އެތަނާއި މިތަނުން ކުދިވާހަކަ(61)

ކިޔާފައިވާ ޢަދަދު: 1656

އަވަދިނެތި އުޅުން

ޢައްބާސް އިބްރާހީމް
 

ކޮންމެވެސް ޒަމާނެއްގައި އުޅުނު ގަސްކެނޑުމުގެ މަސައްކަތްކުރާ ގައިބާރުގަދަ މީހަކަށް ލަކުޑި ވިއްކާ ކުނފުންޏަކުން ވަޒީފާއެއް ދީފިއެވެ. އޭނާއަށް ކުރަންޖެހޭ މަސައްކަތަކީ، ވަލުތެރެއިން ގަސްކަނޑައިގެން ފެކްޓަރީއަށް ގެނައުމެވެ. އެކުންފުނިން އޭނާއަށް ދޭން ހުށަހެޅީ ވަރަށް ރަނގަޅު މުސާރަ އެކެވެ. އަދި ގަސްކަނޑަން އޭނާއަށް ދެއްކި ވަލަކީވެސް ވަރަށް ރަނގަޅު ގަސްތައް ގިނައިން ހުރި ވަލެކެވެ. އެހެންކަމުން އޭނާ އެ ވަޒީފާ ގަބޫލުކުރީ ވަރަށް ހިތްހަމަޖެހިގެން ހުރެއެވެ. އަދި އޭނާއަށް ވީހާ ރަނގަޅަކަށް މަސައްކަތްކުރުމުގެ ޢަޒުމާއެކުގައެވެ.

ހިތް ހިތަކަށް… (1)

ކިޔާފައިވާ ޢަދަދު: 1024
-އިބުރާހިމް ހުސެން މަނކު- 

ލާންޗު ފަޅަށް ވަދެގެން ގޮސް ފާލަމާ ގާތްކުރީ މޮހޮންމަދުބެ އަހަރެންގެ އިންތިޒާރުގައި ފާލަންމަތީގައި ހެވި ދިލިފައި ހުއްޓައެވެ. ދިއްލާފައި އޮތް މެންދުރުގެ އަތްވަށް ލޯ ދިލުވާލަން ނުކުޅެދިފައި ހުރުމާވެސް އެކުގައެވެ. ފައިބަން އަހަރެން ދިއްކޮށްލި އަތުގައި ހިފިގޮތަށް މޮހޮންމަދުބެ ހުރީ އަތުން ދޫކޮށްލަން ނޭނގިފައެވެ. ސަލާންގަލާންކޮށް ހެދީވެސް އެގޮތުގައި ހުރެއެވެ. އަތުން ދޫކޮށްލައިފި ނަމަ އަހަރެން ފައިކައްސާލައިފާނޭތީ ބިރުން އުޅޭ ކަހަލަ ގޮތަކަށެވެ. ނޫން ނަމަ އަތުން ދޫވެގެން އުދުހިގެން ހިނގައިދާނެއޭ ހިތާތީ ތޯއްޗެކެވެ.
 

އެ ޙަޤީޤަތް

ކިޔާފައިވާ ޢަދަދު: 1349

ވާހަކަ

އެ ޙަޤީޤަތް

އަޙްމަދު ނާފިޢު
“ވަފާ، ހާލު ކިހިނެއްތަ؟ ކިހިނެއް ވެފަ ތިއިނީ. ކޮބާ މަންމަމެން؟” އަޒީމް ވަފާ އާއި އެތައް ސުވާލެއް ކުރި ނަމަވެސް ވަފާ އަނގަޔަކުން ނުބުނެއެވެ. ވާހަކައެއް ނުދެއްކިއެވެ. ރަށުގެ އަތިރިމަތީ ފަރާތުގައި ހުރި ޖޯލިފައްޗެއްގައި އޮށޯވެލައިގެން އުމުރުން 20 އަހަރުގެ ވަފާ ވިސްނަމުންދަނީ ކޮންކަމަކާ ކަމެއް ޚުދު އަޒީމް ވިސްނައި ވިސްނައިވެސް ނޭނގުނެވެ. އަޒީމަކީ ވެސް ވަފާއާ އެއްފުރައިގެ ލާނެއް ކުއްޖެކެވެ. ކުޑައިރުއްސުރެން ފެށިގެންވެސް ވަފާގެ އެންމެ ގާތް އެކުވެރިޔާއެވެ. އަދި މިހާރު ވަފާގެ ލޯބިވެރިޔާއެވެ. ކުރިން އަބަދުވެސް ދެމީހުން އެކުގައި ހީނސަމާސާކޮށް ހަދައެވެ. ނަމަވެސް މިއަދު ވަފާއަށް މިވީ ކިހިނެއް ކަމެއް ޚުދު އާޒިމަކަށްވެސް ބުނެދޭކަށެއް ނޭނގެއެވެ.
 

