ނޭނގެއެވެ. (5) – ގެއިން ނުކުމެގެން ފިލައިގެން ދިޔުން

ކިޔާފައިވާ ޢަދަދު: 2865

ގެއިން ނުކުމެގެން ފިލައިގެން ދިޔުން

ފާޠިމަތު ސަރީރާ ޢަލީ ޝަރީފު
ގިފިލިން ނުކުމެގެން މަޑުމަޑުން ގޮސް ކޮޓަރީގެ ދޮރުމައްޗަށް އަރާއިރަށް، އަހަރެންގެ ފައިބުޑަށް، ތަޅުންގަނޑުމައްޗަށް 2 ރުފިޔާ ޖަހައިފިއެވެ. އަހަރެން ގުދުވެފައި 2 ރުފިޔާ ނެގުމުން “އެއް ރުފިޔާގެ ބަނަހާއި، ގުލްކޯޒު ބިސްކޯދު ބޮނޑިއަކާ ގަނެގެން އަންނާށޭ” ބުނެފިއެވެ. ގެއިން ނުކުމެގެން ދެ ކޮށްޓެއްހައިތަން ހިނގާލާއިރަށް ދެވޭ ހިސާބުގައި ހުރި ފިހާރައަކަށް ގޮސް، ގަންނަން ބޭނުންވާ އެއްޗެހި ގަނެގެން ނުކުންނަން ހިނގައިގަތްއިރު އެ ފިހާރައިގައި އެވަގުތު ހުރި ޒުނޭރާ (އަވަށްޓެރިއެއް)އާއި ފިހާރައިގެ ސޭޓާ ދެމީހުން އަހަރެންގެ ވާހަކަ ދައްކަންފަށައިފިއެވެ. އެއީ އަހަރެން ފެނުމުން އަވަށްޓެރިން އާންމުކޮށް ވާހަކަދައްކާ އުޞޫލުންނެވެ. އަހަންނަށް އަހަރެންގެ ދޮންމަންމަ ކުރާ އަނިޔާގެ ވާހަކަދައްކައި، އަހަރެން ކުރެން އެވާހަކަތައް އަހައި، އަދި ބައެއް ފަހަރު އަހަރެންގެ ހެދުން ހިއްލައިގެންވެސް ކޮށްފައި ހުންނަ އަނިޔާތައް ބަލައި ޗުއްކަނޑައިހެދުމަކީ އެވެރިން ނިކަން ކުރާހިތްވާ ކަމެކެވެ. ކީއްވެގެންކަމެއް ނޭނގެއެވެ. 
 

ނޭނގެއެވެ. (4) – ގުޑް މޯނިންގ “ބޮނޑި”

ކިޔާފައިވާ ޢަދަދު: 2982

ގުޑް މޯނިންގ “ބޮނޑި”

ފާޠިމަތު ސަރީރާ ޢަލީ ޝަރީފު
ފޫކޮޅުގައި އަޅައިވިހެލުމާއެކު ވީ ތަދުން ނިދިން ހޭލެވުނުކަމެއް ނޭނގި ފުންމައިގެން ތެދުވެ އަހަރެންނަށް ހުރެވުނީ ބިންމަތީގައެވެ. އެވަގުތު ސިއްސައިގެންގޮސް ހަޅޭއްލަވައިގަނެވުނުހެންވެސް ހީވިއެވެ. ކުރިމަތީގައި ހުރީ ރީތި ޒުވާން އަންހެނެކެވެ. އެއީ އަހަރެންގެ އައު ދޮންމަންމައެވެ. “ދައްތަ”އެވެ. އަހަންނާ ވާހަކަދައްކައި އުޅުމުގައި ބޭނުންކުރާ ރާގަކީ ބޮޑު މީހަކުވެސް ބިރުން ސިއްސަސިއްސައިގެން ދާފަދަ ރާގެކެވެ. ދެން 5 އަހަރުގެ ކުއްޖަކަށް ވާނޭ ވަރު ވިސްނައިލާށެވެ. ދެންމެދެންމެ ތަޅައިގެންފާނެއޭ ހީވާ ހާލު ބިރުން ސިހިސިހި ހުއްޓައި “ކޮން ވައްވަކެއް ޖަހާކަށްހޭ، ކާކަށް އިއްވަންކަމަށްހޭ، މިހާރު އެއޮއްގެން އިރުމެދުޖެހެންދަނީއޭ، ބުރިއަކަށް ހޫނެއްވެސްވާ އެއްޗެއް ނޫނޭ، ނިލަންދޫ ރަމްލާ ކުކުޅުބިހެއް އެޅިހެން ވިހައި ވައްޓައިލާފައި ހުރި މި ހައިވާނަކާހުރެ އަހަންނާ އަހަރެންގެ ފިރިމީހާއާ ދެމީހުންނަށް އެއްވެސް ހިތްހަމަޖެހުމެއް ނެތޭ” ކިޔައި ކުއްލިކުއްލި ޖަހާ ގޮތަށް އެތިވަރު ގޮވަން ފަށައިފިއެވެ. 
 

