އައު ފެށުމެއް…!

ކިޔާފައިވާ ޢަދަދު: 2295
ލިޔުނީ: އަޙްމަދު އަޖުމަލް ޙާމިދު

ޣާރު ޘައުރަށް (ނުވަތަ ޘައުރު ފަރުބަދައިގެ ހޮހޮޅައިގެ ކައިރިއަށް) އަލުން ހިންގަވާށެވެ! ބޮޑުވާ ބިއްލޫރި ބޭނުންކޮށްގެން އެނުތަނަވަސް ދަނޑިވަޅު އަލުން ބަލައި ތަޙްލީލުކޮށް އައު ފިލާވަޅުތަކެއް ލިބިދާނެކަމުގެ އުއްމީދުގައެވެ. ނުވަތަ ކުރިން އެނގިފައިވާ ދަރުސްތަކެއް ހަނދުމަވުމުން ފައިދާކޮށްފާނެ ކަމަށެވެ.

އެއް ސަފުން ޖާގަ ނުލިބުނަސް!

ކިޔާފައިވާ ޢަދަދު: 2248
އިބްރާހީމް މާހިރު 
ޢުމަރު ބުން އަލްޚައްޠާބު ގެ ނަންފުޅު އިވުމާއެކު ކޮންމެ މުސްލިމެއްގެ ހިތަށް ވެސް ތަފާތު ހަނދާންތައް އާވެގެން ދާނެއެވެ. ސީރަތުގެ ޞަފުޙާތަކުގައި އެ ބޭކަލަކާ ބެހޭ ގޮތުން އެންމެ ޝައުޤުވެރި ވާހަކަތައް އެކުލެވޭ އެއް ޞަޙާބީއަކީ އެ ކަލޭގެފާނު ކަމަށް ވާތީއެވެ. އެ ކަލޭގެފާނު އިސްލާމްވެވަޑައިގަތުމުގެ ކުރީގެ ދިރިއުޅުއްވުމެވެ. އިސްލާމްވެވަޑައިގަތުމަށް ފަހު ކީރިތި ރަސޫލު صلى الله عليه وسلم އަށް އަދާކުރެއްވި ކިޔަމަންތެރި ކަމާއި، ޙައްޤު ބަސް ވިދާޅުވުމުގައި ފަސްޖެހިވަޑައި ނުގެންނެވި ކަމެވެ. އަބޫބަކުރުގެ ފާނުގެ ޚިލާފަތުގައި އެކަލޭގެފާނަށް ވަފާތެރިވި މިންވަރާއި ޚިލާފަތާ ހަވާލުވެ ވަޑައިގަތުމަށް ފަހު އިސްލާމްދީނަށާއި މުޅި އިންސާނިއްޔަތަށް ކޮށްދެއްވި އަގުހުރި ޚިދުމަތްތަކެވެ. ސާދާ ދިރިއުޅުއްވުމާއި އަޅުވެރިކަމެވެ. އިމާމުވެ ނަމާދު ކުރައްވަން ހުންނަވަނިކޮށް ވިހަ ޚަންޖަރެއް ހަރާލުމުން، މިޙުރާބު ތެރެއަށް ވެއްޓިވަޑައިގަތް ހަނދާންތަކެވެ.  މިތުރު ޞަޙާބީންގެ އަރިހުން ސީރަތު ޢިލްމުވެރިން ވަނީ ހަމަ ލޮލަށް ފެންނަ މަންޒަރުތަކެއް ފަދައިން އެކަންކަން ސިފަކޮށްދެއްވައިފައެވެ. 
 

