މަންޒިލަކީ ކޮބާ؟

ކިޔާފައިވާ ޢަދަދު: 2668
ލިޔުނީ: ޢާއިޝަތު ނާޖީ
ފަތިހުގެ ހާ ގޮވައިލާ އަޑު އިވުމާ އެކު ލޮލަށް ވެރިވެފައިވާ ގަދަ ނިދި ފިލައިގެން ދަނީ ކުރަން ހުރި މަސައްކަތްތައް ހިތަށް އަރައިފައެވެ. ފުންމައިގެން އެނދުން ތެދުވެ މޫނު ވެސް ނުދޮވެ، ދުއްވައިގަންނަނީ ކުދިން އިސްކޫލަށް ފޮނުވުމަށްޓަކައި ވާންޖެހޭ ތައްޔާރީތައް ވުމަށެވެ. ޔުނީފޯމު އިސްތިރިކުރާށެވެ. މޭޒުމައްޗަށް ސައި ތައްޔާރު ކުރާށެވެ. އިންޓޯލު ތައްޔާރުކޮށް ދަބަހަށް އަޅާށެވެ. ފޮތްތައް ހަމަކުރާށެވެ. ކުދިވެރިންނަށް ގޮވަނީ ވެސް މިހުރިހައި ކަމެއް ކުރުމަށްފަހުގައެވެ. އެއީ އެންމެ މިނިޓެއް ވެސް އިތުރަށް ނިދަން ލިބުނިއްޔާ ކިލާހުގައި ތިބޭއިރު ފިލާވަޅަށް ސަމާލުކަން ދެވޭލެއް ބޮޑުވާނެތީ އެވެ. އެހެންކަމުން އެއްވެސް ކުއްޖަކަށް ހެނދުނު ހަޔެއް ޖެހުމުގެ ކުރިއަކުން ނުގޮވަމެވެ.

ތިޔަބޭފުޅުންގެ ރަހުމަތްތެރިންގެ ތެރޭގައި ބިލާލެއް ހިމެނޭހެއްޔެވެ؟

ކިޔާފައިވާ ޢަދަދު: 5158
އަޙްމަދް ސަމީރު ޢަލީ
މީގެ ހައެއްކަ މަސް ދުވަސް ކުރިން، އަޅުގަނޑަށް ބޮޑުބޭބެ ކިޔާ ކޮއްކޮއަކަށް ތުއްތު ބިލާލެއް ލިބިއްޖެއެވެ. ކިޔައިލާން ފަސޭހަ މި ރީތި ނަން އިވުމުން، އަޅުގަނޑުމެން މުސްލިމް ކޮންމެ މީހެއްގެ ހިތަށް ވަންނާނީ ”މުއައްޛިނުއް ރަސޫލު” ބިލާލް އިބްނު ރަބާޙެވެ. އާދެ! މަޝްހޫރު ބިލާލުގެ ފާނުގެ މާތް ނަންފުޅެވެ.

އޭރުގެ ފަތްފުށްތަކުން…. (67)

ކިޔާފައިވާ ޢަދަދު: 2428

ބޮޑާ މީހުން

عمر عيسی


ފަޟީލަތުއްޝައިޚް ޢުމަރު ޢީސާ (ރަޙިމަހުﷲ) އަކީ، ކުޅަދާނަ ޅެންވެރިއެކެވެ. މޮޅު ލިޔުންތެރިއެކެވެ. ތަރުޖަމާކުރެއްވުމުގެ ފަންނުގައި ޤާބިލު ބޭފުޅެކެވެ. އޭނާ ތަރުޖަމާ ކުރައްވާފައިވާ ވާހަކަތަކުގެތެރޭގައި މަޝްހޫރު “ކައުންޓް އޮފް ދަ މައުންޓް ކްރިސްޓޯ” އާއި “ކަލީލާ ވަދިމްނާ” އާއި “ރަތްބުރު” ފަދަ ވާހަކަތައް ހިމެނެއެވެ. އަދި އޭނާވަނީ ވަރަށްގިނަ ނޫސް، މަޖައްލާތަކަށް ގިނަ ލިޔުންތަކެއް ލިޔުއްވައިފައެވެ. ޝައިޚް ޢުމަރު ޢީސާ، ތަޢުލީމު ޙާޞިލުކުރައްވާފައިވަނީ، މިޞްރުގެ މަޝްހޫރު އަލްއަޒްހަރު ޔުނިވަރސިޓީން ނެވެ.

އިންސާނަކަށް ފުދޭނީ ކިހައި ބިމަކުން ހެއްޔެވެ؟

ކިޔާފައިވާ ޢަދަދު: 5632
ލިޔުއްވީ: ލިޔޯ ޓޮލްސްޓޯއި
ތަރުޖަމާ: އަޙްމަދް ސަމީރު ޢަލީ
1828ގައި ރަޝިޔާ އަށް އުފަން ލިއޯ ޓޮލްސްޓޯއި (Leo Tolstoy) އަކީ ރަޝިޔާގެ އެންމެ މަޝްހޫރު އަދީބުންގެ ލިސްޓުގައި ރަން ވަނައެއް ނޫނީ ހައްގުވާނޭ ބޭފުޅެއް ނޫނެވެ! ޓޮލްސްޓޯއިގެ އެންމެ މަޝްހޫރު ރިވާޔަތް ތަކުގެ ތެރޭގައި މުޅި ދުނިޔެއަށް މަޝްހޫރު ”ހަނގުރާމައާއި ސުލްހަ މަސަލަސްކަން” ”އަނާ ކަރެނީނާ” ފާހަގަ ކޮށްލަން ޖެހެއެވެ. ދިގު ވާހަކައިގެ އިތުރުން އިސްޓޭޖް  ތަމްސީލު ލިޔުއްވިއެވެ. އަދި ގިނަ އަދަދެއްގެ، ވަރަށް ރީތި ކުރުވާހަކަ ވެސް ލިޔުއްވިއެވެ. މީގެ ތެރޭގައި، އިންސާނުންގެ ކިބައިގައި ހުންނަ ނޭދެވޭ ސިފަތައް އިސްލާހު ކުރެއްވުމުގެ ގޮތުން، އަޅުގަނޑު މި ތަރުޖަމާކުރާ ވާހަކަ ފަދަ ވަރަށް ގިނަ  ވާހަކަ ހިމެނެއެވެ! ޓޮލްސްޓޯއި އަވަހާރަވީ 1910 ގައެވެ.

މި މުހިންމު ވަގުތު އަރަބި، އިސްލާމީ މަހުޖަނުން ކޮބައިހެއްޔެވެ؟

ކިޔާފައިވާ ޢަދަދު: 323

އަޙްމަދް ސަމީރު ޢަލީ
އަޅުގަނޑުމެންގެ އަވައްޓެރި ކަހަލަ މެލޭޝިޔާގެ ގައުމީ އެއަރލައިންގެ މަތިންދާބޯޓެއް ވީނުވީއެއް ނޭނގި ގެއްލިގެން، އެ ބޯޓް ފެނޭތޯ ފަނަރަވަރަކަށް ގައުމުން ކެނޑިނޭޅި ވަރަށް ބުރަ މަސައްކަތް ކުރަމުން އަންނަތާ މިހާރު ދެ ހަފުތާ ވަނީއެވެ. މި ބުރަ މަސައްކަތް ކުރެވެމުންދާ ހިނދު އަޅުގަނޑު ކުއްލިއަކަށް ހިތަށް އައީ މީގެ އަހަރުތަކެއް ކުރިން އަޅުގަނޑު ކީފޮތެއްގައި ލިޔުންތެރިޔާ ހުށަހެޅުއްވުމެކެވެ! 

ތަޢުލީމުދިނުމުގެ މައިގަނޑު މަޤުޞަދުތައް، ރައްޖޭގައި ދެވޭ ތަޢުލީމުން ޙާޞިލު ކުރެވޭބާވައެވެ!!

