ދިވެހިން އީދަށް ތައްޔާރުވުން

ކިޔާފައިވާ ޢަދަދު: 1790
ޢަބްދުލްޢަޒީޒު ޖަމާލު އަބޫބަކުރު
އިސްލާމްދީން ދިވެހިރާއްޖެއަށް އައުމުގެ ކުރީއްސުރެ، ރާއްޖޭގައި އީދު ފާހަގަކޮށް އުޅުނުކަން ތާރީޚީ އެކި ލިޔުންތަކުން ހާމަވެއެވެ. އެކަމަކު އެއީ އިސްލާމީ ޢީދެއް ނޫނެވެ. އެއީ ސަގާފީ ޢީދެވެ. ސަގާފީ އާ އަހަރު ފެށޭ މުނާސަބަތަކީ ވެސް ދިވެހީން ސަގާފީ އީދެއްގެ ގޮތުގައި ފާހަގަކުރަމުން އައި މުނާސަބަތެކެވެ. ރާއްޖެ އިސްލާމް ދީނަށް އެނބުރު ފަހުންވެސް މި އީދު ފާހަގަކުރަމުން އައިކަން ތާރީޚީ ލިޔުންތަކުން ފެންނާން އެބަހުއްޓެވެ. އަދި މި ނޫނަސް މިފަދަ ސަގާފީ އީދުތައް ދިވެހީން ފާހަގަކުރަމުން އައިކަން އެނގެއެވެ.

އޮގަރު ކޮއި – 2

ކިޔާފައިވާ ޢަދަދު: 1166
 

 ހިތްވަރުގަދަ އޮގަރުކޮޔާއި ވަގުކަލޭގެ

 
ޙުސައިން ޝާކިރު
 
މި ވާހަކައަކީ ވެސް އޮގަރު ކޮޔާއި ބެހޭ ގޮތުން އުމުރުގެ ކޮންމެވެސް ދުވަސްވަރެއްގައި، ވަރަށް ޅަފަތުގައި އަހާފައިވާ ވާހަކައެކެވެ. މި ވާހަކަ ކިޔައިދިން މީހެއް އިވުނުތަނެއް ދުވަސްވަރެއް ހަނދާނަކަށް ނުގެނެވެއެވެ. ފަހަރުގައި މިފަދަ ވާހަކަތަކަކީ ޢިބްރަތެއް ހާސިލު ނުވާ އެއްވެސް ޙަޤީޤަތެއްނެތް ހަމައެކަނި އަނގަމަޖާކޮށްލުމަށް ނުވަތަ މުނިފޫހިފިލުވައިލުމަށް އެކުވެރިންގެ މެދުގައި ކިޔޭ ވާހަކަތަކަކަށް ވުމަކީވެސް އެކަށީގެންވާ ކަމެކެވެ. ކަންމިހެން ހުރިނަމަވެސް، މިފަދަ ޔޯލަވާހަކަތަކަކީ ވެސް އެވާހަކައެއް ކިޔާ އުޅުނު ދުވަސްވަރެއްގެ ޙާލަތާއި ކަންހިނގާމަގާއި މީހުންގެ މެދުގައި ކަންހުރިމަގާއި ވާހަކަދެއްކުމުގެ އަދަބުސަދަބާއިގުޅޭ ކުރެހުމެއްކަމަށް ވާނެކަމަށް ދެކެމެވެ.

