މައިންބަފައިން އެބައިމީހުންގެ ދަރިންނާ މާދަރީބަހުން ވާހަކަ ދައްކަން ޖެހެނީ ކީއްވެ؟

ކިޔާފައިވާ ޢަދަދު: 1838
ތަރުޖަމާ: މުޙައްމަދު ނަޒީރު
“އަހަންނާ ދިމާވާ ގިނަ ބެލެނިވެރިން، އެބައިމީހުންގެ ދަރިންނާ މާދަރީބަހުން ވާހަކަދެއްކުން ހުއްޓާލިކަން އެއީ، ކުއްލި ހައިރާންކަމެއް ލިބުނު ކަމެކެވެ.” ދެބަހުން ވާހަކަ ދައްކަން ދަންނަ ދެދަރިންގެ މަންމައެއް އަދި ވާހަކަ ދައްކަން ބޭނުންކުރާ ބަސްބަހުގެ ސައިންސްވެރިއެއް ކަމަށްވާ އެނާ ޕައުލާ ބުންޏެވެ. “އެމީހުން އެގޮތަށް ކަންކުރަނީ އެމީހުންގެ ދަރިންނަށް ސްކޫލްގައި ކިޔަވައިދެނީ މާދަރީބަހުން ނޫންކަމުގައިވާތީ، ސްކޫލްގައި ކިޔަވައިދޭ ބަހަށް މޮޅުވުމަށް އެޅިދާނެ ހުރަހަކަށް އެކަން ވާނެކަމަށް ހީވާތީއާއި އެކުދިންނާ ސްކޫލްގައި ކިޔަވައިދޭ ބަހާ ތަފާތު ބަހަކުން  ވާހަކަ ދައްކާނަމަ އިޖްތިމާއީ ގޮތުންނާއި ތައުލީމީގޮތުން ގެއްލުން ވާނެކަމަށް ކޮންމެވެސް ބަޔަކު އެބައިމީހުންނަށް ވިސްނައިދީފައި ވާތީ ނުވަތަ މިނޫންވެސް އެތައް ސަބަބެއް މެދުވެރި ވެފައިވާތީއެވެ.”

ކާކު؟ ކޮން ބަޔެއް؟

ކިޔާފައިވާ ޢަދަދު: 1529

ބަހުރުވައިގެ ޚާއްޞިއްޔަތުގެ ތެރެއިން…..

ކާކު؟ ކޮން ބަޔެއް؟

ޢަބްދުލްޢަޒީޒު ޖަމާލު އަބޫބަކުރު
“ކާކު” މިއީ އަނެކާ ދެނެގަތުމަށް ކުރެވޭ ސުވާލުގެ އަކުރެކެވެ. އެއީ ގާތުގައި ހުންނަ މީހެއް ކަމަށް ވެސް ވެދާނެ އެވެ. ނުވަތަ ދުރުގައި ހުންނަ މީހެއް ކަމަށްވެސް ވެދާނެ އެވެ.
 
މީހަކު އައިސް ވާހަކަދައްކަން ފެށުމުން އެއީ ކޮން މީހެއް ކަން ސާފުކޮށްލުމަށް ވެސް މި ސުވާލު ކުރެވިދާނެ އެވެ. “ތިޔައީ ކާކު ހެއްޔެވެ؟” އަދި ނަން ނޭނގޭ ތިންވަނަ މީހަކު އޮޅުން ފިލުވުމަށް ވެސް އެ ސުވާލު ކުރެވިދާނެ އެވެ. “އެއީ ކާކު ދެއްކި ވާހަކައެއް ހެއްޔެވެ؟”

އިތާމުތުގެ ހާރު (2)

