ދަސްކީ ހަދިޔާ (2)

ކިޔާފައިވާ ޢަދަދު: 946
އިބުރާހީމް ހުސެއިން މަނިކު   
   
މެންދަންވެއްޖެއެވެ. މުޅި ގެވަނީ މަރު ނިދީގައެވެ. ބޭރުން ފާރުފާރު ބުޑުން ރަފީގުތަކުގެ ލަވަ ބޫންގޮއްވާލައިފައި ހުއްޓެވެ. ދުރުން ތޮއްޓަށް ރާޅު މުގުރާ އަޑު ކިރިޔާ ދޭހަވާ ފަދަ ގޮތަކަށް މަޑުމަޑުން އިވިއިވި ހުއްޓެވެ. ނިދާ ބޮކީގެ ފަނޑުނޫ އަލި ނާހި ފެންވަރުވާލާފައި ވަނީ ނިންޖަށް ހިތްވަރުދެމުންނެވެ. ކޮޓަރި ތެރޭ އަރާމު ފިނި ވައި ދައުރުކޮށް ދިނުމުގައި ކޮޅަށްހުރި ފަންކާ ހުއްޓުމެއް ނެތި ނާނާ ކިޔައިދެމުން ދިޔައެވެ. އެކަމަކު ނިދި މިރޭ ވެސް ނާހި ގައިގައި ބީހިލާ ފިކުރެއް ނުކުރިއެވެ. “ބިޔޯންޑު ޕެރަޑައިސް” ގެ މީރުވަސް ހުރި ނިދާހެދުން ވަޔާ ކުޑަކަޅުވާއިން މައްޗަށް ކެހިލުމުން ރަނގަޅުކޮށްލާފައި ބިތްދޮށުގައި އޮތް ކަންނޭލުގައި ބައްދާލައި ލޯމަރައި ތަގުޅިކޮށްލީ ނިދި އަތްދޮށްކުރުމުގެ އުންމީދުގައެވެ. އެކަމަކު ވީކަމެއް ހަރާމެވެ. ދަންބައި އަޅާ ނުދަނީސް ނިދި ލަފާ ގާތެއް ނުވާނެއެވެ. ރާއްޖެ އައި ފަހުން ކޮންމެ ރެއެއްގެ ވެސް ހާލެވެ. ސޯނާވާ ފޯނަށް ތެދުވެގެން ހެނދުނު އޮފީހަށް ދާން ތައްޔާރުވެ ހަދަނީ ނިދި ހަމަ ނުވިކަމުގެ ޅަފީވުން އިހުސާސްކުރަމުންނެވެ. ގަވައިދުން ނުނިދޭތީ ޑަކުޓަރަށް ދެއްކުމުން އިތުރު ސުވާލެއް ނެތި ނިދާބޭސްތަކެއް ލިޔެދިނެވެ. ބޭސްބޭނުން ކޮށްގެން ނިދާކަށް ނާހި ބޭނުމެއް ނުވިއެވެ. ނިންޖަކީ ކޮންމެ ދިރި ހުރި ފުރާނަޔަކަށް ވެސް ލިބިފައިވާ ގުދުރަތީ ބޭހެއް ކަމަށް ދެކޭތީއެވެ. 

ދަސްކީ ހަދިޔާ (1)

ކިޔާފައިވާ ޢަދަދު: 1128

 

 އިބުރާހީމް ހުސެއިން މަނިކު

 

ނާހި އިނީ ކޮޓަރީގައި ހަތަރު އަހަރަށް ދާ ތުއްތު ދަރިފުޅު ފަޒާލް އުނގަށްލައިގެން ވާހަކައެއް ކިޔައިދޭށެވެ. ވަލުތެރޭގައި މަގުގެއްލިގެން އުޅުނު ދަޅުފީނި ފުއްލާއެއްގެ ވާހަކައެވެ. ތަފާތު ގޮތްގޮތަށް ތަކުރާރުކޮށް ކިޔައިދެވޭ ވާހަކައެވެ. ކޮންމެ ގޮތަކަށް ކިޔައިދިނަސް ނިމޭނީ ފުއްލާ ކޯރެއްގެ އައްސޭރިފަށަށް ނިކުމެ ކަރުހިއްކުން ފިލުވާލާ ހިސާބުންނެވެ. ވާހަކަޔާ ގަޔާވާ ގޮތް ނުވި ފަޒާލް މަންމަގެ އުނގުން ލޫދިގަތީ ކުރީގެ ކުޅިވަރަށް ކޮމްޕިއުޓަރު ގޭމަށް އެނބުރިދާށެވެ. އޭނާގެ ބަތޮލަކީ ބައިވެރިޔަކީ މާރިއޯއެވެ. އުދުހޭ އަހެއްގެ ވާހަކަ ކިޔައިދޭން ފެށުމުން ވެސް އަޑުއަހާކަށް ބޭނުމެއް ނުވިއެވެ. ލަވައެއް ކިޔައިދޭން އުޅެގެން ވެސް ލޮހޭ ގޮތެއް ނުވިއެވެ.

ޞަދަޤާތް ކުރުމަކީ ބަލިމީހުންނަށް ހުރި ފަރުވާއެކެވެ.

ކިޔާފައިވާ ޢަދަދު: 1394
ތަރުޖަމާ: އަޙްމަދް ސަމީރު ޢަލީ
އަރަބި ގައުމެއްގެ ތަނަވަސް އާއިލާއެއްގެ އަންހެނަކު ޑަކްޓަރަށް ދައްކައި ތަހުލީލުތަކުގެ ނަތީޖާ ލިބުނުއިރު ސިހިގެން ދިޔައީ އޭނާއަށް ކެންސަރު ޖެހިފައިވާކަމަށް ޑަކްޓަރުން ބުނުމުންނެވެ. ނަމަވެސް އެއީ އެބަލީގެ ހަމަ ކުރީކޮޅެވެ. ހަށިގަނޑުގެ ތެރެއަށް އަދި މާބޮޑަށް ބަލި ފެތުރިފައިނުވާތީ، ބޭހުން ފަސޭހަވުމުގެ އުންމީދު އޮތެވެ.

މައި ސިކް ގޭމް (3)

ކިޔާފައިވާ ޢަދަދު: 1124
  
ޢާއިޝަތު ނާޖީ
 
(29 އޮކްޓޯބަރ 2015 ގައި ޝާއިޢު ކުރި ބަޔާ ގުޅޭ)
 
ނޯޓް: މި ވާހަކައިގެ ފުރަތަމަ ދެބައި ޝާއިޢު ކުރުމަށް ފަހު ފަހުބައި (މިބައި) ޝާއިޢު ނުކުރެވި ލަސްވީ ސައިޓް ބަލަހައްޓާ މީހުންނަށް އެރި އޮޅުމެއްގެ ސަބަބުންނެވެ. މި އޮޅުމަށްޓަކައި ލިޔުންތެރިޔާ ޢާއިޝަތު ނާޖީ އަރިހުންނާއި ކިޔުންތެރިންގެ އަރިހުން ނިހާޔަތަށް މަޢާފަށް އެދެމެވެ.
—————-
މުއްތިޤުލް ބާމާގެ ވާހަކައަށް ފަހު ސުވާލު ކުރުމުގެ ފުރުޞަތު ދިނުމުން   ވަރަށް ގިނަ ދަރިވަރުން ނުރުހުން ފާޅުކޮށް، ވާހަކަ ދައްކަން ފެށިއެވެ. ނަމަވެސް މި ވާހަކަތަކަށް އޭނާ ރައްދު ދެމުން ގެންދިޔައީ ވަރަށް ޙިކުމަތްތެރި ކަމާއި ވިސްނުންތެރި ކަމާއެކުގައެވެ. އެހެން ކަމުން ސެޝަން ނިމުނު އިރު މަދު ކުއްޖަކު ފިޔަވައި ގިނަ ކުދިން އޭނާގެ ވާހަކަތައް ޤަބޫލު ކޮށް ތާއީދު ކުރަން ފެށިއެވެ. މުއްތިޤުލް ބާމާގެ ވާހަކަ ތަކުން ޚާއްޞަކޮށް ޖިލްބާބު ލައި ބޮޑު ބުރުގާ އަޅާފައި ތިބި އަންހެން ކުދިންގެ ތުންފަތް މައްޗަށް  ހިނިތުންވުން ގެނެސް ދިނެވެ.
 