ވިސްނުންތެރި، އެކަމަކު ފުންމިން ނޭނގޭ ސިޔާސަތުގެ ވެރިޔާ

ކިޔާފައިވާ ޢަދަދު: 1362

ކިންގ ފައިޞަލް

ވިސްނުންތެރި، އެކަމަކު ފުންމިން ނޭނގޭ ސިޔާސަތުގެ ވެރިޔާ

އޮނަރަބްލް އަލްއުސްތާޛު ޢަބްދުﷲ ޙަމީދު


އިދާރާގެ ނޯޓެއް:
މިއީ، މިމަހުގެ 18 ވަނަ ދުވަހު، ދެމިއޮތުމުގެ ޢާލަމަށް ދަތުރުކުރެއްވި، ދިވެހި އަދަބިއްޔާތާއި ދައުލަތަށް ގިނަގުނަ ޚިދުމަތްތަކެއް ކުރެއްވި އަލްމަޣުފޫރުލަހޫ އޮނަރަބްލް އަލްއުސްތާޛު ޢަބްދުﷲ ޙަމީދު (ނ.ޢ.ޢ.ވ) މީގެ 41 އަހަރު ކުރިން، ( ޖުލައި 1974 ގައި) ނުކުތް ” އަމާޒު ” ގެ 24 ވަނަ ޢަދަދުގައި ޝާއިޢުކުރައްވާފައިވާ ލިޔުމެކެވެ. މި ލިޔުން އަޅުގަނޑުމެން މި ނަކަލުކޮށްލީ އެ މަނިކުފާނުގެ އަދަބީ ޚިދުމަތުގެ ޒިކުރާ އައުކޮށްލުމުގެ ގޮތުންނެވެ.

ހަމައެކަނި ވިދާޅުވެލެއްވުމަށް…(80)

ކިޔާފައިވާ ޢަދަދު: 877

ރާއްޖެތެރޭގެ މީހަކު ރާއްޖޭގެ މަތިންދާ ބޯޓެއް ޗާޓަރުކޮށްލައިގެން އޭނާގެ އަންހެނުން ހޮސްޕިޓަލަށް

ސ.ހިތަދޫގެ އަންހެނަކު ބަލިވެއިނދެ ވިހަން ބަނޑުގައި ރިހިފައި އޭނާގެ ބަޑުގައި އޮތް ދަރިފުޅުގެ އެއް އަތް ތުރަވި ޚަބަރާއި އޭނާ ވަރަށް އަވަހަށް މާލެގެންދެވޭތޯ އޭނާގެ މީހުން މަސައްކަތް ކުރަމުން ގެންދާ ޚަބަރު މިހާރުވާނީ ދެންނެވިފައެވެ. އެ މީހަކީ ސ.ހިތަދޫ ޝާދީގޭ ޙައްވާ ދީދީ އެވެ. އޭނާގެ ޢުމުރަކީ 30 އަހަރެވެ. އޭނާގެ ފިރިއަކީ ސ.ހިތަދޫ ޝާދިގޭ ރެކިފުތު މޫސާ އެވެ. މިއީ މަޝްހޫރު ސ. ހިތަދޫ ފުޓްބޯޅަ ކެޕްޓަން އަދި ހިތަދޫ ބޯޓްގެވެސް ކެޕްޓަން ސ.ހިތަދޫ އިބްރާހީމް މޫސާގެ އެއްބަނޑު އެއްބަފާބޭބެ އެވެ.

އޭރުގެ ފަތްފުށްތަކުން…. (106)

ކިޔާފައިވާ ޢަދަދު: 1126

އޭރުގެ ފަތްފުށްތަކުން…. (106) 

“މީގެކުރީން ރާއްޖޭގެ މިނިވަން ދުވަސްކަމުގައި ފާހަގަކުރެވުނު ދުވަސް”ދުވަސް 

މުޙައްމަދު ޖަމީލު 

فضليۃ الشيخ محمــد جمــيل ދީދީ (رحمہ اللہ) އަކީ، ދިވެހި އަދަބީ ދުނިޔޭގައި އިތުރު ތާރަފަކަށް ބޭނުންވާނޭ ބޭފުޅެއް ނޫނެވެ. އެމަނިކުފާނުގެ ގަލަންކޮޅުން ދިވެހި އަދަބީ ދުނިޔެއަށް ހަދިޔާ ކުރައްވާފައިވާ، ދީނީ، އަދަބީ، ތާރީޚީ އަދި މިނޫންވެސް ރޮނގުތަކުގެ ލިޔުންތަކަކީ، ދިވެހި ނޫސް މަޖައްލާތަކާއި ފޮތްތަކުގެ ފަޚުރުވެރި ސޮފުހާ ތަކެކެވެ. 
 
