ޒަމާނީ އަޅުވެތިކަން ނައްތައިލުން

ކިޔާފައިވާ ޢަދަދު: 1804

Professor Kevin Bales
ތަރުޖަމާ: އަޙްމަދް ސަމީރު ޢަލީ

ތިރީގައި އެވާ ލިޔުމަކީ TED talks ގެ ބައްދަލުވުމެއްގައި ޕްރޮފެސަރ ކެވިން ބޭލްސް ދެއްވި ދަރުސެއްގެ ތަރުޖަމާއެވެ. ޕްރޮފެސްރ ބޭލްސް އަކީ އިންސާނުން އަޅުވެތިކޮށްގެން ގެންގުޅޭ ގެންގުޅުމާއި ބެހޭ ވަރަށް ގިނަ ދިރާސާ، ތަފާތު ފަސް ގައުމެއްގައި އަމަލީގޮތުން އެފަދަ ކަންކަން ހިނގާ ތަންތަނަށް ވަޑައިގެން މައުލޫމާތު ހޯއްދަވައިގެން، ވަރަށް ގިނަ ފޮތް ލިޔުއްވާފައިވާ ބޭކަލެކެވެ. މީނާގެ އެންމެ ފަހު ފޮތް “ Disposable People: New Slavery in the Global Economy ”
 ( ބޭނުން ނިމުނީމައި އެއްލައިލެވޭ މީހުން: ބައިނަލް އަޤުވާމީ އިގްތިސާދުގައި އާ އަޅުވެތިކަން ) މި ފޮތަކީ މިހާރު ތަފާތު 10 ބަހަށް ތަރުޖަމާކުރެވިފައިވާ ފޮތެކެވެ.  އަދި ހަގީގީ ފިލްމެއްވެސް އެ ފޮތުގެމައްޗަށް ތައްޔާރު ކުރެވިފައިވެއެވެ. ޕްރޮފެސްރ ބޭލްސް އަކީ އދ ށް، އިނގިރޭސި، ނޭޕާލު، އަދި ނޯވޭ ސަރުކާރަށް ފަންނީ ލަފާ ދެއްވާ މުޝީރެކެވެ! 2008 ވަނަ އަހަރު ފަރަންސޭސި ވިލާތުގައި ނޯބެލް އިނާމު ހާސިލުކުރެއްވި އިއްޒަތްތެރިންނާ މުޚާތަބުކުރައްވައި ޒަމާނީ އަޅުވެތިކަމާ ބެހޭގޮތުން ތަގުރީރު ކުރެއްވެވިއެވެ. އެމެރިކާގެ ކުރީގެ ރައީސް ބިލް ކްލިންޓަންގެ ނަންފުޅުގައި ހިންގަވާ ޖަމިއްޔާ އުފައްދަވަން އުޅުއްވިއިރުވެސް ޕްރޮފެސަރ ބޭލްސްގެ ލަފާފުޅު ހޯއްދެވިއެވެ.

އަހަންނަކީ މުދައްރިސަކީމެވެ!

ކިޔާފައިވާ ޢަދަދު: 1723
John W. Schlatter
ތަރުޖަމާ: އަޙްމަދް ސަމީރު ޢަލީ
އަހަރެން އުފަންވީ، ދަރިވަރެއްގެ  އަނގައިން ސުވާލެއް ފުންމައިލި ހިނދެވެ! އަހަރެންގެ ހަޔާތުގައި އެކިދުވަސްވަރު އެކި ހިސާބު ހިސާބުގައި އުޅުނު މީހުންނަށް ވާންޖެހުނެވެ! އެއްދުވަހަކު އަހަންނަކީ މަޝްހޫރު ފިލޯސަފަރު ސޮކްރޭޓްސްއެވެ. ގަދީމީ ޔޫނާނުގެ އެދަންސް ސަހަރުގެ ޒުވާނުންގެ ހިތްތަކުގައި އިލްމު އުނގެނި އާކަންކަން ހޯދައި އޮޅުންފިލުވުމަށް ހިތްޖެއްސުމުގެ ގޮތުން ސުވާލުކުރަން ދަސްކޮށްދިނީމެވެ! އަނެއްބައި ދުވަސްދުވަހު އަހަންނަކީ  މަޝްހޫރު، ލޯފަން އަދި މަންމަން ހެލަން ކެލަރގެ ހަމަ އެހައިމެ މަޝްހޫރު އެދުރުދައިތަ އޭން ސުލިވަން އެވެ! ތުއްތު ހެލަން ގެ އަތުގައި ޚާއްސަ ގޮތަކަށް ފިއްތައިގެން ކައުނުގެ ސިއްރުތައް އެ ތުއްތު ސިކުނޑިއަށް ވިސްނައިދެވޭތޯ ބެލި ކެތްތެރި އެދުރުދައިތައެވެ!