ކިޔާފައިވާ ޢަދަދު: 1755
ތަރުޖަމާ: އަޙްމަދް ސަމީރު ޢަލީ
(2 އޮގަސްޓް 2015 (އާދީއްތަ) ދުވަހު ޝާއިޢުކުރި ބަޔާ ގުޅޭ)
ދެން ކުޑަ ދުވަސްކޮޅެއް ފަހުން، މީހެއްގެ މެހެމާނު ދާރީގައި މާ ގިނަދުވަހު  ހުރުމަކީ އެމީހުންނަށްވެސް ބުރަކަމަކަށް ވާނެތީ، އަހަރެން އެނބުރި ޖިއްދާއަށް ނުވަތަ އަންދަލުސަށް ދާން ބޭނުން ކަމުގައި ފާލިޙް ޙަސަނަށް ނަންގަތީމެވެ. ނަމަވެސް އޭނާ އެ ގޮތް ގަބޫލެއް ނުކުރެއްވިއެވެ. ބުނުއްވީ އަދި ކުޑަ ދުވަސްކޮޅަކު އަރާމުކޮށްލަން މަޑުކޮށްލާށެވެ! އަދި އެރޭގެ ޢިޝާ ނަމާދަށް ފަހު ފާލިޙް ޙަސަނާއެކު ޝައިޚް އަޙްމަދް ބިން ސުހައިލާއި އަދި އަހަރެން މޫދުން ނަގައި ސަލާމަތް ކުރިމީހުންގެ ތެރެއިންވެސް ގިނަ ބަޔަކު އެ ގެއަށް އައިސް އަހަންނާއި ބައްދަލު ކުރިއެވެ.

ހަމައެކަނި ވިދާޅުވެލެއްވުމަށް…(79)

ކިޔާފައިވާ ޢަދަދު: 738

ހަމައެކަނި ވިދާޅުވެލެއްވުމަށް…(79)

رئيس الجمہوريّۃ سموّالأميرإبراهيم ناصر ރަންނަބަޑޭރިކިލެގެފާނު ن.غ.ع.ވ.އަށް ޕާކިސްތާނުގެ ސަރުކާރުން ރަންމެޑްލްއެއް

ޕާކިސްތާނު ސަރުކާރުގެ އެމްބެސެޑަރ ހިޒްއެކްސެލެންސީ عبدالرؤف خان ދާދިފަހުން މާލެވަޑައިގެންނެވި خبر މިހާރުވާނީ ދެންނެވިފައެވެ. އެމަނިކުފާނު މާލޭގައި ނުކުންނަ އެހެން ނޫހެއްގެ އެޑިޓަރއަށް ދެއްވި خبر އެއް އެ އެޑިޓަރގެ ފަރާތްޕުޅުން މޫންލައިޓްގެ ރިޕޯޓަރއަށް ލިބުނެވެ. އެ خبرގައި އެމްބެސެޑަރ ވިދާޅުވެފައިވަނީ އެމަނިކުފާނުގެ އެދަތުރުފުޅަކީ ޕާކިސްތާނުގެ ބޮޑުވަޒީރު ذوالفقار على ބުއްޓޫ ފޮނުއްވީމައި ރަންމެޑެލްއެއް ހިއްޕަވައިގެން ރާއްޖޭގެ رئيس الجمہوريّۃ سموّالأميرإبراهيم ناصر ރަންނަބަޑޭރިކިލެގެފާނު ن.غ.ع.ވ.ގެ އަރިހަށްކުރެއްވި رسمى ދަތުރުފުޅެއް ކަމުގައެވެ.

އިތާމުތުގެ ހާރު (1)

