ހަނދާނުގެ އެންމެ ތޫނުކަށިތައް: ނުދެވުނު ކޮޅުނބު ދަތުރު

ކިޔާފައިވާ ޢަދަދު: 671

ހަނދާނަކީ، އަޖައިބެއް ކަހަލަ އެއްޗެކެވެ. ބައެއް ހަނދާން ދިރިގަންނަ ހިނދު ތިމާގެ ހިތުގެ ވިންދު އަވަސްވެގެން ދެއެވެ. އެއާއެކު އުފަލުން ފުރިގެން ހިނގައިދެއެވެ. އަދި ބައެއް ފަހަރު އުފަލުން ނެށިވެސް ދޭމެއެވެ. ނަމަވެސް އަނެއްބައި ހަނދާން ހިތުގައި އާވެ އާލާވާން ފެށުމުން ހިތަށް ދަތިކަން އިތުރުވެދެއެވެ. ސިކުނޑި ހާސްވެދެއެވެ. ކުރާން ފަށާ ހިތި އަސަރެއްގެ ނަތީޖާއެއްގެ ގޮތުން ތިމާގެ ލޮލުން ބޭއިޚްތިޔާރުގައި ކަރުނަވެސް ހިނގާންފަށާމެއެވެ. އެފަދަ ހަނދާންތަކަކީ…. އާދެ! އެފަދަ ހަނދާންތަކަކީ، ހަނދާނުގެ ތޫނު ކަށިތަކެވެ. މިހެނީ…

ކަލާގެ ހަނދާނުގައި ދެމޭ ހާސަރު

ކިޔާފައިވާ ޢަދަދު: 1422

އަހަރެންގެ ލޮލުން ކިތަންމެ ކަރުނައެއް އޮހުރުނުކަމުގައިވިޔަސް ކަލާ އެނބުރި އައުމެއް އަލުން ނެތެވެ. އަހަރެންގެ ހިނިތުންވުން ކިތަންމެ ނަޔާކަމުގައިވިޔަސް ކަލާއަށް ފަރުވާލެއްނެތެވެ. އަހަރެން ކަލާއަށް ކިތަންމެ ކުލުނެއް ބެހެއްޓިއަސް އަހަރެން އަދިވެސް ވަނީ ކަލާގެ ނަޒަރުގައި އަނދިރި ފަރާތުގައެވެ. އަހަރެން ކަލާދެކެ ކިތަންމެ ލޯތްބެއް ވީ ކަމުގައިވިޔަސް ކަލާ ތިޔަވަނީ އަހަރެންގެ ހިތް ފިސްފިސްކޮށްލާފައެވެ. ކަލާއާ ހެދި ނޫޅުމަށް އަހަރެންނަށް ހެޔޮ އެދޭ މީހުން ނަސޭހަތްތެރިވިކަމުގައި ވިޔަސް އެ މީހުންނަށް އަހަރެންނަށް ކަލާ ފެންނަހެން ނުފެނެއެވެ. އަހަރެންގެ…

މަގުމަތިން އަނދަވަޅު؟

ކިޔާފައިވާ ޢަދަދު: 1509

މީގެ ދުވަސްކޮޅެއް ކުރީން ކުއްޖަކު ކިޔައިދިން ވާހަކައެކެވެ. އެއީ ސްކޫލެއްގައި ކިޔަވާ ފުރާވަރުގެ އަންހެން ކުއްޖެކެވެ. އެ ދުވަހު އެ ކުއްޖާ ސްކޫލުން ނިމިގެން ގެއަށް އައުމަށް ހިނގައިގަތީ އެކުވެރި އެހެން ކުއްޖަކާއެކުގައެވެ. ހިނގާފައި އައީ ދުވާރު މަތީންނެވެ. ވަކި ހިސާބަކުން މަގު ހުރަސްކުރަން ޖެހިއްޖެއެވެ. މަގު ހުރަސްކުރާއިރު ކޮންމެ މީހަކަށް ވެސް ފުރަތަމަ ބަލައިލެވޭނީ މަގުގެ ދެ ކޮޅަށެވެ. މަގުމަތީން ގިނަ ފަހަރަށް ނުރައްކަލެއް ކުރިމަތި ވަންޏާ ކުރިމަތިވާނީ ދުއްވާ އެއްޗެހީގެ ސަބަބުން ކަމަށް ވާތީއެވެ.…

ވަޒީފާގެ ހުށަހެޅުމަށް ރައްކާތެރިވެލައްވާ! އެހެން ނޫންނަމަ ….

