ފަތުޙުލް މަޖީދުގެ ބެހުނު ދަތުރު

ކިޔާފައިވާ ޢަދަދު: 707

އެއްކޮށް ތައްޔާރުކުރީ: ޢަބްދުﷲ ޞާދިޤް

އިސްބަސް

މި ފޮތަކީ އަޅުގަނޑުގެ އެކުވެރި އަލްފާޟިލް އިބްރާހީމް ވަޙީދު މާތޮޑާ(މާތޮޑާ ވަޙީދު) ގެ ދަތުރުނާމާއެއްގެ މައްޗަށް އަޅުގަނޑު ލިޔެފައިވާ ލިޔުމެކެވެ.

އަލްފާޟިލް އިބްރާހީމް ވަޙީދަކީ ދަތުރުނާމާ ލިޔުއްވުމަށް ވަރަށް ޝައުޤުވެރިވެލައްވާ ބޭކަލެކެވެ. މި ދަތުރުގެ ނޯޓުތައް އޭނާ އެއްކުރައްވާފައިވަނީ ވަރަށް ފުރިހަމައަށެވެ. އެހެން ކަމުން މި ދަތުރުނާމާ ލިޔުމުގައި އަޅުގަނޑަށް ވަރަށް ފަސޭހަވިއެވެ. މި ދަތުރުނާމާ އަޅުގަނޑު އެއްކޮށްލީ 1974 ވަނަ އަހަރުގެ ތެރޭގައެވެ.

ފަރުވާތެރިކަމާއެކު އިޝްތިހާރުކުރުން

ކިޔާފައިވާ ޢަދަދު: 850
 
އިބްރާހީމް ސަލީމް
އިންވެސްޓަރުންގެ އެންމެ ބޮޑު އެއް ކަންބޮނޑުވުމަކީ އަބަދުވެސް ވިޔަފާރިން ލިބޭ އާމްދަނީ އިތުރުކުރުމެވެ. މިސަބަބަށްޓަކައި ވިޔަފާރި ހިންގާ ފަރާތްތަކުން އެފަރާތްތަކުގެ އަހަރީ އާމްދަނީ (ރެވެނިޔު) އަހަރުން އަހަރަށް އިތުރުކުރުމަށް  ތަފާތު ސްޓްރެޓެޖީތައް ބޭނުންކުރެއެވެ. މައިގަނޑު ގޮތެއްގައި ކުންފުނިތަކުން  އައު ޕްރޮޑަކްޓްތައް ތަޢާރަފުކޮށް ޕްރޮޑަކްޓް ލައިން އިތުރުކުރެއެވެ. އަދި ފަހުން އުފައްދާ ޕްރޮޑަކްޓަށް ޚާއްޞަ ސިފަތަކެއް (ފީޗަރސް) ތަޢާރަފުކޮށް ވިޔަފާރީގެ ވާދަވެރިންގެ މައްޗަށް ކުރި ހޯދުމަށް ކެނޑި ނޭޅި މަސައްކަތްކުރެއެވެ.

[ޅެންވެރިޔާ 2016] ގައި 40 ޅެން ބައިވެރިކޮށްފި!

ކިޔާފައިވާ ޢަދަދު: 867
ލިޔުންތެރިންގެ ގުޅުމުގެ އިދާރާ
މިފެށުނު 2016 ވަނަ އަހަރުގެ ޅެންވެރިންގެ ދުވަހުގެ މުނާސަބަތުގައި ލިޔުންތެރީންގެ ގުޅުމުން އާންމުކޮށް ހުޅުވައިލި “ޅެންވެރިޔާ 2016” މުބާރާތުގައި 7 ފަރާތަކުން 40 ޅެން ބައިވެރި ކޮށްފިއެވެ. 

މުބާރާތަށް ޅެން ހުށަހެޅުމުގެ މުއްދަތު އޮތީ، މިދިޔަ ނޮވެންބަރު މަހުގެ 29 ވަނަ ދުވަހުން ފެށިގެން ޑިސެންބަރު މަހުގެ 25 ވަނަ ދުވަހުގެރޭ 10.00 އާ ހަމައަށެވެ. 

