މިރިނުވެ ގޮބޮޅި ކާށިވުން

ކިޔާފައިވާ ޢަދަދު: 2007
ޢަބްދުއްރަޝީދު ޙުސައިން
ގޮބޮޅިއެއް މިރިއަކަށް ނުވަނިސް ހިތުންބޮޑު ކާށްޓަކަށް ވެއްޖޭ
       ގަބުޅިޔާ ކުރުނބަޔަށް ވުރެ ވެސް އިހަލު ބޭރަށް ނުކުމެވިއްޖޭ

ޖެހުނު   ވައިރޯޅިއެއްގައި  ހެލިލުމާއެކު  ދުނިޔެ  ފެނުނީމާ
       އެހިނދު  ހުރިހާ   ގޮބޮޅިޔަށްވުރެ ބޮޑޭ ހީވާ   ގޮތެއްވެއްޖޭ 

ދަރިއެއްގެ އާދޭސް…. އަހަރެންގެ ގަލަމުން

ކިޔާފައިވާ ޢަދަދު: 1370
ޢަލީ ޤާސިމް، ކަނީރުމާގެ، އދ. މަހިބަދޫ
ލޯބިވާ ބައްޕާ މަގޭ ބޮލުގާ ނިކަން ފިރުމާލަދީ
        ލޯބި  ބޭނުންވޭ   ޙަޔާތަށް  މާފުކޮށް   ފިރުމާލަދީ
އެންމެ ޅައިރުއްސުރެ މަގޭ ތަރުބިއްޔަތަށް ވިސްނާލިކަން
        ދެންމެޔޭ އަދި ވިސްނުނީ މިކަމަށް މަށަށް ދެން މާފުދީ

ސުނާމީ ކާރިސާއިން ޢިބްރަތެއް!!!

ކިޔާފައިވާ ޢަދަދު: 4760
ހަތިފުށީ ޢަބްދުﷲ ޝާކިރު
ސުނާމީ   ކާރިސާއިން   ޢިބްރަތެއް   ޙާޞިލު ކުރަން  ވެއްޖޭ.
ދުޢާކޮށް ރަޙްމަތަށް  އެދިގެން  ސުލޫކު  ރަނގަޅު ކުރަން ވެއްޖޭ. 
 
“ނެތޭ އައިސްފައި މުޞީބާތެއް، ޢަމަލުތައް  ގޯސް ވެގެން ނޫނީ”
ވެވޭ ކުށްފާފަ ވިޔަކޮށްގެން،  ބަލައި  އިޞްލާޙް  ވާން   ވެއްޖޭ.
 

ނުބުނައްޗެ މީ މޮޔަ ކުއްޖެކޭ!

ކިޔާފައިވާ ޢަދަދު: 2045
ފާޠިމަތު ސަރީރާ ޢަލީ ޝަރީފު
 
އަހަރެންގެ ބައްޕައަކީ ތެދެއް ޅެންވެރިވި  މޮޅު އުސްތާޛެކޭ
ސަހަރޯއެ  އެކަމަކު ޅެން  ހަދަން މަށަކަށް  ނުއެނގެޔޭ  ކީއްވެބާ!
 
އަހަރެންނަކީ  ޅެންވެރިއަކަށް ވާނޭ  ގޮތެއް  އޮންނާނެބާ!
އަހަރެންގެ  ބަސްތައް  ވަޒަނަކަށް  ފައްތަން  މަށަށް އެނގިދާނެބާ!
 

ކަންބޮޑުވުން

ކިޔާފައިވާ ޢަދަދު: 1435
ފަތުޙުﷲ ޞާލިޙު، ޏ. ފުވައްމުލައް

ޤައުމުގެ މިވާ ޙާލަތު ބަލައި ކަންބޮޑު ވެގެން ހިތްމަރު ވެދޭ
          ޤައުމުގެ މިއޮޑި ހުރެދާ ގޮތުން ފެނުމެއް ނުވޭ މަންޒިލް ތެދޭ

ދުވަހެއް މިތާ ފާއިތު ނުވޭ ކަމަކުން ނުބައި ނީވޭ ގޮތުން
         ދެވަރެއް ނުވާ އުރެދުން ތަކޭ ބިމުގައިވަނީ   ފުރިފާ ތެދޭ

ކުޑައެއް ބޮޑެއް މީހަކު ނުވޭ ކުށުގައި ބަނދެވި ނުމެވާ ގޮތުން
         ކުޑަކުޑަ މިއޮތް މި ޖަމާޢަތަށް ވިސްނައިލުމުން ހައިރާން ވެދޭ

މުދައްރިސުންގެ ޚިދުމަތަށް ހަމަ ސާބަހެވެ.

