ތަޢުޒިޔާ

ކިޔާފައިވާ ޢަދަދު: 1687
އިދާރާ 
 
ލިޔުންތެރީންގެ ގުޅުން އުފެއްދުމުގެ މަސައްކަތުގައި ޙަރަކާތްތެރިވެވަޑައިގަތް، ލިޔުންތެރީންގެ ގުޅުމުގެ މެންބަރެއްކަމުގައިވާ ގ. ޒަމާން އަލްފާޟިލް ޙަސަން ނިޒާމް (52) މިއަދު މެންދުރުފަހުގެ ވަގުތެއް  އަވަހާރަވީ ޚަބަރު އަޅުގަނޑުމެން އެހީ ފުން ހިތާމައާއި އެކުގައެވެ. 

އަލްފާޟިލް ޙަސަން ނިޒާމަކީ، ލިޔުންތެރީންގެ ގުޅުން އުފެއްދުމަށްޓަކައި 2009 ވަނަ އަހަރު ހ.އާމުލީގޭގައި ބޭއްވުނު ބައްދަލުވުންތަކުގައި ބައިވެރިވެވަޑައިގެން ގިނަ ޚިޔާލުފުޅުތަކެއް ފާޅުކުރައްވައިފައިވާ، ދިވެހިބަހާއި އަދަބިއްޔާތަށް ލޯބި ކުރެއްވި ބޭފުޅެކެވެ. ލިޔުންތެރިއެކެވެ.

އއ. ތަޢުލީމީ މަރުކަޒަށް ލިޔުންތެރީންގެ ގުޅުމުން ފޮތް ހަދިޔާކޮށްފި

ކިޔާފައިވާ ޢަދަދު: 1397
އަދބީ މުރާސިލު
އއ. ރަސްދޫގައި ހުންނަ އެ އަތޮޅު އަތޮޅު ތަޢުލީމީ މަރުކަޒަށް، ދިވެހި ލިޔުންތެރީންގެ ޖަމްޢިއްޔާ ކަމުގައިވާ ލިޔުންތެރީންގެ ގުޅުމުން ދިވެހި ފޮތްތަކެއް ހަދިޔާ ކުރައްވައިފި އެވެ. މި ދިޔަ އާދީއްތަ ދުވަހު މެންދުރު 1:30ގައި އެ މަރުކަޒުގައި ބޭއްވި ކުޑަކުޑަ ރަސްމިއްޔާތެއްގައި ފޮތްތައް ހަދިޔާކުރެއްވީ ލިޔުންތެރީންގެ ގުޅުމުގެ ނާއިބު ރައީސް އަލްފާޟިލް ޙަސަން ޝާކިރު މުޙައްމަދެވެ. މަރުކަޒުގެ ފަރާތުން މި ފޮތްތަކާ ޙަވާލުވެވަޑައިގަތީ އެ މަރުކަޒުގެ ޕްރިންސިޕަލް އަލްފާޟިލް މުޙައްމަދު ސިރާޖެވެ.
 

ރެހެންދި ތިންކް ގްރީން

ކިޔާފައިވާ ޢަދަދު: 3550
ޢަބްދުލްޢަޒީޒު ޖަމާލު އަބޫބަކުރު
މަތީގައި އެވަނީ ދިވެހި އިސްކޫލެއްގައި އެ އިސްކޫލް ފެހިކުރުމަށް ޓަކައި، ހިންގެވި ނުވަތަ ހިންގަވާ ޚާއްޞަ ޕްރޮގްރާމެކެވެ. ޤައުމުގެ މުހިއްމު މުއައްސަސާއެއްގެ އިސްވެރީން ބައިވެރިވެ ވަޑައިގަތް ޚާއްޞަ ރަސްމިއްޔާތެއްގައި ފެއްޓެވި ޚާއްޞަ ޕްރޮގްރާމެކެވެ. ޕްރޮގްރާމުގެ ނަމެވެ. ނުވަތަ ޝިޢާރެވެ. އިނގިރޭސިބަހުން އެ އޮތް ޝިޢާރުން އަޅުގަނޑަށް ދޭހަވާން އުޅެނީ އެއީ އެ އިސްކޫލުގެ ގޯތިތެރެ ފެހި ގަސްތަތުން ޒީނަތްތެރިކުރުމާ މެދު ވިސްނުމަށްޓަކައި ދެވޭ މެސެޖެއް ކަމުގައެވެ.

“ޅެންވެރިޔާ – 2015” ގެ ޝަރަފު، ހަތިފުށީ ޝާކިރު ހޯއްދަވައިފި.