ކިޔާފައިވާ ޢަދަދު: 1815
ތަރުޖަމާ: އަޙްމަދް ސަމީރު ޢަލީ
ފަނޑިޔާރު މަނިކުފާނު އަބޫބަކުރު މުޙައްމަދު ބިން ޢަބްދުލްބާޤީ އަންޞާރީއަކީ އިސްލާމީ ތާރީޚުގެ ސޮފްހާ ތަކަށް ތަދު ބޭފުޅެއް ނޫނެވެ. އެމަނިކުފާނަކީ އެމަނިކުފާނުގެ ދުވަސްވަރުގައި އުޅުއްވި އެންމެ ތަޤުވާވެރި ބޭކަލުންގެ ތެރެއިން އެއް ބޭކަލެވެ. ފަނޑިޔާރު މަނިކުފާނު މި ދުނިޔެ ދޫކުރެއްވިތާ ނުވަ ސައްތަ އަހަރު ފަހުންވެސް އޭނާގެ ރީތި ދިރިއުޅުއްވުމުން ގިނަ ބަޔަކަށް ތަފާތު  ޢިބްރަތްތަކާއި ހިތްވަރު ލިބެމުންދެއެވެ. އޭނާގެ ހަޔާތްޕުޅުގެ މައްޗަށް ލިޔުއްވާ ބޭބޭފުޅުން،  އަބޫބަކުރު މުޙައްމަދުގެ އަމާނާތް ތެރިކަމާއި ކެތްތެރި ކަމާމެދު ގިނަ ގުނަ ސޮފްހާތައް ލިޔުއްވައިފައިވި ނަމަވެސް، ޚުދު ފަނޑިޔާރު މަނިކުފާނު އަބޫބަކުރު މުޙައްމަދު ގެ ގަލަންކޮޅުން ލިޔުއްވި އެންމެ ކުލަ ގަދަ   އެއް ވާހަކަ ކިޔައިލަމާތޯއެވެ؟

މާޒީން ހާސިލުކުރަންވީ ޢިބުރަތެވެ!

ކިޔާފައިވާ ޢަދަދު: 2175
ޙުސައިން ޝާކިރު
ދިވެހި ޤައުމު ކުޑައެވެ. މީސްކޮޅު މަދެވެ. ބިން ކުޑައެވެ. ފެނިހުރި ވަސީލަތްތައް މަދެވެ. އެހެނަސް، އެއީ މި ޤައުމުގައި ލިބިހުރި ވަސީލަތްތައް މަދީއެކޭ ބުނެވޭކަށް ނެތެވެ. ހޯދިހޯދިހެން ވަސީލަތްތައް ދަނީ ފެނި ހާމަވެ އިތުރުވެ ގިނަ ގުނަ ވަމުންނެވެ. މިޤައުމުގައި ފޮރުވިފައިވާ ގައުމީ ޖައުހަރުގެ އަގުބޮޑެވެ. 
 
ދުނިޔޭގެ އެހެންވެސް ޤައުމުތަކާ އަޅައިބަލައި ކިޔުމުގައި މި ޤައުމުގައި ކުޑަވެސް އުނިކަމެއް ނުކުޅެދުންތެރިކަމެއް ވާކަމަށް ގަބޫލެއް ނުކުރެވެއެވެ. މި ޤައުމަށް ވެސް ޤައުމެއްގައި އެކުލެވިފައި ހުންނަންޖެހޭ ހުރިހާ ރުކުން ތަކަކާއި ސިފަތަކެއް ލިބިފައި ވެއެވެ. އެހެން ޤައުމުތައް ފަދައިންނެވެ. އަމިއްލަ ބަހަކާއި އަކުރެއް ލިބިފައިވެއެވެ. އަމިއްލަ ސަޤާފަތަކާއި އަމިއްލަވަންތަ ސިފަތަކެއް ލިބިފައިވެއެވެ. 

ފޯކުލޯރަށް ދިވެހިބަހުން ކިޔަނީ “ނާޑުކަތާ” ކަމާމެދަކު ޝައްކެއްނެތެވެ.

ކިޔާފައިވާ ޢަދަދު: 1995
ޢަބްދުލްޢަޒީޒު ޖަމާލު އަބޫބަކުރު
“ފޯކްލޯރ” ގެ މާނަ އަކީ ތުންތުންމަތީން ދެކެވެމުން އަންނަ ވާހަކަތައް ކަމަށް ބަސްފޮތްތަކުގައި ބަޔާންކޮށްފައި ހުރެއެވެ. އޭގައި، ހަރުބާހާއި މަޤުބޫލު ޤަބޫލުކުރުންތަކާއި ހަލީސާ އާއި ޕަރީންގެ ވާހަކަތައް ވެސް ހިމެނޭ ގޮތުންނެވެ. ދިވެހި ސަގާފަތުގައިވެސް އެފަދަ ވާހަކަތައް ހުރެ އެވެ. ނަމަވެސް އެފަދަ ވާހަކަތަކަށް ނުވަތަ ފޯކްލޯރަށް ދިވެހި ބަހުން ކިޔާނީ ކީކޭތޯ ބައެއް ލިޔުންތެރިން ސުވާލު އުފައްދައެވެ.