މުނިފޫހި ފިލުވުމުގެ ރަންޒަމާނުގައި އަދަބީ ލިޔުން ކިޔަން ޖެހޭހެއްޔެވެ؟

ކިޔާފައިވާ ޢަދަދު: 2203
އަޙްމަދް ސަމީރު ޢަލީ
އެތައް އިރަކު އެއްތަނެއްގައި އިނދެގެން ފަހަރަކު ގަނޑެއް އެއްލަމުން ފޮތް ކިޔަންވީ ކީއްވެހެއްޔެވެ؟    ޚިޔާލީ ވާހަކައާއި  މާދުރު ގައުމެއްގައި އުޅުނު އިހުމީހުންގެ ފުލޯކު ވާހަކަތައް މި ރަން ޒަމާނުގައި އަޅުގަނޑުމެން އަޅެ ކިޔަންވީ ފަހެ ކޮން ސަބަބަކާހުރެ ހެއްޔެވެ؟ މަޑު އެނދެއްކަހަލަ ބޮޑު ގޮނޑިޔެއްގައި އިންނައިރު ކުރިމަތީގައި އެހުރި ތިރި ކޮފީމޭޒު މަތީގައި، އިންގޮތަށް އިނދެ ޓީވީ އާއި ދެތިން ޑީކޯޑަރާއި ކުޅެލެވޭނެ ހަތަރުފަސް ރިމޯޓު އެބައޮތެވެ. ޓީވީ ހުޅުވާލައި ބޭނުން ކޮންމެ ހިސާބެއްގެ އެންމެ ހޫނު ޚަބަރާއި ފަލަ ސުރުޚީތައް ކިޔައި އަޑުވެސް އަހައިލެވެން އެހާ ފަސޭހައެވެ. ފާޑުފާޑުގެ ލަވަޔާއި ފިލްމާއި ކުޅެވެން ހުރި ކުޅިވަރު އެހައިމެ ގިނައެވެ. މިހާގިނަ ކަންތައް ކުރެވެން ހުރި ޒަމާނެއްގައި އިހުގެ އަދީބުންނާއި މިހާރުގެ ލިޔުންތެރިންގެ މަޒުމޫނުތަކާއި ފޮތް ކިޔަންޖެހޭ ސަބަބެއް އެބަ އޮތްބާއެވެ؟ މުނިފޫހި ފިލުވޭނެ އެތައް ކަމެއް  ކުޑަ ފޯނަކުންވެސް ކުރެވެން އޮއްވައި، އަދަބިއްޔާތު ކިޔައި މުތޯލައާ ކުރުމަކީ ވަގުތު ބޭކާރު ކުރުމެއްނޫން ބާއެވެ؟
 

ދައްކަންޖެހޭ އަގެއް ނެތް

ކިޔާފައިވާ ޢަދަދު: 1424
ތަރުޖަމާ: ފާޠިމަތު ސަރީރާ ޢަލީ ޝަރީފު

“ނޯ ޗާރޖް”، މި ރީތި ލަވައިގެ ޖުމުލަ މާނަ ލިޔެލެވޭތޯ ބަލައިލާނަމެވެ.


