ޟަމީރު މަރުވުން

ކިޔާފައިވާ ޢަދަދު: 3183
      
އާދަމް ނަޞީރު އިބްރާހީމް
ޟަމީރު   އިންސާނީ   މަރުވުމީ   މުޞީބަތެކޭ
        ޒަމީނު   އޭރުން އެއްފަދަ  ވެޔޭ   ޤިޔާމަތެކޭ
                  ***
އަމާންކަމުގެ އަސަރާ ހިޔަނިވެސް ފިލައި ނެތިގޮސް،
        ޒަމާނުގައި ވާނީ   އަގަލު ކުޑަ   ޚަޞީލަތެކޭ

ފިޠުރު ޢީދުގެ ތަހުނިޔާ

ކިޔާފައިވާ ޢަދަދު: 4939

ޢަބްދުލްޢަޒީޒު ޖަމާލު އަބޫބަކުރު

ފިޠުރު އީދުގެ ތަހުނިޔާއޭ، މިތުރުނަށް އަދު ފޮނުވެނީ
      އަތުރުކަން ނެތް ބަސްތަކުން ހުރިހާ އަޚުންނަށް ފޮނުވެނީ

ކުރެވުމުން އަޅުކަން، ކުރަންވީ އެންމެހައި ރަމަޟާނުގައި
      ފުރެދުމެއްނެތި ޝުކުރުގައި ކުޅިވަރުތަކޭ  އަދު  ކުޅެވެނީ

މީރުވަސް ފަތުރައިދެމުން މުޅި ޖައްވުގައި ކުލަޖައްސަމުން
      އީދު އައިމާ  އުފަލުގައި  ގިނަގުނަ  ތަހާނީ   ފޮނުވެނީ

ބާޒީ ގެ ސިޑި

ކިޔާފައިވާ ޢަދަދު: 3463

ކަނީރު ޢަބްދުއްރަޙީމް (ކަނީރު)

ހިތްވަރާ ފަންވަރު   ނެރޭށޭ   ކާމިޔާބު   ލިބޭނެޔޭ
           ހިތް ނުރޮއްވާ  ގަދައަޅާށޭ   ތިޔަ އެދޭ  ގޮތް  ވާނެޔޭ
ށަވިޔަނީގައި އަތޮޅުވެރިކަން ކުރި ރަށެއް ޅައިމަގު  އެއީ
           ހެވި ޔަގީނޭ  އަތޮޅު އެންމެން   މީ ތެދޭ   ބުނެލާނެޔޭ
ނޫނެކޭބުނެ ފާފައިން ރައްކާވެ   ހެޔޮގޮތުގައި    ވުމީ
           ހޫނެކޭ ފިންޏަށް ބަދަލު ކުރެވޭ  ޔަގީން    ކުރެވޭނެޔޭ

ލައިލަތުލްޤަދްރި

ކިޔާފައިވާ ޢަދަދު: 3624
ޢަބްދުއްރަޝީދު ޙުސައިން
ހިމެނޭ މަހެއްގެ ވިއްޔާ ފަހު ދިހަތެރޭ  ހަތާވީސް
            ރަމަޟާން މަހުގެ ތެރޭވެސް  އާދޭ އެމަހު  ހަތާވީސް

އިސްކަން ދެވޭ ކަމަށްވޭ ތަސްބީޙަ ޛިކްރު ކުރުމަށް
            މުސްލިމް ދަރީން ވިލޭރޭ ރަމަޟާން މަހުގެ ހަތާވީސް

ފަލަސްޠީނުގެ ހާލަތު

ކިޔާފައިވާ ޢަދަދު: 3881
ވަޒަން: ޒިންދަގީކޭ ސަފަރު މޭ އަކޭލޭތެ ހަމް
ޢަބްދުއްރަޝީދު ޙުސައިން
މުސްލިމުންނޭ ފަލަސްޠީނު ނެތިކޮށްފިޔޭ 
    ގިސްލަމުންދާ އެބިން ވާ ފަނާކޮށްފިޔޭ
        ހުސްގެދޮރަކަސް ތަޅައި ތިބި ބަޔަކުނަމަ މަރައި
            އޮއްސަނީޔޭ ރޮކެޓް ހުއްޓުމެއް ނުގެނެޔޭ
                މުސްލިމުންނޭ ފަލަސްޠީނު ނެތިކޮށްފިޔޭ