ޒަމާނީ އަޅުވެތިކަން ނައްތައިލުން

ކިޔާފައިވާ ޢަދަދު: 1760

Professor Kevin Bales
ތަރުޖަމާ: އަޙްމަދް ސަމީރު ޢަލީ

ތިރީގައި އެވާ ލިޔުމަކީ TED talks ގެ ބައްދަލުވުމެއްގައި ޕްރޮފެސަރ ކެވިން ބޭލްސް ދެއްވި ދަރުސެއްގެ ތަރުޖަމާއެވެ. ޕްރޮފެސްރ ބޭލްސް އަކީ އިންސާނުން އަޅުވެތިކޮށްގެން ގެންގުޅޭ ގެންގުޅުމާއި ބެހޭ ވަރަށް ގިނަ ދިރާސާ، ތަފާތު ފަސް ގައުމެއްގައި އަމަލީގޮތުން އެފަދަ ކަންކަން ހިނގާ ތަންތަނަށް ވަޑައިގެން މައުލޫމާތު ހޯއްދަވައިގެން، ވަރަށް ގިނަ ފޮތް ލިޔުއްވާފައިވާ ބޭކަލެކެވެ. މީނާގެ އެންމެ ފަހު ފޮތް “ Disposable People: New Slavery in the Global Economy ”
 ( ބޭނުން ނިމުނީމައި އެއްލައިލެވޭ މީހުން: ބައިނަލް އަޤުވާމީ އިގްތިސާދުގައި އާ އަޅުވެތިކަން ) މި ފޮތަކީ މިހާރު ތަފާތު 10 ބަހަށް ތަރުޖަމާކުރެވިފައިވާ ފޮތެކެވެ.  އަދި ހަގީގީ ފިލްމެއްވެސް އެ ފޮތުގެމައްޗަށް ތައްޔާރު ކުރެވިފައިވެއެވެ. ޕްރޮފެސްރ ބޭލްސް އަކީ އދ ށް، އިނގިރޭސި، ނޭޕާލު، އަދި ނޯވޭ ސަރުކާރަށް ފަންނީ ލަފާ ދެއްވާ މުޝީރެކެވެ! 2008 ވަނަ އަހަރު ފަރަންސޭސި ވިލާތުގައި ނޯބެލް އިނާމު ހާސިލުކުރެއްވި އިއްޒަތްތެރިންނާ މުޚާތަބުކުރައްވައި ޒަމާނީ އަޅުވެތިކަމާ ބެހޭގޮތުން ތަގުރީރު ކުރެއްވެވިއެވެ. އެމެރިކާގެ ކުރީގެ ރައީސް ބިލް ކްލިންޓަންގެ ނަންފުޅުގައި ހިންގަވާ ޖަމިއްޔާ އުފައްދަވަން އުޅުއްވިއިރުވެސް ޕްރޮފެސަރ ބޭލްސްގެ ލަފާފުޅު ހޯއްދެވިއެވެ.

އަހަންނަކީ މުދައްރިސަކީމެވެ!