ނޭނގެއެވެ. (3) – މަންމަޔާ ވަކިވުން

ކިޔާފައިވާ ޢަދަދު: 2541

މަންމަޔާ ވަކިވުން

ފާޠިމަތު ސަރީރާ ޢަލީ ޝަރީފު
އަހަރެންގެ އުމުރުން 3 އަހަރު ފުރުމުގެ ކުރީގެ ހަނދާންތަކުގެ ތެރެއިން އެންމެ ފަހުގެ ހަނދާނެވެ. ގެއަކީ މާފަންނުގައި ހުންނަ ގެއެކެވެ. އެއީ އަހަރެންގެ މަންމައާ އެއްބަނޑު އެއްބަފާ ދައްތައަކު އިންނަ ގެއެއްގެ ކޮޓަރިތެރެއެވެ. މަންމަ އިނީ އެނދުމަތީގައި، ފާރަށް ލެނގިލައިގެން ކޮއްކޮއަށް ބުއްދޭށެވެ. އަހަރެންވެސް އިނީ މަންމަގެ ގާތުގައެވެ. ކުރިމަތީގައި ހުރި ގޮނޑިއެއްގައި އިށީނދެލައިގެން ބައްޕަ އިނެވެ. ދެކެވެމުންދާ ވާހަކައަކީ މަންމައަށް މި ދެ ކުދީން ނުބެލޭނެ ވާހަކައެވެ. “މަ މި ބުނީނޫންހޭ މަށަކަށް ނުބެލޭނެޔޭ، ދެ ކުދީންވެސް ގެންދާށޭ” މަންމަ ބުންޏެވެ. “މަށަކީ ފިރިހެނެކޭ، 3 އަހަރު ނުފުރޭ ކުއްޖަކާއި އަހަރެއް ނުފުރޭ ކުއްޖަކު މަ ވަކި ބަލާނީ ކިހިނެއްހޭ” ބައްޕަ އެއްސެވެ. “ތީކީ މަ ބަލާކަށް ބޭނުންވާ ކަމެއް ނޫނޭ، ތިޔަ އިނދެގެން އުޅޭ މީހަކަށް ކުދިންވެސް ބެލެންޖެހޭނެޔޭ” މަންމަ ބުނެފިއެވެ. 
 

ނޭނގެއެވެ. (2) – ތަގޭ އައްޕަ ކޮބައިހެއްޔެވެ؟

ކިޔާފައިވާ ޢަދަދު: 2901

ތަގޭ އައްޕަ ކޮބައިހެއްޔެވެ؟

ފާޠިމަތު ސަރީރާ ޢަލީ ޝަރީފު
އަނެއްކާވެސް އަހަރެންގެ އުމުރުން 3 އަހަރު ފުރުމުގެ ކުރީގެ ހަނދާނެކެވެ. އާނއެކެވެ. ހަމަ ހަނދާނެކެވެ. އޭރުވެސް އުޅެނީ މަންމަ ދިރިއުޅޭ ރަށުގައެވެ. މަންމަ ގާތުގައެވެ. ބައްޕަ ފެންނަ ހަނދާނެއް ނުވެއެވެ. ބޮޑެތި މީހުން ތިބެގެން ކުޑަކުދީންނާ ދިމާކޮށް، ހާރުވައި، ރޮއްވައިހެދުމަކީ އެއީ އާދައިގެ ކަމެކެވެ. އެހެރަފެންނަ ކަންކަމަކީ އެއްގޮތަކަށްވެސް ކުޑަކުދީންނަށް “އަނިޔާ”ކުރުންކަމަކަށް އެވެރިންނެއް ނުދެކެތެވެ. އެހެރަ ހުންނަނީ ހަމަ ހިތްއުހައުކޮށްލައި، މަޖާކޮށްލުމަށް ކޮއްލާ ކަންކަމެކެވެ. އެހެން ނޫންނަމަ އެކަމަކާ ނުއެއް ހޭނެތާއެވެ. އަދި ކޮންމެވެސް ބަޔަކު އެކަން ހުއްޓުވަންވެސް އުޅޭނެތާއެވެ.
 

