ވާދޫއަށް އެރި ފުރޭތަ ސައިޒަށް ކަނޑައިލުން

ކިޔާފައިވާ ޢަދަދު: 6664
ޢަބުދުﷲ ޙިލްމީ

ނޯޓު: އަޅުގަނޑު ލިޔަމުންގެންދާ “އިސްދޫ ދަރިކޮޅުން މުޡުހިރުއްދީން ރަސްގެފާނުގެ ޢާއިލާ” ގެ ސިލްސިލާ ވިދާޅުވަމުން ގެންދަވާ ބޭފުޅުންނަށް ބޭނުންތެރި މަޢުލޫމާތްތަކެއް މި ލިޔުމުގައި ހުރުން އެކަށީގެންވެއެވެ.

ހުވަދުއަތޮޅުގެ ފޯކްލޯރއެއްގައި އެ އަތޮޅު ވާދުއަށް އެރި ފުރޭތައެއްގެ ވާހަކަ ކިޔައި އުޅެއެވެ. ބައެއް ފޮތްތަކުގައި މިވާހަކަ އަންނަނީ ކަނޑަހަލަގަލު އެދުރުކަލޭގެފާނުގެ ވާހަކައިގެތެރެއިންނެވެ. ވާދުއަށް އެރި ނަމަވެސް އެދުވަސްވަރު ފުރޭތައިގެ މައި މަރުކަޒަކަށް ވެފައި އޮތީ ކަނޑަހަލަގަލެވެ. މި ފުރޭތައެއް ދެކެ މީހުން  ޚާއްޞަކޮށް ވާދޫ ކައިރި ރަށްރަށުގެ މީހުންނާއި ރޭގަނޑު އެހިސާބުން ދަތުރުކުރާ މީހުން ގަންނާކުރައްވާ ބިރުން ފުރޭތައޭ ކިޔަން ވެސް ބިރުގަނެއެވެ. ފުރޭތައޭ ކިޔަން ބިރުން އެދުވަސްވަރު އެކަކު އަނެކަކަށް މަޑުމަޑުން ކިޔައި އުޅުނީވެސް ކަނޑަހަލަގަލު އެދުރު ކަލޭގެފާނެވެ. 

ތާރީޚީ އޮޅުން ބޮޅުން (2)

ކިޔާފައިވާ ޢަދަދު: 8937
ޢަބުދުﷲ ޙިލްމީ
(15 ޖޫން 2012 (ހުކުރު) ގުޅޭ) 
ދެއްވަދޫ ރަސްގެފާނާއި އެއްބަނޑު އެއްބައްޕަ ބޭފުޅަކު ނެތި ހަމައެކަނި އެރަސްގެފާނާއި އެއްބަނޑު ބޭފުޅުންގެ ދަރިފަސްކޮޅެއް ހިނގާފައި ވިޔަސް އެހިސާބުން އެދަރިކޮޅަށް އުނިވާނެ ތަނަކީ މީދޫ ޝަމްސުއްދީން ފަނޑިޔާރު ތަކުރުފާނުގެ ދަރިކަލުން އަލްޙާއްޖު ޢަލީ ތުއްކަލާއާއި ހަމައިން ހިނގާފައިވާ ދަރިފަސްކޮޅަކަށް އެދަރިކޮޅު ނުވުމެވެ.