ލޯބި ކަނު އެއްޗަކަށްވީ ކީއްވެ؟

ކިޔާފައިވާ ޢަދަދު: 1244

ޚިޔާލީ ވާހަކައެއްގެ ތަރުޖަމާ

ލޯބި ކަނު އެއްޗަކަށްވީ ކީއްވެ؟

ތަރުޖަމާ: އިބްރާހީމް މާހިރު

މިއީ، މީގެ ދެއަހަރެއްހާ ދުވަސްކުރިން ކޮންމެވެސް ވެބްސައިޓަކުން ފެނިފައިވާ ވާހަކައެކެވެ. ބައެއް ސައިޓްތަކުގައިވާ ގޮތުން، މިއީ ގަލްފުގެ ޤައުމެއްގައި ބޭއްވުނު ޚިޔާލީ ކުރުވާހަކަ މުބާރާތަކުން ކޮންމެ ވެސް އަހަރަކު 01 ވަނަ ލިބުނު ވާހަކައެކެވެ. ނަމަވެސް އިތުބާރު ހުރި ސައިޓަކުން އެކަން ކަށަވަރުކުރެވޭ ގޮތެއް ނުވިއެވެ. އަދި ލިޔުނު މީހާގެ ނަންވެސް އެނގޭގޮތެއް ނުވިއެވެ. ލިޔުންތެރިންގެ ގުޅުމުގެ ވެބްސައިޓްގައި، ވަރަށް ފަހުން ޝާއިޢުކޮށްފައިވާ “ކަނުލޯބި” ވާހަކަ ފެށުމުގެ ކުރިން ލިޔުންތެރިޔާ ލިޔުއްވާފައިވާ ޢިބާރާތްކޮޅުން އަޅުގަނޑު ފުރަތަމަ ހީކުރީ އެއީ މި ވާހަކަ ކަމަށެވެ. އެކަމަކު އެއީ އަދި އެހެން ވާހަކައެއްކަން އެނގުމުން މި ހާވަހަކަ ވެސް ތަރުޖަމާކޮށްލާ ހިތްޖެހުނީއެވެ.

ބުޅަލުގެ ބުއްދި

ކިޔާފައިވާ ޢަދަދު: 2221
ތަރުޖަމާ: ޢަބްދުﷲ ނަޢީމު އިބްރާހީމް
(މިއީ ވަރަށް ގިނަ ޤައުމުތަކުގައި ކިޔެމުން އަންނަ ފުލޯކު ވާހަކައެކެވެ. އެއް ޤައުމެއްގައި ކިޔާ ވާހަކައެއް އަނެއް ޤައުމަކަށް ދިޔުމުން އެ ޤައުމެއްގެ ވާހަކައަކަށް ވެފައި ހުރެއެވެ. އެހެންވީމާ މި ވާހަކައަކީ ކޮން ޤައުމެއްގައި އުފަންވީ ވާހަކައެއްކަމެއް ކަށަވަރު ކުރާކަށް ނޭނގެއެވެ. އަޅުގަނޑު މިވާހަކަ ނަގާފައި ވަނީ ޔުނެސްކޯއިން ނެރެފައިވާ ފޮތަކުންނެވެ. އެތައް އަހަރެއްގެ ކުރީގެ ކަމަކަށް ވާތީ އެ ފޮތުގެ ނަމެއް ހަނދާނެއް ނެތެވެ. ފޮތް ފެނުނީ ޤައުމީ ކުތުބުޚާނާއިންނެވެ. ވާހަކަ ތަރުޖަމާ ކުރީ ކުތުބުޚާނާގައި އިނދެގެންނެވެ. އެހެންވީމާ ވާހަކައިގެ އަސްލެއްވެސް އަޅުގަނޑުގެ އަތަކު ނެތެވެ.)

ފެށުން (2)

ކިޔާފައިވާ ޢަދަދު: 1393
ފަތުޙުﷲ ޞާލިޙު، ޏ. ފުވައްމުލައް

މިވާހަކައަކީ މަޝްހޫރު ނޫސް ރިޕޯރޓަރ ކެވިން ކާރޓަރ، ނަގައި އިންޓަރނެޓަށް ލުމުން މުޅި ދުނިޔެއަށް މަޝްހޫރުވި،  މި ވާހަކައިގައި ބޭނުންކޮށްފައި އެވާ ފޮޓޯއާއި ގުޅުވައިގެން އަޅުގަނޑު ލިޔެފައިވާ ޚިޔާލީ ވާހަކައެކެވެ.

ނަމެއްގެ ފަހަތުން…

ކިޔާފައިވާ ޢަދަދު: 1542
އިބުރާހިމް ހުސެން މަނިކު

މިއީ ޚިޔާލީ ހާދިސާއެއްގެ މައްޗަށް ވާހަކައެއް ގޮތަށް ލިޔެވިފައިވާ މަޒުމޫނެކެވެ. މަޒުމޫނުގައި ހިމެނޭ ތާރީޚީ މީސްމީހުންނާއި ކަންކަން ފިޔަވައި ހިނގިކަމެއްގެ މައްޗަށް ނުވަތަ ދިރި ހުރި ނޫނީ މަރުވެފައިވާ މީހަކަށް ނުވަތަ ބަޔަކަށް ނިސްބަތްކޮށް ލިޔެފައިވާ މަޒުމޫނެއް ނޫނެވެ.

އޭނާޔަކީ އިޓާލީވިލާތުގެ ބަޔަކު ހިންގާ ރިސޯޓެއްގައި މަސައްކަތްކުރާ ކުއްޖެކެވެ. އޭނާ އިޓާލީ ބަހުން ވަރަށް ފަރިތަކޮށް ތަޅުވައެވެ. 

ނޭނގެއެވެ. (15) – ސިފައިންގެއަށް ގެންދިޔުން

ކިޔާފައިވާ ޢަދަދު: 1705

ނޭނގެއެވެ. (15)

ސިފައިންގެއަށް ގެންދިޔުން

ފާޠިމަތު ސަރީރާ ޢަލީ ޝަރީފު
މުންނާ ރަށަށް ފުރުމާއެކު، ކުރިއެކޭ އެއްގޮތަށް އެއްޗެހި ގޮވުމާއި އަނިޔާކުރުން ފެށިއްޖެއެވެ. ދުވަސްތައް މި ގޮތުގައި ހޭދަވަމުން ދަނިކޮށް، އެއް ދުވަހަކު ފާތުމައިދީ (އަވަށްޓެރިއެއް) އަތުވެއްޖެއެވެ. އޭނާ އައީ އާފަލު ހިފައިގެންނެވެ. އެއީ ބޯޓު ދަތުރުކުރާން އުޅޭ އޭނާގެ ކޮއްކޮއަކު މާލެ އައި އިރު ގެނައި އާފަލު ކޭހަކުން އަހަރެމެންނަށް ހަދިޔާ ހިފައިގެން އައި އައުމެކެވެ. ފާތުމައިދީ އައުމުން، ދޮންމަންމަ އޭނާއަށް ޖޫސްތަށްޓެއް ދިނުމުން، އޭގެ ދެވެރީން ފެންޑާގައި ވާހަކަ ދައްކާން ތިބެއްޖެއެވެ. އަހަރެން އިނީ އޮޅިގަނޑުމަތީގައި އިށީނދެގެން ހަނޑޫ ހޮވާށެވެ. ދޮންމަންމަ އެއްކަލަ އާފަލު ކޮތަޅުން އާފަލެއް ނަގައިގެން، ބަދިގެއިން ވަޅިއެއް ހިފައިގެން ގޮސް ފާތުމައިދީގެ ގާތުގައި އިށީނދެއްޖެއެވެ. އަދި އެ އާފަލު ކޮށައިލައިގެން އޭގެ ދެ ވެރީން ކާން ފަށައިފިއެވެ.

ކަނު ލޯބި

ކިޔާފައިވާ ޢަދަދު: 1808
ތަރުޖަމާ: ފާޠިމަތު ސަރީރާ ޢަލީ ޝަރީފް
މިއީ އިންޓަނެޓުގައި ދައުރުވަމުންދާތާ އަހަރުތަކެއް ވެފައިވާ ވާހަކައެކެވެ. ވާހަކަ ލިޔުނު މީހެއް އަޅުގަނޑަކަށް ނޭނގެއެވެ. ތަރުޖަމާކޮށްލެވޭތޯ ބަލައިލީއެވެ. އިންޓަރނެޓުން އެކި ފަހަރު އެކި ގޮތަށް މި ވާހަކަ ފެނިފައި ވާތީ، ތަރުޖަމާ ކުރި އިރު، އަޅުގަނޑު ވެސް ކޮންމެވެސް ވަރަކަށް ވާހަކައަށް ބަދަލު ގެނެސްފައިވާނެއެވެ. އެކަމަކު ވާހަކައިގެ އަޞްލަކަށް މާ ބޮޑު ބަދަލެއް ނުގެންނަމެވެ.
 

ސަންޑޭ (20)

ކިޔާފައިވާ ޢަދަދު: 3302
މޫސާ ޞާޢިދު
( 12 މެއި 2015 (އަންގާރަ) ދުވަހު ޝާއިޢުކުރި ބަޔާ ގުޅޭ)
“ދޮންމަންމައަކަށްދޯ ވާނީ. މަންމަ އަންނާނަން ފާޚާނާއަށް ވަދެލާފަ…..” މަރީނާ ތެދުވެގެން ގޮަސް ކޮޓަރިއަށް ވަދެއްޖެއެވެ. ނަދުހާވެސް ތެދުވެގެންގޮސް ކޮޓަރިއަށް ވަނެވެ. ސިޓިންގރޫމްގައި ހުއްޓާ މުނާޒް އައިސް ދިމާކޮށްފާނެތީއެވެ. އެހެން ވެއްޖެއްޔާ މަރީނާ އަންނައިރުވެސް މުނާޒް އަޅާނުލާ ހުރެދާނެއެވެ. ކޮޓަރިއަށް ވަދެ ނަދުހާ އެނދުގައި އޮށޯވެލިއެވެ. ކޮޓަރި ދޮރުވެސް އޭނާ ނުލައްޕައެވެ. މުނާޒަށް ފުރްޞަތު ކުޑަކުރުމުގެ ޤަޞްދުގައެވެ. މުނާޒް އެކަންޏެއް ނޫނެވެ. ދަލޭކައަކީވެސް ބޮޑު ތުރާލަކަށް މިހާރު އޭނާއަށް ވެއްޖެއެވެ. އެހެންވެ މަންމައާއި ބައްޕަ ގާތު ބުނެގެން ފަންޑިތަ ހަދަންވެސް މިހާރު އޭނާ ހިތަށްއަރައެވެ. ނަދުހާ އެހެން އޮންނަތާ މާގިނައިރުތަކެއްނުވެ، ބާރު ވައިރޯޅިއަކާއެކު ކޮޓަރި ދޮރު ނިކަން ބާރަށް ލެއްޕިއްޖެއެވެ. ނަދުހާ ފުންމައިގެން ތެދުވެއްޖެއެވެ. އެއީ މުނާޒް ނޫނީ ދަލޭކަގެ އިޝާރާތެއްކަން އޭނާއަށް އެނގުނީމައެވެ. ނަދުހާ ތެދުވެގެން ހިނގައިގަތީ ކޮޓަރިން ނުކުންނާށެވެ. އޭނާ ގޮސް ތަޅުގައި ހިފާލިއެވެ. ނަމަވެސް ދޮރެއް ނުހުޅުވުނެވެ. ހީވަނީ މީހަކު ދޮރުގައި ހިފަހައްޓާފައި ހުރިހެންނެވެ.