ސަންޑޭ (11)

ކިޔާފައިވާ ޢަދަދު: 2470
މޫސާ ޞާޢިދު
( 28 މާރިޗު 2015 (ހޮނިހިރު) ދުވަހު ޝާއިޢުކުރި ބަޔާ ގުޅޭ)
“ހިތްހަމަނުޖެހިފައި އިނީ އަހަރެން އެކަންޏެއް ނޫން. ޒުހުރާ ނިކަން ދެކެބަލަ ނަދުހާގެ މޫނު…ނަދުހާގެ މޫނުމަތިން ހިތްހަމަނުޖެހުމާއި ނުތަނަވަސްކަން ފިޔަވައި އިތުރު ކަމެއް އެބަފެނޭތަ؟” ދަލޭކަ ކަރުނުން ފުރިފައިވާ ނަދުހާގެ ލޮލަށް ސީދާ ބަލައިލަމުން ބުންޏެވެ. 

ނޭނގެއެވެ. (9) – ބަނޑު ހުސްކޮށްލެވުމުގެ ހިތްހަމަޖެހުން

ކިޔާފައިވާ ޢަދަދު: 2528

ބަނޑު ހުސްކޮށްލެވުމުގެ ހިތްހަމަޖެހުން

ފާޠިމަތު ސަރީރާ ޢަލީ ޝަރީފު
ކޮންމެއަކަސް މިހެން ފިކުރުކުރާން އޮއްވައި ނިދިފައި ހޭލެވުނުއިރު ފަތިސްވެއްޖެއެވެ. މުނީ ސްކޫލަށް ދަނީ ހެނދުނުއެވެ. އޭނާ އޭރު ތެދުވެގެން އުޅެއެވެ. އައިސާދީވެސް ކޮޓަރިތެރޭގައި އުޅެއެވެ. އަހަރެން ހޭލައިގެން ބަލައިލުމާއެކު، “ދެން އަވަހަށް ގެއަށް ދާށޭ، އެހެން ނޫނީ ދޮންމަންމަ އަނެއްކާވެސް ރުޅިއަތުވެދާނޭ” އޭނާ އެހެން ބުނީމާ އަވަހަށް ތެދުވެގެން، އެގެއިން ނުކުމެގެން ގެއަށް ގޮސް ވަންއިރު، އެއްވެސް މީހަކު އަހަރެން ނެތިގެން އުޅޭ ފާޑެއް ނުޖަހައެވެ. ނަސީބެއްތާއެވެ. 
 

ނޭނގެއެވެ. (8) – މަގުމަތީގައި ބަރަހަނާކުރުން

ކިޔާފައިވާ ޢަދަދު: 2940

މަގުމަތީގައި ބަރަހަނާކުރުން

ފާޠިމަތު ސަރީރާ ޢަލީ ޝަރީފު
 
ދޮންމަންމަގެ އަތްދަށުން ސަލާމަތްވެގެން ދުވެފައި ނުކުމެވިއްޖެއެވެ. އެކަމަކު އަހަރެންގެ ފަހަތުން އޭނާވެސް ދުވެފައި ނުކުމެއްޖެއެވެ. އެނުކުތް ގޮތަށް ނުކުމެ، އަހަރެންގެ ކަނދުރާއާ ދިމާއިން ހެދުމުގެ ކަރުވަޅުގައި ހިފައިގެން ގެންގޮސް ކޮޓަރިތެރެއަށް ކޮއްޕާލައިފިއެވެ. “އަހަރެން ބުނީ މި ގޮރު ގޮދަޑިގަނޑު ހިފައިގެން މިގެއިން ނުކުންނާށޭ” ކިޔާފައި އަނެއްކާވެސް ބޮލުގެ ފުއްކިބައިގައި އެތިފަހަރެއް އަޅާލައިފިއެވެ. ވީ ތަދުން ބޮނދަމުން ކަހަލަ ގޮތަކަށް ގޮސް އަހަރެންގެ އެނދުގައި އޮންނަ ތުނި އިސްޕެންޖު ގޮދަޑި އެނދުން ބާލައިގެން ދަމައިކޫއްތަމުން ކޮޓަރިން ނެރެގެން ގޭގެ ދޮރާށިން ނުކުމެވުމާ ދެމެދު ވީހައި ވަގުތެއްގައި ބަވައިނަގަމުން، ދޭތެރެދޭތެރެއިން އަހަރެންގެ ގައިގެ ކޮންމެވެސް ތަނެއްގައި ބޮނޑިއެއްވެސް އަޅަމުން ދޮންމަންމަވެސް ހުރެގެން އާދެއެވެ. 
 