ތާރީޚީ އޮޅުން ބޮޅުން

ކިޔާފައިވާ ޢަދަދު: 7279
ޢަބުދުﷲ ޙިލްމީ
އަޅުގަނޑަކީ ތާރީޚު ލިޔެ އުޅުނު މީހަކީމެއް ނޫނީމެވެ. އެކަމަށް ބޭނުންވާނޭ މަޢުލޫމާތު ހުރި މީހަކަށް ނުވުމާއެކު އެކަން ކުރެވޭނޭ މީހެއްވެސް ނޫނެވެ. ނަމަވެސް އަޅުގަނޑަށް ފެންނަން ހުރި ލިޔުންތަކާއި ކަންކަމާއި ބައެއް ބޭފުޅުން ދެއްވާ މަޢުލޫމާތުގެ މައްޗަށް ބުރަވެ ހުރެ އެއާއި އެއްގޮތަށް ލިޔާ ބައެއް ލިޔުމަކީ ތާރީޚާއި ގުޅުން ހުރި ކަންކަމެއް ކަމަށް ބައެއް ބޭފުޅުން ދެކިވަޑައިގަނެއެވެ. އަދި އެފަދަ ބައެއް ބޭފުޅުން އެކަމަކަށް މުގުރަނިވި ފާޑު ވިދާޅުވުމެއް ނެތި އޭގެ ރަނގަޅު ނުރަނގަޅު އަންގަވައި “މަގު” ދައްކަވައިވެސްމެ އެވެ. 

އިސްދޫ ދަރިކޮޅުން މުޡުހިރުއްދީން ރަސްގެފާނުގެ ޢާއިލާ (6)

ކިޔާފައިވާ ޢަދަދު: 8043
ޢަބުދުﷲ ޙިލްމީ، މަދަރުސާދޮށުގެ، ގދ.ތިނަދޫ
 (28 މެއި 2012 (ހޯމަ) ގުޅޭ)
—————————————————————– 
މިސިލްސިލާއަށް ލިބުނު އެންމެބޮޑު ކުރިއެރުމަކީ މިބައިތައް ޕްރިންޓް މީޑިއާ މެދުވެރިކޮށް ފޮތެއްގެ ސިފައިގައި ނުނެރި އިލެކްޓްރޯނިކް މީޑިއާ މެދުވެރިކޮށް ނެރުނުކަމެވެ. އެހެންވުމުން މިބައިތަކަށް ބޭނުންވާ މުހިއްމު މަޢުލޫމާތާއި އިތުރު ހޯދުންތަކުގެ ވަނަވަރުތައް ލިބެމުންދާ ވަރަކުން ދައްޗެއް ނެތި މިބައިތަކުގައި އިތުރަށް ހިމަނަމުން ގެންދެވެއެވެ. ފޮތެއްގެ ސިފައިގައި ނެރުނުނަމަ އެކަމެއް ނުވީހެވެ. 
 
މިސިލްސިލާއަށް ކޮންމެހެން ބޭނުންވާނޭ ކަމަށް ހެޔޮއެދޭ ފަރާތްތަކުންނާއި މިޢާއިލާގެ ބައެއް ފަރާތްތަކުން ކޮމެންޓާއި އަދި ފޯނުން އަންގަވަމުން ގެންދަވާ ކަންކަމުގެ ރަނގަޅު ނުރަނގަޅު ބަލައި ސައިޓުގެ އެޑްމިންއާއި ގުޅިގެން އެކަންކަން މިހާރު ފެންނަން އެހުރި މި ސިލްސިލާގެ ބައިތަކުގައި ހިމަނަމުން (އަޕްޑޭޓް ކުރަމުން) ގެންދާ ވާހަކަ މަޢުލޫމާތަށްޓަކައި ދެންނެވީމެވެ. މިސިލްސިލާގެ ބައިތަކުގައި ހުރި ދަރިފަސްކޮޅުގެ ބައެއް ވަނަވަރުތަކަކީ ދިޔަމިގިލީ ދަރިކޮޅާއި އެނޫންވެސް ބައެއް ދަރިކޮޅުތަކާއި ގުޅުންހުރި ވަނަވަރުތަކެވެ.