ހާދަބަޔެކޭ އެތިބަގެން މަރާ ހުސްކުރީ
    ހާދަބަޔެކޭ ގެދޮރުނެތިވެ މަގުމަތި ކުރީ
        ކާކު ބޭހެއް ޝިފާ ދޭނެ އަންނަންހުރީ
            ހާލުގައި ވެއްޓިފައި ހާދަ މީހަކުވެޔޭ
                މުސްލިމުންނޭ ފަލަސްޠީނު ނެތިކޮށްފިޔޭ

ރޯދައިގެ ބަސް (2)

ކިޔާފައިވާ ޢަދަދު: 2283
           
ރޯނުގޭ ޙަސަން މަނިކު
މިއަހަރަށް ވަކިވާން ޖެހިއްޖޭ، ވަގުތު ކުޑަތަން ވެއްޖެއޭ
          ތިޔަ އަޚުންނާ އުޚުތުނާ  ވަކިވާ  ވަގުތު  އަތުވެއްޖެއޭ

ކޮންމެ އަހަރަކުވެސް މިފުރުސަތު އެންމެނަށް ހޯދައިދެމޭ
          ކޮންމެ މީހަކު ހިތްފުރަން ގިނަ  ވަގުތުތައް  ހޯދިއްޖެއޭ

فلسطينގެ حالއާ މެދު…..!

ކިޔާފައިވާ ޢަދަދު: 4599
حســــن شـــاكر محمـــــد

فلسطينގެ أخން، أخت ންގެ   حالއާ މެދު ވަރަށް  ދެރަވޭ      
އަވަސް حلّއެއް އެ مسألةއަށް އައުން  އެދިގެން دعاء ކުރެވޭ

އަމިއްލަ ބިމާއި  ވަޒަނާމެދު  ދުރުންއައި  ބަޔަކު  ގަދަދައްކާ
އަމިއްލަ ކުރަން، އެހިންގާ  ބޮޑު جريمة އިން  ހިތަށް ތަދުވޭ

ރޯދަމަސް

ކިޔާފައިވާ ޢަދަދު: 2640

     އަބޫބަކުރު އާދަމް ސިލްވަރބީޗް ނ.މަނަދޫ
     ރޯދައިގެ މަތިވެރި ނިޢުމަތަށް މިނެއްނެތޭ 
                          ރޯދައިގެ  އަޅުކަމާ  ދުރުހެލިވާހިތެއް ނެތޭ
     އަސްލެއްކަމަށްވަނީ އިންސާނީ ޖަމާއަތަށް 
                          އަޞްރީގޮތުން  ލިބޭ ތަހުޒީބުގެ  ސަލާމަތޭ

ރޯދަމަސް އައިމާ…….

ކިޔާފައިވާ ޢަދަދު: 4798
ޢަބްދުލްޢަޒީޒު ޖަމާލު އަބޫބަކުރު
އައުމުންތިބާ، ލިބެވުނު އުފާ ބުނެދޭން މަށަށް ހަމަ ނޭނގެނީ
           ޤައުމަށް ނުވަތަ މުޅި އުންމަތަށް  އުފަލޭ ތިބާ  ފަތުރައިދެނީ

ކައިބޮއި މަޖާކޮށް މުޅި ދުވާލުގެ ވަގުތުގައި އިސްރާފުކޮށް
           ބައިބައިގަނޑަށް  ބުއިހާ  ކޮފީ  ގައިމޭ  ދުވާލަށް ހުއްޓެނީ

ކަލާ އައުމުން…!

ކިޔާފައިވާ ޢަދަދު: 3316

އާދަމް ނަޞީރު އިބްރާހީމް

ކަލާ އައުމުން ހިތަށް މި ލިބޭ އުފާ ކިހިނެއް ބަޔާން ކުރަނީ
           ބަލާން ހުއްޓައި ލޮލާ މާ ދުރުދުރަށް ނިދި ވެސް އެ ގޮސް އޮބަނީ
އަރާމުގެ ރީތި މަޑު ތަންމަތިތަކަށް ލެނބިފައިވި މޮޔަ ހިތް ވެސް
          ހަރާމޭ ބުނެ މި ހުރިހައި ވަހުމުތައް،   ވަގުތުން   ބަރީއަ ވަނީ