މިރެއަށް ކައްކަން ބަދިގެ ތެރޭގައި އަހަރެން ހުއްޓައި، އަހަރެންގެ ފިރިހެން ދަރިފުޅު އަތުވެއްޖެއެވެ. އަދި އޭނާ ލިޔާން ގެންގުޅުނު ކަރުދާސްކޮޅެއް ގެނެސް އަހަރެންގެ އަތަށް ދީފިއެވެ. އަތް ފޮހެލައިގެން އަހަރެން އެ ކިޔައިލި އިރު، އޭގައި ލިޔެފައި އޮތީ މި ފަދައިންނެވެ.
 
ގޯތި ތެރެއިން ވިނަ ކޮށުމަށް: 5 ޑޮލަރު
 

އެހެންނަމަވެސް…….

ކިޔާފައިވާ ޢަދަދު: 1461
ތަރުޖަމާ: ފާޠިމަތު ސަރީރާ ޢަލީ ޝަރީފު


މަދަރ ޓެރީސާ ލިޔުއްވާފައި ވާކަމަށް ބުނާ މަޝްހޫރު ޅެން “އެނީވޭ” ތަރުޖަމާކޮށްލެވޭތޯ މި ބަލަނީ، ޅެމުގެ އަސްލު އޮތް ގޮތަށް، އެ އަސަރާއެކު އަޅުގަނޑަށް ނުލިޔެވޭނޭކަން ވަރަށް ރަނގަޅަށް އެނގިހުރެއެވެ. ތަރުޖަމާކުރުމުގައި ލަފުޒުން ލަފުޒަށް ތަރުޖަމާކުރުމަށް ވުރެ ބޮޑަށް ބެލީ، ދިވެހި ބަހުގައި ބޭނުންކޮށް އުޅޭ ޒާތުގެ ބަސްމަގު ބޭނުންކުރެވޭތޯއެވެ. މި ތަރުޖަމާ މިއަށް ވުރެ ރަނގަޅުކުރަން އަޅުގަނޑު ބޭނުމެވެ. މިކަމުގައި ކިޔުންތެރީންގެ ދީލަތި އެހީ ލިބޭނޭކަމުގެ އުއްމީދުގައި ހުރީމެވެ.

“ހަނދާނުން ކައްސައިލުން”

ކިޔާފައިވާ ޢަދަދު: 1298
ފާޠިމަތު ސަރީރާ ޢަލީ ޝަރީފު
އިއްޔެ އަޅުގަނޑު މީހަކާ ބައްދަލުކޮށްލަން އޭނާ އުޅޭ އޮފީހަށް ހިނގައްޖައީމެވެ. އެއީ ކުރިން ހަމަޖައްސައިފައި އޮތް ބައްދަލުވުމެކެވެ. އެ އޮފީސް ހުންނަ ބުރިއަށް އަރަން ލިފްޓު ކައިރީގައި އަޅުގަނޑު ހުއްޓައި، އޭނާ ބޭރުން އައިސް އަޅުގަނޑުގެ ގާތަށް ހުއްޓިފައި އެހިއެވެ. “އަނހާނ؟ ސަރީ؟ ކީއް ތި ކުރަނީ މިތާ؟” ކުޑަކޮށް ހައިރާންވެފައި އަޅުގަނޑަށް ވެސް ކޮށްލެވުނީ ސުވާލެކެވެ. “އަނހާނ؟ މިއަދަކަށް ނޫންތަ ބައްދަލުވުން ހަމަޖެއްސީ؟” އޭނާ ނިތްކުރީގައި އަތްތިލައިން ޖަހައިލައިފައި ބުންޏެވެ. “އަސްތާ! މަގޭ ހަނދާނުން ކައްސައިލީއޭ!”