ޙާޖީ ބަންޑާރައިންގެ އިބުރާހީމް ފާމުލަދޭރި ކިލެގެފާނު

ކިޔާފައިވާ ޢަދަދު: 5370
ޢަލިދީދީ ވިދުވަރުގެ، ޏ. ފުވައްމުލައް
“ލިޔުންތެރިންގެ ގުޅުން” ވެބްސައިޓުގައި ދިވެހިތާރީޚާއި ޘަޤާފަތަށް ޚާއްޞަކަމެއް ދެއްވާފައިވާތީ ސައިޓުގެ ހިންގުންތެރިންނާއި ލިޔުންތެރިންނަށް ޝުކުރު ދަންނަވަމެވެ.
ޙާޖީ ބަންޑާރައިންގެ ދަރިކަލުން އިބުރާހީމް ފާމުލަދޭރި ކިލެގެފާނާއި ގުޅުން ހުރި ބައެއް ލިޔުންތައް މި ސައިޓުން ފެންނާތީވެ، އެފަދަ ބައެއް ލިޔުއްވުންތަކަށް ބޭނުންވާނޭ މަޢުލޫމާތު ހޯއްދަވައި ލިޔުންތަކުގައި އެކަންކަން މުއްސަނދިކޮށްލެއްވުމަކީ ބޭނުންތެރި ކަމެކެވެ.

ހަވަރުތިނަދޫގެ ގޮއިވެރިކަމާއި، އިބްރާހީމް ދޮށިމޭނާ ކިލެގެފާނު

ކިޔާފައިވާ ޢަދަދު: 5958

މަޑަވެލީ ޢަލީ ނަޞީރު
ދިވެހި ތާރީޚްގައި ހިނގާފައިވާ ޙާދިސާއެއް ކަމުގައިވާ “1887މ. ގައި މާލޭގެ ބޮޑުހުޅު ޖެހުމުގެ އެންމެ އިސްމީހާ އައްޑު އަތޮޅަށް އަރުވާލުމުން ފިލައިގެން ދިޔުމަށް ރޭވި ރޭވުމުގައި އެހީތެރި ވުމަށް އެއްބަސްވީ އައްޑޫ މުޙައްމަދު ދީދީއެއް ކަމާއި، އެކަމަކާއި ގުޅިގެން ހަވަރުތިނަދޫ ގޮއިވެރި ކަމެއްގެ ވާހަކަ” ބަޔަކު ލިޔެފައި ވަނިކޮށް ތަންކޮޅެއް ކުރިން ދުށީމެވެ.

ވެހުނު އިރު ނުނެގުނު ފެން

ކިޔާފައިވާ ޢަދަދު: 6297
ޢަބުދުﷲ ޙިލްމީ
ވެހުނު އިރު ފެން ނުނެގި އޮއްވައި އެމޫސުން ފަހަނަޅައި ހިނގައްޖެއެވެ. މިހާރަކު ދެން އެމޫސުމުގެ ފެނެއް ނުނެގޭނެއެވެ. ނަގަންޏާ ނެގޭނީ މިމޫސުމުގެ ފެނެވެ. އެކަމަކު މިމޫސުމުގެ ފެނަށްވުރެ އެމޫސުމުގެ ފެނުގެ ޞައްޙަކަން ބޮޑުވެފައި “ބޯން” ކަމުދެއެވެ.

ހުވަދުއަތޮޅު ގައި އެނގެން އޮތް އެންމެ ދުވަސްވީ، ވާރު ފަތްކޮޅު

ކިޔާފައިވާ ޢަދަދު: 6492

ޢަބުދުﷲ ޙިލްމީ
އަޅުގަނޑު ލިޔަމުންގެންދާ، ހުވަދުއަތޮޅާ ގުޅުންހުރި ލިޔުންތަކަށް ތާއީދުކުރައްވައި ހެޔޮއެދިވަޑައިގެން އެކަމަށް ތަރުޙީބުދެއްވުމުގެ އިތުރަށް، ދާންވީމަގު ދައްކަވައިދެއްވާ ބޭފުޅުންނަށް ޝުކުރުވެރިވަމެވެ. އޭގެ އެއް ބޭފުޅެއްގެ “ޤަލަމީ” ނަމަކީ “ޙުސޭން” އެވެ. އަޅުގަނޑު ލިޔުނު “ސިޔާސީ ސިލުވާނު” ވިދާޅުވުމަށްފަހު 28-05-2012 ގައި “ޙުސޭން” އަޅުގަނޑުގެ ސަމާލްކަމަށް ގެންނެވީ ފަތްކޮޅެއްގެ ވާހަކައެވެ.

