ނޮބެލް ޕްރައިޒް

ކިޔާފައިވާ ޢަދަދު: 5160

ނޮބެލް ޕްރައިޒް

އުފެއްދީ ކާކު؟ ކީއްވެގެން؟

ޢަބްދުއްރަޝީދު ޙުސައިން

ނޮބެލް ޕްރައިޒް އަކީ ވަރަށް އަގުހުރި އިނާމެކެވެ. ނޮބެލް އިނާމު  ލިބޭނީ  ބައިނަލް އަޤްވާމީ ގޮތުން ވަރަށް ފާހަގަކުރެވޭ މީހުންނަށެވެ. އެ މީހަކު އިންސާނިއްޔަތަށް އެ ކުރާ އަގުހުރި ޚިދްމަތެއްގެ ސަބަބުންނެވެ. އާދޭހެވެ! އެއްވެސް މީހެއްގެ ވާހަކަ ދައްކާއިރު އޭނާ އަކީ މި ވެނިރޮނގަކުން ނޮބެލް އިނާމު  ލިބިފައިވާ  މީހެކޭ ބުނެފިނަމަ އެ ހިސާބުން އޭނާގެ ޝަރަފުގައި އިތުރު އެއްޗެއް ބުނާކަށް ނުޖެހޭ ނެއެވެ. އެހެންކަމުން މި ފުރުޞަތުގައި ނޮބެލް އިނާމު އުފެދުނީ ކިހިނެއް ކަމާއި އެ އިނާމު އުފެއްދީ ކޮންތާކު ކޮން ބަޔެއް ކޮން އިރަކު ކަން ދަންނަވައިލާނަމެވެ. އެނގިވަޑައި ނުގަންނަވާ ބޭފުޅުންގެ މަޢުލޫމާތަށެވެ. އެނގިވަޑައިގަންނަވާ ބޭފުޅުން ހަނދުމަފުޅު އައުކޮށް ލެއްވުމަށެވެ.

ދަންމަރު (17)

ކިޔާފައިވާ ޢަދަދު: 7793

ލަސް ލަހުން ކުރިއަށް ދިއުން

ޢަބްދުﷲ ނަޢީމް އިބްރާހީމް

ޒުވާނަކު އެއް ދުވަހަކު ޢިލްމުވެރިއެއްގެ އަރިހަށް ގޮސް ދެންނެވި އެވެ. “އަޅުގަނޑަށް ތެދުމަގު ލިބޭނީ ކިހައި ދުވަހަކުންތޯއެވެ؟” އެ ބޭފުޅަކު ވިދާޅުވި އެވެ. “ދިހަ އަހަރު ދުވަހުންނެވެ.” ޒުވާނާ ދެންނެވި އެވެ. “ހާދަހާ ގިނަ ދުވަހެކެވެ.” ޢިލްމުވެރިޔާ ވިދާޅުވި އެވެ. “އަހަރެންނަށް އޮޅުނީ އެވެ. ކަލެއަށް އެ ހިސާބަށް ދެވޭނީ ވިހި އަހަރުންނެވެ.” ޒުވާނާ ދެންނެވި އެވެ. “ދުވަސް އިތުރު ކުރައްވަމުން ތިޔަ ގެންދަވަނީ ކީއްވެގެންތޯއެވެ؟” ޢިލްމުވެރިޔާ ވިދާޅުވި އެވެ. “ވިސްނާލާށެވެ. ކަލެއަށް ތެދުމަގު ލިބޭނީ ތިރީސް އަހަރު ދުވަހުންނެވެ.” (ފިލިޕް ކެޕްލޫ، ރީޑަރސް ޑައިޖެސްޓް، 1983)

އޭރުގެ ފަތްފުށްތަކުން..(9)

ކިޔާފައިވާ ޢަދަދު: 5895

“ވިޔަފާރި މިއަދަށް….”