އަޅުގަނޑުގެ ދަރިފުޅު މަލާލާ

ކިޔާފައިވާ ޢަދަދު: 2182

ޒިޔާއުއްދީން ޔޫސުފް ޒާއީ ދެއްވި ދަރުސެއް އަޑުއަހައިފައި

އަޙްމަދް ސަމީރު ޢަލީ


ޝުކުރުގެ ބަސްކޮޅެއް:
ފަހަކަށް އައިސް އިނގިރޭސި ބަހުން އަޅުގަނޑު ކުރާ ތަރުޖަމާގެ އަސްލު ލިޔުން ނުވަތަ ޓެޑް ޓޯކްސްގެ ދަރުސް ތަކަކީ، އަޅުގަނޑުގެ ދައްތަ ސަމީރާ ވިދާޅުވެފައި ނުވަތަ އަޑު އައްސަވައިފައި، އަޅުގަނޑަށް އީ މެއިލްގެ ޒަރީއާއިން ފޮނުއްވައިދެއްވާ ހަދިޔާއެވެ. އެކަކަށް ރީތިވާ ލިޔުމެއް އަނެކަކާއި ހިއްސާ ކުރުމުގެ ރީތި އާދައަކީ އަޅުގަނޑުމެން ދެބެންގެ އުމުރުން ދިހަ ބާރަ އަހަރު ވީންސުރެ މެދު ނުކެނޑި ހިނގަމުންދާ ކަމެކެވެ. އެދުވަސްވަރު އަޅުގަނޑުމެން ފޮތް ބަދަލު ކުރަނީ އަތުން އަތަށެވެ. އަޅުގަނޑު ރާއްޖޭން ބޭރުގައިވި ދިގު މުއްދަތުގައި ޕޯސްޓު މެދުވެރިކޮށެވެ! މިދުވަސްކޮޅު މިހާރުގެ ޒަމާނީ ފަސޭހަތަކުގެ އެހީގައެވެ.  ދައްތައަށް ރީތިވެގެން ފޮނުއްވި ލިޔުމެއް ތަރުޖަމާކޮށް ނިމި، އެ ވާހަކަ ދެންނެވުމުން ވިދާޅުވަނީ، ” ކޮއްކޮއަށް ފޮނުވަނީ އެހެންވެއެވެ! ކޮއްކޮ އަތުގައި ޖެހިއްޖެ ލިޔުމެއްގެ މީރު ރަހަ އެތައް ސަތޭކަ މީހުންނަށް ފޯރާނެތީއެވެ!” ވީމާ މި ފުރުސަތުގައި، ލިޔުންތެރިންގެ ގުޅުމުގެ ވެބްސައިޓަށް ޒިޔާރަތް ކުރައްވާ ލޮބުވެތި ކިޔުންތެރިންގެ ނަމުގައިވެސް، ދައްތަ ސަމީރާއަށް އަޅުގަނޑުގެ ހިތުގައިވާ އިޚްލާސްތެރި ޝުކުރު އަރިސް ކުރަމެވެ.

ރަށަށް ފައިސާ ފޮނުވުން: ދުނިޔޭގެ އިގްތިސޯދުގައި ވަންހަނާ ވެފައިވާ ބާރެއް

ކިޔާފައިވާ ޢަދަދު: 4037

ޑިލިޕް ރާތަވާސް ދެއްވި ދަރުސެއް އަޑު އަހާފައި

އަޙްމަދް ސަމީރު ޢަލީ
ބިދޭސީ މަސައްކަތު މީހުން، އާއިލާއަށް ފޮނުވާ ފައިސާގެ ސަބަބުން އާއިލާތަކަށާއި އެމީހުންގެ ރަށްރަށަށް އަންނަ އިޖްތިމާއީ ބަދަލާއި އިގްތިސޯދީ ކުރިއެރުން  އެންމެ ފުރަތަމަ ދިރާސާ ކުރެއްވީ ވާރލްޑުބޭންކުގެ އިގްތިސޯދީ މާހިރު Dilip Rathawas އެވެ. ކުރާނެ މަސައްކަތެއް ހޯދަން ހިޖުރަ ކުރާ މަސައްކަތްތެރިން އެމީހުންގެ އުފަން ރަށަށް ފޮނުވާ ފައިސާ އާއި ގުޅުން ހުރި ތަފާތު ކަންތައް އިގްތިސޯދީ މިންގަނޑަކުން، ވާރލްޑް ބޭންކުގައި  ދިރާސާ ކުރައްވާ އެންމެ އިސް ބޭފުޅަކީވެސް އިންޑީޔާއަށް އުފަން ޑިލިޕް ރާތަވާސެވެ.

[އަހަރެންގެ ލޯތްބާއި ހިތްވަރުގެ ބަސްތައް ކޮބައިހެއްޔެވެ؟]

ކިޔާފައިވާ ޢަދަދު: 2196
ތަރުޖަމާކޮށް އެކުލަވައިލީ: އަޙްމަދު އަޖުމަލް ޙާމިދު

ހަސްފަތާލަށް ވަދެގެން އައިއިރު މީސްމީހުން ހޭލަމޭލަވެ އުޅޭ އަޑުފަށްގަނޑު، އަހަރެން ކުރަމުން ދިޔަ ފިކުރުތަކާ އަހަރެން ދުރަށްގެންދިޔައެވެ. ކުޑަކޮށް ހިތްހަމަޖެހުނެވެ. ގޭތެރޭގައި ހިނގަމުންދިޔަ ކަންކަމާމެދު އަހަރެންހުރީ ބޯހާސްވެ ނުތަނަވަސްވެފައެވެ. އަހަރެންގެ ފިރިހެން ދަރިފުޅު އެރިކް އިސްކޫލުން ގެނައި ދަށް ރިޕޯޓުގެ ސަބަބުންނެވެ. އަންހެން ދަރިފުޅު ޝެނޮން ލައިސަންސް ހޯދަން ކުރުނުކޮށް ކިޔާތީ އެކަމާމެދު ދެމައިންވެގެން ކުރި ޒުވާބާ ހެދިއެވެ. ކުރިއަށް އޮތް އަށް ގަޑިއިރު ތެރޭ އަހަރެން ބޭނުންވީ އަހަރެންގެ ކެކުޅުންތަކަށް ވުރެ ބޮޑެތި ކަންކަމާމެދު ވިސްނަންޖެހި ފިކުރުބޮޑުވެ ހާސްވެފައިވާ މީހުންނަށް އެހީތެރިވެދޭށެވެ.

