ލޯބީގެ ސަމާތާރަ

ކިޔާފައިވާ ޢަދަދު: 316
           
ޢަލީ މޫސާ ދީދީ
ޙަޤީޤަތް ނޭނގެނީ ނަމަ ލޯބި  ވިޔަކަސް  ހިތް ނުދެއްވައްޗޭ
             ފަޟީޙަތް  ވެއްޖެ  ނަމަ އެ ލިބޭ ސަޒާތައް ހާދަ ހިތްދައްޗޭ

ބަލައިލީމާ  ބަލައިނުލިޔަސް   ގޮވައިލީމާ  އަޅައި ނުލިޔަސް
             ތަޢާރުފު  ވާނަމޭ  ހީކޮށް   އުޅޭ  ނަމަ  ހާދަ  ނިކަމެއްޗޭ

ދެކޭ ރައްޓެހިކަމެއް  އޮތަކަސް އެކީ އެއް ތާކު އުޅެވުނަކަސް
             ގޮތޭ ފެނިފައި  އޮތީ  ކިޔަކަސް ނުވީ ނަމަ ވީ އެ ހިތްދައްޗޭ

ސަރާ (51)

ކިޔާފައިވާ ޢަދަދު: 5506

މޫސާ ޞާޢިދު، މަރަދޫ

(01 ސެޕްޓެމްބަރ 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)
   
“އާނ…މަންމަވެސް ދާނަން. ކީއްވެ ނުދާންވީ؟” ފަހީމާ ބުންޏެވެ.

އެދުވަސް ވެގެންދިޔައީ އެގެއަށް ވަރަށް އުފާވެރިކަން ގެނެސްދިން ދުވަހަކަށެވެ. ޑޮކްޓަރ ޝީކާއަށް މަރްޙަބާ ކިޔުމަށްޓަކައި ގޭގެ ހުރިހާ ނޯކަރުންތައްވެސް ތިބީ ނަލަހެދިލައިގެނެވެ.

“ދަރިފުޅު ޑޮކްޓަރަކަށްވެގެން އަންނާނޭ ދުވަހަކަށް ދައްތަ އިންތިޒާރު ކުރާތާ ވަރަށް ދުވަސްވެއްޖެ. މިއަދު ދައްތަ ވަރަށް އުފާވެއްޖެ.” ފަހީމާ ޝީކާގެ ބޮލުގައި ފިރުމާލިއެވެ.

ވަޒަނުގެ ކުލުނު

ކިޔާފައިވާ ޢަދަދު: 5387
      
ޢަބްދުއްރަޝީދު ޙުސައިން
ރަން ރިހީގެ އަގެއްނެތޭ  ދޭން އުޅުނަކަސް  މީން އެއްޗަކަށް
      ތަން މަގޭ  ޒީނަތް  ކުރާ މޫދާ  ބިމުގެ   އެއްޗިއްސަކަށް
           ގެއްލުމެއްދީ  ބޭރުކޮށް  ނަހަދާށެ   މިތަކެތި  ގޮތްގޮތަށް
                ކަންފުޅެއް ހިތުގައި އޮތަސް ކުލުނުގެ ތިމާގެ އުފަން ބިމަށް
ސަންގު،ބޮއްޔާ، މުރަކަ،ގާހަކަ،ރިނދަލި،އެންދެރި ގަސްތަކާ
      ވެން، ކަހަނބު،ވެލަޔާ،ލަނޑާ،އަދި އެންމެނަލަ ކޯމަސްތަކާ
           ގެންނަގައި  ވިއްކާނެހޭ  ތަނުގައި  މިހިރަ   ހިރިގާ ތަކާ
                ކަންފުޅެއް ހިތުގައި އޮތަސް ކުލުނުގެ  ތިމާގެ އުފަން ބިމަށް

ޝާޢިރުގެ ހިތް

ކިޔާފައިވާ ޢަދަދު: 3143
ޢަބުދުﷲ އަސްޢަދު، ހއ. އުތީމު
ޝާޢިރުގެ ހިތުގެ ޤަލަމުން   ދެއްޔެއް ހުހެއް  ނުވާނޭ
                ޝާޢިރުގެ ހިތުގެ ޞަފުޙާ އެކި ކުލަ ކުލައިން  ލިޔޭނޭ