މި ލިޔުން ނަކަލުކޮށްފައި މިވަނީ، 26 ޖުލައި 1978 ގައި ނުކުތް “މިންނަތު” ގެ 3 ވަނަ އަހަރީ ނަންބަރުންނެވެ. މި ލިޔުން ނަކަލު ކުރުމުގައި އެއްވެސް އުނިއިތުރެއް ގެނެސްފައެއް ނުވާނެއެވެ.
 
فضليۃ الشيخ محمــد جمــيل ދީދީ ގެ ފުރާނަފުޅަށް ފުއްސެވުމާއި ރުއްސެވުން މިންވަރު ކުރައްވާށިއެވެ.
 = އިދާރާ =

“منّۃ”ގެ އެޑިޓަރއަށް شکر ވެރިވަމެވެ. މިކަހަލަ ތަނަވަސް، مہمّ موضوع އަކާއިމެދު مضمون އެއް ލިޔާން އެންގެވިއަތީއެވެ. ނަމަވެސް موضوع އަށް ފަށައިގަތުމުގެ ކުރީން، معاف އަކަށް އެދޭން ޖެހެއެވެ.

ފިޠުރު ޢީދަކީ ކުޑައީދު ހެއްޔެވެ؟

ކިޔާފައިވާ ޢަދަދު: 1562
ޢަބްދުލްޢަޒީޒު ޖަމާލު އަބޫބަކުރު
ކުޑައީދާއި ބޮޑުއީދަކީ ދިވެހީންގެ ތެރޭގައި ވަރަށް މަޝްހޫރު ދެނަމެވެ. ފިޠުރު ޢީދާއި އަޟްޙާ ޢީދަށްވުރެ އެ ދެ ނަން ހަމަ ގައިމުވެސް ކުރީން ދިވެހީންގެ ތެރޭގައި މާ މަޝްހޫރެވެ. ފިޠުރު ޢީދަކީ ކުޑައީދުކަމާމެދަކު އަދި އަޟުޙާ ޢީދަކީ ބޮޑުއީދުކަމަށް އެއްވެސް ދިވެއްސަކު ދެކޮޅެއް ނަހަދައެވެ. 

އޮގަރު ކޮޔާއި ވަގުކަލޭގެ

ކިޔާފައިވާ ޢަދަދު: 1113
ޙުސައިން ޝާކިރު
މީ ކޮންޒަމާނެއްގައި ހިނގި ކަމެއްކަން ދަންނަވާކަށް ނޭނގެއެވެ. ދާދިފަހަކުން، މިވެސް ލިޔެލަން ރަނގަޅު ވާހަކައެކޭ ހީވެ ހަނދާން ނެތެމުންދާ މިވާހަކައިގެ ހަނދާން އައުކޮށްލުމަށްޓަކައި ލިޔެލީއެވެ. 
 
އޮގަރުކޮޔަކީ، ރަދުން ރަސްމިއްޔާތުތަކަށް ނުކުންނަވާއިރު ރަދުންގެ ކަނޑިކޮޅު ހިފައިގެން ހުންނަ މީހާއޭ ބުނަތީ އަހަމެވެ. ރަދުންގެ އަރިހުގައި ނިހާލި ބަންނަވައިގެން ހުންނަވާ ޢިއްޒަތްތެރިއެކެވެ. ކަނޑިއެއް ހިފައި، އެކަނޑި މޭހުރަސްކޮށް މޭމައްޗަށް ލަފާލައްވައިގެން ހުންނަވާ ބޭކަލަކު، އިހުގައި ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ނަގާފައި ހުންނަ ފޮޓޯފޮޓޯގައި ހުންނަވަނިކޮށް ފެނިފައިވެއެވެ.
 