ކިޔާފައިވާ ޢަދަދު: 3969
ޢާއިޝަތު ނާޖީ
ޤައުމިއްޔަތު ދެކެ ލޯބިވުމާއި ދީނީ ޢަޤީދާ ވަރުގަދަވުމާއި އެއްބަޔަކު އަނެއްބަޔަކަށް ލޯތްބާއި އިޙުތިރާމް ދިނުމާއި ޤާނޫނާއި ޤަވާޢިދުތަކަށް ޙުރުމަތްތެރިކޮށް ހިތުމާއި ދުނިޔެއާއި އާޚިރަތުގެ ބާއްޖަވެރިކަން ހޯދުމަށްޓަކައި ކުރަންޖެހޭ މަސައްކަތްތައް ކުރުމަކީ އިންސާނީވަންތަކަމުގެ މައިގަނޑު ސިފަތަކެވެ. މި ސިފަތައް އަޅުގަނޑުމެންގެ ކިބައިގައި ނެތިއްޖެނަމަ މިދުނިޔެ ހަލާކުގެތެރެއަށް ވެއްޓި، ފަނާވެ، ނެތި ހިނގައިދާނެކަމީ އެއްވެސް ޝައްކެއް އޮތްކަމެއްނޫނެވެ.

އޭރުގެ ފަތްފުށްތަކުން…. (66)

ކިޔާފައިވާ ޢަދަދު: 2064

ދެމަފިރިއެއްގެ ދެބަސްވުން

އެއްބަސްވުމަކަށް ބަދަލުވީ ގޮތް

إبراهيم حلمى ديدى


އަލްފާޟިލް އިބްރާހީމް ޙިލްމީ ދީދީ (ރަޙިމަހުﷲ) އަކީ، ލިޔުއްވުމުގައި މުޅީން އަމިއްލަފުޅު ގޮތެއް ގެންގުޅުއްވި ލިޔުންތެރިއެކެވެ. 1971 ގައި ރާއްޖޭގައި ޝާއިޢު ކުރެވުނު “ކީރިތި ޤުރްއާނުގެ ދިވެހި ތަރުޖަމާ” އިން އިބްރާހީމް ޙިލްމީ ތަރުޖަމާ ކުރައްވާފައިވާ ބައި ވިދާޅުވެލެއްވުމުން އެކަނިވެސް، މިކަން ފާހަގަކުރެއްވޭނެ އެވެ.

އިބްރާހީމް ޙިލްމީ ވަނީ ރާއްޖޭގައި އެދުވަސްވަރު ނުކުތް ހުރިހައި ނޫސް، މަޖައްލާތަކަށްހެން ލިޔުއްވައިފައެވެ.

ދުނިޔެ: މިސާލެއް ނެތް ފަދަ ޕްލެނެޓެއް

ކިޔާފައިވާ ޢަދަދު: 6407

ދުނިޔެ: މިސާލެއް ނެތް ފަދަ ޕްލެނެޓެއް

ހާރޫން ޔަޙްޔާ

ތަރުޖަމާ: ޢަބްދުﷲ ނަޢީމު އިބްރާހީމް
އިންސާނަކު ދިރިދުނިޔޭގައި ހުންނަން ބޭނުން ވާ އެއްޗިއްސާ މެދު ކުޑަ އިރުކޮޅަކަށް ވިސްނާވަޑައިގެން ބައްލަވާށެވެ. އެ އެއްޗެހީގެ ތެރޭގައި ފެނާއި، އިރާއި، ވަޔާއި، ޖައްވާއި، ގަސްގަހާ ގެއްސާއި، ޖަނަވާރާ މި ނޫނަސް، އަޅުގަނޑުމެންގެ ހިތަށް ނުވެސް ގެނެވޭ ފަދަ އެއްޗިއްސާ އެކު، އެތައް އެއްޗެއް ހިމެނެ އެވެ. މި ހުރިހައި އެއްޗެއް އަޅުގަނޑުމެންގެ އެއްވެސް މަސައްކަތަކާ ނުލައި ލިބޭ ގޮތަށް ދުނިޔޭގައި ވަނީ ލައްވައިފަ އެވެ. މީގެ އިތުރަށް އަޅުގަނޑުމެން މި ހުރިހައި އެއްޗަކާއި ވަސީލަތަކަށް ތަޙްޤީޤީ ނަޒަރަކުން ބަލައިލީމާ އެނގޭ ގޮތުގައި މި ހުރިހައި ކަމެއް އޮންނަނީ އެއް ކަމެއް އަނެއް ކަމަކާ ވަރަށް ބޮޑަށް ގުޅިފައިކަން އެނގެ އެވެ. އަދި މި ހުރިހައި ކަމެއް ލައްވާފައި ވަނީ ވަރަށް ފުރިހަމަ ނިޒާމެއްގެ މަތީގައިކަން ވެސް އެނގެ އެވެ. ދުނިޔޭގައި ލައްވާފައިވާ ދިރޭ ތަކެއްޗާއި، ގަސްގަހާ ގެއްސާއި، އުޑާއި، ކަނޑުތަކާއި މި ނޫނަސް މި ފަދަ ހުރިހައި އެއްޗެއް ހައްދަވައިފައި ވަނީ އިންސާނުންނަށް އޭގެ ފައިދާ އެންމެ ފުރިހަމަ ގޮތުގައި ލިބޭނޭ ފަދަ ގޮތަކަށެވެ.