މަޢުލޫމާތު ހޯދުމުގެ ޝައުޤާއި ހިތްވަރު ލިބިގަތުން

ކިޔާފައިވާ ޢަދަދު: 654
ޢަބްދުލްޢަޒީޒު ޖަމާލު އަބޫބަކުރު
މަޢުލޫމާތު ހޯދައި ލިބިގަތުމުގެ ޙައްޤު ދިވެހިރާއްޖޭގައިވަނީ ކަށަވަރުވެފައެވެ. ދިވެހިރާއްޖޭގެ ޖުމްހޫރިއްޔާގެ ޤާނޫނު އަސާސީގެ  29 ވަނަ މާއްދާގައި ވަނީ “އުނގެނުމާއި، އުނގަންނައި ދިނުމާއި، މަޢުލޫމާތު ހޯދުމާއި، މަޢުލޫމާތު ދިނުމުގެ މިނިވަންކަން ކޮންމެ މީހަކަށްމެ ލިބިގެންވެއެވެ.” މިފަދައިންނެވެ. މި ޙައްޤު ކަށަވަރުކޮށްދިނުމަށްޓަކައި 2014 ވަނަ އަހަރު ތަޞްދީޤުކުރެވުނު “މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު”ން މިކަން ވަނީ ތަފްޞީލުކޮށްދީފައެވެ. މިކަން ތަންފީޛުކުރުމަށްޓަކައި ދައުލަތުގެ އިދާރާއެއްވެސް ވަނީ އުފައްދަވައިފައެވެ.

ތެލުގެ އަގު: ފާއިތުވި 11 އަހަރުގެ ތެރޭގައި އެންމެދަށަށް

ކިޔާފައިވާ ޢަދަދު: 836
އިބްރާހީމް ސަލީމް
 
2004 ވަނަ އަހަރުން ފެށިގެން މިއިން ދުވަހަކުވެސް ތެލުގެ އަގު ދަށަށް ނުދާ މިންވަރަށް ތެލުގެ އަގު ދަށަށް ހިނގައްޖެއެވެ. މިއީ 2008 ވަނަ އަހަރުގެ ރެސެޝަނާއި ގުޅިގެން ތެލުގެ އަގު ދަށަށް ދިޔަވަރަށްވުރެވެސް ބޮޑު ދަށަށް ދިއުމެކެވެ.  ސާފުނުކުރާ ބްރެންޓް ކުރޫޑް އޮއިލް ފީފާއެއްގެ މިހާރުގެ އަގަކީ 36.05 އެމެރިކާ ޑޮލަރެވެ. މިއީ،  2004 ވަނަ އަހަރުގެ ޖުލައި މަހު ސާފުނުކުރާ ތެޔޮ ފީފާއެއްގެ އަގު ހުރި މިންވަރަށް ވުރެވެސް ކުޑަތަންކޮޅެއް ހެޔޮ އަގެކެވެ. އެއަހަރުގެ ޖުލައި މަހު ފީފާއެއްގެ އަގު ހުރީ 36.56 އެމެރިކާ ޑޮލަރަށެވެ.

“ވޯލްޑް ޓްރެވެލް އެވޯޑްސް – 2015” ގައި ރާއްޖެއަށް ގިނަ އެވޯޑްތަކެއް!

ކިޔާފައިވާ ޢަދަދު: 960
ލިޔުންތެރީންގެ އިދާރާ
ތިރީގައި އެވަނީ 13 ޑިސެމްބަރ 2015 ގައި ސަން.އެމްވީގައި ޝާއިޢުކޮށްފައިވާ ޚަބަރެކެވެ. މި ޚަބަރަކީ އެ ޚަބަރު އިވުމުން ދިވެހި ޤައުމު ދެކެ ލޯބިވާ ކޮންމެ މީހަކު އުފާކުރާނެ ޚަބަރެކެވެ. ދިވެހި ޤައުމަށް ލިބޭ މިފަދަ ކޮންމެ ޝަރަފަކީ މުޅި ޤައުމުގައި ފާހަގަކުރާންޖެހޭ ޝަރަފެކެވެ. ފާހަގަކުރާންޖެހެނީ ހަމައެކަނި ފުޓްބޯޅަ ތައްޓެއް ލިބުނީމާއެއް ނޫނެވެ. 

ތަޢުޒިޔާ

ކިޔާފައިވާ ޢަދަދު: 1338


އިދާރާ
ލިޔުންތެރީންގެ ގުޅުމުގެ ވެބްސައިޓް www.liyuntherin.org  އާއި “ލިޔުންތެރިޔާ” މަޖައްލާއަށް އަގުހުރި ލިޔުންތަކެއް ހަދިޔާ ކުރައްވަމުން ގެންދަވާ، ލިޔުންތެރިއެއްކަމުގައިވާ ގ.މަންޒިލް، ޑޮކްޓަރ ޢަބްދުލްޣަފޫރު ޢަބްދުއްރަޙީމްގެ ލޮބުވެތި މަންމަ ގ.މަންޒިލް، އަލްފާޟިލާ ސަންފާ އާދަމް (74 އަހަރު) މިއަދުގެ ހަވީރު ވަގުތެއްގައި ދެމިއޮތުމުގެ ޢާލަމަށް ދަތުރުކުރައްވައިފިއެވެ.