ކިޔާފައިވާ ޢަދަދު: 1381
ޢަލީ ޤާސިމް، ކަނީރުމާގެ،  އދ. މަހިބަދޫ
ތިޔަ ކުރައްވާ ޚިދުމަތަށް އައްސަރިބަހާ އެކު ސާބަހޭ
        ހިޔަ  ބަހުން  ޝުކުރާއި  ތަޢުރީފާ އެކީގާ  ސާބަހޭ

އެންމެ ޅަފަތުންހެން ފަށައިގެން މެދުޢުމުރު ފެށިދާ ހިނދަށް
        ނޭނގިފާ  ހުރިހާ  ކަމެއް   ބުނެދެއްވަވާތީ  ސާބަހޭ

އެކި ކުދިން ހަލަބޮލި މިޒާޖާ ބޯހަރަސް އަދި ލާނެތަސް
        ވަކި ތަފާތެއް  ވަކި ގޮތެއް  ނުބަހައްޓަވާތީ  ސާބަހޭ

“ނ.އަތޮޅު ޤުރުއާން މުބާރާތް-2015” ގެ ހަނދާނުގައި…..!

ކިޔާފައިވާ ޢަދަދު: 1455

އަބޫބަކުރު އާދަމް ސިލްވަރބީޗް ނ.މަނަދޫ

އަތޮޅު ޤުރާން މުބާރާތަށް ފަހިކަމާ އެންމެ ފާގަތިކަން
              ވަކިން ލިބުމޭ މިފުރުޞަތުގައި މި އެދެނީ  ހާއުފާވެރިކަން
 
ބައިވެރިންނަށް މުބާރާތުގެ މަރުހަބާ ހެޔޮހިތުން ކިޔަމުން 
              ހަޔާތެއް ބާއްޖަވެރިދެއްވާ އެދެން އަތޮޅަށް ޝަރަފުވެރިކަން

އިލާހީ  ހަޟުރަތުން ﷲ   ބާލެއްވި  މާތް ޤުރުއާން
              މިއީ ތެދުމަގު ހަޔާތުގެ ކަށަވަރޭ ޝައްކެއް މިއަދު ނުކުރަން

ރޭގައި ތިބާ . . .

ކިޔާފައިވާ ޢަދަދު: 1403

ފަތުޙުﷲ ޞާލިޙު، ޏ. ފުވައްމުލައް

ރޭގާ ތިބާ ހުވަފެން ތެރެއިން ފެނުމުން މިހިތް ފުރުނޭ ނިކަން
    މޭގާ މިވާ ކުދި ނާރުތައް ނޭދޭ ތިނޫން މޫނެއް ދެކެން
        ހޭގާ މަ ދިރި ހުރިހާ ހިނދަކު އެދެނީ ކަލާ ލިބުމޭ ހިތުން

މަލަށް މާބުރުގެ ގޯނާ ފޯރަނީ……

ކިޔާފައިވާ ޢަދަދު: 2958

 

ޢަބްދުލްޢަޒީޒު ޖަމާލު އަބޫބަކުރު

މަލަށް މާބުރުގެ ގޯނާ ފޯރަނީ . . . ދަޢުވަތުދެވޭތީއްޔޭ

          އަލަށް  ފޮޅިލާ  ހިނދުން  ފިޔަތައް  ދިމާއަށް  ހާމަވާތީއްޔޭ

 

ކޮކާތައް ޝައުޤުވެރިވާ ކުލަތަކުން ފިޔަތައް މުލަންމާކޮށް

          ޝިކާރައަކަށް  އެ މާ ރުހިގެން   ގަބޫލުވެ   ހުށަހެޅޭތީއްޔޭ

 

އަތުން ބިނދެވޭ ގޮތަށް މަގަތަށް އައިސް ފަރިކުލަތަކާއެކުގައި

          ފަތުން ފަރުދާވެގެން ނުމެ ތިބެ، މަތީން ފެނި ކަޝްފުވާތީއްޔޭ

ދުޢާ (ފުވައްމުލަކު ބަހުރުވައިން)

ކިޔާފައިވާ ޢަދަދު: 1581
ފަތުޙުﷲ ޞާލިޙު / ޏ. ފުވައްމުލައް

ރާގަ: ހިތާމައިގެ ކަނޑުގާ އޮޔާވައި ތެރޭގާ

އިލާހިއްޔަ ރައްބީ ފަރާތަހަ ވެޚާލިސް ކެރާނ މީ ދުޢާއެއު މަގެން ހެއު ލިބެންތޯ
        ބިލާހާވެ ހެއްލީން މަގެން ކަތިވެގެން އޭނ ފަސާދައިގެ މިބިމެން ސަލާމައް ވެވެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .

 
 
ފެލާވަޅޮ ރަސޫލާ ޙަޔާތިގެ މިސާލެން ހިދާޔަތިގެ ނޫރެން ޙަޔާއު އަލި ވެވެންތޯ
        ސަލާމައް ވެގެންވީ ސަރާސަރޮ މިދީނެއި އުސޫލެއި ވެ ޤާއިމް ނިމީގެން ގިއެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .