ހުދުކޯޓު ލާ ހިތްވި އަންހެން ކުއްޖެއްގެ ވާހަކަ

ކިޔާފައިވާ ޢަދަދު: 2010
ލިޔުއްވީ: ހެމަވަތީ (އާއިލީ ނަން ވަންހަނާ ކުރަށްވާފައި)
ތަރުޖަމާ: އަޙްމަދް ސަމީރު ޢަލީ
ދަންނަވަން މި އުޅޭ ވާހަކައިގެ ބޮޑުބައެއް ގުޅިފައިވަނީ، މުސްކުޅިވެ ޕެންޝަން ލިބިފައިވާ ދެމަފިރިންގެ ނޯކަރެއްގެ ގޮތުގައި އަޅުގަނޑުގެ މަންމަ މަސައްކަތްކުރި ދުވަސްވަރާއެވެ! އާދެ، ކޭ ކޭ ކޭ ރައޯ އާއި އޭނާގެ އަނބި ކަނބަލުން ވިމްލާ އަށް ކައްކައިދީ، އަންނައުނު ދޮވެދީ، ޖުމްލަ ގޮތެއްގައި އާދައިގެ ގެއެއްގައި ކުރަން ހުންނަ ތަފާތު ކުދި ކުދި، އެހެން ނަމަވެސް ކޮށް ހުސްނުވާ، ތަފާތު ކަންތައް ކުރުމުގައެެވެ. މިސިޒް ރައޯ އަކީ ގެވެހިކަމުގެ އިލްމު ކިޔަވައިދެއްވި، އެ ރޮނގުގެ ޕްރޮފެސަރެކެވެ. ފިރިކަލުން މިސްޓަރ ރައޯ ވަޒީފާ އަދާ ކުރެއްވީ އިންޑިއަން ރެއިލްވޭ ސާރވިސަޒްގެ އިސްމަގާމެއްގައެވެ. މިހާރު މި ދެމަފިރިންވެސް ހިލޭ ސާބަހަށް ކުރަށްވާ ކަމެއް ފިޔަވައި އެއްވެސް ކަމެއް ނުކުރައްވައެވެ. ދިރިއުޅުއްވަނީ ޕެންޝަން ފައިސާއިންނާއި ކުރިން ރައްކާކުރަށްވާފައިވާ އެއްޗަކުންނެވެ.
 

އޭރުގެ ފަތްފުށްތަކުން…. (105)

ކިޔާފައިވާ ޢަދަދު: 1081

 ޞަލާޙުއްދީނުގެ ޚާއްޞަ ތަޤުރީރެއް (2)

(7 ޖޫން 2015 (އާދީއްތަ) ދުވަހު ޝާއިޢުކުރި ބަޔާ ގުޅޭ)
ނުކުންނަނަމަ ވާތުފައި އިސްކޮށް أللهم إنى أسئلك من فضلك މި ފަދައިން ކިއަމުން ނުކުތުމާއި. މިހިރި މިހިރީ މިސްކިތްތަކުގެ އަދަބުތަކެވެ.
 (12)ފޮތް ގެންގުޅުމުގެ އަދަބުތައް.
ތިމާ ގެންގުޅޭ ފޮތްތަކަށް ކަމޭހިތުމީ. علم ވެރީނާއި علم އުގެނޭން އުޅޭމީހުންގައި ނެތިނުވާނޭ ކަމެއްކަމުގައި ބޮޑެތި إمام ވެރީން ވަނީ ކަޑައަޅުއްވައި އަންގަވައިފައެވެ. قران ފޮތެއް ގެނެވޭ ތަން ފެނިއްޖެ ނަމަ ތެދުވުމީ ސުންނަތެކެވެ. ނުތެދުވުމީ ފާފަވާކަމެކެވެ. قران ފޮތް އޮތް ތަނަށް ފައިންއެރުމާއި އެތަނެއް ގިރާކޮށް ދިއުމާއި. އޮޅިއޮޅި މަތީގައި قران ފޮތް ބެހެއްޓުމާއި. މިހިރީ ބޮޑަތި مكروه ނުވަތަ حرام ކަންތަކެވެ. ބޮސްދޭން ހަދައިގެން ނޭފަތާއި މުނުގައި ހުންނަ ކުނިމިލަތައް އުގުޅުން حرام  ވެ. އެކަމަކު ބައެއްމީހުން ފޮތްހުޅުވައިގެން މޫނު ކާއްތައިވެސް އުޅެއެވެ.