خليل އާއި ذبيح ގެ އުފާވެރި ހަނދާން

ކިޔާފައިވާ ޢަދަދު: 2215
ތަރުޖަމާކޮށް އެކުލަވައިލީ: އަޙްމަދު އަޖްމަލް ޙާމިދު

1.    ގޮވައިލެއްވި ގޮވައިލެއްވުން
އިބްރާހީމްގެފާނު ކަޢުބާ ބިނާކޮށް ނިންމެވުމުން، މީސްތަކުންނަށް ޙައްޖަށް އައުމަށް ގޮވައިލެއްވުމަށް މާތް ﷲ އެކަލޭގެފާނަށް އަމުރުކުރެއްވިއެވެ. މިއަމުރުފުޅާމެދު އެކަލޭގެފާނުގެ ހިތްޕުޅުގައި ސުވާލު އުފެދުނެވެ. އެކަލޭގެފާނު ދެންނެވިއެވެ. “ޔާ ﷲ އެވެ. މިއަޅާގެ އަޑު އެހުރިހާ އެންމެންނަށް ފޯރާނީ ކިހިނަކުންތޯއެވެ؟” އެހިނދު މާތް ﷲ އެކަލޭގެފާނަށް އެންގެވީ އެކަލޭގެފާނުގެ ވާޖިބަކީ މީސްތަކުންނަށް ޙައްޖަށް އައުމަށް ގޮވާލެއްވުން ކަމަށެވެ. އެގޮވާލެއްވުން އެންމެހާ މީސްތަކުންނަށް ފޯރުކޮށްދެއްވުމަކީ އެކަލާނގެ މަސްއޫލިއްޔަތެއް ކަމަށެވެ.

ލާމަސީލު އަގުހުރި، ދިވެހި ދަރިއެއްގެ ކުރު ޙަޔާތް:

ކިޔާފައިވާ ޢަދަދު: 3818

ޝަހީދު ޑޮކްޓަރ އަފްރާޝީމް ޢަލީ

ޙަސަން ޝާކިރު މުޙައްމަދު

އަޅުގަނޑު އާންމުކޮށް ފޯނު ގެންގުޅެނީ ރިންގު ނިއްވާލައިގެންނެވެ. ނަމަވެސް ނިދަން އޮށޯންނައިރު ފޯނު ރިންގުވާގޮތަށް ބޭއްވުމަކީ، އަޅުގަނޑުގެ އާދަކޮށް ކަންތައްކުރާގޮތް ކަމުގައިވިޔަސް   2012 އޮކްޓޯބަރ 1 ވަނަ ދުވަހުގެ ރޭގެ ނިދަން އޮށޯވެވުނީ ފޯނުގެ ރިންގު ނިއްވާލައިގެންނެވެ. އެރޭ އަޅުގަނޑު ނިދަން އޮށޯތީ 12 ޖަހާކަންހާއިރެވެ. ފަތިހު އަންހެނުން ގޮވުމުންވެސް ހޭލެވޭގޮތެއް ނުވިއެވެ. އާދައިގެމަތިން އޭނާވެސް ކޮޓަރީގައި ނަމާދުކޮށްލައިގެން އޮށޯތީއެވެ. އޭރު ރާއްޖޭގެ އެތައްބަޔަކު ނުނިދާ ފުންހިތާމަތަކެއް ކުރަމުންދާކަމުގެ އިޙްސާސެއް އޭނާއަކަށްވެސް ނުވިއެވެ. މީޑިއާގެ މަޢުލޫމާތުގެތެރޭގައި އަބަދުވެސް އުޅެމުންދާ އަޅުގަނޑުމެންގެ ދޮށީ ދަރިފުޅު އޭނާގެ މަސައްކަތުގައި ޓީ.ވީ. ހުޅުވައިގެން ލެޕްޓޮޕުން ޚަބަރުތައް ދިރާސާކުރަމުން ގެންދިޔަކަމެއްވެސް ނޭނގުނެވެ.