ކިޔާފައިވާ ޢަދަދު: 649

ޝަންދުރާ ވޮވޮރަންތު އެމެރިކާއަށް ދިޔައީ ހޮޓެލް އިންޑަސްޓްރީގައި މަސައްކަތްކުރަން ފެށުމުގެ އުއްމީދުގައެވެ. އެހެންނަމަވެސް ޝަންދުރާއަށް ކުރިމަތިލާންޖެހުނީ އިންސާނީ ވަގުފާރީގެ ދުނިޔެއެއްގެ ޖިންސީ އަނިޔާވެރިކަމުގެ އަޅުވެތިކަމާއެވެ. މަސްތުވާ ތަކެތި ނެގުމަށް މަޖުބޫރިކުރުވިއެވެ. މި ލިޔުމުގައި ކުރުގޮތަކަށް ބަލައިލާނީ ޝަންދުރާއަށް ކުރިމަތި ހާދިސާގެ މައްޗަށެވެ. އޭނާ ކިޔައިދީފައިވެއެވެ. އަހުރެން އެމެރިކާއަށް އައީ 2001 ވަނަ އަހަރުގެ ޖޫންމަހުގެ ފުރަތަމަ ހަފުތާގައެވެ. އަހުރެންނަށް އެމެރިކާއަކީ ވަޢުދާއި އަދި ފުރުޞަތުގެ މަންޒިލެކެވެ.  އަހުރެން އެމެރިކާއަށް ހިޖުރަކުރުން އިހުސާސްކުރެވުނީ އުފަލާއި ހިތްހަމަޖެހުމުގެ އައު މަންޒިލަކަށް…

ފަތުޙުލް މަޖީދުގެ ބެހުނު ދަތުރު (5)

ކިޔާފައިވާ ޢަދަދު: 963

ހަލުވާ ބާޒާރު އަޅުގަނޑުމެން މި ދުއްކާނުގައި ތިބޭތިބުމުގައި ކޮންމެ ދުވަހަކު ވެސް ހަވީރު 4:00 އަށް އެންމެން ބާޒާރަށް ނިކުންނަމުއެވެ. އެއީ އެރަށުގެ އާދައިގެ މަތިން ހަމަޖެހިފައިވާ ހަލުވާ ބާޒާރެއް ކޮންމެ ދުވަހަކު ވެސް ހަވީރު 4:00 އަށް ހުޅުވެއެވެ. ބޭނުމަކީ މިބާޒާރު ހުޅުވޭއިރު ތިބީމާ އެކިތަންތަނުން ހަލުވާ ގަންނަން އަންނަ މީހުން ބެލުމާއި އެމީހުން އެބާޒާރުގައި ކުރާ ވިޔަފާރީގެ އަތްމަތި ފަރިތަކަމާއި މިކަހަލަ މަންޒަރުތައް ބެލުމެވެ. އަދި އަޅުގަނޑުމެން ވެސް އެތަނުން ހަލުވާ ގަންނަމުއެވެ. އެރަށުގެ…

ފަތުޙުލް މަޖީދުގެ ބެހުނު ދަތުރު (4)

