްދީނެވެ.”

—————ގުލްޒާރު އަޙްމަދު 

ޢަބްދުﷲ ފާރޫޤް ޙަސަން

ގުލްޒާރު އަޙްމަދަކީ ކުރީގެ ކްރިސްޓިއަންފާދަރެކެވެ. 27 މާޗް 2004 ގައި އޭނާވަނީ އިސްލާމްވެވަޑައިގެންފައެވެ. އޭނާ އިސްލާމްވެވަޑައިގެންނެވި ގޮތާބެހޭގޮތުން އޭނާވަނީ ވާހަކަދައްކަވައިފައެވެ. އެވާހަކަފުޅުގައި އޭނާވަނީ ކްރިސްޓިއަންދީނުގައިހުރި އުނިކަންތައްތަކާ ބެހޭގޮތުންވެސް ޢިލްމީގޮތުން އަލިއަޅުއްވައިލައްވައިފައެވެ. ތިރީގައިމިވަނީ އޭނާ ދެއްވައިފައިވާ ބަސްދީގަތުމުގެ ތަރުޖަމާއެކެވެ. 

-އެންމެ ފުރަތަމަ ކަލާގެ ކުރުތަޢާރުފެއް ދެއްވަފާނުތޯއެވެ؟ 
 

ޤުރުއާނުގެ ހިޔަލުގައި (3)

ކިޔާފައިވާ ޢަދަދު: 2750
ޙުސައިން ޢާމިރު 
 
ޤުރުއާނުގައިވާ ގޮންޖެހުން:
 
ބަހުގެ ގޮތުންނާއި ބަލާޣާތްތެރިކަމުގެ ގޮތުން ޤުރުއާން ވަނީ ޢަރަބިންނަށް ގޮންޖައްސަވައިފައެވެ. ނަމަވެސް ޤުރުއާން ބާވައިލެއްވީ އެންމެހައި މީސްތަކުންގެ މައްޗަށެވެ. ހަމައެކަނި ޢަރަބިންނަކަށް ނޫނެވެ. ވީމާ ޢަރަބިން ފިޔަވައި ދެން ތިބި މީހުންނަށް ވެސް އެމީހުން ކުރިއަރައިފައިވާ ކަންތައްތަކުގައި ޤުރުއާނަކީ ޗެލެންޖަކަށް ވާންޖެހެއެވެ. ވީމާ އެ ބާވައިލެއްވި ވަގުތު ޢަރަބިން ނޫން އެހެން މީހުންނަށް ވެސް ޤުރުއާން ވަނީ ތަޙައްދީ ކުރައްވައި ގޮންޖައްސަވައިފައެވެ.
 

އިސްލާމީ ޝަރީޢަތުގައި ދައުލަތް (9)

ކިޔާފައިވާ ޢަދަދު: 2441
ޙުސައިން ޢާމިރު 
(02 ޖެނުއަރީ 2015 (ހުކުރު) ދުވަހު ޝާއިޢުކުރި ބަޔާގުޅޭ)
2.8 ކީރިތި ރަސޫލާ އުއްމަތާ މަޝްވަރާ ކުރެއްވިކަން ސުންނަތުން ސާބިތުވެއެވެ.
 
ވެރިންގެ މައްޗަށް މަޝްވަރާ ލާޒިމުވާނެކަމުގެ ދަލީލަކީ ކީރިތި ރަސޫލާ صلى الله عليه وسلم  އެކަލޭގެފާނުގެ މަތިވެރިކަމާއި ޙިކްމަތެރިކަމުގެ އިތުރުން، އެކަލޭގެފާނުގެ މައްޗަށް ވަޙީ ބާވައިލެއްވޭ ބޭކަލަކު  ކަމުގައި ވީއިރުވެސް އެކަލޭގެފާނުގެ އަޞްޙާބުންނާ ނުހަނު ގިނައިން މަޝްވަރާ ކުރައްވާ ކަމުގައިވީކަމެވެ.
 

