ނޭނގެއެވެ. (15) – ސިފައިންގެއަށް ގެންދިޔުން

ކިޔާފައިވާ ޢަދަދު: 1802

ނޭނގެއެވެ. (15)

ސިފައިންގެއަށް ގެންދިޔުން

ފާޠިމަތު ސަރީރާ ޢަލީ ޝަރީފު
މުންނާ ރަށަށް ފުރުމާއެކު، ކުރިއެކޭ އެއްގޮތަށް އެއްޗެހި ގޮވުމާއި އަނިޔާކުރުން ފެށިއްޖެއެވެ. ދުވަސްތައް މި ގޮތުގައި ހޭދަވަމުން ދަނިކޮށް، އެއް ދުވަހަކު ފާތުމައިދީ (އަވަށްޓެރިއެއް) އަތުވެއްޖެއެވެ. އޭނާ އައީ އާފަލު ހިފައިގެންނެވެ. އެއީ ބޯޓު ދަތުރުކުރާން އުޅޭ އޭނާގެ ކޮއްކޮއަކު މާލެ އައި އިރު ގެނައި އާފަލު ކޭހަކުން އަހަރެމެންނަށް ހަދިޔާ ހިފައިގެން އައި އައުމެކެވެ. ފާތުމައިދީ އައުމުން، ދޮންމަންމަ އޭނާއަށް ޖޫސްތަށްޓެއް ދިނުމުން، އޭގެ ދެވެރީން ފެންޑާގައި ވާހަކަ ދައްކާން ތިބެއްޖެއެވެ. އަހަރެން އިނީ އޮޅިގަނޑުމަތީގައި އިށީނދެގެން ހަނޑޫ ހޮވާށެވެ. ދޮންމަންމަ އެއްކަލަ އާފަލު ކޮތަޅުން އާފަލެއް ނަގައިގެން، ބަދިގެއިން ވަޅިއެއް ހިފައިގެން ގޮސް ފާތުމައިދީގެ ގާތުގައި އިށީނދެއްޖެއެވެ. އަދި އެ އާފަލު ކޮށައިލައިގެން އޭގެ ދެ ވެރީން ކާން ފަށައިފިއެވެ.

ކަނު ލޯބި

ކިޔާފައިވާ ޢަދަދު: 1934
ތަރުޖަމާ: ފާޠިމަތު ސަރީރާ ޢަލީ ޝަރީފް
މިއީ އިންޓަނެޓުގައި ދައުރުވަމުންދާތާ އަހަރުތަކެއް ވެފައިވާ ވާހަކައެކެވެ. ވާހަކަ ލިޔުނު މީހެއް އަޅުގަނޑަކަށް ނޭނގެއެވެ. ތަރުޖަމާކޮށްލެވޭތޯ ބަލައިލީއެވެ. އިންޓަރނެޓުން އެކި ފަހަރު އެކި ގޮތަށް މި ވާހަކަ ފެނިފައި ވާތީ، ތަރުޖަމާ ކުރި އިރު، އަޅުގަނޑު ވެސް ކޮންމެވެސް ވަރަކަށް ވާހަކައަށް ބަދަލު ގެނެސްފައިވާނެއެވެ. އެކަމަކު ވާހަކައިގެ އަޞްލަކަށް މާ ބޮޑު ބަދަލެއް ނުގެންނަމެވެ.
 

ސަންޑޭ (20)