“ޙައްޤު ހޯދަން މަސައްކަތްކުރާ މީހެއްގެ ނަޒަރުން ބަލާއިރު ކްރިސްޓިއަނިޓީ ވަނީ ނޭވާ ހޮޅިޔަށް އެޅިފައެވެ.”

ކިޔާފައިވާ ޢަދަދު: 2417

“ޙައްޤު ހޯދަން މަސައްކަތްކުރާ މީހެއްގެ ނަޒަރުން ބަލާއިރު ކްރިސްޓިއަނިޓީ ވަނީނޭވާ ހޮޅިޔަށް އެޅިފައެވެ.”

                        _______  މުޙައްމަދު އަމީން ސީ.ކޭވް

ޢަބްދުﷲ ފާރޫޤް ޙަސަން

އަޅުގަނޑުމެންގެ ލޮބުވެތި އިސްލާމީ އަޚް މުޙައްމަދު އަމީނު ސީ. ކޭވް ވަނީ އޭނާ އިސްލާމް ވެވަޑައިގެންނެވި ގޮތާ ބެހޭގޮތުން ޚާއްޞަ ބަސްދީގަތުމެއް ދެއްވައިފައެވެ. އިސްލާމީ ދުނިޔޭގެ ޤަދަރުހުރި މަޖައްލާއެއް ކަމުގައިވާ “އަލްމުސްލިމީން” އަށެވެ. ތިރީގައި މިވަނީ އެބަސްދީގަތުމުގެ ތަރުޖަމާއެވެ.
 

އަޅުގަނޑު އިސްލާމީ ޤާފިލާއާ ގުޅުނީ ކީއްވެ؟

ކިޔާފައިވާ ޢަދަދު: 2387

“އީމާންކަމުގެ ފޮނިކަމާއި މާތް ނަބިއްޔާގެ ލޯބިން އަޅުގަނޑުގެ ހިތް ފުރިގެންދިޔަ ދުވަހަކީ ވަރަށް އުފާވީ ދުވަހެކެވެ.”  – ފާޠިމާ މިކް ޑޭވިޑްސަން

 
ޢަބްދުﷲ ފާރޫޤް ޙަސަން 
ފާޠިމާ މިކް ޑޭވިޑްސަނަކީ ރިޕަބްލިކް އޮފް ޓްރިނިޑަޑް އެންޑް ޓޮބާގޯގެ ސޯޝަލް ޑިވެލޮޕމެންޓާއި ލޯކަލް ގަވަމެންޓާ ބެހޭ  މިނިސްޓްރީގެ ސްޓޭޓް މިނިސްޓަރެވެ. ރިޕަބްލިކް އޮފް ޓްރިނިޑާޑް އެންޑް ޓޮބާގޯއަކީ ކެރީބިއަން ކަނޑުގައިވާ ވެސްޓް އިންޑީޒްގެ ޤައުމުތަކުގެ ތެރެއިން ޤައުމެކެވެ. އެ ދައުލަތު އެކުލެވިގެންވަނީ ޓްރިނިޑާޑާއި ޓޮބާގޯއާއި ދެޖަޒީރާގެ މައްޗަށެވެ. ޓްރިނިޑާޑުގެ މަނައަކީ ޓްރިނިޓީ (ތިން ކަލާނގެ) ގެ ހަދިޔާއެވެ. އެ ނަމަކީ ކޮލަމްބަސް އެޖަޒީރާއަށް ދީފައިވާ ނަމެކެވެ.

މިވަނީ ކީއްބާ!!!!!!

ކިޔާފައިވާ ޢަދަދު: 3167
ލިޔުނީ: ޙަސަން ޒަހީން
ހާލަތު ބަދަލުވެއްޖެއެވެ. ދިރިއުޅުމުގެ ގޮތްފޮތް ބަދަލުވެއްޖެއެވެ. ޤަބޫލުކުރި އުސޫލުތަކާއި ހަމަތައް ފަސްދީ އޮބައިފިއެވެ. މާޒީއާއެކު އެކަމުގެ ވާހަކަތައް ފަހަތައް ސޮއްސާލައިފިއެވެ. ޤަބޫލުކުރުމާއި ނުކުރުން އޮތީ އެމީހަކަށެވެ. މިއަދު މިތިބީ ހުރިހާގޮތަކުން ބަދަލުވެފައެވެ. ފުދިފައެވެ. ދިރިއުޅުމުގެ ހަމަތަކާއި އުސޫލުތަކެވެ. ޤަބޫލުކުރި ކުރުންތަކާއި އާދަތަކެވެ. އެއްބައެއްގެ ނަޒަރުގައި މިއީ ތަރައްޤީއެވެ. އަނެއްބައެއްގެ ނަޒަރުގައި މިއީ “ރޭރު”ވުމެވެ.