ޤުރުއާނުގެ ހިޔަލުގައި (2)

ކިޔާފައިވާ ޢަދަދު: 2598
ޙުސައިން ޢާމިރު
ޤުރުއާން ބާވާލެއްވި އިރު އެއިން މުޢުޖިޒާތްތަކެއް ފާޅުވާން ހުއްޓެވެ. އެ މުޢުޖިޒާތްތައް ދަލީލުކޮށް ދެނީ އެއީ ﷲ ބާވާލެއްވި ތެދުވެރި ބަސްފުޅުކަމެވެ. އަދި ސަލާމާއި ޞަލަވާތްލެއްވި ކީރިތި ރަސޫލާގެ ތެދުވެރިކަމެވެ. ޤުރުއާނުގެ އެންމެ ފުރަތަމަ މުޢުޖިޒާއަކީ އެއީ ﷲ ގެ ބަސްފުޅު ކަމުގައި ވީކަމެވެ. އޭގައި އިންސާނާގެ ނަފްސު އެއަށް ލޯބިކޮށް އެއަށް ލެނބޭގޮތް ހުރުމެވެ.
 

ޤުރުއާނުގެ ހިޔަލުގައި (1)

ކިޔާފައިވާ ޢަދަދު: 3017
ޙުސައިން ޢާމިރު
ޤުރުއާނަކީ އޭގެ ދެއްވުމަށް ހުއްޓުމެއް ނުވާ، ހޯދާ ބަޔަކަށް އޭގެ ޢިލްމު އުތުރިއަރާ، ﷲ ގެ ވަޙީބަސްފުޅެވެ. ޤުރުއާނުގެ މާނައާއި ޤުރުއާނުގެ ތަފްސީރު ޢިލްމުވެރިންނަށް ވީ މިންވަރަކުން އަބަދުވެސް ލިޔަމުން އާދެއެވެ. “ޤުރުއާނުގެ ހިޔަލުގައި” މި ސުރުޚީގެ ދަށުން އަޅުގަނޑު ލިޔަން މި ފަށަނީ ފަހުގެ ތާރީޚެއްގައި އިސްލާމީ ދުނިޔެއަށް އުފަންވި އަދި މިހާރު ﷲ ގެ ރަޙްމަތަށް ދަތުރު ކުރައްވާފައިވާ މިސްރުގެ ޢިލްމުވެރިއެއް ކަމުގައިވާ ފަޟީލަތުއް ޝައިޚު މުޙައްމަދު މުތަވައްލީ އައްޝަޢުރާވީ ލިޔުއްވާފައިވާ خواطر الشعراوي މި ދިގު މުޖައްލަދުތަކުގެ މައްޗަށް ބިނާކޮށްގެން ލިޔާ ލިޔުންތަކެކެވެ. ޝަޢުރާވީއަކީ މުޅި ޢަރަބި ދުނިޔޭގައި އަދި މުޅި އިސްލާމީ ދުނިޔޭގައި ވަރަށް މަޝްހޫރު، އަދި ވަރަށް ގިނަ ފޮތްތަކެއް ލިޔުއްވާފައިވާ ޤަދަރުވެރި ޢިލްމުވެރިއެކެވެ.
 

1352 ހ. ވަނަ އަހަރު ކޮޅުނބުގެ ގޯލް އޮފީހުގައި ރަބީޢުލްއައްވަލު 12 ވަނަ ދުވަހުވީ ބޮޑު އިހުތިފާލުގައި ފަޟީލަތުއްޝައިޚް އަލްއުސްތާޛު އަލްމަރްޙޫމު ޙުސައިން ޞަލާޙުއްދީން ދެއްވި ތަޤުރީރު

ކިޔާފައިވާ ޢަދަދު: 2452
 
ތަރުޖަމާ: ޑރ. ޢަބްދުލްޣަފޫރު ޢަބްދުއްރަޙީމު ގ.މަންޒލް
ނޯޓް: ތިރީގައި އެވަނީ ފަޟީލަތުއްޝައިޚް އަލްއުސްތާޛު އަލްމަރްޙޫމު ޙުުސައިން ޞަލާޙުއްދީން،  1352ހ. ވަނަ އަހަރު ރަބީޢުުލްއައްވަލް މަހުގެ ބާރަ ވަނަ ދުވަހު ކީރިތި ރަސޫލާގެ އީދުމީލާދު ފާހަގަކުރުމުގެގޮތުން، ކޮލަމްބޯގެ ގޯލްފޭސްގައި ބޭއްވި ބޮޑު ހަފްލާއެއްގައި ޢަރަބި ބަހުން ދެއްވި ތަޤުުރީރެއްގެ ދިވެހި ތަރުޖަމާއެކެވެ. މާތްﷲ އެ މަނިކުފާނަށް ހެޔޮރަހުމަތް ލައްވައި ސުވަރުގޭގެ ދާއިމީ ނިޢުމަތް ދެއްވާށިއެވެ! އާމީން!