ކިޔާފައިވާ ޢަދަދު: 3443
މޫސާ ޞާޢިދު
( 12 މެއި 2015 (އަންގާރަ) ދުވަހު ޝާއިޢުކުރި ބަޔާ ގުޅޭ)
“ދޮންމަންމައަކަށްދޯ ވާނީ. މަންމަ އަންނާނަން ފާޚާނާއަށް ވަދެލާފަ…..” މަރީނާ ތެދުވެގެން ގޮަސް ކޮޓަރިއަށް ވަދެއްޖެއެވެ. ނަދުހާވެސް ތެދުވެގެންގޮސް ކޮޓަރިއަށް ވަނެވެ. ސިޓިންގރޫމްގައި ހުއްޓާ މުނާޒް އައިސް ދިމާކޮށްފާނެތީއެވެ. އެހެން ވެއްޖެއްޔާ މަރީނާ އަންނައިރުވެސް މުނާޒް އަޅާނުލާ ހުރެދާނެއެވެ. ކޮޓަރިއަށް ވަދެ ނަދުހާ އެނދުގައި އޮށޯވެލިއެވެ. ކޮޓަރި ދޮރުވެސް އޭނާ ނުލައްޕައެވެ. މުނާޒަށް ފުރްޞަތު ކުޑަކުރުމުގެ ޤަޞްދުގައެވެ. މުނާޒް އެކަންޏެއް ނޫނެވެ. ދަލޭކައަކީވެސް ބޮޑު ތުރާލަކަށް މިހާރު އޭނާއަށް ވެއްޖެއެވެ. އެހެންވެ މަންމައާއި ބައްޕަ ގާތު ބުނެގެން ފަންޑިތަ ހަދަންވެސް މިހާރު އޭނާ ހިތަށްއަރައެވެ. ނަދުހާ އެހެން އޮންނަތާ މާގިނައިރުތަކެއްނުވެ، ބާރު ވައިރޯޅިއަކާއެކު ކޮޓަރި ދޮރު ނިކަން ބާރަށް ލެއްޕިއްޖެއެވެ. ނަދުހާ ފުންމައިގެން ތެދުވެއްޖެއެވެ. އެއީ މުނާޒް ނޫނީ ދަލޭކަގެ އިޝާރާތެއްކަން އޭނާއަށް އެނގުނީމައެވެ. ނަދުހާ ތެދުވެގެން ހިނގައިގަތީ ކޮޓަރިން ނުކުންނާށެވެ. އޭނާ ގޮސް ތަޅުގައި ހިފާލިއެވެ. ނަމަވެސް ދޮރެއް ނުހުޅުވުނެވެ. ހީވަނީ މީހަކު ދޮރުގައި ހިފަހައްޓާފައި ހުރިހެންނެވެ.
 

ފެށުން

ކިޔާފައިވާ ޢަދަދު: 4835
ފަތުޙުﷲ ޞާލިޙު، ޏ. ފުވައްމުލައް
ކެވިންގެ ދުވަހުގެ މަސައްކަތް އަހަރެން ދިޔައީ ފަރުވާތެރިކަމާއި އެކު ބަލަމުންނެވެ. ފޮޓޯ ނެގުމުގެ ދާއިރާގައި އޭނާއަކީ ކޮންފެންވަރެއްގެ މީހެއްކަން އަހަންނަށް ސާފެވެ. ކޮންމެ ފޮޓޯއަކީވެސް ވަރަށް ވިސްނައިގެން އޭނާ ނަގާފައިވާ، އެހާ ބޭނުންތެރި ފޮޓޯއެކެވެ. ފޮޓޯ ބަލަމުން އަހަރެން ދިޔައިރު ކެވިން ވެސް ކައިރީގައި ހުރެގެން އެކި ފޮޓޯތަކާއި ގުޅުންހުރި އެކި އެއްޗެހި ކިޔައިދެމުން ދިޔައެވެ.
 

ސަންޑޭ (19)

ކިޔާފައިވާ ޢަދަދު: 3334
މޫސާ ޞާޢިދު
( 8 މެއި 2015 (ހުކުރު) ދުވަހު ޝާއިޢުކުރި ބަޔާ ގުޅޭ)
 “ދަރިފުޅާ….ޙަޤީޤަތުގައި ދަރިފުޅަކީ މުނާޒްގެ އަތްނބެއް. ބަނޑުގައި އޮތީ މުނާޒްގެ ދަރިއެއް….އެކުއްޖާ އުފަންވިޔަސް، އިންސާނުންގެ ތެރެއަކު ނޫޅެވޭނެ. ދަރިފުޅުވެސް ރަނގަޅީ އޭނައާއެކު ދިޔައްޔާ…..” މިފަހަރުވެސް ދަލޭކަ ވާހަކަ ދެއްކީ މުނާޒްގެ ކޮޅަށް ބުރަވެ ހުރެއެވެ. 
 