މަލަށް މާބުރުގެ ގޯނާ ފޯރަނީ……..

ކިޔާފައިވާ ޢަދަދު: 1298

ޅެން ޝަރަޙަ:

މަލަށް މާބުރުގެ ގޯނާ ފޯރަނީ……..

މަރިޔަމް ޢަލީ

މި ވެބްސައިޓަށް ލިޔުއްވާ ޢަބްދުލްޢަޒީޒު ޖަމާލު ހައްދަވައިފައިވާ ތިރީގައި މިވާ ޅެމަކީ 2000 ވަނަ އަހަރު ނުވަތަ 2001 ވަނަ އަހަރުހާ ހިސާބުގައި “މިއަދު” ނޫހުގައި ޝާއިޢުކޮށްފައި އޮއްވައި އަޅުގަނޑަށް ފެނުނު ޅެމެކެވެ. ހަމަ އެ ޅެން “ލިޔުންތެރީން”ގައިވެސް ޝާއިޢުކޮށްފި އެވެ. އެ ޅެމުން އަޅުގަނޑަށް ވަރަށް އަސަރުތަކެއް ކުރުވި އެވެ. އަޅުގަނޑަށް މާނަކުރެވުނީ މި ޅެމުގައި ޝާޢިރުގެ ބަނޑުގައި އޮތް ފުން މާނައެއް ވާކަމަށެވެ. އެހެންކަމުން މި ޅެން މާނަކޮށް ޝަރަޙަކޮށްލާހިތްވީއެވެ. މިއީ މި ގޮތުން އަޅުގަނޑު ކުރި ފުރަތަމަ މަސައްކަތެވެ.

އޭރުގެ ފަތްފުށްތަކުން ….(104)

ކިޔާފައިވާ ޢަދަދު: 1266
 

ޞަލާޙުއްދީނުގެ ޚާއްޞަ ތަޤުރީރެއް

އިދާރާ

މިއީ 1358 ވަނަ އަހަރު ޖުމާދަލްއައްވަލުމަހު 15 ވަނަ ދުވަހު، އޭރުގެ މަދްރަސަތިއްސަނިއްޔާގެ ދަރިވަރުންނަށް ފަޟީލަތުއްޝައިޚު ޙުސައިން ޞަލާހުއްދީން ދެއްވި އަގުހުރި ތަޤުރީރެކެވެ. މި ޢިލްމީ ތަޤުރީރުގެ މުހިއްމު ކަމުން، މިހާރުގެ ކިޔަވާ ކުދީންނަށް ވެސް މަންފާއެއް ކޮށްފާނެކަމުގެ އުންމީދުގައި މި ތަޤުރީރު ޝާއިޢުކޮށްލީއެވެ.

(ބިސްމިއާއި ޙަމްދު ޞަލަވާތަށްފަހު) އޭ މާތްވެގެންވާ އަޚުންނޭވެ! އޭ މި މާތް މަދުރަސާގެ ނަމާއިގެން މަތިވެރިވާން ތިބި ދަރީންނޭވެ! ތިޔަކުދީންގެ ކުރިމަތީގައި ތަޤުރީރު ދިނުމަށް މި މޭޒުގެ ކައިރީގައި ވަރަށް ގިނަ ފަހަރުފަހަރަށް ބޭބޭއަށް އެބަހުއްޓެވެއެވެ. ފަށްފަށުން ތިޔަކުދިންނަށް ދީއުޅޭ ނަސޭހަތުން އަމުދުން ފާއިދާޔެއް ނުކުރެޔެކޭވެސް ހިޔެއް ނުވެއެވެ. ކޮންމެދުވަހަކު ކިޔެނީ ހަމަ އެކައްޗެއް ކަމުގައިވެސް ނުވާނޭކަމެއް ނޭގެއެވެ. އެކައްޗެއް ނަމަވެސް ގިނަ ފަހަރުފަހަރަށް ކިޔަނީވިއްޔާ. އަސަރެއް ނުކޮށެއް ހަމަ ހިލައަކު ނުދާނެއެވެ (وذكّر فإن الذكرى تنفع المؤمنين) މިހެންވީއިރު منفع ނުފެނިއެއް ނުހުންނާނެއެވެ.
 

ގިލަންވެރިކަމަކަށް ވަކި ފަންތިއެއް ނެތެވެ!

