ސާހިބާ (34)

ކިޔާފައިވާ ޢަދަދު: 3774
 
ފާޠިމަތު ނަހުލާ
(27 ސެޕްޓެމްބަރ 2014 (ހޮނިހިރު) ދުވަހު ޝާއިޢުކުރި ބަޔާ ގުޅޭ)
އިރުކޮޅަކުން މީނާ ތިރިއަށް ފައިބާތަން ފެނުނެވެ. މީނާ ލައިގެން ހުރި ހެދުން ފެނުމުން، ޝަހުދުގެ ހިތުގެ ވިންދުތަކަށް ބަދަލު އަންނަން ފެށިއެވެ. މީނާގެ އެ ހެދުމުންވެސް ދޭހަވަނީ، އޭނާ ޝަހުދާ ދޭތެރޭގައި ބަދަލުނުވާ ކަމެވެ. އޭނާގެ ހިތުގައިވާ ޝަހުދުގެ މައްޗަށްވާ ލޯބި އަދިވެސް ހަމަ އެގޮތުގައިވާ ކަމެވެ. މީނާއަށް ޝަހުދު ފެނުމުން ހުއްޓެވުނެވެ. ޝަހުދު ހުރިގޮތުންނެވެ. ހެދުން ބަދަލުވެފައި ވުމުން އިނގެނީ، ޝަހުދު މީނާ ހަނދާން ނައްތާލަން ބޭނުންވާކަމެވެ. މީނާ އިސްޖަހާލިއެވެ. އޭނާއަށް އެންމެ ރަނގަޅެވެ. އެންމެ ރަނގަޅު ނޫނަސް ކުރާނީ ކީއްހެއްޔެވެ؟ ޝަހުދު އޭނާ ދޫކޮށްފައި އެ ދަނީއެވެ. ދެން އޭނާއަކަށް ޝަހުދެއް ނުފެންނާނެއެވެ. ކިތަންމެ ބޭނުންވިޔަސް، އޭނާއަކަށް ޝަހުދުގެ ލޯތްބެއް ނުލިބޭނެއެވެ. އެކަން ޖެހޭނީ އޭނާ ޤަބޫލުކުރާށެވެ.

ދުނިޔޭގެ އެއް އަޖައިބު ކަމުގައިވާ ދިވެހި ރާއްޖެއަށް އަޅުގަނޑު ކުރި ދަތުރު (7)

ކިޔާފައިވާ ޢަދަދު: 6299

ލިޔުއްވީ: މުޙައްމަދު ބިން ނާޞިރުލް ޢައްބޫދީ
ތަރުޖަމާ: އަޙްމަދް ސަމީރު ޢަލީ
(28 ސެޕްޓެމްބަރ 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
ލީބިޔާ އެމްބަސީގައި:
މާލޭގައި ހުންނަ ލީބިޔާ އެމްބަސީ ހިންގުމާއި ހަވާލުވެ ހުންނެވި އަލް އުސްތާޒު ޙަސަން ޤުރައިރާ، ކުރިން އެއްބަސް ވެވިފައިވަ ފަދައިން 9.30 އަށް އަޅުގަނޑު ދެކިލަން ވަޑައިގަތެވެ. ދިވެހި ރާއްޖޭގައި މަސައްކަތް ކުރުމާ ބެހޭ ގޮތުންނާއި އަރަބި ދުނިޔެއާއި ގުޅުން ހުރި ވާހަކަ ދެއްކެވިއެވެ. އޭނާ ވަރަށް ހާމަ ގޮތެއްގައި ވިދާޅުވީ، ރާއްޖެ ފަދަ ކުޑަ ގައުމެއްގައި ލީބިޔާގެ އެމްބަސީއެއް ހުރުމުގެ ހަމަ އެކަނި ސަބަބަކީ ދިވެހީންނަކީ އިސްލާމުން ކަމަށް ވާތީއެވެ. ދެގައުމު ގުޅުވައިދޭ ހަމަ އެކަނި ކަމަކީ އެއީއެވެ. އޭނާ ވިދާޅުވި ގޮތުގައި ސިޔާސީ ގޮތުންނާއި ވިޔަފާރީގެ މަސްލަހަތަށް ބަލާއިރު، މުޅި އޭޝިޔާގައި ވެސް ލީބިޔާގެ ސިޔާސީ މާބޮޑު މަސްލަހަތެއް ނެތްކަމުގައެވެ. ސިލޯނުން މަސައްކަތު މީހުން ލީބިޔާގެ ކުންފުނިތަކުން ގެންދެއެވެ. އެއީ ވެސް  ފައިސާ ހުރި ބަޔަކަށް ދުނިޔޭގެ ކޮންމެ ހިސާބަކުން ވެސް ހޯދިދާނެ ހުނަރުވެރިންނެވެ. ސިލޯނުން ލީބިޔާ މީހުން ބޭނުމީ ހަމަ އެކަނި ސިލޯނު ސައިފަތެވެ. އެނޫން އެއްޗެއް މުޅި އޭޝިޔާ ބައްރުން ވެސް ލީބިޔާއަށް ބޭނުން ޖެހޭ އެއްޗެއް ނެތެވެ!