“ހޫނ….ތިކަމެއް ނުވާނެ. އަހަންނަށް ޖިންނިއަކާއެކު ނޫޅެވޭނެ. ތިގޮތަށް މުނާޒްގެ ދިފާޢުގައި ވާހަކަ ދައްކަންޏާ މިތަނުންދޭ.” ނަދުހާ ދުރަށް ޖެހިލިއެވެ.
 

ނޭނގެއެވެ. (14) – އޮށްވަޅުގޮނޑި

ކިޔާފައިވާ ޢަދަދު: 2209

އޮށްވަޅުގޮނޑި

ފާޠިމަތު ސަރީރާ ޢަލީ ޝަރީފު
މުންނާއާއެކު ރަށަށް ދާން ކިތަންމެ ބޭނުންވެފައި ހުއްޓަސް، ބައްޕަގެ ގާތުގައި އެވާހަކަ ބުނަން ނުކެރިފައި ހުއްޓައި، މާ ގިނަ ދުވަހެއް ނުވެ މުންނާ ފުރައިގެން ރަށަށް ހިނގައްޖެއެވެ. މުންނާ ފުރި ރެއާ ވިދިގެން އައި ރޭ އަހަންނާއެކު އޮށްވަޅުގޮނޑި ކުޅޭނޭ މީހަކު ނެތެވެ. މުންނާ ނެތުމުން އެކަމާ ނުހަނު ދެރަވެފައި ހުރެގެން އޮށްވަޅުގޮނޑި ނަގައިގެން އައިސް އެނދުމަތީގައި ބަހައްޓައިގެން، ވަޅުތަކަށް މަދޮށި ހަމަކޮށްގެން، މުންނާ ދަސްކޮށްދިން ގޮތަށް ނުހިނދި، ނުހުއްޓި ކުޅެވޭތޯ ބަލައިލާނަމޭ ހިތައި، ހިލަހިލައި އިންދައި ދޮންމަންމަ އަތުވެއްޖެއެވެ. 

ހުނި ބިލެތް (3)

ކިޔާފައިވާ ޢަދަދު: 1577
               
އިބުރާހިމް ހުސެން މަނިކު
 
(7 މެއި 2015 ގައި ޝާއިޢު ކުރި މި ވާހަކައިގެ ދެވަނަ ބަޔާ ގުޅޭ) 

 

ނާސިހާ ބައްޕަ ދަރިފުޅު އަތުގައި ހިފައިގެން ގެޔަށް ވަދެ ކުރި ފޯނަށް ފުލުސް ޖީޕު އައީ އަލާއުއްދީނު ވޮށްގަނޑު އުނގުޅައިލީމާ ޖިންނި އަންނަހެންނޭ ހީވިއެވެ. އަހަރެން އޮބައިގަނެގެން ޖީޕަށް އަރުވައިގެން ފުލުސް އޮފީހަށް ގެންދިޔައީ މަންޒަރު ބަލާންތިބި މީހުންނަށް ކުށްވެރިޔަކީ އަހަރެން ކަމަށް ހީވާ ފަދަ ގޮތަކަށެވެ. ޝިޔާޒު ހުރީ ވީއްލިފައެވެ. އޭނާ ހާޒިރުކުރެވުނީ އަހަރެން ކުރި ޝަކުވާއާ ވިދިގެން ފަހުން ފޯނުކޮށްގެންނެވެ. އޭނާޔާއެކު ނާސިހާ ވެސް އެތަނަށް ހާޒިރުކުރެވުނެވެ. 