ޝާޢިރުގެ ހިތުގެ  މިޔުޒިކް ކަންފަތްތަކަށް ނުއިވުނަސް
                ޝާއިރުގެ ހިތުގެ  ރާގުން  ހިލަޔަށް  ދިރުން  ލިބޭނޭ

ޝާޢިރުގެ ހިތުގެ  ހޫނުން ފަރުބަދަ  ވިޔަސް ވިރޭއިރު،
                ޝާޢިރުގެ ހިތުގެ ފިނިކަން ޝަބްނަމް ފަދައިން  އޮހޭނޭ

ކޮންފަދަ ޢިބްރަތެއްތޯ؟ (1)

ކިޔާފައިވާ ޢަދަދު: 2914
ކޮޕީ މުޙައްމަދު ރަޝީދު
 
އެއަށް ބޮލެއް ލިބިފައިވާ އަފުނޯސްކަށި ތޫނަކަސް
އެއަށް ނުވޭ ބުއްދިއެއް، ކޮންފަދަ ޢިބްރަތެއްތޯ؟
 
ފައިތައް މޭޒާ ގޮނޑިން، އެކި ވައްތަރު ފެނުނަކަސް
ފައިން އެފަދަ ނުހިނގެޔޭ، ކޮންފަދަ ޢިބްރަތެއްތޯ؟
 
ހެދުމާ އަދި ލިބާހަށް، ކަރެއް ވެޔޭ ބުނެވުނަސް 
ނުދިރޭ އެއްޗެއް އެއިން، ކޮންފަދަ ޢިބްރަތެއްތޯ؟
 

ބޭނުމެއް ނެތެވެ.

ކިޔާފައިވާ ޢަދަދު: 3151
ޢަބުދުﷲ އަސްޢަދު، ހއ. އުތީމު
ނުވާނަމަ ހަނދުވަރެއް ހަނދުގައި ކޮބައިހޭ ހަނދުގެ ބޭނުމަކީ؟
              ދުވާލަށް އަލިކަމެއް ނެތްނަމަ، ކޮބައިހޭ އިރުގެ ބޭނުމަކީ؟

ކުރާ ކަމުގައި މުރާދެއްނެތް ކޮބައިހޭ ކަމުގެ ބޭނުމަކީ
              ކުރާ ތަޢުބީރު ނެތް ނަމައީ،  ކޮބައި ހުވަފެނުގެ ބޭނުމަކީ؟

މަލާމެލި ފަރިވެ ނުފޮޅެންޏާ ކޮބައި ގުލްޝަންގެ ފަރިކަމަކީ،
              ބަލައިލަން ލޯ ނުހުޅުވެންޏާ  ކޮބައިހޭ ލޮލުގެ  ބޭނުމަކީ؟ 
  

ލިޔެކިޔުމުގައި ހުސްނޫނު (ނ) ބޭނުންކުރުމުގެ މުހިއްމުކަން

ކިޔާފައިވާ ޢަދަދު: 5593
ކޮޕީ މުޙައްމަދު ރަޝީދު

ރޮނޑަކީ ކުޑަ ފަރުމަހެއް ކަން އެންމެންވެސް ދަނޭ
        ރޮޑަކީ ވެލްޑިންކުރާ، އެއްޗެއްކަންވެސް ދަނޭ
                އެހެންކަމުން ރޮނޑާ ރޮޑާ، އޮޅުމެއްނެތި ލިޔަންޖެހޭ

ބަނދި އެއީ ފަންޑިތަވެރިން، އަމުނާ ބަސްފައްޗެކޭ
        ބަދި އެއީ ރާވެރިތަކުން، ރާ އުފުލާ އެއްޗެކޭ
                އެހެންކަމުން ބަނދި މިބަހާބަދި، ރަނގަޅަށް ލިޔަންޖެހޭ