އުއްސަކުރު ޒަމާން

ކިޔާފައިވާ ޢަދަދު: 1218

ތާރީޚީ ވާހަކައެއް

އުއްސަކުރު ޒަމާން

އިބުރާހީމް ޙުސެން މަނިކު
   
އޭނާޔަކީ ބާޒާރުމަތީ ‘ދިވެހި’ ކުޑަފިހާރައެއް ހިންގަން އުޅުނު މީހެކެވެ. އޭނާ ބުނާގޮތުން އެއީ އޭނާގެ ބައްޕަ ވެސް ކުރަމުން އައި މަސައްކަތެވެ. ބައްޕަ ނިޔާވުމުން ހީވާގި ކަމާއެކު ބައްޕަގެ މަސައްކަތުގައި އޭނާ ހިފީއެވެ. އަދި ޒަމާނާ ގުޅޭ ގޮތުން ފިހާރައިގައި ވިއްކާ ދިވެހި މުދަލުގެ ބާވަތްތަކަށް ގެންނާން ފެނުނު ބަދަލުތައް ވެސް ގެނައީއެވެ. އޭނާގެ ނަމެއް ދަންނަވާކަށް ނޭނގެއެވެ. ނަމެއް ކިއުމުގެ ގޮތުން ނަމަކަށް އެދުވަސްވަރުގެ އާންމު ނަމެއް ކަމުގައިވާ ދޮންއަހަންމަދު ކިޔަމާ އަންނާށެވެ. ވާހަކަޔަކީ ވަރަށް ކުރީން އަހައިފައިވާ ވާހަކައެކެވެ. 

މައި ސިކް ގޭމް (2)

ކިޔާފައިވާ ޢަދަދު: 1120
  
ޢާއިޝަތު ނާޖީ
 
(22 އޮކްޓޯބަރ 2015 ގައި ޝާއިޢު ކުރި ބަޔާ ގުޅޭ)
 
އެއް ދުވަހެއްގެ ހެނދުނެވެ. ފެކަލްޓީތަކުގެ ދަރިވަރުންގެ މެދުގައި ބޭއްވުމަށް ހަމަޖެހިފައިވާ  ފުޓްބޯޅަ މުބާރާތަކަށް ފަރިތަ ކުރުމަށް ޓަކައި ސްޕޯރޓްސް ރޫމުން ބޯޅަ ހިފައިގެން ބައުންސް ކުރަމުން ދެވުނީ ލެކްޗަރާއިންގެ ކޮރިޑޯއިން ލާފައެވެ. ކުރިމަތިން އިސްދަށަށް ޖަހާލައިގެން އަވިއްސެއްހެން ބާރުބާރަށް ޔުނިވާރސިޓީގެ އެންމެ ސީނިއާރ އެއް ޕްރޮފެސާރ ހައިދަލްބާޒް އަންނަ ތަން ފެނުނެވެ.   މަޑު ކުރުމެއް، ބަލާލުމެއް ވެސް ނެތި ” އަހަންނާ ބައްދަލު ކޮށްލައްޗޭ! އަހަރެން އިންނާނަން ރިސާރޗް ސެންޓަރުގައި”  ބުނެލިއެވެ.  އެހެން އެބުނީ ކާކާ ދިމާއަށްކަން ނޭނގިގެން  ކޮރިޑޯ ތެރެއަށް ވަށައި  ކަޅި ހިންގައި ލީމެވެ.  އަހަރެން ފިޔަވައި އެއްވެސް މީހަކު ފެންނާން ނެތުމުން އެހެން އެ ބުނީ އަހަރެންގެ ގާތު ކަން އެނގުނެވެ.  ކޮންމެވެސް ވަރެއްގެ ހާސް ކަމަކާއި ޝައްކު ތަކެއް ހިތު ތެރޭގައި އުފެދެން ފެށިއެވެ. ޕްރޮފެސާރ ޙައިދަލްބާޒް ފަދަ ސީނިއާރ، ބޭފުޅަކު ބައްދަލު ކުރަން އެދުމުންނެވެ.
 

ރަތް ކާޑު (4)

ކިޔާފައިވާ ޢަދަދު: 1022
އިބުރާހީމް ހުސެން މަނިކު
ީ


ދިހަވަރަކަށް އަހަރު ކުރިން ލިޔުނު ވާހަކަ އެކެވެ. މިދާކަށް ދުވަހު ކިޔައިލުމުން ގެންނަން ފެނުނު ކުދިކުދި ބަދަލު ވާހަކަޔަށް ވަނީ ގެނެވިފައެވެ. މާބޮޑަށް އާންމުވެފައިވާ ވާހަކަޔަކަށް ނުވުމާއެކު މިސައިޓުގެ ލޮބުވެތި ކިޔުންތެރީންނާއެކު ވާހަކަ އުފަލާއެކު ހިއްސާކޮށްލަމެވެ.