މި ދެންނެވި “ޙުސޭނު” ލިޔުއްވައިފައި ވެއެވެ.

އިސްދޫ ދަރިކޮޅުން މުޡުހިރުއްދީން ރަސްގެފާނުގެ ޢާއިލާ (5)

ކިޔާފައިވާ ޢަދަދު: 8854
ޢަބުދުﷲ ޙިލްމީ، މަދަރުސާދޮށުގެ، ގދ.ތިނަދޫ
(28 މެއި 2012 (ހޯމަ) ގުޅޭ)

އަޅުގަނޑު ލިޔުނު “ނަސަބުގެ ޢިލްމް” މި ސުރުޚީގެ ދަށުގައި ލިޔެފައި ހުރި ކަންކަމާއި އަދި އެކަންކަން ކުރިޔަށް ގެންދިޔުމަށް ބޭނުންވާނޭ ބައެއް ކަންކަމާމެދު ހެޔޮ އެދިވަޑައިގަންނަވާ ބައެއް ބޭފުޅުން ފާޅުކުރައްވާފައިވާ ޝުޢޫރު (ކޮމެންޓް)ގައި ހުރި ކަންކަމަކީ މިފަދަ ކަންކަން ކުރިޔަށް ގެންދަން ބޭނުންވާ ފަރާތްތަކުގެ ސަމާލްކަމަށް ނުހަނު ބޭނުންތެރި ކަންކަމަށް ވާތީ މިލިޔުން ކުރިޔަށް ގެންދިޔުމުގެ ކުރިން އެޝުޢޫރަތަކަށް ބަލާލިއްޔާ ކީއްތޯއެވެ.

އިސްދޫ ދަރިކޮޅުން މުޡުހިރުއްދީން ރަސްގެފާނުގެ ޢާއިލާ (4)

ކިޔާފައިވާ ޢަދަދު: 4727

ޢަބުދުﷲ ޙިލްމީ، މަދަރުސާދޮށުގެ، ގދ.ތިނަދޫ
(14  މެއި 2012 (ހޯމަ) ގުޅޭ)ހުވަދުއަތޮޅުގައި ފުރަތަމަ “ދީދީ” ކިޔާފައިވަނީ ކޮނޑޭ ޢަލިމަނިކުފާނުގެ ދޮންދީދީ (ކޮނޑޭދީދީ) އަށެވެ. ދޮންދީދީގެ މަންމައަކީ ޙާޖީ ބަންޑާރައިންގެ ކިލެގެފާނުގެ ޢާއިޝާދީދީ އެވެ. ރާއްޖޭގައި ފުރަތަމަ ދީދީ ކިޔާފައިވާކަމަށް އެނގޭ ކީހި އިބްރާހީމްދީދީ އާއި ދޮންބީނާގޭ އާމިނާދީދީ އާއި ދެބެއިންނަކީ މިދެންނެވި ދޮންދީދީ (ކޮނޑޭދީދީ) އާއި ވަރަށްތިމާގެ ބޭފުޅުންނެވެ. ކީހި އިބްރާހީމްދީދީ އާއި ދޮންބީނާގޭ އާމިނާދީދީގެ ބައްޕައަކީ މުޡުހިރުއްދީން ރަދުންނާއި އެއްބަނޑު ޙަސަން ހޮޅި ހަކުރާމަނިކުފާނުގެ، ވީރު ޢަލީ ދޮށިމޭނާކިލެގެފާނެވެ. މަންމައަކީ އިބްރާހީމް ރަސްގެފާނުގެ، ސަންފާ ރަންދި ކަނބާފާނެވެ. (އިބްރާހީމް ރަސްގެފާނާއި މުޡުހިރުއްދީން ރަދުންގެ މަންމާފުޅާއި ދެބެންގެ ދެދަރިއެވެ.