ވިޔަފާރި ދަތުރެއްގެ ހަނދާންތައް

ޞާޙިބުއްސަޢާދާ އަންނަބީލް އިބްރާހީމް ފަރީދު ދީދީ


މިއީ، މީގެ 52 އަހަރު ކުރިން، ދުވަހު ނޫސް “ވިޔަފާރިމިއަދު” ގެ 4 ވަނަ އަހަރީ ނަންބަރު (19 ސެޕްޓެމްބަރ 1960) ގައި ޞާޙިބުއްސަޢާދާ އަންނަބީލް އިބްރާހީމް ފަރީދު ދީދީ ލިޔުއްވާފައިވާ ލިޔުއްވުމެކެވެ. އަންނަބީލް އިބްރާހީމް ފަރީދު ދިދީ (ރަޙިމަހުﷲ) އަކީ، މިޞްރުގެ އަލްއަޒްހަރު ޔުނިވަރސިޓީން ތަޢުލީމް ޙާޞިލުކުރައްވާފައިވާ ބޭފުޅެކެވެ. އެ މަނިކުފާނު އަދާކުރައްވާފައިވާ، ދައުލަތުގެ އިސް މަޤާމުތަކުގެ ތެރޭގައި ރައްޔިތުންގެ މަޖިލީހުގެ ރައީސްކަމާއި ވަޒީރުލްމަޢާރިފްކަމާއި މަޙްކަމަތުއް ޝަރްޢިއްޔާއާއި މަޙްކަމަތުލް އަޝްޣާލްގެ ވެރިކަމާއި މިނިސްޓަރ އޮފް ޖަސްޓިސްގެ ނާއިބުކަމާއި މަޖީދިއްޔާ ސްކޫލްގެ ނާޒިރުކަން ހިމެނެއެވެ. އެމަނިކުފާނަކީ، ވަރަށް ގިނަ ނޫސް މަޖައްލާތަކަށް، ތަފާތު މައުޟޫޢުތަކުގައި ލިޔުއްވާފައިވާ ބޭފުޅެކެވެ.


ދަންމަރު (15)

ކިޔާފައިވާ ޢަދަދު: 7914

ތަޢުލީމު

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް

ތަޢުލީމު ބެހިފައި ވަނީ މައިގަނޑު ދެ ބަޔަކަށެވެ. އެއް ބަޔަކީ ކީރިތި ޤުރްއާނާއި ޙަދީޘުން ލިބިދޭ ތަޢުލީމެވެ. ދެވަނަ ބަޔަކީ އަޅުގަނޑުމެންގެ އަމިއްލަ މަސައްކަތުން ހޯދާ ތަޢުލީމެވެ.
 

ދަންމަރު (14)

ކިޔާފައިވާ ޢަދަދު: 8074

ދަތުރާއި މަންޒިލް

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް

ހުޅަނގުގެ މުފައްކިރަކު ވިދާޅު ވެފައި ވެއެވެ. “ދަތުރާއި މަންޒިލާ ދެމެދު ހުރި ތަފާތު އެނގުމުން ތިބާގެ މަގަށް އެޅިފައިވާ ގިނަ ހުރަސްތައް ނައްތައިލެވުނީ އެވެ.”
މީހަކު ނުވަތަ ބަޔަކު ކަމެއް ކުރާކަން އެނގޭ އެންމެ ބޮޑު ހެތްކަކީ ޙަރަކާތެވެ. ހިންގަވައިފައި ތަނަކަށް ވަޑައިގަތަސް، ބައިސްކަލެއްގައި ނުވަތަ ސައިކަލެއްގައި ނުވަތަ އެހެއް ފަދަ އެއްޗެއްގައި ވަޑައިގަތަސް އެ އެއްޗެއްގައި ކޮންމެވެސް ކަހަލަ ޙަރަކާތެއް ހުންނާނެ އެވެ. ކުރިއަށް ނުވަތަ ފަހަތަށް ދަތުރު ކުރާނެ އެވެ. ސުވާލަކީ އެ އެއްޗެއް ދަތުރު ކުރާ މިޞްރާބަކީ ކޮބައިތޯއެވެ؟ ތިބާ އަށް ވަޑައިގެންނެވެނީ ގަސްތުފުޅު ކުރައްވައިފައިވާ މަންޒިލާ ދިމާއަށްތޯއެވެ؟ ނުވަތަ މަންޒިލާ ދުރަށް ތޯއެވެ؟
 

ދަންމަރު (5)

ކިޔާފައިވާ ޢަދަދު: 8273

ކަމެއް ނުކޮށް ހުރުން

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް
އިސްލާމީ ދެވަނަ ޚަލީފާ ސައްޔިދުނާ ޢުމަރު ރަޟިޔަﷲ ޢަންހު، އެކަލޭގެފާނަށް ރަނގަޅު ކަމަށް ފެނިވަޑައިގަންނަވާ ބޭކަލުންގެ ވާހަކަފުޅު ދައްކަަވަމުން ވަޑައިގެން އެއިން ބޭކަލަކު އެއްވެސް މަސައްކަތެއް ނުކުރައްވާ ހުހަށް ހުންނަވާ ކަން އެނގިވަޑައިގަތީމާ ނުރުހިވަޑައިގެން އެ ވާހަކަފުޅު ދައްކަވައި ހައްދަވަ އެވެ. އެއްވެސް މަސައްކަތެއް ނުކުރައްވާ ބޭކަލަކީ ތިމަން ކަލޭގެފާނުގެ ކުރިފުޅުމަތީގައި އެއްވެސް އަގެއް ނެތް ބޭކަލެކޭ ވިދާޅު ވެއެވެ.