ކިޔާފައިވާ ޢަދަދު: 1954
ޚާއްޞަ މުރާސިލު
ލިޔުންތެރީންގެ ގުޅުމުގެ “ޅެންވެރިޔާ -2015″ގެ ޝަރަފުގެ އައްޑަނަ ހ.  ބައިކަނޑިގޭއާގޭ އަލްފާޟިލް ޢަބްދުﷲ ޝާކިރު (ހަތިފުށީ ޝާކިރު) މިރޭ ހޯއްދަވައިފިއެވެ. 
 

ދިވެހިބަހުގެ ދުވަހަށް ރަސްމީ ހައިސިއްޔަތު

ކިޔާފައިވާ ޢަދަދު: 1529
އަދަބީ މުރާސިލު
ދިވެހިބަހުގެ ދުވަހުގެ ގޮތުގައި ދުވަހެއް ފާހަގަކުރާ ގޮތަށް ސަރުކާރުން ހަމަޖައްސަވައިފި އެވެ. މިކަން ދައުލަތުގެ އިދާރާތަކަށް އަންގަވައި ރައީސުލްޖުމްހޫރިއްޔާގެ އޮފީހުން މިނިސްޓަރ ޢަބްދުﷲ އަމީން ސޮއިކުރައްވައި އިއްޔެ ޢާއްމު ކުރި ދެންނެވުމުގައި އަންގަވައިފައިވަނީ “ރާއްޖޭގެ މަޝްހޫރު އަދީބު ފަޟީލަތުއްޝައިޚް އަލްމަރްޙޫމް ޙުސައިން ޞަލާޙުއްދީން އުފަންވެވަޑައިގެންނެވި ދުވަސްކަމުގައިވާ، އެޕްރީލް 14 ވަނަ ދުވަހަކީ “ދިވެހިބަހުގެ ދުވަސް” ކަމަށް ހަމަޖައްސަވައި، 2015 ވަނަ އަހަރުން ފެށިގެން ކޮންމެ އަހަރަކު އެ ދުވަސް ފާހަގަކުރެއްވުމަށް ނިންމަވައިފިކަމުގައި ދަންނަވަން ރައީސުލްޖުމްހޫރިއްޔާ ވިދާޅުވި”ކަމަށާއި “މިއީ ރާއްޖޭގައި މިހާރު ފާހަގަކުރާ ބައިނަލްއަޤްވާމީ މާދަރީބަހުގެ ދުވަހުގެ އިތުރުން ފާހަގަކުރެއްވުމަށް ހަމަޖެއްސެވި ދުވަހެއް ކަމަށް ދަންނަވަން ވެސް ރައީސުލްޖުމްހޫރިއްޔާ ވިދާޅުވި” ކަމަށެވެ.

“އިންސާނުންގެ ވިސްނުމާއި ފިކުރަށް އަންނަ ކުރިއެރުމަކީ ވެސް ތަރައްޤީ”

ކިޔާފައިވާ ޢަދަދު: 1508
އަދަބީ މުރާސިލު
ޤައުމެއްގައި ނުކުންނަ ފޮތުގެ އަދަދު އިތުރުވުމަކީ އެ ޤައުމެއްގެ ތަރައްޤީ ދައްކައިދޭ މިންގަނޑު ކަމަށް ދިވެހިރާއްޖޭގެ ޤައުމީ ޔުނިވަރސިޓީގެ ޗާންސެލާރ އަލްއުސްތާޛުއްދުކްތޫރު މުޙައްމަދު ޒާހިރު ޙުސައން ވިދާޅުވެއްޖެ އެވެ. އެ މަނިކުފާނު މިހެންވިދާޅުވީ ދިވެހިރާއްޖޭގެ ތާރީޚާ ގުޅޭ މުހިއް ޙާދިސާއެއްގެ މައްޗަށް ހޯރަފުށީ މުޙަމއްމަދު ސަލީމް ލިޔުންވި ‘ދިޔޯ’ (ވާހަކަ ފޮތް) ނެރެދެއްވުމަށްފަހު އެ ޙަފުލާގައި ވާހަކަފުޅުދައްކަވަމުންނެވެ. އެ މަނިކުފާނު ވިދާޅުވީ “ތަރައްގީއަކީ ހަމައެކަނި އިމާރާތުގެ އަދަދު ގިނަވުމެއް ނޫން” ކަމަށާއި “އިންސާނުންގެ ވިސްނުމާއި ޚިޔާލާއި ފިކުރަށް އަންނަ ކުރިއެރުމަކީ ވެސް ތަރައްގީ” ކަމުގައެވެ. އެހެންކަމުން ނުކުންނަ ފޮތުގެ ޢަދަދު މަތިވުމަކީ ތަރައްޤީދައްކައިދޭ ޙަޤީޤީ މިންގަނޑުކަމަށް އެމަނިކުފާނު  ސިފަކުރައްވަމުން، އެކަށީގެންވާ ޢަދަދަކަށް ފޮތްތައް ޝާއިޢުނުކުރެވޭކަން އެ މަނިކުފާނު ފާހަގަކުރެއްވި އެވެ.
 

