ހުޅަނގުގެ މުޖުތަމަޢުން އަންހެނުންނަށް ލިބިދޭ މިނިވަންކަން

ކިޔާފައިވާ ޢަދަދު: 4891

ޙަސަން ލުޠުފީ، ރަންފަސް، ސ.ހިތަދޫ

ފިރިހެނުންނާއި އަންހެނުންގެ ހަމަހަމަކަމަށް ވަކާލާތުކުރާ ހުޅަނގުގެ ގައުމުތަކުގައި، އެމީހުންގެ ޒަމާނީ އަޚުލާޤީ ހަމަތަކާއި އަދި ޢިލްމީ ގޮތުން ކުރިއަރާފައިވާ މިންވަރަށް ބަލާއިރު، އަދިވެސް އަންހެނުންގެ މިނިވަންކަމާއި ޙައްޤުތައް ހޯދައިދިނުމުގައި ހުޅަނގުވަނީ ފޭލިވެފައެވެ. ހުޅަނގުގެ ގައުމުތަކުގައި ދިރިއުޅޭ އަންހެނުން އެމީހުންގެ ޙައްޤުތައް ފުރިހަމައަށް ލިބިދެވޭކަމަށް ކިތަންމެ ވަރަކަށް ދަޢުވާކުރިކަމުގައި ވިޔަސް އިސްލާމް ދީނުގައި އަންހެނުންގެ މިނިވަންކަން ކަނޑައަޅައިފައިވާ ގޮތަށް އަދިވެސް އެ މީހުންނަކަށް އަންހެނުންގެ މިނިވަންކަން ބަޔާންކޮށް ދެވިފައެއްނުވެއެވެ.

ވޭނާއި ހިތާމައާއި މުޞީބާތުގެ ފަރުވާ (2)

ކިޔާފައިވާ ޢަދަދު: 3505
ފަޟީލަތުއްޝައިޚު ނަޞްރުﷲ މުޞްޠަފާ
31 މެއި 2013 (ހުކުރު) ދުވަހު ޝާއިޢުކުރެވުނު ބަޔާ ގުޅޭ
ވީމާ އެއްގޮތަކަށްވެސް ދެރަނުވާށެވެ. ގަދަކީރިތިވަންތަ މާތް ﷲ އަޅަމެން ގެއްލެނި ނުކުރައްވާނެތެވެ.

ﷲގެ ޙިކުމަތުން އެއްދޮރު ބަންދުކުރައްވައިފި ނަމަ އޭގެބަދަލުގައި އެކަލާނގެ ރަޙުމަތުން ހެޔޮވެގެންވާ އެތައް ދޮރުތަކެއް ހުޅުއްވަވާ ދެއްވައެވެ.

ބަރުގޮނު އެޅުން، ކުޑައިމީސްކުރުމާއި ފިތުނަ

ކިޔާފައިވާ ޢަދަދު: 7638
ޢަޙްމަދް ސަމީރު ޢަލީ
ދާދި މިދާކަށް ދުވަހު ސައިކަލުގައި އަޅުގަނޑު ދުއްވައިފައި ދަނިކޮށް ކުރިމަތީގައި އޮތް ޕިކަޕެއް ހުއްޓައިފިއެވެ. އިރުކޮޅަކުން އެ ޕިކަޕުގައި ގެނައި އިންޖީނެއް މަރާމާތު ކުރުމަށް ބޭލުމުގެ މަސައްކަތް ބަޔަކު ފަށައިފިއެވެ. ކަންތައް ހިނގަމުން ދާގޮތް “އެންމެ ކުރީބަރިން” އަޅުގަނޑަށް ފެންނާތީ ސައިކަލުގެ އިންޖީނު ނިވައިލައިފީމެވެ. އަޅުގަނޑުގެ ދެފަރާތުގައި ތިބި މީހުންނަށް ވެސް، ކުރިމަތީގައި އޮތް ޕިކަޕުން އެ އިންޖީނު ބާލަން އެ ބަޔަކު ކުރާ ހިތްވަރު ފެންނާތީ މަޑުމަޑުން ކެތްތެރިކަމާއެކު ތިބީއެވެ.

ވޭނާއި ހިތާމައާއި މުޞީބާތުގެ ފަރުވާ (1)

ކިޔާފައިވާ ޢަދަދު: 3720

ފަޟީލަތުއްޝައިޚު ނަޞްރުﷲ މުޞްޠަފާ

ދުނިޔެއަކީ އިންސާނާއަށްވާ އިމްތިޙާންގެ ގޯއްޗެއްކަން ދަންނާށެވެ.

މާތްވެގެންވާއަޚުންނާއި އުޚުތުންނޭއެވެ! ﷲ ޞުބުޙާނަހޫ ވަތަޢާލާ ވަނީ މީސްތަކުންގެ އެންމެހައި ކަންތައްތަކެއް ހަމަޖައްސަވައި ނިންމަވައިފައެވެ. އެބައިމީހުން ކުރާނޭ ކަންތައްތަކާއި އެބައިމީހުންގެ އަޖަލާއި ރިޒްޤާއި އެބައިމީހުންގެ ޙަޔާތުގެ އެންމެހައި ކަންތައްތައް ރާއްވަވައި  ނިންމަވައިފައެވެ.

 

ﷲގެ ރުއްސެވުން ހޯދުން

ކިޔާފައިވާ ޢަދަދު: 7668
ތަރުޖަމާ: ޢަބްދުﷲ ނަޢީމު އިބްރާހީމް
މިދުނިޔޭގައި މީސްތަކުން އުޅެން ފެނިފައި އޮންނަނީ ދެ ގޮތެކެވެ. އެއްގޮތަކީ އަމިއްލަ ނަފުސު ރުއްސަން  (Self oriented)މަސައްކަތް ކުރުމެވެ. ނުވަތަ އަމިއްލަ އެދުންތައް ފުއްދަން މަސައްކަތް ކުރުމެވެ. ދެވަނަ ގޮތަކީ ﷲ ސުބްޙާނަހޫ ވަތަޢާލާގެ ރުއްސެވުން  (God oriented)ހޯދަން އުޅުމެވެ.

އިސްލާމް ދީނުގައި ޢާއިލީ ދިރިއުޅުމަށް ދީފައިވާ މުހިންމުކަން

ކިޔާފައިވާ ޢަދަދު: 5053
އަޙްމަދު ފަހުމީ ދީދީ

1. ޢާއިލީ ގުޅުމެއް ފެށިގެން އަންނަ ގޮތް

މި މައުޟޫޢު އުފެދިފައި މި ވަނީ ޢާއިލާ އާއި ގުޅުމާ މި ދެ ބަހުންނެވެ. އެހެންވީމައި ފުރަތަމަ ޢާއިލާ މި ބަހަށް ބަލައިލާ އިރު، ބައެއް ފަހަރު ވަރަށް ފުޅާކޮށް އެ ބަހުގެ މާނަ ކުރެވެ އެވެ. އެ ގޮތުން މުޅި މުޖުތަމަޢަކީ ޢާއިލާ ކަމުގައި މާނަ ކުރެވެ އެވެ. އަދި އަނެއްބައި ފަހަރު އެއީ ދެމަފިރިންނާއި ދަރިންނާއި ކާފަ ދަރިންނާއި މާމައިންނާއި ކާފައިން ހިމެނޭ ޚާންދާނެއްގެ މާނައިގައި، ވަރަށް ފުޅާކޮށް ބޭނުން ކުރެވެ އެވެ. އަދި އަނެއްބައި ފަހަރު މި ބަހުގެ މާނަ ހަނިވެ ހަމަ އެކަނި ދެމަފިރިންނާއި ދަރިންނާ ހަމައިން ނިމެ އެވެ. 

ޤުރްއާނާއި ސައިންސް (1)

ކިޔާފައިވާ ޢަދަދު: 4765
މުޙައްމަދު ޝުޖާޢު ޢަބްދުއްރަޙީމް

ކީރިތި ޤުރްއާނުގައިވާ ޢިލްމީ މުޢުޖިޒާތްތައް

ކީރިތި ޤުރްއާނަކީ މީގެ ސާދަސަތޭކަ އެތައް އަހަރެއްގެ ކުރިން މާތްﷲ، ޖިބްރީލްގެފާނު މެދުވެރިކުރައްވައި އަހަރެމެންގެ ސާހިބާ މުޙައްމަދު ޞައްލަ ﷲ ޢަލައިހި ވަސައްލަމްގެ މައްޗަށް ބާވައިލެއްވި ﷲގެ ބަސްފުޅުތަކެވެ. ޤުރްއާން ބާވައިލެއްވުނީ 23 އަހަރު ދުވަހުގެ ތެރޭގައެވެ. މި ފޮތުގައި ފޮރުވިފައިވާ ވަރަށް ގިނަ ޢިލްމީ ޙަޤީޤަތްތަކެއް ވެއެވެ. އެ ޙަޤީޤަތްތަކަކީ އެ ޤުރްއާން ބާވައިލެއްވި ބަސް ކަމުގައިވާ ޢަރަބި ބަހުގެ އަހުލުވެރިންނަށް ވެސް އޭގެ ޙަޤީޤަތްތައް ނޭނގޭ، ޢިލްމީ ގޮތުން ކުރިއަރަމުންދާ ވަރަކަށް ފާޅުވަމުން އަންނަ ޙަޤީޤަތްތަކެކެވެ. އެ ކަންކަމަކީ ޤުރްއާނުގެ ވަރަށް ގިނަ އާޔަތްތަކުގައި، އެކަލާނގެ ހެއްދެވިހާ ތަކެއްޗަށް ވިސްނައި ފިކުރުކުރުމަށް އެންގެވުމަށްފަހު ލައްވައިފައިވާ ޙަޤީޤަތްތަކެކެވެ.