ނޭނގެއެވެ. (7) – ތަންމައްޗަށް ހީސްލެވުން

ކިޔާފައިވާ ޢަދަދު: 2943

ތަންމައްޗަށް ހީސްލެވުން

ފާޠިމަތު ސަރީރާ ޢަލީ ޝަރީފު
މާދަމާ ވާނޭ ގޮތަކާމެދު ފިކުރުކުރާން އޮއްވައި އަހަންނަށް ނިދިއްޖެއެވެ. މިހެން އޮއްވައި ބިރުވެރި ހުވަފެނެއް ފެނިގެން ރޮއިހަޅޭއްލަވަމުން ދެތިން ފަހަރަކު ތެދުވެވުނެވެ. ކޮންމެ ފަހަރަކުވެސް ދޮންމަންމަ ވަރަށް ރުޅިއައިސްގެން އައިސް އަހަރެންގެ މޫނުމައްޗަށް ފެންއެއްޗެއް ޖަހާފައި، “ކިހާބޮޑު އާފާތެއްހޭ، މި ބަލާވެރިކަމާ ހެދި މިގޭގައި އިންސާނަކަށް ލޮލުފިޔައެއްވެސް ޖަހާލެވޭވަރެއް ނޫނޭ”، ކިޔައި އެތިވަރު ގޮވަމުން ހިނގައިދެއެވެ. އެގޭގައި ކޮޓަރިތައް ބައިކޮށްފައި ހުންނަނީ ފްލައިވުޑު ބިތުންނެވެ. މަތި ހުންނަނީ ނުބައްދައެވެ. އެހެން ހުންނައިރު އިރުއިރުކޮޅުން އަހަރެން ހަޅޭއްލަވަންޏާ އެހެން މީހަކަށް ނިދޭނީވެސް ކިހިނެއްހެއްޔެވެ؟
 

ސަންޑޭ (10)

ކިޔާފައިވާ ޢަދަދު: 2919
މޫސާ ޞާޢިދު
(25 މާރިޗު 2015 (ބުދަ) ދުވަހު ޝާއިޢުކުރި ބަޔާ ގުޅޭ)
“ނޫން…ނޫން….ތިހެން ނުބުނޭ ބައްޕާ….” ޝިޒްނާ މަންމަގެ ގައިން ދޫކޮށްލުމަށްފަހު، ދުވެފައި ގޮސް އޭނާގެ ކޮޓަރިއަށް ވަނެވެ. ޝިޒްނާގެ ފަހަތުން ފަރީދާއާއި ޒުބޭރުވެސް އެކޮޓަރިއަށް ވަދެއްޖެއެވެ. 
 
“ދަރިފުޅާ…..މަންމައަށް މަޢާފްކުރޭ. ދަރިފުޅުގެ ބައްޕައަކީ ޒުބޭރެއް ނޫން….ފަހުން މަންމަ ދަރިފުޅުގެ ޙަޤީޤީ ބައްޕަ ދަރިފުޅަށް ދައްކާނަން. މިހާރު މިވާހަކަ ދަރިފުޅު ގާތު ބުނަން މިޖެހުނީވެސް ދަރިފުޅުގެ އުފަލަށްޓަކައި، ދަރިފުޅާއި އަފްޒަލްގެ ކައިވެންޏަށް ހުރަހެއް ނެތްކަން ހާމަކުރުމުގެ ގޮތުން.” ފަރީދާގެ ދެލޮލުންވެސް ކަރުނަ އޮހެމުންދިޔައެވެ. އޭރު ޒުބޭރުގެ ދެލޯވެސް ވަނީ ފެންކަޅިވެފައެވެ. 
 

ނޭނގެއެވެ. (6) – ބައްޕަގެ ނަސޭހަތް

ކިޔާފައިވާ ޢަދަދު: 2937

ބައްޕަގެ ނަސޭހަތް

ފާޠިމަތު ސަރީރާ ޢަލީ ޝަރީފު
އެހެން މަގުމަތީގައި އުޅެނިކޮށް ބާރަށް ރޮވެން ފަށައިފިއެވެ. މަގުމަތީގައި ހިނގާބިނގާވެ އުޅޭ މީހުން ބަލައިވެސް ހަދައެވެ. އަޅައެއްނުލައެވެ. ކޮންމެވެސް ގެއަކަށް ވަންނާނީއޭ ހިތައި، އެދިޔަ ގޮތަށް ގޮސް ގެއަކަށް ވަދެއްޖައީމެވެ. އެގޭގައި ވަރަށް ގިނަ މީހުން އުޅެއެވެ. އެއީ ކޮން ގެއެއްކަމެއް މިހާރަކު އަހަންނަކަށް ނޭނގެއެވެ. އަހަރެން އެގޭގައި ބަހައްޓައިދިނުމަށް އެދި، ގިސްލައިރޮއި އާދޭސްވެސްކޮށްފީމެވެ. ދޮންމަންމަ އަހަންނަށް ކުރާ އަނިޔާގެ ވާހަކަ ކިޔައިދެމުންގެންދިޔައިރު އެތަނުން އެކަކުގެ ލޮލުން ކަރުނަ އޮހޮރެމުންދިޔައެވެ. އަހަންނަށްވުރެ ބާރަށް އޭނާ ނޯށްވެސްދަމައެވެ. އަހަންނަކީ ކޮން ގެއެއްގެ ކާކުގެ ދަރިއެއްތޯ އެމީހުން ސާފުކުރިއެވެ. ބައްޕައަކީ އެމީހުންވެސް ދަންނަ މަޝްހޫރު މީހެއްކަމަށްވިއެވެ. ދެން އެމީހުން އަހަންނަށް ކާންހަދައިދިނުމުން، ދުވަހަކުވެސް ކާއެއްޗެއް ނުދެކޭ ކުއްޖަކު ފަދައިން ތަނެއްދޮރެއް ނުބަލައި ދިންހައި އެއްޗެއް ކައިހުސްކޮށްލާފައި، އަތުގެ އިނގިލިތަކާއި ތަށިވެސް ލޮއި ސާފުކޮށްލައިފީމެވެ. އެތަން ބަލަން ހުރެފައި، “އެކުއްޖާފަކީރު އެހުންނަނީ ކާންވެސް ނުދީ ބަނޑަށް ބަހައްޓާފައޭ’ އެކަކު ބުންޏެވެ. އިރުކޮޅެއް ނުވެ ބައްޕަ އައިސް އަހަރެން ގޮވައިގެން އެގެއިން ނުކުމެއްޖެއެވެ. އެގޭ މީހުންނާ މާގިނަ ވާހަކަތަކެއް ދައްކާކަށް ނުހަދައެވެ. އެމީހުން ދެކެވެސް ރުޅިއައިސްފައި ހުރި ކަހަލައެވެ.
 