ނޭނގެއެވެ. (1) – ބޮޑު ބޭބެ

ކިޔާފައިވާ ޢަދަދު: 3240

ބޮޑު ބޭބެ

ފާޠިމަތު ސަރީރާ ޢަލީ ޝަރީފު
އެއީ އަހަރެންގެ މަންމަ ދިރިއުޅޭ ރަށެވެ. ތަނަކީ ވަކަށްދޮށެވެ. އަހަރެން އިނީ ބިންމަތީގައި ކުޅޭށެވެ. އޭރު އަހަރެންގެ އުމުރުން 3 އަހަރެއް ނުފުރެއެވެ. އެހާ ތުއްތު އުމުރުގައި ހިނގާ ކަންކަން ހަނދާން ނުހުންނާނެކަމަށް މީހުން ބުނެއުޅޭ ދޯއެވެ؟ މީހުން އެހެން ބުންޏަސް ނުބުންޏަސް ވާނީ ކީއްހެއްޔެވެ؟ އުމުރުން 3 އަހަރު ފުރުމުގެ ކުރީން ހިނގާދިއަ ބައެއް ކަންކަން ހަމަ ގައިމުވެސް އަހަރެން ހަނދާންހުރެއެވެ. މިއީ އޭގެ ތެރެއިން އެންމެ ދުރު ހަނދާނެވެ. 
 

ސަންޑޭ (8)

ކިޔާފައިވާ ޢަދަދު: 3002
މޫސާ ޞާޢިދު
( 7 މާރިޗު 2015 (ހޮނިހިރު) ދުވަހު ޝާއިޢުކުރި ބަޔާ ގުޅޭ)
“ބައްޕާ…..މަންމާ…ކިހިނެއްތަ ވެގެން މިއުޅެނީ؟ ކީއްވެތަ ކުއްލިއަކަށް އަފްޒަލްގެ ޚިޔާލު ބަދަލުވީ.” ޝިޒްނާ ރޮއިރޮއިފައި، އޭނާގެ މަންމައާއި ބައްޕަކުރެން އެއްސެވެ. 
ދަރިފުޅާ، ބައްޕައާ ތިޔަސުވާލު ނުކުރޭ. ބައްޕަ މޮޔަވެދާނެ. ފަހުން ބައްޕަ، ހުރިހާ ކަމެއްވެސް ދަރިފުޅަށް އޮޅުންފިލުވައިދޭނަން.” ޒުބޭރު ޙަޤީޤަތް ހާމަކުރަން ކިތަންމެ ބޭނުންވިނަމަވެސް އޭނާ ފަސްޖެހެއެވެ. ހީވާކަހަލައެވެ. ޙަޤީޤަތް ހާމަކުރުމަށް ހިތްއެދި، އަނގަ ހުޅުވާލާއިރަށް ދޫބަންދުވަނީއެވެ. ނޫނީ ޙަޤީޤަތް ހާމަކުރުމަށް އޭނާ ޖެހިލުންވެ ނުކެރޭންޖެހޭ ސަބަބެއްވާތީ އޭނާ މަޑުޖެހެނީއެވެ.
 

ދެ ފޫހި

ކިޔާފައިވާ ޢަދަދު: 2330
ޢާއިޝަތު ނާޖީ
ޖެހިގެން އިން ގޮނޑީގައި އިށީންނަމުން   ހީނލާފައި، ” ހައި.. ހަވް އާ ޔޫ؟ ”  އަހަރެން ގާތު ދުވަހަކުވެސް މީގެ ކުރިން ދެކެފައިނުވާ ވަރުގެ ފަލަ، އަންހެނަކު އަހައިލިއެވެ.  ގަދަކަމުން ކަހަލަ ގޮތަކަށް ގޮނޑިއަށް ފެތިގަނެ، މި މީހާ އަށް ގޮނޑީގައި އިށީނދެ ހަމަ ޖެހިލެވުނީ އަހަރެންގެ ގޮޑިންވެސް ބައެއް ހިފައިގެންނެވެ. ގޮނޑީގެ އަތްގަނޑުގައި ޢޭނާގެ އެތުގެ އަތްފަދަ އަތް ބާއްވާލިއެވެ. އެ އަންހެންމީހާއަށް ހަމަޖެހިލެވުނު އިރު ދެން އެތާނގައި އަހަންނަށް ނޭވާލެވޭވަރުވެސް ނުވިއެވެ. ވީ ފޫއްސެއްގެ ބޮޑުކަމުން ކުޑަ ދޮރާދިމާއަށް އެނބުރި ބޭރަށް ބަލަން އިނީމެވެ. 
 