ކޮއްކޮ

ކިޔާފައިވާ ޢަދަދު: 1535
ލަވަ ތަރުޖަމާ: ފާޠިމަތު ސަރީރާ ޢަލީ ޝަރީފު
 

“ޗައިލްޑް”، މި ރީތި ލަވައިގެ ޖުމުލަ މާނަ ލިޔެލެވޭތޯ ބަލައިލާނަމެވެ.


ކޮއްކޮ އުފަންވި ދުވަހު، ކޮއްކޮގެ މަންމައާއި ބައްޕަގެ ހުވަފެން ހަޤީޤަތަކަށްވިއެވެ. 
ތިޔައީ އެ ދެމަފިރިން ދަންނަވަމުން ގެންދިޔަ ދުޢާގެ ޖަވާބެވެ.
ތިޔައީ އެ ދެމަފިރިންނަށް ވަރަށް ޚާއްޞަ ދަރިފުޅެކެވެ.
ކޮއްކޮގެ ކޮންމެ ހިނިތުންވުމަކުން އެ ދެމަފިރިންނަށް އުފާވެރިކަން ލިބުނެވެ.
ކޮއްކޮ ރޮއިލި ކޮންމެ ފަހަރަކު ކޮއްކޮއާ އަޅައިލުމަށް ކޮއްކޮގެ ގާތުގައި އެމީހުން ތިއްބެވެ.

ފޮތްކިޔުމުގެ ފަރުވާ

ކިޔާފައިވާ ޢަދަދު: 2061
އަޙްމަދް ސަމީރު ޢަލީ
އިންސާނީ ތާރީޚުގެ ފަތްފުށްތަކަށް ބަލައިލާއިރު، ފޮތްކިޔައިގެން ހޯދާ ފަރުވާ ( ބިބިލިއޯ ތެރަޕީ ) ގެ ފެށުން އޮތީ އަޅުގަނޑުމެން ހައިރާންވާހައިވެސް ދުރު މާޒީއަކާއި ގުޅިފައެވެ! ޢީސާ ޢަލައިހިއްސަލާމްގެ ފަންސާހަކަށް އަހަރު ކުރިން ނިޔާވި، ގަދީމީ ޔޫނާނަށް އުފަން ތާރީޚީ އިލްމުވެރިޔާ ‘ސިސިލީގެ’ ޑިއޮޑޯރަސް ލިޔުއްވި ” ދުނިޔޭގެ ތާރީޚު ” ( މިއީ ސާޅީސް ފޮތުގެ މައްޗަށް އެކުލެވޭ ފޮތްބައެކެވެ) މި ފޮތްބައިން ފޮތެއްގައި، ގަދީމީ މިސްރުގެ މަޝްހޫރު ފިރްޢައުނު ރަމްސީސް ދެވަނަ ( ގިނަ ބަޔަކު ގަބޫލުކުރާގޮތުގައި ‘ މޫސާގެފާނުގެ ފިރްޢައުނު’ ) ފެއްޓެވި ކުތުބުޚާނާއަށް ވަންނައިރު މައި ދޮރުގެ މަތީގައިވާ ލިޔުމުގައިވާ އިބާރާތަކީ  ” ފުރާނައަށް ފަރުވާދެވޭ ގެ” މިހެންނެވެ! އިލްމުވެރިން ދެކިލައްވާ ގޮތުގައި މިއީ މިފަދަ ޝިއާރެއް، ކުތުބުޚާނާއެއްގައި ބޭނުން ކުރެވުނު ފުރަތަމަ ފަހަރެވެ!  ރަމްސީސް ދެވަނަ ދުނިޔޭގައި އުޅުއްވީ، ޢީސާ ޢަލައިހިއްސަލާމް އުފަންވުމުގެ ތޭރަ ގަރުނު ކުރިންނެވެ! މީގެ އަށެއްކަ ގަރުނު ކުރިން، މިސްރުގެ އަލްމަންސޫރު ހޮސްޕިޓަލުގައި، ކީރިތި ޤުރުއާން ކިޔެވުން ( މާޔޫސްވެ ދުނިޔެމަތިން ފޫހިވެފައިވާ މީހުންނަށް)  ހުރި ފަރުވާއެއްގެ ގޮތުގައި ޑަކްޓަރުން އިރުޝާދު ދެއްވިއެވެ!

