“ނ.އަތޮޅު ޤުރުއާން މުބާރާތް-2015” ގެ ހަނދާނުގައި…..!

ކިޔާފައިވާ ޢަދަދު: 1431

އަބޫބަކުރު އާދަމް ސިލްވަރބީޗް ނ.މަނަދޫ

އަތޮޅު ޤުރާން މުބާރާތަށް ފަހިކަމާ އެންމެ ފާގަތިކަން
              ވަކިން ލިބުމޭ މިފުރުޞަތުގައި މި އެދެނީ  ހާއުފާވެރިކަން
 
ބައިވެރިންނަށް މުބާރާތުގެ މަރުހަބާ ހެޔޮހިތުން ކިޔަމުން 
              ހަޔާތެއް ބާއްޖަވެރިދެއްވާ އެދެން އަތޮޅަށް ޝަރަފުވެރިކަން

އިލާހީ  ހަޟުރަތުން ﷲ   ބާލެއްވި  މާތް ޤުރުއާން
              މިއީ ތެދުމަގު ހަޔާތުގެ ކަށަވަރޭ ޝައްކެއް މިއަދު ނުކުރަން

ރޭގައި ތިބާ . . .

ކިޔާފައިވާ ޢަދަދު: 1376

ފަތުޙުﷲ ޞާލިޙު، ޏ. ފުވައްމުލައް

ރޭގާ ތިބާ ހުވަފެން ތެރެއިން ފެނުމުން މިހިތް ފުރުނޭ ނިކަން
    މޭގާ މިވާ ކުދި ނާރުތައް ނޭދޭ ތިނޫން މޫނެއް ދެކެން
        ހޭގާ މަ ދިރި ހުރިހާ ހިނދަކު އެދެނީ ކަލާ ލިބުމޭ ހިތުން

މަލަށް މާބުރުގެ ގޯނާ ފޯރަނީ……

ކިޔާފައިވާ ޢަދަދު: 2904

 

ޢަބްދުލްޢަޒީޒު ޖަމާލު އަބޫބަކުރު

މަލަށް މާބުރުގެ ގޯނާ ފޯރަނީ . . . ދަޢުވަތުދެވޭތީއްޔޭ

          އަލަށް  ފޮޅިލާ  ހިނދުން  ފިޔަތައް  ދިމާއަށް  ހާމަވާތީއްޔޭ

 

ކޮކާތައް ޝައުޤުވެރިވާ ކުލަތަކުން ފިޔަތައް މުލަންމާކޮށް

          ޝިކާރައަކަށް  އެ މާ ރުހިގެން   ގަބޫލުވެ   ހުށަހެޅޭތީއްޔޭ

 

އަތުން ބިނދެވޭ ގޮތަށް މަގަތަށް އައިސް ފަރިކުލަތަކާއެކުގައި

          ފަތުން ފަރުދާވެގެން ނުމެ ތިބެ، މަތީން ފެނި ކަޝްފުވާތީއްޔޭ

ދުޢާ (ފުވައްމުލަކު ބަހުރުވައިން)

ކިޔާފައިވާ ޢަދަދު: 1531
ފަތުޙުﷲ ޞާލިޙު / ޏ. ފުވައްމުލައް

ރާގަ: ހިތާމައިގެ ކަނޑުގާ އޮޔާވައި ތެރޭގާ

އިލާހިއްޔަ ރައްބީ ފަރާތަހަ ވެޚާލިސް ކެރާނ މީ ދުޢާއެއު މަގެން ހެއު ލިބެންތޯ
        ބިލާހާވެ ހެއްލީން މަގެން ކަތިވެގެން އޭނ ފަސާދައިގެ މިބިމެން ސަލާމައް ވެވެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .

 
 
ފެލާވަޅޮ ރަސޫލާ ޙަޔާތިގެ މިސާލެން ހިދާޔަތިގެ ނޫރެން ޙަޔާއު އަލި ވެވެންތޯ
        ސަލާމައް ވެގެންވީ ސަރާސަރޮ މިދީނެއި އުސޫލެއި ވެ ޤާއިމް ނިމީގެން ގިއެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .

ދަމާތޯ ހެޔޮ ނަސީބައިގެން

ކިޔާފައިވާ ޢަދަދު: 1563
ސަޢީދު ޢަލިފުޅު ބ.ދަރަވަންދޫ 
ދަމާތޯ ހެޔޮ  ނަސީބައިގެން  ޙަޔާތުގެ  ދަތުރު  ނިންމާފާ
ޒަމާނުގެ އަނދަވަޅުން ވެވި މިންޖު އިންސާނާމެ ވިސްނާފާ
 
ނެތޭ ވަގުތެއް ދަރިންނޭ އަޖަލުވޭ  ކުޑަންވެފައި  ސަހަރޯ،
ނެތޭ  ހެޔޮ  އަމަލުގައި  ނޫނީ  ސަލާމަތްކަން  ވަށާލާފާ 
 

ދިވެހިބަހުގެ ދުވަހުގެ ހަނދާނުގައި….!