ސަންޑޭ (7)

ކިޔާފައިވާ ޢަދަދު: 3055
މޫސާ ޞާޢިދު
( 7 މާރިޗު 2015 (ހޮނިހިރު) ދުވަހު ޝާއިޢުކުރި ބަޔާ ގުޅޭ)
މަރީނާއާއި ފާއިޒު މިހާރު ދިރިއުޅުން މަތިން ފޫހިވެފައިވާ ކަހަލައެވެ. އެމީހުންގެ ހުރިހާ އުންމީދުތަކާ ގުޅިފައިވާ ދަރިފުޅުގެ ސަބަބުން އެމީހުންގެ ހިތް މިއަދުވަނީ ބަލިކަށިވެފައެވެ. ނަވާލްގެ ޙާލަތު މިހާރު ކުރިއަށްވުރެ ގޯހެވެ. މިހާރު އޭނާ ހަމަޖެހޭ އެއްވެސް ވާހަކައެއް ނުދައްކައެވެ. ހިލިހިލާޖަހައި ބަނދެފައި ނުބާއްވާނަމަ، އޭނާ މައިތިރި ކުރެވޭނެ އެއްގޮތެއްވެސް ނޯވެއެވެ. މިހާރު އޭނާގެ ކުރީގެ ރައްޓެހިންނަކަށްވެސް އޭނާއެއް ނުފެނެއެވެ. ކިރިޔާވެސް ގާތްކަމެއް ބާއްވާ މީހަކީ އަފްޒަލެވެ. މިހާރު އަފްޒަލަށްވެސް ނަވާލް ދެކިލަން އެގެއަށް އާދެވެނީ ހަފްތާއަކު އެއްފަހަރު ކަހަލަ ގޮތަކަށެވެ. 
 

ފުއްޓަރު އަތިރި

ކިޔާފައިވާ ޢަދަދު: 3978

ކުރުވާހަކަ:

ފުއްޓަރު އަތިރި

ޙަސަން ޝާކިރު މުޙައްމަދު 
ދުނިޔޭގައި އިންސާނުންގެ ޙަޔާތް ލައްވާފައިވަނީ، ތަފާތު ބަދަލުތަކާއެކުގައެވެ. ކުރިމަތިވާ ކޮންމެކަމަކީވެސް ޙަޔާތުގެ ތަޖުރިބާއެކެވެ. ކޮންމެ މީހެއްގެ ހަޔާތުގައި ވެސް އުފާވެރި ދުވަސްތަކާއި ހިތާމަވެރި ދުވަސްތައް އާދެއެވެ. މަޖާ ދުވަސްތަކާއި އެކަނިވެރި ދުވަސްތައްވެސް އާދެއެވެ. 
 

ސަންޑޭ (6)

ކިޔާފައިވާ ޢަދަދު: 3135
މޫސާ ޞާޢިދު
( 2 މާރޗް 2015 (ހޯމަ)ދުވަހު ޝާއިޢުކުރި ބަޔާ ގުޅޭ)
“ދަރިފުޅާ؟” ނަވާލް ބޮޑުކޮޓަރީގެ ވަށައިގެން ދުވެ އެނބުރެން ފެށުމުން، ފާއިޒް ނަވާލްގެ އަތުގައި ހިފެހެއްޓިއެވެ. 
 
“ގައިގަ އަތްނުލާތި….ބުނަން ވާހަކައެއް، ބައްޕަ ނަދުހާޔާ އިނދޭ…..އަހަންނެއް ނީންނާނަން….” ފާއިޒަށް ނަވާލްގެ އަޑު ތަފާތު ކަމުގައި އިޙްސާސްނުވި ކަމުގައިވިޔަސް، އޭނާގެ އަޑުވެސްވަނީ ބަދަލުވެފައެވެ. ހީވަނީ އަންހެން އަޑަކާއި ފިރިހެން އަޑެއް އެކުވެގެން އަންނަހެންނެވެ.