ސަންޑޭ (9)

ކިޔާފައިވާ ޢަދަދު: 2985
މޫސާ ޞާޢިދު
( 17 މާރިޗު 2015 (އަންގާރަ) ދުވަހު ޝާއިޢުކުރި ބަޔާ ގުޅޭ)
“އަހަރެން އެއްވެސް އެއްޗެއް ކާކަށް ބޭނުމެއް ނޫން. އަހަންނަށް ކާންދޭން ބޭނުމިއްޔާ، އަހަރެންގެ އުފާތަކަށް ހުރަސްއަޅާ ސަބަބު އޮޅުންފިލުވައިދީ…..” ޝިޒްނާ ރޮއިރޮއިފައި ވާހަކަ ދެއްކީ، އޭނާގެ މަންމައާއެވެ. އެމީހުން ވާހަކަ ދައްކަން ތިބީ ޝިޒްނާގެ ކޮޓަރީގައެވެ. ޝިޒްނާގެ މަންމަ އެކޮޓަރިއަށް އައިސް ހުރީ ޝިޒްނާއަށް ޖޫސް ތަށްޓެއް ހިފައިގެންނެވެ.
 

ނޭނގެއެވެ. (5) – ގެއިން ނުކުމެގެން ފިލައިގެން ދިޔުން

ކިޔާފައިވާ ޢަދަދު: 2755

ގެއިން ނުކުމެގެން ފިލައިގެން ދިޔުން

ފާޠިމަތު ސަރީރާ ޢަލީ ޝަރީފު
ގިފިލިން ނުކުމެގެން މަޑުމަޑުން ގޮސް ކޮޓަރީގެ ދޮރުމައްޗަށް އަރާއިރަށް، އަހަރެންގެ ފައިބުޑަށް، ތަޅުންގަނޑުމައްޗަށް 2 ރުފިޔާ ޖަހައިފިއެވެ. އަހަރެން ގުދުވެފައި 2 ރުފިޔާ ނެގުމުން “އެއް ރުފިޔާގެ ބަނަހާއި، ގުލްކޯޒު ބިސްކޯދު ބޮނޑިއަކާ ގަނެގެން އަންނާށޭ” ބުނެފިއެވެ. ގެއިން ނުކުމެގެން ދެ ކޮށްޓެއްހައިތަން ހިނގާލާއިރަށް ދެވޭ ހިސާބުގައި ހުރި ފިހާރައަކަށް ގޮސް، ގަންނަން ބޭނުންވާ އެއްޗެހި ގަނެގެން ނުކުންނަން ހިނގައިގަތްއިރު އެ ފިހާރައިގައި އެވަގުތު ހުރި ޒުނޭރާ (އަވަށްޓެރިއެއް)އާއި ފިހާރައިގެ ސޭޓާ ދެމީހުން އަހަރެންގެ ވާހަކަ ދައްކަންފަށައިފިއެވެ. އެއީ އަހަރެން ފެނުމުން އަވަށްޓެރިން އާންމުކޮށް ވާހަކަދައްކާ އުޞޫލުންނެވެ. އަހަންނަށް އަހަރެންގެ ދޮންމަންމަ ކުރާ އަނިޔާގެ ވާހަކަދައްކައި، އަހަރެން ކުރެން އެވާހަކަތައް އަހައި، އަދި ބައެއް ފަހަރު އަހަރެންގެ ހެދުން ހިއްލައިގެންވެސް ކޮށްފައި ހުންނަ އަނިޔާތައް ބަލައި ޗުއްކަނޑައިހެދުމަކީ އެވެރިން ނިކަން ކުރާހިތްވާ ކަމެކެވެ. ކީއްވެގެންކަމެއް ނޭނގެއެވެ. 
 

ނޭނގެއެވެ. (4) – ގުޑް މޯނިންގ “ބޮނޑި”

ކިޔާފައިވާ ޢަދަދު: 2717

ގުޑް މޯނިންގ “ބޮނޑި”