ކިޔާފައިވާ ޢަދަދު: 4302
އަލްމަރްޙޫމް ޑޮކްޓަރ މުޞްޠަފާ މަޙްމޫދް
ތަރުޖަމާ: އަޙްމަދް ސަމީރު ޢަލީ
މިސްރަށް އުފަން الدكتور مصطفى محمود އަކީ މެޑިކަލް ޑަކްޓަރެކެވެ. މެއަށް ޖެހޭ ބަލީގެ ޚާއްސަ ޑަކްޓަރެއްގެ ގޮތުގައި އަށެއްކަ އަހަރު މަސައްކަތް ކުރެއްވުމަށްފަހު 1960 ން ފެށިގެން ލިޔުންތެރިކަމަށް ޚާލިސްވެ ވަޑައިގެން، 2009 ވަނަ އަހަރު މި ދުނިޔެ ދޫކުރެއްވިއިރު 89 ފޮތް ޝާއިއު ކުރައްވާފައިވެއެވެ. ލިޔުއްވުމުގެ އިތުރުން، العلم والإيمان ގެ ނަމުގައި، ކީރިތި ޤުރުއާނުގައި ވާ ޢިލްމީ މުޢުޖިޒާތް އާންމުންނަށް ވިސްނޭފަދަ ތިލަ ގޮތަކަށް، (މިސްރާއި  އަރަބި ދުނިޔޭގައި ވަރަށް މަޝްހޫރުވި އެ ސިލްސިލާގެ) 400 އަށްވުރެ ގިނަ ޓިވީ ޕްރޮގްރާމު  ހުށަހަޅުއްވައިދެއްވެވިއެވެ. އަދި 1979 ގައި “مسجد مصطفى محمود” ގެ ނަމުގައި ވަރަށް ބޮޑު މިސްކިތެއް އަޅުއްވައި މިމިސްކިތުގެ ތިރިން ބައެއްގައި  ނިކަމެތީންނަށް ވަރަށް ހެޔޮ އަގުގައި ބޭސްފަރުވާ ކުރެވޭނެ 3 ކްލިނިކް މިހާރުވެސް ހިންގެއެވެ.
 

އަދަބީ ކަރުނަ

ކިޔާފައިވާ ޢަދަދު: 4975
ޙަސަން ޝާކިރު މުޙައްމަދު 
އެއްވެސް ކަމަކާ މީހަކު ދެރަވެއްޖެނަމަ، ނުވަތަ އަސަރުކޮށްފިނަމަ، ލޮލުން ކަރުނަ ހިލުމަކީ، ނުވަތަ ކަރުނަ އޮހޮރުމަކީ، ވަރަށް ގާތްކަމެކެވެ. ތަފާތު ކަންކަމުން ތަފާތު މީހުންނަށް އަސަރު ކުރެއެވެ. އިންސާނާގެ ހިތުގައި އުފެދޭ ޖަޒުބާތެއްގެ ސަބަބުން ކުރެވޭ އިޙްސާސާ ގުޅިފައިވާ އަސަރަކީ ބައެއް ހާލަތުގައި ފޮރުވޭ އަސަރެއް ނޫނެވެ. އެ ގޮތުން އަޅުގަނޑަކީވެސް އިސްތިސްނާ މީހެއް ނޫނެވެ. އެކި ކަންކަންމުން މިދެންނެވި އިޙްސާސް އަޅުގަނޑަށް ވެސް ކޮށްފައިވެއެވެ. އަދި ކުރަމުން ދޭވެސް މެއެވެ. . 
 

30 ދުވަސް ވާންދެން އަނބިމީހާ އުފުލުން

ކިޔާފައިވާ ޢަދަދު: 2571
ތަރުޖަމާ: ޢަބްދުﷲ ނަޢީމު އިބްރާހީމް
(މިއީ 2004 ވަނަ އަހަރުގެ މޭ މަހުން ފެށިގެން އިންޓަރނެޓްގައި ދައުރު ވަމުންދާ ލިޔުމެކެވެ. އެންމެ ފުރަތަމަ މި ލިޔުން ފެނުނު ކަމަށް ވަނީ މެލޭޝިއާގެ ނިވްސްގްރޫޕަކަށެވެ. އެ ގްރޫޕަށް ލިޔުން ލިބުނީ އީމެއިލްގެ ޒަރީޢާއިންނެވެ. އެކަމަކު ލިޔުނީ ކާކު ކަމެއް އެނގޭކަށް ނެތެވެ. ލިޔުނު މީހެއްގެ ނަމެއް އަދިވެސް ނޭނގެއެވެ. މިއީ އެ ލިޔުމުގެ އަވަސް ތަރުޖަމާއެކެވެ.)