ކިޔާފައިވާ ޢަދަދު: 1638
John W. Schlatter
ތަރުޖަމާ: އަޙްމަދް ސަމީރު ޢަލީ
އަހަރެން އުފަންވީ، ދަރިވަރެއްގެ  އަނގައިން ސުވާލެއް ފުންމައިލި ހިނދެވެ! އަހަރެންގެ ހަޔާތުގައި އެކިދުވަސްވަރު އެކި ހިސާބު ހިސާބުގައި އުޅުނު މީހުންނަށް ވާންޖެހުނެވެ! އެއްދުވަހަކު އަހަންނަކީ މަޝްހޫރު ފިލޯސަފަރު ސޮކްރޭޓްސްއެވެ. ގަދީމީ ޔޫނާނުގެ އެދަންސް ސަހަރުގެ ޒުވާނުންގެ ހިތްތަކުގައި އިލްމު އުނގެނި އާކަންކަން ހޯދައި އޮޅުންފިލުވުމަށް ހިތްޖެއްސުމުގެ ގޮތުން ސުވާލުކުރަން ދަސްކޮށްދިނީމެވެ! އަނެއްބައި ދުވަސްދުވަހު އަހަންނަކީ  މަޝްހޫރު، ލޯފަން އަދި މަންމަން ހެލަން ކެލަރގެ ހަމަ އެހައިމެ މަޝްހޫރު އެދުރުދައިތަ އޭން ސުލިވަން އެވެ! ތުއްތު ހެލަން ގެ އަތުގައި ޚާއްސަ ގޮތަކަށް ފިއްތައިގެން ކައުނުގެ ސިއްރުތައް އެ ތުއްތު ސިކުނޑިއަށް ވިސްނައިދެވޭތޯ ބެލި ކެތްތެރި އެދުރުދައިތައެވެ!

މުނިފޫހި ފިލުވުމުގެ ރަންޒަމާނުގައި އަދަބީ ލިޔުން ކިޔަން ޖެހޭހެއްޔެވެ؟

ކިޔާފައިވާ ޢަދަދު: 2107
އަޙްމަދް ސަމީރު ޢަލީ
އެތައް އިރަކު އެއްތަނެއްގައި އިނދެގެން ފަހަރަކު ގަނޑެއް އެއްލަމުން ފޮތް ކިޔަންވީ ކީއްވެހެއްޔެވެ؟    ޚިޔާލީ ވާހަކައާއި  މާދުރު ގައުމެއްގައި އުޅުނު އިހުމީހުންގެ ފުލޯކު ވާހަކަތައް މި ރަން ޒަމާނުގައި އަޅުގަނޑުމެން އަޅެ ކިޔަންވީ ފަހެ ކޮން ސަބަބަކާހުރެ ހެއްޔެވެ؟ މަޑު އެނދެއްކަހަލަ ބޮޑު ގޮނޑިޔެއްގައި އިންނައިރު ކުރިމަތީގައި އެހުރި ތިރި ކޮފީމޭޒު މަތީގައި، އިންގޮތަށް އިނދެ ޓީވީ އާއި ދެތިން ޑީކޯޑަރާއި ކުޅެލެވޭނެ ހަތަރުފަސް ރިމޯޓު އެބައޮތެވެ. ޓީވީ ހުޅުވާލައި ބޭނުން ކޮންމެ ހިސާބެއްގެ އެންމެ ހޫނު ޚަބަރާއި ފަލަ ސުރުޚީތައް ކިޔައި އަޑުވެސް އަހައިލެވެން އެހާ ފަސޭހައެވެ. ފާޑުފާޑުގެ ލަވަޔާއި ފިލްމާއި ކުޅެވެން ހުރި ކުޅިވަރު އެހައިމެ ގިނައެވެ. މިހާގިނަ ކަންތައް ކުރެވެން ހުރި ޒަމާނެއްގައި އިހުގެ އަދީބުންނާއި މިހާރުގެ ލިޔުންތެރިންގެ މަޒުމޫނުތަކާއި ފޮތް ކިޔަންޖެހޭ ސަބަބެއް އެބަ އޮތްބާއެވެ؟ މުނިފޫހި ފިލުވޭނެ އެތައް ކަމެއް  ކުޑަ ފޯނަކުންވެސް ކުރެވެން އޮއްވައި، އަދަބިއްޔާތު ކިޔައި މުތޯލައާ ކުރުމަކީ ވަގުތު ބޭކާރު ކުރުމެއްނޫން ބާއެވެ؟