އަމިއްލަފުޅު ފައިސާ ހޭދަކުރައްވައި، ފުރާނައިން ޤުރުބާންވެވަޑައިގަތުމަށް ތައްޔާރަށް ހުންނެވި ނަރުހެއްގެ ވާހަކަ

ކިޔާފައިވާ ޢަދަދު: 2064
އަޙްމަދް ސަމީރު ޢަލީ
އަޅުގަނޑުމެންގެ ތެރޭގައިވެސް އަދި ހުޅަނގުގައިވެސް ދެކެވޭ އެއްވާހަކައަކީ، އެމީހެއްގެ ނަމާއި އެމީހެއްގެ ނަސީބާއި ކާމިޔާބީއާއި ގުޅުމެއް ހުރޭބާއެވެ! ދެންމެ އަޅުގަނޑު މި ލިޔުނު ޖުމްލައާއިމެދު މި މަޒުމޫނުގެ ތެރެއިން އިންސާފު ކޮށްދެއްވާށެވެ!

އެންމެ ދޮށީ ޔުނިވަރސިޓީ ބިނާކުރެއްވި ކަމަނާގެ ވާހަކަ

ކިޔާފައިވާ ޢަދަދު: 1930
އަޙްމަދް ސަމީރު ޢަލީ
ތާރީޚު އިލްމުވެރިން  ލިޔުއްވާގޮތުގައި މަޣްރިބްކަރައިގެ ފާސް ގެ އަލްޤަރަވިއްޔީން ޔުނިވަރސިޓީއަކީ ދުނިޔޭގައި އެޅުނު އެންމެ ފުރަތަމަ ޔުނިވަރސިޓީއެވެ. ޓޫނީޝިޔާގެ އައްޒައިތޫނާ ޔުނިވަރސިޓީ އާއި މިސްރުގެ އަލްއަޒްހަރު ޔުނިވަރސިޓީއަކީ ނިސްބަތުން، މާ ފަހުގެ ތަންތަނެެވެ. އިޓަލީގެ ބޮލޯނިޔާގައި އުފެދުނު ޔުނިވަރސިޓީއަކީ ވިލާތުގެ އެންމެ ފުރަތަމަ ޔުނިވަރސިޓީއެވެ. ނަމަވެސް އަލްޤުރަވިއްޔީން ޔުނިވަރސިޓީއަށްވުރެ 191 އަހަރު ހަގެވެ. އޮކްސްފޯޑް ޔުނިވަރސިޓީއަކީ އަދި މާފަހެވެ!
 

ތިޔަ ބުނަނީ ބޯކޯ ޙަރާމޭ ހެއްޔެވެ؟

ކިޔާފައިވާ ޢަދަދު: 1962
އަޙްމަދް ސަމީރު ޢަލީ
ހައުސާ ބަހަކީ އެފްރިކާގެ ބަސްތަކުގެ ތެރެއިން ވަރަށް މަޝްހޫރު ބަހެކެވެ. ނައިޖީރިޔާގެ އުތުރުގެ ބޮޑު ބައެއްގައި ދިރިއުޅޭ މީހުންނާއި އަވައްޓެރި އަށެއްކަ ގައުމުގައި ދިރިއުޅޭ  ފަންސަތިރީހަކަށް މިލިޔަން މީހުންގެ މާދަރީ ބަހެވެ. މިހާ ބޮޑު ސަރަހައްދަކަށް ފެތުރިފައިވާތީ ވިޔަފާރީގެ މުއާމަލާތުގައި ހައުސާ ބަހަކީ ވަރަށްގިނައިން ބޭނުންކުރެވޭ ބަހެކެވެ. މިހެންވެ ދެވަނަ ބަހެއްގެ ގޮތުގައި މި ބަހުން ވާހަކަ ދައްކައި އުޅޭ މީހުންގެ އަދަދު އިތުރު ފަނަރަ މިލިޔަނަށްވުރެ ގިނައެވެ.