މިނިކާވަގެއްގެ ނަރުވާ

ކިޔާފައިވާ ޢަދަދު: 2713
ތަރުޖަމާ: އަޙްމަދް ސަމީރު ޢަލީ
ޗައިނާގެ ކޮންމެވެސް ހިސާބެއްގައި ޔުން އޮކް ނަމަކަށް ކިޔުނު އަންހެނަކު އުޅުނެވެ. މީނާގެ ފިރިމީހާއާއި އެކު މި ދެމަފިރިން އައީ ވަރަށް ރީތި ދިރިއުޅުމެއް އުޅެމުންނެވެ. އޯގާވެރިކަމާއި ލޯތްބާއި ހިތްހަމަޖެހުމާއި އެކީ މި ދެމަފިރިން ދިރިއުޅުމުގެ ތެރޭގައި ފިރިމާހާ ހަނގުރާމައަކަށް ދާންޖެހިއްޖެއެވެ. ހަނގުރާމަ ނިންމާފައި އައި އިރު ކުރީގެ ހިތްހެޔޮ ކަމާއި އޯގާވެރިކަމާއި އަޅައިލުމެއް އޭނާގެ ކިބަޔަކު ނެތެވެ. ރުޅި ގަދަވެ ރުންކުރު ކަމުން، ފިރިމީހާ އާއި އަނގައިން ބުނާނޭ ގޮތެއްވެސް ޔުން އޮކް އަކަށް ނޭނގުނެވެ. އެކީގައި މިހާރު އުޅެން ޖެހިފައިވާ މީހާ އަކީ ކުރީގެ ފިރިމީހާއޭ ބުނަންވެސް ދައްޗެވެ. މިހާރު މިހުރީ އޭނާގެ ހިޔަނިން ކުޑަ މިންވަރެކެވެ! މި ރުޅިގަދަ މީހާއާއި އެކީގައި އެއް ގެއެއްގައި އުޅެން ޔުން އޮކް ބިރުގަންނަ ހިސާބަށް ކަންތައް ހިނގައްޖެއެވެ!
 

ސަންޑޭ (18)

ކިޔާފައިވާ ޢަދަދު: 1973

މޫސާ ޞާޢިދު
(30 އެޕުރީލު 2015 (ބުރާސްފަތި) ދުވަހު ޝާއިޢުކުރި ބަޔާ ގުޅޭ)
“އަހަރެންގެ އަތްނބެއްގެ ގޮތުގައި މިގެޔަކުން ނުނިކުމެވޭނެ. މާނައަކީ….” ނަވާލަށް ޖުމްލަ ފުރިހަމަވުމުގެ ކުރިން ޒިލާ ގެއިން ބޭރަށް ނުކުތެވެ. ފަހަތުން ގޮސް ނަވާލް، ޒިލާ ހިފެހެއްޓުމަށްފަހު އެތެރެއަށް ވެއްދީ ގަދަކަމުންނެވެ.

ހުނި ބިލެތް (2)

ކިޔާފައިވާ ޢަދަދު: 1436
                
އިބްރާހީމް ޙުސައިން މަނިކު
 
(3 މެއި 2015 ގައި ޝާއިޢު ކުރި މި ވާހަކައިގެ ފުރަތަމަ ބަޔާ ގުޅޭ) 
 
އަހަރެން އަހައިފައިވާ ގޮތުގައި ނާސިހާ ދިރިއުޅެމުން އައީ ބޭރު މީހަކާ އިނދެގެން ބޭރުގައެވެ. މިވަގުތު ކައިރީގައި ހަމަ ގައިމުވެސް ބޭރު މީހަކު ނެތެވެ. ހައްތާ ވެސް ތިބީ ދިވެހީންނެވެ. އަންހެނުންނާއި ފިރިހެނުންނެވެ. ރާއްޖެ އައިކަމަށް ވާނީ ދާދި މިދާކަށް ދުވަހުއެވެ. ރާއްޖޭގެ ނޫހަކަށް ޝައުގެވެރިވާނީ ރާއްޖެއަށް ދިރިއުޅުން ބަދަލުކޮށްލީމާ ކަމަށް ފެނެއެވެ. އަހަރެން ދެކި އުޅުނު އިރު އެއީ ނޫކަށިފުރައިގެ ކުއްޖެކެވެ. އޭރު މަށަށް އެންމެ ރީތި ވަރަށް ވުރެ ތުންޏެވެ. މިހާރު އެހެރީ ރޫފަޖެހި އެންމެ ރީތި ވަރަށް ބޮނޑިމަސްކޮންނެވެ. ހޯއްދުން ހެޔޮ ހައްޓެކެވެ. ހެޔޮވަރު އިސްކޮޅެއް ވެސް ހުރީތީ ލައިގެން ހުރި ފާސްކުރި ހެދުމަށް ހުރިހައި ގޮތަކުން ވެސް ފާޑެވެ.ބޮޑެތި ހުދު މާތަކެއް ޖެހި ވެސްނޫކުލައިގެ ހެދުމެކެވެ.