ކިޔާފައިވާ ޢަދަދު: 726

ދުންފަތް ނެތީމާ…. އެރަށުގައި އެންމެ ދަތިކަމަކީ ދުންފަތް ލިބެން ނެތްކަމެވެ. ދުންފަތުގެ އިސްތިޢުމާލު ކުރުން އެރަށުގައި މަނާކޮށްފައި އޮތީއެވެ. ދެން މަންޞޫރުއާއި އަޅުގަނޑާއި ދެމީހުން ސިނގިރެޓް ފަދަ އެއްޗެއް ލިބޭތޯ މީހަކާއި ވާހަކަދެއްކުމުން އެމީހާ އަޅުގަނޑުމެން ދެމީހުން ގޮވައިގެން ގޮސް އެތާނގެ ރަސްގެފާނުގެ ކާރުގެ ޑްރައިވަރު އަޅުގަނޑުމެނަށް ދައްކާފައި އޭނާއާއި ވާހަކަދައްކައިގެން އެފަދަ އެއްޗެއް ލިބޭތޯ ބަލާން އެމީހާ ބުންޏެވެ. މަންޞޫރު އެ ޑްރައިވަރާއި އެވާހަކަ ދެއްކީމާ އޭނާ ބުނީ ތިމަންނާއަކީ ރަސްގެފާނާއި ވަރަށް އަރިސް މީހަކީމޭ،…

މުމްބައީގެ ފެން ބޭކާރު ކުރުން ޓަތްކަކުން ޓަތްކަކުން ހުއްޓުވާ މީހާ

ކިޔާފައިވާ ޢަދަދު: 613
ލިޔުނީ: ގީތާ ޕަންޑޭ
ތަރުޖަމާ: އިބުރާހީމް ހުސެން މަނިކު
އާދީއްތަ ދުވަހެއް ހެނދުނެވެ. ރަށަކީ މުމްބައިއެވެ. ތަނަކީ މީރާ މަގުގައި ހުރި އެތައް އެޕާޓްމެންޓެއްގެ މައްޗަށް އެކުލެވިގެންވާ ބޮޑު ބިނާއެކެވެ. މިތާނގެ އެންމެ މަތީ ބުރީއަށް އުމުރުން އައްޑިހަ އަހަރުވެފައި ހުރި މީހަކު އަރައިގެން އައިސް ދޮރެއްގައި ޓަކިދީފިއެވެ. މިގޮތަށް ވޭތުވެގެން ދިޔަ ހަތަރުގަޑިއިރުގެ ތެރޭގައި މިބިނާގައި ހިމެނޭ 50 އެޕާޓްމެންޓުގައި އޭނާ ޓަކިދެއެވެ. އޭނާ ކުރަނީ އެއްސުވާލެކެވެ. “ފެން ފައިބާ އިސްކުރެއް އެބަހުރި ހެއްޔެވެ؟” މީހަކީ އިނާމް ލިބިފައިވާ ލިޔުންތެރިޔާ އިތުރަށް ކުރެހުންތެރިޔާ އަދި ކާޓޫނު ކުރަހާ މީހާ އަދި 80 ފޮތުގެ މުސައްނިފު އާބިދް ސުރުތީއެވެ. އޭނާ ކައިރީގައި ފެންވައިރުކުރާ މީހަކާއި އެހީތެރިއަކު ހުއްޓެވެ.
 

ހިތްތިރި އިހުތިރާމް

ކިޔާފައިވާ ޢަދަދު: 903

އިބުރާހީމް ހުސެން މަނިކު

އުތުރުކަރައިގެ ސިނާއީ އުފެއްދުންތެރިއެއް ކަމުގައިވާ ޒާވިޔާ ޕޫނޭވާލާއަކީ އެކަރައިގެ އެންމެ ބޮޑެތި މުއްސަނދީންގެ ތެރޭގައި ގުނާލެވޭ މީހެކެވެ. ވަރަށް ކަމަށްކަމޭހިތުމާއެކު އޭނާއަށް ޚިދުމަތްކޮށް ދިން ކާރު ޑުރައިވަރު ދަތު ނިޔާވީ މުހިންމު ވިޔަފާރިއެއް ނިންމާލުމަށް ޒާވިޔާ މުންބައިއަށް ގޮސް ބަޔަކާ ބައްދަލުކޮށްގެން ވާހަކަދައްކަން އިންދައެވެ. ދަތުގެ މަރުގެ ޚަބަރު ލިބުމާއެކު ޒާވިޔާ ހަމަ ވަގުތުން ބައްދަލުވުން ކެންސަލްކޮށްފައި އަވަހަށް އައީ ރަށަށެވެ. ބޭނުމަކީ ޚާއްސަ މުނާސަބަތުތަކުގައި އޭނާ ބޭނުންކުރަން ބާއްވާފައި އޮންނަ ބޮޑު ލިމޮސީން ކާރު އަދު ދަތަށް ޓަކައި ޚާއްސަކޮށް މާމެލާމެލިން ޒީނަތްތެރި ކުރުމެވެ.