ކަރަންޓްގެ އަލިކަން ނައިފަރުގެ ޖައްވުން ފާއްދައިލި ހިނދު!

ކިޔާފައިވާ ޢަދަދު: 2804
މުޙައްމަދު އިސްމާޢިލް ފުޅު
އިލެކްޓްރިކްގެ އަލިކަން ދިވެހިރާއްޖެއަށް ފުރަތަމަ ތަޢާރުފުވީ 29 ޞަފަރު 1369 (20 ޑިސެމްބަރ 1949) ރޭ މާލޭގައެވެ. އިލެކްޓްރިކްގެ އަލިން ރާއްޖޭގައި އެންމެ ފުރަތަމަ ދިއްލައިލި ބިނާއަކީ އޭރު “ނާދީ ތަމައްދުނު” ހިނގަމުންދިޔަ ޢިމާރާތެވެ. “ކީރިރތި ޤުރުއާނާ ބެހޭ މަރުކަޒު” މިހާރު ހިނގަމުންއެދަނީ މި ދެންނެވި ޢިމާރާތުގައެވެ. 
 

ދިރާސީ އާ އަހަރަށް މަރުޙަބާ ކިޔުން

ކިޔާފައިވާ ޢަދަދު: 1758
އާމިނަތު ޙުސައިން މޫސާ
މާދަމާއަކީ ދިވެހި ޤައުމީ ޙަޔާތުގައި މުހިއްމު ޞަފުޙާއެއް އެއްލާ ދުވަހެކެވެ. އާ މާއްދާތަކަކާއެކު އާ މަންހަޖެއް ތަންފީޒުކުރުމަށްޓަކައި އާ އުންމީދަކާއެކު، 2015 ވަނަ އަހަރތުގެ ދިރާސީ އާ އަހަރު ފަށަނީ އެވެ. މި ތާރީޚީ މުނާސަބަތުގައި ދިވެހިރާއްޖޭގެ ލޮބުވެތި ހުރިހާ ދަރިވަރުންނަށާއި ޚިދުމަތްތެރި މުދައްރިސުންނަށާއި ހީވާގި ބެލެނިވެރީންނަށް ތަހުނިޔާ އާއި މުބާރުކުބާދި ފޮނުވަމެވެ.
 

“ޅެންވެރިޔާ-2015” އަށް އިންސާފުކޮށް ނިމިއްޖެ.

ކިޔާފައިވާ ޢަދަދު: 1489
އަދަބީ މުރާސިލު
މިއަހަރު ޅެންވެރީންގެ ދުވަހާ ގުޅުވައިގެން ލިޔުންތެރީންގެ ގުޅުމުގެ ފަރާތުން ބާއްވާ “ޅެންވެރިޔާ-2015” ޅެންހެދުމުގެމުބާރާތަށް ހުށަހެޅުނު 28 ޅެމަށް އިންސާފުކޮށް ރޭ ނިމިއްޖެ އެވެ.
 

“ޅެންވެރިޔާ – 2015” ޅެންހެދުމުގެ މުބާރާތުގެ ޅެންތަކަށް އިންސާފުކުރާން ފަށައިފި.

ކިޔާފައިވާ ޢަދަދު: 1399
އަދަބީ މުރާސިލު 
މިއަހަރު ޅެންވެރީންގެ ދުވަހުގެ މުނާސަބާގައި ލިޔުންތެރީންގެ ގުޅުމުން ހުޅުވައިލި ޅެންހެދުމުގެ މުބާރާތަށް ލިބިފައިވާ ޅެންތަކަށް އިންސާފުކުރާން މި ރޭ ފަށައިފި އެވެ. މިއީ އެހެން މުބާރާތްތަކާ ޚިލާފަށް ޅެނެވެރީން ބޭނުންފުޅު ތާކު ބޭނުންފުޅު މައިގަނޑުނަމަކަށް ޅެން ހެއްދެވުމަށްފަހު ޅެން ފޮނުވާ ގޮތަށް ހުޅުވައިލެވުނު ފުރަތަމަ މުބާރާތެވެ. މި މުބާރާތުގެ ބޭނުމަކީ ފެންވަރު ރަނގަޅު ޅެންތަކެއް ހެދުމަށް މަގު ފަހިކޮށްދިނުމާއެކު އާ ޅެންވެރީންތަކެއް ތަޢާރަފުކުރުމެވެ. އެހެންކަމުން މި މުބާރާތުގައި ލިޔުންތެރީންގެ ގުޅުމުގެ ހިންގާ ކޮމިޓީގެ  އެއްވެސް މެންބަރަކު ބައިވެރިވެވަޑައެއްނުގަންނަވައެވެ.