ފާޠިމަތު ސަރީރާ ޢަލީ ޝަރީފު
ފޫކޮޅުގައި އަޅައިވިހެލުމާއެކު ވީ ތަދުން ނިދިން ހޭލެވުނުކަމެއް ނޭނގި ފުންމައިގެން ތެދުވެ އަހަރެންނަށް ހުރެވުނީ ބިންމަތީގައެވެ. އެވަގުތު ސިއްސައިގެންގޮސް ހަޅޭއްލަވައިގަނެވުނުހެންވެސް ހީވިއެވެ. ކުރިމަތީގައި ހުރީ ރީތި ޒުވާން އަންހެނެކެވެ. އެއީ އަހަރެންގެ އައު ދޮންމަންމައެވެ. “ދައްތަ”އެވެ. އަހަންނާ ވާހަކަދައްކައި އުޅުމުގައި ބޭނުންކުރާ ރާގަކީ ބޮޑު މީހަކުވެސް ބިރުން ސިއްސަސިއްސައިގެން ދާފަދަ ރާގެކެވެ. ދެން 5 އަހަރުގެ ކުއްޖަކަށް ވާނޭ ވަރު ވިސްނައިލާށެވެ. ދެންމެދެންމެ ތަޅައިގެންފާނެއޭ ހީވާ ހާލު ބިރުން ސިހިސިހި ހުއްޓައި “ކޮން ވައްވަކެއް ޖަހާކަށްހޭ، ކާކަށް އިއްވަންކަމަށްހޭ، މިހާރު އެއޮއްގެން އިރުމެދުޖެހެންދަނީއޭ، ބުރިއަކަށް ހޫނެއްވެސްވާ އެއްޗެއް ނޫނޭ، ނިލަންދޫ ރަމްލާ ކުކުޅުބިހެއް އެޅިހެން ވިހައި ވައްޓައިލާފައި ހުރި މި ހައިވާނަކާހުރެ އަހަންނާ އަހަރެންގެ ފިރިމީހާއާ ދެމީހުންނަށް އެއްވެސް ހިތްހަމަޖެހުމެއް ނެތޭ” ކިޔައި ކުއްލިކުއްލި ޖަހާ ގޮތަށް އެތިވަރު ގޮވަން ފަށައިފިއެވެ. 
 

ނޭނގެއެވެ. (3) – މަންމަޔާ ވަކިވުން

ކިޔާފައިވާ ޢަދަދު: 2450

މަންމަޔާ ވަކިވުން

ފާޠިމަތު ސަރީރާ ޢަލީ ޝަރީފު
އަހަރެންގެ އުމުރުން 3 އަހަރު ފުރުމުގެ ކުރީގެ ހަނދާންތަކުގެ ތެރެއިން އެންމެ ފަހުގެ ހަނދާނެވެ. ގެއަކީ މާފަންނުގައި ހުންނަ ގެއެކެވެ. އެއީ އަހަރެންގެ މަންމައާ އެއްބަނޑު އެއްބަފާ ދައްތައަކު އިންނަ ގެއެއްގެ ކޮޓަރިތެރެއެވެ. މަންމަ އިނީ އެނދުމަތީގައި، ފާރަށް ލެނގިލައިގެން ކޮއްކޮއަށް ބުއްދޭށެވެ. އަހަރެންވެސް އިނީ މަންމަގެ ގާތުގައެވެ. ކުރިމަތީގައި ހުރި ގޮނޑިއެއްގައި އިށީނދެލައިގެން ބައްޕަ އިނެވެ. ދެކެވެމުންދާ ވާހަކައަކީ މަންމައަށް މި ދެ ކުދީން ނުބެލޭނެ ވާހަކައެވެ. “މަ މި ބުނީނޫންހޭ މަށަކަށް ނުބެލޭނެޔޭ، ދެ ކުދީންވެސް ގެންދާށޭ” މަންމަ ބުންޏެވެ. “މަށަކީ ފިރިހެނެކޭ، 3 އަހަރު ނުފުރޭ ކުއްޖަކާއި އަހަރެއް ނުފުރޭ ކުއްޖަކު މަ ވަކި ބަލާނީ ކިހިނެއްހޭ” ބައްޕަ އެއްސެވެ. “ތީކީ މަ ބަލާކަށް ބޭނުންވާ ކަމެއް ނޫނޭ، ތިޔަ އިނދެގެން އުޅޭ މީހަކަށް ކުދިންވެސް ބެލެންޖެހޭނެޔޭ” މަންމަ ބުނެފިއެވެ.