މައި ސިކް ގޭމް (1)

ކިޔާފައިވާ ޢަދަދު: 1021
 

ޢާއިޝަތު ނާޖީ

“ވާއު…ޓާރޓްލް!…..ރަޝްޑައުން…. ކްރޮސްއަޕް….ބްލޮކް ދެޓް ސްކްރަބް” ދުވާލުގެ ހަތަރު ދަމު ގޭތެރެއަށް ވެރިވެފައިވާ ފަޅުކަން ފިލުވާލަދޭ މި އަޑުތަކާއެކު އިދިކޮޅު ފަރާތްތަކުގެ ބާރުގެ ދަށުގައިވާ އެންމެ ބޮޑު ސިޓީ ހިފާލެވުމުން މުޅި ގޭތެރެއަށްވެސް ހީވީ ބޮޑު ޠޫފާނެއް އައީހެނެވެ.އެކީގައި ގޭމް ކުޅެން އައިސް ތިބި އެއް ކިލާހެއްގައި ކިޔެވި ،އެކުވެރި ކުދިންގެ ހަޅޭކުގެ އަޑުފައްގަނޑުންނެވެ.  މި އަޑުފައްގަނޑު ކެނޑިގެން ދިޔައީ ގޭގެ ދޮރު ހުޅުވާލި އަޑާއެކު ބައްޕަ ގެއަށް ވެންނެވުމުންނެވެ. އޮފީހުގެ ރަސްމީ ދަތުރެއްގައި ރާއްޖެއިން ބޭރުގައި އުޅުއްވުމަށްފަހު ދުރުވާ ގަޑިއެއް ބުނެވެސް ނުލައްވާ ބައްޕަ ކުއްލިއަކާ ވެންނެވުމުން ކުއްލި ސިހުމެއް ލިބި ،ފިނިވާގޮތްވިއެވެ. ބައްޕަގެ މޫނުމަތިން ފާޅުވަމުން ދިޔައީ ނުރުހުންތެރިކަމެވެ. 
 

ރަތް ކާޑު (3)

ކިޔާފައިވާ ޢަދަދު: 909
އިބުރާހީމް ހުސެން މަނިކު
އަހަންނަށް މިހާރުދެން ހުރިހައި ކަމެއް ސާފުވެއްޖެއެވެ. އޭނާ އަހަރެންގެ ދަރިން ދެކެވާ ލޯތްބާއި ދީއުޅޭ ދޮންތަކާއި ކޮށްދީ އުޅޭ ކަންތައްތަކާއި އަހަރެމެން ގެޔަށް ގިނަގިނައިން އައިސް އުޅޭ އުޅުމާއި އަހަރެންގެ ކައިވެނީގެ އަހަރުމަތީ ދުވަހާއި އުފަންދުވަހުގެ ފުރަތަމަ މިނެޓުތެރޭ ކުރާ ފޯނުކޯލުތަކާއި އެދޭ ހެޔޮ އެދުންތަކަކީ އަދި ފޮނުވައި އުޅޭ ކާޑުތަކަކީ ކަނބުލޮގެ ހައްގުގައި ދީއުޅޭ އެއްޗެހި ނޫންކަން އެނގިއްޖެއެވެ. އެއީ އަންހެނަކު ލޯބިވާ ފިރިހެނަކަށް ދޭނޭ ހަދިޔާއެވެ.

ރަތް ކާޑު (2)

ކިޔާފައިވާ ޢަދަދު: 859
 އިބުރާހީމް ހުސެން މަނިކު


މިއީ މީގެ ދިހަވަރަކަށް އަހަރު ކުރިން ލިޔުނު ވާހަކަ އެކެވެ. މިދާކަށް ދުވަހު ކިޔައިލުމުން ގެންނަން ފެނުނު ކުދިކުދި ބަދަލު ވާހަކަޔަށް ވަނީ ގެނެވިފައެވެ. މާބޮޑަށް އާންމުވެފައިވާ ވާހަކަޔަކަށް ނުވުމާއެކު މިސައިޓުގެ ލޮބުވެތި ކިޔުންތެރީންނާއެކު ވާހަކަ އުފަލާއެކު ހިއްސާކޮށްލަމެވެ.