އުންމީދުކުރާނަމަ މަގެއް ފެންނާނެ

ކިޔާފައިވާ ޢަދަދު: 3759
ޙަސަން ޒަހީން
އަރުތަވެރިން އެމީހުންގެ ލަނޑުދަނޑިތައް ޙާޞިލުކުރުމަށް ކޮށްފައިވާ މަސައްކަތްތަކަކީ އަޒުމާއެކު ކުރިމަގު އުޖާލާވާނެކަމުގެ ފުރިހަމަ ޔަޤީންކަމާއެކު ކޮށްފައިވާ މަސައްކަތްތަކެއްގެ ފޮނި ނަތީޖާއެވެ. އުންމީދާއި ޖޯޝާއެކު ތިމާ ކުރަން ގަސްދުކޮށްފައިވާ ކަންތައްތައް ހާސިލްކުރުމުގެ ފުރިހަމަ ނިޔަތާއެކު ހިތުގެ އަޑިން ގަބޫލުކޮށް ދަތުރު ފެށުމުގެ މޭވާއެވެ. ތިމާގެ ހިތުގައި ކަނޑައަޅައިފައިވާ ލަނޑުދަނޑި ހާސިލްކުރުމަށް މާތްﷲ ގެ ރުޙުމް ހޯދުމަށް ނިޔަތްގަނެ ކުރި މަސައްކަތުގެ ނަތީޖާއެވެ.

ރަގަނޅު މުސްލިމު ލީޑަރެއްގެ ކިބައިގައި ހުންނަންޖެހޭ ސިފަތައް

ކިޔާފައިވާ ޢަދަދު: 3910

حسن لطفي، ރަންފަސް، ސ.ހިތަދޫ

ﷲ ސުބުހާނަހޫ ވަތަޢާލާއާއި އެކަލާނގެ މާތް ނަބިއްޔާ (ﷺ) ވަނީ އިންސާނީ ޙަޔާތުގެ ހުރިހާ ކަންކަމާ ގުޅޭގޮތުން އިންސާނިއްޔަތަށް މަގުދައްކަވައިފައެވެ. އެގޮތުން ﷲއާއި އެކަލާނގެ ނަބިއްޔާވަނީ ވެރިޔަކު ހޮވުމުގެ ކަންތައްތަކުގައި ވެސް އަޅުގަނޑުމެންނަށް މަގު ދައްކަވައިފައެވެ. ވެރިޔަކު ހޮވުމުގެ ކަންތައްތަކާ ގުޅޭ ގޮތުން ތަފާތު މީހުން ދެކޭ ގޮތް ވެސް ތަފާތުވާނެއެވެ. ބައެއް މީހުން ދެކޭ ގޮތުގައި ވެރިޔަކު ވާންޖެހޭނީ ވަރަށް ޗާލު އަދި ވަރަށް ރީތި މީހަކަށެވެ. ބައެއް މީހުން ދެކޭ ގޮތުގައި އެ މީހަކު ވާންޖެހޭނީ ވަރަށް ހީވާގި އަދި ބުއްދިވެރި މީހަކަށެވެ.