ބިލިއަން ޑޮލަރުގެ ހިނިތުންވުން

ކިޔާފައިވާ ޢަދަދު: 796

އިބްރާހީމް ސަލީމް

އަހަރެންނަށް ވިސްނުނުގޮތުގައި ބްރެޒިލް މީހުންނަކީ ސާފުތާހިރުކަމަށް ވަރަށް ބޮޑަށް ސަމާލުކަންދޭ ބައެކެވެ. ކޮންމެ ކަމަކަށްފަހު، އާންމު އުޞޫލެއްގެ ގޮތުން އެބައިމީހުން ދެފަހަރު އަތްދޮވެ ސާފުކުރެއެވެ. އަދި ޢާންމުގޮތެއްގައި ކޮންމެ ރެސްޓޯރެންޓެއްގެ ބޭރުގައި ސިންކްހުރެއެވެ. އަދި އެތަނުގައި ސައިބޯންޏާއި އަތްފުހޭނެ ޓިޝޫ ހުރެއެވެ. ތިޔައިން މީހަކު އެފަދަ ރެސްޓޯރަންޓަށް މެންދުރުގެ ކެއުމައަށް ވަންނަ އިރު އަތްދޮވޭނެ އިންތިޒާމް އެތަނުގައި ވަނީ ހަމަޖެހިފައެވެ.

ފަސްކުރުމަކީ ގޯސް ގޮތެއް ނޫނެވެ

ކިޔާފައިވާ ޢަދަދު: 834

ލިޔުނީ: ލައިނަލް ވިޖޭސިރީ
ތަރުޖަމާ: އިބުރާހީމް ހުސެން މަނިކު

“ފަސްކުރުމޭ” ބުނުމުން ބަނޑުގައި އޮތް މާނައެއް ކަމުގައި ގިނަ މީހުންނަށް ނެގެނީ ކަންނެތްކަމެވެ. މީހާގެ ޝަޚުސަށް ރިއާޔަތްކޮށް ކަމުގެ ފުނަށް ފީނުމުގެ ބަދަލުގައި އެމީހުން ހައްލެއްކަމަށް ދެކެނީ ފަރިތަވެފައި ހުރި އާދަ ބަދަލުކުރުމެވެ. ކަމާ މެދު ތަފާތު ނަޒަރަކުން ބެލިދާނެ ހެއްޔެވެ؟ މިސާލެއް ނަގަމާ ހިނގާށެވެ. ކުންފުންޏެއްގެ މުއައްޒިފުންނާ ބެހޭ މެނޭޖަރެއްގެ ގޮތުން މަސައްކަތްކުރާ ރައްޓެއްސެއް ގާތުގައި އަހަރެން އެއް ދުވަހު ޝަކުވާ ކުރީ ކޮންމެ ކަމެއް ވެސް ފޫކޮޅުގައި ރޯވަންދެން ފަސްކުރަން މަގޭ ކަށީގައި ހިފައިފައި ހުރި ގޯސް އާދަޔާ ގުޅޭ ގޮތުންނެވެ. ޖަވާބުގައި އޭނާ ބުންޏެވެ. “ފަސްކުރުމަކީ ތިބާގެ ޝަޚުސީ ސިފައެކެވެ. ތިބާ ތިޔަ ހަދަނީ ރަނގަޅަށެވެ. ތިޔައިގައި ގޯހެއް ނެތެވެ.” އޭނާ އެބުނަނީ ތެދަކަށް ވެސް ވެދާނެއެވެ. ކަންކަން ފަސްކުރުމަކީ ގައިމު ވެސް މަގޭ ގޮތެވެ.