ވަޑިއެއްގެ ވާހަކައިން ލިބޭ ޢިބްރަތް!

ކިޔާފައިވާ ޢަދަދު: 1304
ޝަފީޢު ޢަބްދުﷲ  ، ޏ. ފުވައްމުލައް

އެއް ޒަމާނެއްގައި އުޅުނު ވަރަށް މޮޅު ވަޑިއެކެވެ. މުޅި އުމުރު ވަޑާން ކުރުމުގައި އޭނަ ހޭދަކުރިއެވެ. މި ގޮތުގައި ދިގު މުއްދަތެއް ފާއިތު ވުމަށް ފަހު، ޤުދުރަތީ ޤާނޫނުގައި އޮންނަ ގޮތުން މާވަޑިޔާއަށް ވެސް މުސްކުޅި ޢުމުރުގެ ހަރުފަތްތަކަށް އަރާން ޖެހުނެވެ. މުސްކުޅިކަމާ އެކު، މަސައްކަތުގައި ލިބިހުރި ތޫނުފިލިކަމުގެ މައްޗަށް ލޯބޯ ކޮށިވުމުގެ އުނިކަން މަތި ވެގެން ދިޔުމުން، މަސައްކަތާ ދުރަށް ގޮސް، ޙަޔާތުގައި ބާކީ އޮތް ދުވަސްތައް އަނބިދަރިންނާއެކު ހޭދަކުރަން އޭނަ ނިންމިއެވެ.

ހުދުކޯޓު ލާ ހިތްވި އަންހެން ކުއްޖެއްގެ ވާހަކަ

ކިޔާފައިވާ ޢަދަދު: 2001
ލިޔުއްވީ: ހެމަވަތީ (އާއިލީ ނަން ވަންހަނާ ކުރަށްވާފައި)
ތަރުޖަމާ: އަޙްމަދް ސަމީރު ޢަލީ
ދަންނަވަން މި އުޅޭ ވާހަކައިގެ ބޮޑުބައެއް ގުޅިފައިވަނީ، މުސްކުޅިވެ ޕެންޝަން ލިބިފައިވާ ދެމަފިރިންގެ ނޯކަރެއްގެ ގޮތުގައި އަޅުގަނޑުގެ މަންމަ މަސައްކަތްކުރި ދުވަސްވަރާއެވެ! އާދެ، ކޭ ކޭ ކޭ ރައޯ އާއި އޭނާގެ އަނބި ކަނބަލުން ވިމްލާ އަށް ކައްކައިދީ، އަންނައުނު ދޮވެދީ، ޖުމްލަ ގޮތެއްގައި އާދައިގެ ގެއެއްގައި ކުރަން ހުންނަ ތަފާތު ކުދި ކުދި، އެހެން ނަމަވެސް ކޮށް ހުސްނުވާ، ތަފާތު ކަންތައް ކުރުމުގައެެވެ. މިސިޒް ރައޯ އަކީ ގެވެހިކަމުގެ އިލްމު ކިޔަވައިދެއްވި، އެ ރޮނގުގެ ޕްރޮފެސަރެކެވެ. ފިރިކަލުން މިސްޓަރ ރައޯ ވަޒީފާ އަދާ ކުރެއްވީ އިންޑިއަން ރެއިލްވޭ ސާރވިސަޒްގެ އިސްމަގާމެއްގައެވެ. މިހާރު މި ދެމަފިރިންވެސް ހިލޭ ސާބަހަށް ކުރަށްވާ ކަމެއް ފިޔަވައި އެއްވެސް ކަމެއް ނުކުރައްވައެވެ. ދިރިއުޅުއްވަނީ ޕެންޝަން ފައިސާއިންނާއި ކުރިން ރައްކާކުރަށްވާފައިވާ އެއްޗަކުންނެވެ.