ހޯރަފުށީ ސަލީމުގެ [މަލިކު ބީފާނު] ނެރުއްވައިފި!

ކިޔާފައިވާ ޢަދަދު: 676
އަދަބީ މުރާސިލު

ލިޔުންތެރީންގެ ގުޅުމުގެ ހިންގާ ކޮމިޓީގެ މެންބަރެއްކަމުގައިވާ، އަލްފާޟިލް ހޯރަފުށީ މުޙައްމަދު ސަލީމު ލިޔުއްވި، ދިވެހީންގެ މާޒީއާ ގުޅިފައިވާ ޚިޔާލީ ލޯބީގެ ވާހަކައެއް ކަމުގައިވާ “މަލިކު ބީފާނު” ރޭ ނެރުއްވައިފިއެވެ.

ޢިމާދުއްދީން ސްކޫލްގައި ރޭ ބޭއްވުނު ޙަފުލާއެއްގައި މި ވާހަކަ ނެރުއްވައިދެއްވީ، ރާއްޖޭގެ އަވަށްޓެރި މަލިކުގެ މަޝްހޫރު ޢިލްމުވެރިއެއްކަމުގައި މަލިކު މުރައިދު ގަނޑުވަރު ޢަލީމަނިކުފާނެވެ. މި ހަފުލާގައި އޭނާ ދެއްކެވި ވާހަކަފުޅުގައި ރާއްޖެއާއި މަލިކުގެ ގުޅުމުގެ މައްޗަށް ތާރީޚީ ނަޒަރަކުން ބައްލަވައިލެއްވިއެވެ.

ޗައިނާގެ ފައިސާ ]ޔުއާން[ އަށް އައި.އެމް.އެފްގެ ރިޒާވް ސްޓޭޓަސް ލިބިއްޖެ

ކިޔާފައިވާ ޢަދަދު: 925
އިބްރާހީމް ސަލީމް
ޗައިނާގެ ފައިސާ “ޔުއާން”އަކީ އިންޓަރނޭޝަނަލް މަނިޓަރީ ފަންޑް (އައި.އެމް.އެފް)ގެ ރިޒާވް ބާސްކެޓްގައި ހިމެނޭ ފައިސާއެއް ކަމަށް އައި.އެމް.އެފް އިން އިޢުލާންކޮށްފިއެވެ. މިހާރު އައި.އެމް.އެފްގެ ރިޒާވްގައި ހުންނަނީ ޔޫ.އެސް ޑޮލަރު، ޔޫރޯ، ޖަޕަނީޒް ޔެން އަދި ސްޓާރލިންގ ޕައުންޑެވެ.

“ޅެންވެރިޔާ” މުބާރާތް އަންނަ އަހަރު ވެސް ބާއްވާ ގޮތަށް ހަމަޖައްސަވައިފި

ކިޔާފައިވާ ޢަދަދު: 898
 
ލިޔުންތެރީންގެ ގުޅުން
މިއަހަރެކޭ ވެސް އެއް ފަދައިން އަންނަ 2016 ވަނަ އަހަރުގެ ޅެންވެރީންގެ ދުވަހުގެ މުނާސަބަތާ ގުޅުވައިގެން ވެސް ޅެން ހެދުމުގެ ޚާއްޞަ މުބާރާތެއް “ޅެންވެރިޔާ – 2016″ގެ ނަމުގައި  ބާއްވަން ލިޔުންތެރީންގެ ގުޅުމުގެ ހިންގާ ކޮމިޓީން ރޭ ފާސްކޮށް، އެ މުބާރާތުގައި ބައިވެރިވުމުގެ ފުރުޞަތު ހުޅުވައިލައިފިއެވެ. މުބާރާތާބެހޭ ގޮތުން އިތުރު މަޢުލޫމާތު ހޯއްދެވުމަށް ގުޅުއްވާނީ، 7774062 އާއެވެ. އެ މުބާރާތުގެ ގަވާއިދު ތިރީގައި މިވަނީ އެވެ.