ރުއިމުގެ ޒަހަރު

ކިޔާފައިވާ ޢަދަދު: 1310
ޢަބްދުﷲ ޞާލިޙު
 
ހަމަ މަ ރޯންވީ ހެއްޔެވެ.
ތިޔަ އަސަރުގައި ނުނިދި ރޮވެނީއެވެ.
ވޭނީ ސުވާލުތައް އުފެދެނީ މިހިތުގައެވެ.
ހަމަ މި އެކަނިވެރިކަމުގައި ހިތި ޒަހަރު ބޯންވީހެއްޔެވެ.
ކަމުގެ ދެކޮޅު ނުބެލީ ކީއްވެ ހެއްޔެވެ.
މި އަޅާފުށުން ވީ ކޮން ކުށެއްހެއްޔެވެ.
އަޅެ އަންގާލަ ދީފާނަން ހެއްޔެވެ.
ތީހަމަ ތިބާގެ ޤާނޫނުހެއްޔެވެ.

ފެހި- ފަލްސަފީ ވިސްނުމަކުން

ކިޔާފައިވާ ޢަދަދު: 2520
އަޙްމަދް ސަމީރު ޢަލީ
މާލޭގެ ދެކުނު ފަރާތުގައި މޫދަށް އެރިއުޅެން ހަމަޖެހިފައިވާ ސަރަހައްދުގައި ދާދި ފަހުން ފެންމަތީގައި އޮންނަ ކޮށްޓެއް ރާވައި ހަތަރުފަރާތަށް ވާއަޅައި ހަރުކުރެވިއްޖެއެވެ. މިއީ ކުރީގައި އެ ހިސާބުގައި އޮތް އެފަދަ ކޮށިގަނޑު ބާވުމުން އޭގެ ބަދަލުގައި ފެތުމުގެ ތަމްރީނު ހޯދާ ކުދިންނަށް ލިބުނު ވަރަށް ރީތި، އެހައިމެ ބޭނުންތެރި ހަދިޔާއެކެވެ. މިފަދަ ކޮށްޓެއްގެ އެންމެ ފަސޭހަ ކަމަކީ އެ ކޮށީގެ އެތެރެއަށް އޮޔާދާ ކުނިބުނި ނުވަނުމާއި، ނެރުން ވައްދާ ރާޅުގެ އަސަރުވެސް ކޮށީގެ ތެރެއަށް ނުކުރުމެވެ. އަދި ފެތުމުގެ ހުނަރު ދަރިވަރުންނަށް ދަސްކޮށްދޭ އެދުރުންގެ އިރުޝާދު އެމީހުން ނުތެމި، އެކުދިންނާއި އެއްވަރަށް މި ހަތަރެސްކަން ފާލަމެއް ކަހަލަ ކޮށި މަތީގައި ހިނގަމުން ކިޔައިދެވުމެވެ.

” ރޭ ފަތިހޭތޯއެވެ! ”

ކިޔާފައިވާ ޢަދަދު: 2354
އަޙްމަދް ސަމީރު ޢަލީ
މަތީގައި އެވާ ސުރުޚީ އަށް އަލިއަޅުވައިލާނަމޭ ހިތައި، އަޅުގަނޑު ޚިޔާލު ކުރާތާ ލައްކަ ދުވަސް ވެއްޖެއެވެ. އިއްޔެ (ހުކުރު ދުވަހު) ފަތިހު ކެންދޫގައި ހިނގި ވަރަށް ހިތާމަވެރި ހާދިސާއެއްގެ ޚަބަރު ކިޔައިލި އިރު ‘ ރޭ ފަތިހު ލޯންޗަކާއި ދެ ދޯންޏެއް އަންދައިލި’ ޚަބަރުގައި ލިޔެފައިވެއެވެ.  ހަގީގަތުގައި މި ކުރު މަޒްމޫނުގައި  އެ ލިޔުންތެރިޔާ އަށް އަޅުގަނޑު ރައްދެއް ދޭކަށް ގަސްދެއް ނުކުރަމެވެ.  އަޅުގަނޑަށް ވިސްނޭ ގޮތުގައި މިއީ މިހާރު ވަރަށް އާންމު ކުށް ބަހެކެވެ.