ދަންމަރު (4)

ކިޔާފައިވާ ޢަދަދު: 8316

ނުބައި ފިޔަވަޅެއް އަޅަން ކެރުން

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް
އަޙްމަދާއި އިޤްބާލާ ދެ ރަޙްމަތްތެރިން ދިރިއުޅެނީ އެއް ރަށެއްގައެވެ. އަޙްމަދަކީ ޑިގްރީ ފެންވަރަށް ކިޔަވައިގެން ހުރި މީހެކެވެ. އިޤްބާލަށް ކިޔެވިފައި ވަނީ އަށް ވަނަ ކުލާހާ ހަމަ އަށެވެ. އެއް ދުވަހަކު ކޮންމެވެސް ކަމެއްގައި އިޤްބާލަށް ކޮންމެވެސް އޮފީހަކަށް ދާން ޖެހިއްޖެ އެވެ. އޭނާޔާ އެކު އަޙްމަދު ވެސް އެ އޮފީހަށް ދިޔަ އެވެ. އެ އޮފީހަށް ދިޔަ މުޢާމަލާ ނިމިގެން ނުކުމެގެން އަންނަމުން އަޙްމަދު އިޤްބާލާ ދިމާއަށް ބުންޏެވެ.

ދަންމަރު (3)

ކިޔާފައިވާ ޢަދަދު: 8792

ހުއްޓައިނުލައި މަސައްކަތް ކުރުން

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް
ބިޑި އަނބުރާ ކާރުޚާނާއެއްގައި މަސައްކަތް ކުރި ޒުވާނަކު މާ ގިނަ ދުވަހެއް ނުވެ އެ މަސައްކަތުގެ ހުރިހައި ހުނަރެއް ދަސްކޮށްގެން އޭނާގެ އަމިއްލަ ކާރުޚާނާ އެއް ހުޅުވައިފި އެވެ. އޭނާ އެންމެ ފުރަތަމަ އިންވެސްޓް ކުރީ ފަސް ހާސް ރުޕީސް އެވެ. އެހެން ނަމަވެސް ފަނަރަ އަހަރު ދުވަހުގެ ބުރަ މަސައްކަތަށް ފަހު އޭނާ ވެގެން ދިޔައީ ބޮޑު ކާރުޚާނާއެއްގެ ވެރިއަކަށެވެ. އެއް ދުވަހަކު އޭނާގެ ވިޔަފާރީގެ ކާމިޔާބީގެ ވާހަކަ ރައްޓެއްސަކަށް ކިޔައިދެމުން ބުންޏެވެ.

ދަންމަރު(2)

ކިޔާފައިވާ ޢަދަދު: 8894

ހަނދުގެ ދަތުރު

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް
އެމެރިކާގެ ޖައްވީ ދަތުރުވެރިއެއް ކަމަށްވާ ނީލް އާރމްސްޓްރޯންގ ހަނދުގައި ފައިތިލަ ޖައްސައިލީ 1969 ވަނަ އަހަރުގެ ޖުލައި މަހު އެވެ. އޭނާ ހަނދަށް ފޭބުމާ އެކު ބިންމަތީގައި ހުރި އެމެރިކާގެ ޖައްވީ އިދާރާ އަށް އޭނާގެ އަޑު އިވުނެވެ. އޭނާ ބޭނުން ކުރީ ތިރީގައި މިވާ ޢިބާރާތެވެ.
 

ކަލާގެ ހިތަށް އުނދަގޫ ކުރާކަންތަކާއި އަހަރެންގެ ހިތަށް އުނދަގޫ ކުރާ ކަމަކީ ހަމަ އެއްކަމެކެވެ.

ކިޔާފައިވާ ޢަދަދު: 3141
ތަރުޖަމާ: ޑރ.ޢަބްދުލްޣަފޫރު ޢަބްދުއްރަޙީމު
ތަޚްޞީޞު

އަޅުގަނޑު މިތަރުޖަމާ ތަޚްޞީޞު ކުރަނީ އަޅުގަނޑުގެ ވަރަށް ގާތް ރަޙްމަތްތެރި އަޚަކަށެވެ. މިލަވައަކީ މިރަޙްމަތްތެރި އަޚާއަށް ވަރަށްރީތިވި ލަވައެކެވެ. މިލަވައިގައި ފާޅުކޮށްލެވިފައިވާ އަވާތިފުތައް، އާދެ! ހިތުތެރޭ އަމިއްލަބާރަކާނުލައިއުފެދި އުތުރިއަރާ ޝުޢޫރުތައް، މިއީ އަޅުގަނޑުގެ އެކުވެރި އަޚާ ކޮންމެވެސް ކުއްޖެއް ގާތު ބުނެލައި ފާޅުކޮށްލަން ބޭނުންވާ އިޙްސާސުތަކެއްކަމަށްވެސް ވެދާނެއެވެ. މިއަޚަކީ ޅެންވެރިއަކަށް ވުމުން މިޝުޢޫރުތައް އެއަޚާގެ ޅެންބަހުރުވައިންޢިބާރާތްކޮށް ނަޡުމަކުން ލިޔެއަމުނާލައްވާނެކަމަށް އުއްމީދުކުރަމެވެ.