ކިޔާފައިވާ ޢަދަދު: 1990
އަބޫބަކުރު އާދަމް، ސިލްވަރބީޗް، ނ.މަނަދޫ
ދިވެހިބަހުގެ ދުވަސް ދިވެހި މުޖުތަމައުގައި ފާހަގަކުރަން
                  އިސްވެފުރަތަމަ ފެއްޓުމުން އެކަމާ އުފާ އަޅުގަނޑުކުރަން 
ހަތަރުވަނަ މަހު ސާދަ އަދި ވިހި ސައްތަ ފަނަރަވިއަހަރުގައި
                   ކަނޑައަޅާ މިދުވަސް ފެށީ  ފުރަތަމަ ފަހަރު ފާހަގަކުރަން

ދިވެހިބަސް

ކިޔާފައިވާ ޢަދަދު: 2224
ފަތުޙުﷲ ޞާލިޙު ، ޏ. ފުވައްމުލައް
 
ފަޚުރާ ޝަރަފު ކަމުގައި ވެޔޭ  ދިވެހިންގެ ރީތި މި ދިވެހިބަސް
          ފަޚުރުން ފުރޭ އެތަކެއް ކަމެއް ހިމަނައިވެޔޭ ގައިމޭ މިބަސް
އެކިބަހުރުވައިން މުއްސަނދިވެފައި އެކިކަންކޮޅުން އެކި ރާގުގައި
           އެކިއަސަރުގައި މޭރުން ވެވޭ ބަހެކޭ މިއޭ ނަލަ ދިވެހިބަސް

އަތްނބެއްގެ ޤަބުރު ކައިރީ ހުރެ!

ކިޔާފައިވާ ޢަދަދު: 2132
ޢަބްދުއްރަޝީދު ޙުސައިން
 
ރާގު: ތުމްހާރި ޕިޔާރުމެ….
  ކޮބާތަ ދަރިފުޅު މަންމާގެ ސާފު ލޯބި މިރޭ
                 ކަލާނގެ ލެއްވި ފުރާނާ – ކަލާނގެ ގެންދެވިރޭ
ވަނީ މޮޅީންނެ  މިކޮއި ރޯން  ނިދީގެ  ހުވަފެނުގާ
ވަނީހެ  ރޫޙު   ތިމާތްވީ   އެކޮއިގެ  ކައިރީގައި 
ނުދީ ޖަވާބު މި  ސަންދޯކުގައި  ހިމޭންވެ   މިރޭ.    ކޮބާތަ..
 

ދަނެއޮ

ކިޔާފައިވާ ޢަދަދު: 1379

“ތާއަބަދު ދެމިހުންނަ ހެޔޮ ޒިކުރާ” އިން:

ދަނެއޮ

މުޚްތާރު ފަހްމީ، މ.ސިނައެކަތަ

ދަނެއޮ! ހިތްހެޔޮ  ކުލުނަކީ،  މީހާގެ  އިޙްސާންތެރިކަމޭ.
         ދެނެ  ދެކެންވީ  ޚުލްޤަކީ،   މީހާގެ   އީމާންތެރިކަމޭ.

                * * * * * * * *
ޢަޒުމު ބޭނުން، ވަގުތު ބޭނުން، ހިތުގެ އާދޭސް ދަންނަވަން،
        ޢަޒުމު  މަތިވެރި  ކުރުމަކީ،   މީހާގެ  ހިންމަތްތެރިކަމޭ.

އެ ކަމަނާ… ކިތަންމެހާވެސް ރީތި!

ކިޔާފައިވާ ޢަދަދު: 1515
ޢަލީ ޤާސިމް، ކަނީރުމާގެ،  އދ. މަހިބަދޫ
 
ކީއްކުރާނީހޭ؟ އަރާ ފައިބާ ޚިޔާލެއް، ނެތް ހިތަކު
އިއްވިދާ ފަދަ ބަސްތަކުން، ބުނެވޭނެ ބާރެއް ނެތް ދުލަކު
 
ފައިސަޔާ ތަނަވަސްކަމާ މަޝްހޫރުކަން ލިބިފާ ވުމުން
ހައިބަތާ އެކު   “އުދުހުނީ” ދުނިޔޭގެ  ނަންވާހާ ތަނަކު