ތާނަ އަކުރު

ކިޔާފައިވާ ޢަދަދު: 8802

ޢަބްދުއްރަޝީދު ޙުސައިން

ދިވެހިބަހުގެ ޤަވާޢިދު ފޮތެއް އެންމެ ފުރަތަމަ ލިޔުއްވި އަދީބަކީ އައްޝައިޚް މުޙައްމަދު ޖަމާލުއްދީން (ނައިބު ތުއްތު) ކަމަށް ބުނެވެއެވެ. އޭނާ އެފޮތް ލިޔުއްވީ ހިޖުރައިން 1308 ވަނަ އަހަރު (މީލާދީން 1890) ވަނައަހަރުގެ ތެރޭގައެވެ. އެއަށްފަހު ދިވެހިބަހުގެ ޤަވާޢިދު ފޮތެއް ލިޔުއްވީ ފަޟީލަތުއްޝައިޚް ޙުސައިން ޞަލާޙުއްދީނެވެ. އެފޮތުގެ ދީބާޖާ ނިންމަވައިލައްވައިފައި އެމަނިކުފާނު ޖައްސަވައިފައިވާ ތާރީޚަކީ 18 އޮކްޓޯބަރ 1928 އެވެ. ފޮތުގެ ނަމަކީ އައްތުޙުފަތުލް އަދަބިއްޔާ އެވެ. ތުޙުފަތުލް އަދަބިއްޔާ ގައި ތާނައިގެ ކޮންމެ އަކުރެއް އުފެދުނު ގޮތް ވަރަށް ތަފްޞީލުކޮށް ބަޔާންކުރައްވާފައިވެއެވެ. އަޅުގަނޑުގެ މިލިޔުމުގެ ބޮޑުބައި ނަގައިފައި މިވަނީ އެމަނިކުފާނުގެ ތުޙުފަތުލް އަދަބިއްޔާ އިންނެވެ.

ރަމަޟާން މަހެއްގެ އެންމެ ފަހު ދުވަހުގެ ޝުޢޫރު

ކިޔާފައިވާ ޢަދަދު: 3229

ފުސްކަމެއްގައި ހުސްއަތާ

އާދަމް ޢަބްދުއްރަޙްމާން- ހއ. އުތީމު

ދައުރަކަށް އައު އަލިކަމެއް ދިން ނޫރެކޭ އަދު އޮއްސުނީ
                ދައުރުގައި ވިސްނާލި ބަޔަކަށް ފައުރު ތެރެއަށް ވަދެވުނީ

ފަރުމަތީން ނާރާނެކަން އެނގިހުރެ، ދަށަށް ދީލައި ނުލާ
        ދަރުމަވެރި މަންޒިލް ހިފަން ހީކޮށް ރިޔާ ފުރޮޅައިނުލާ
                ފަރުގެ ތޮށްޓަށް އޮޑި އުރެންދެން މަރުވުމެއްގައި ހުރެވުނީ

ޟަމީރުގެ އުދާސް

ކިޔާފައިވާ ޢަދަދު: 3246

ޢަބުދުﷲ އަސްއަދު، ހއ. އުތީމު

އޮހުނު ކަރުނައިގެ މާޟީއަށް އަލުން ދާކަށް ނެތިން އަނބުރާ  
                 ވެހުނު ވާރޭގެ ސައިލު  ދެކޭކަށެއް  ނޭދެން  އެކީ  ހަތުރާ  
        
ނުހަނު  މާޔޫސް ކަމާ އެކުގައި  އެކަނިވެރިކަމުގެ  ވާދީގައި
                 ހުހަށް ހުންނަން ވިޔަސް ހިޔަލަށް ނުދާނަން ތިޔަ ގަހުންފަތުރާ

ހެމުން ބުލްބުލް ކިޔާ ފޮނިފޮނި ނަޝީދު އިވޭނެ މަހެފިލްގައި
                 ދެމުން  ލޯބީގެ ދާ، ލައްޛަތު  ދެނެއް  ނުމެވާނެޔޭ  ފިކުރާ