ކުޑަކުދީންނަށް ކުރާ އަނިޔާތަކާ ދެކޮޅަށް ތެދުވަމާތޯއެވެ!

ކިޔާފައިވާ ޢަދަދު: 8033
 
ޢަބްދުލްޢަޒީޒު ޖަމާލު އަބޫބަކުރު
ކުޑަކުދީންނަށް އަނިޔާ ނުވަތަ ތަފާތު ގޯނާތައް ކުރެވޭ ވާހަކައާއި އެފަދަ ކަންކަމުން ކުޑަކުދީން ރައްކާތެރިކުރުމުގެ ވާހަކައަކީ މި ފަހަކަށް އައިސް މަދު ވާހަކައެއް ނޫނެވެ. އެއީ ވަރަށް ގިނައިން އިވޭ އަޑުތަކެކެވެ. ނަމަވެސް އެކަމަށް އެކަށޭނަ ޙައްލެއް އަންނަ ކަމަކަށް ނުބެލެވެ އެވެ. ކީއްވެގެންބާވައެވެ؟

ކުޑަކުދިންނަށްޓަކައި ދެވަނަ ވިސްނުމަކަށް ދާކަށް ނުވޭތޯ އެވެ؟

ކިޔާފައިވާ ޢަދަދު: 4991
ހަސަން ޒަހީން
ދާދި މިދާކަށް ދުވަހު ނިމިގެން އެ ދިޔައީ މި އަހަރުގެ ބައިނަލްއަޤުވާމީ ކުޑަކުދިންގެ ދުވަހެވެ. ދުނިޔޭގެ ފެންވަރުގައި ފާހަގަކުރާ ކުޑަކުދިންގެ ދުވަހެކެވެ. އުފަލާއެކު ކުޑަކުދިންގެ ހަރަކާތްތައް ދުނިޔޭގެ ހަތަރު ބިތުގައި ފާހަގަކުރެވިގެން ދިޔަ ތަން ފެނުނެވެ. އަޅުގަނޑުމެންގެ މި ރާއްޖޭގައި ވެސް މެއެވެ. ކުޑަކުދިންނަށްޓަކައި އިސްކޫލުތައް ޒީނަތްތެރިކޮށް، ތަފާތު ނަންނަމުގައި ހަވީރުތައް ބޭއްވުނެވެ. ކުލަކުލައިގެ ހެދުންލައްވައި ކުދިން ޖަރީކޮށް، ނަލަހައްދައިގެން ކުޅިވަރުތައް ކުޅުނެވެ. ތަފާތު ޝިޔާރުތައް ލިޔެފައިވާ ފޮތިތަކާއި ބެނާރތައް އެތަންމިތާގައި ދެމިއެވެ. އެ ކުދިންނަށްޓަކައެވެ. އެ ކުދިން ދެކެވާ ލޯބިންނެވެ.

އޭރުގެ ފަތްފުށްތަކުން…. (28)

ކިޔާފައިވާ ޢަދަދު: 2593

 الطلاق

ވަރިކުރުމީ، ވަރިވެގަތުމީ، ވަރަށް ނޭދެވޭ، ހުތުރު ކަމެކެވެ.

فضيلة الشيخ ملم موسى مافهه كليكفان


އައްޝައިޚް މަލިމް މޫސާ މާފަތްކަލޭގެފާނު (ރަޙިމަހުﷲ) އަކީ، ދިވެހި އަދަބީ ދުނިޔޭގައި ފާހަގަކޮށްލެވޭ ލިޔުންތަކެއް ލިޔުއްވާފައިވާ ބޭފުޅެކެވެ. އޭނާ ދިވެހިބަހަށް ކުރެއްވި އެންމެބޮޑު އެއް ހަދިޔާއަކީ، “އަލްއީޤާޡު ފީ ތަޢުލީމިލް އަލްފާޡު” ގެ ނަމުގައި ލިޔުއްވި ދިވެހި-ޢަރަބި ބަސްފޮތެވެ. އޭގެ އިތުރުން “ދިވެހިބަހުގެ ރަންތަރި” ގެ ނަމުގައިވެސް ބަސްފޮތެއް ލިޔުއްވިއެވެ. އޭނާ ލިޔުއްވާފައިވާ  “ހާޖަރާގެ ހިތާމަ” އަކީ ދިވެހި އަދަބިއްޔާތުގެ ނަމޫނާއެއްގެ ގޮތުގައި ހިމެނޭ ވާހަކައެކެވެ.