ސާހިބާ (33)

ކިޔާފައިވާ ޢަދަދު: 3998
ފާޠިމަތު ނަހުލާ
(21 ސެޕްޓެމްބަރ 2014 (އާދީއްތަ) ދުވަހު ޝާއިޢުކުރިބަޔާ ގުޅޭ)

އަނެއް ދުވަހުގެ އިރު އަރައިފިއެވެ. މެންދުރުވުމުން ބާޒާރުކޮށްލަން ދިއުމަށްޓަކައި ފަހުމީ މީނާ ބަލައި އައެވެ. މީނާގެ މޫނުމަތިން އާދަޔާ ޚިލާފު ގޮތެއް ފަހުމީއަށް ފެނިގެން ދިޔައެވެ.
“ރޭގައި ނުނިދަނީތަ؟” ފަހުމީ ފާޑަކަށް ބަލައިލަމުން އެހިއެވެ.

ކުދިވާހަކަ (59)

ކިޔާފައިވާ ޢަދަދު: 4523

އެތަނާއި މިތަނުން

ކުދިވާހަކަ (59)

ވަޔާއި އިރު

ޢައްބާސް އިބްރާހީމް

ވަޔާއި އިރު އެއްދުވަހަކު ޒުވާބުކުރަމުން ދިޔައެވެ. ދެ “މީހުން” ކުރެ ބާރުގަދައީ ކާކުކަމާމެދުގައި އުފެދުނު ސުވާލަކާ ގުޅިގެންނެވެ. އިރު ބުނަމުންދިޔައީ ބާރުގަދަވާނީ އޭނާ ކަމަށެވެ. ހަމަ އެ ގޮތަށް ވައި ވެސް ބުނަމުން ދިޔައީ ބާރުގަދަވާނީ އޭނާކަމަށެވެ. އެތައް އިރެއް ވަންދެން މި ޒުވާބު ކުރުމަށްފަހު އެއްބަސްވީ މިކަމާ ގުޅޭގޮތުން ވާދަކުރުމެއް ބޭއްވުމަށެވެ.

ސާހިބާ (32)

ކިޔާފައިވާ ޢަދަދު: 3599

ފާޠިމަތު ނަހުލާ

(14 ސެޕްޓެމްބަރ 2014 (އާދީއްތަ) ދުވަހު ޝާއިޢޫކުރި ބަޔާ ގުޅޭ)

ހަމަ އެންމެ ފަހަރަކު ނަމަވެސް މީނާގެ ލޯބީގެ އަސަރުގައި ހިތް ފުރާލަން ޝަހުދު ބޭނުންވިއެވެ. އެންމެފަހު ފަހަރަށް ވިޔަސް ވަކިވުމުގެ ކުރިން ޝަހުދުގެ ހަނދާނުން ފޮހެނުލެވޭފަދަ ހަނދާންތަކެއް ދިނުމަށް މީނާ ބޭނުންވިއެވެ. މީނާ ބޭނުންވީ ޝަހުދުގެ އެ ފިރިހެންވަންތަ ކަމުގައި ހުރި ފުރިހަމަކަމެއް ބަލައިލާށެވެ. މީނާގެ ޙާލަތު މިހާރު އެހުރީ މީނާއަށް ބޭނުން ހިސާބަށް ދެވޭފަދަ ގޮތަކަށް ވެސް ނޫނެވެ.

އެތަނާއި މިތަނުން ކުދިވާހަކަ (58)

ކިޔާފައިވާ ޢަދަދު: 3689

ބާޒާއި ހިޔަޅު

ޢައްބާސް އިބްރާހީމް

ބާޒަކާއި ހިޔަޅެއް ރަޙްމަތްތެރި އަވަށްޓެރިންގެ ގޮތުގައި ގިނަ ދުވަސްތަކެއް ވަންދެން އުޅެމުން ގެންދިޔައެވެ. ބާޒުގެ ހާލި ހަދާފައިވަނީ، ގަހެއްގެ މަތީ އޮފިގަނޑެއްގައެވެ. ހިޔަޅު އޭތީގެ ނިދާތަން ހަދައިގެން އުޅެނީ އެ ގަހުގެ ތިރީގައެވެ.

އެ ވާހަކަ އާއި މި ވާހަކަ (3)

ކިޔާފައިވާ ޢަދަދު: 2758
އެ ވާހަކަ އާއި މި ވާހަކަ (3)
އެއްކޮށް، ލިޔުނީ: އަޙްމަދު އަޖުމަލް ޙާމިދު

ފަންސުރުގެ މަޤްޞަދު

ފަންސުރު ހަދާމީހާ ފަންސުރު ހަދާ ނިންމާފައި ފޮށްޓަށް ލުމުގެ ކުރިން އިހަށް އެއްފަރާތެއްގައި އެ ބޭއްވިއެވެ.

“ތިބާ ބާޒާރަށް ނެރުމުގެ ކުރިން، ތިބާއަށް އެނގެންޖެހޭ ފަސްކަމެއް އަހަރެން ތިބާއަށް ބުނެދޭނަމެވެ.” އޭނާ ފަންސުރަށް ބުންޏެވެ. “އެ ކަންކަން ހަނދުމަނެތިނުކޮށް އަބަދުވެސް ހަނދާން ބަހައްޓާށެވެ. އޭރުން ތިބާ ތިބާގެ ފެންވަރުން އެންމެ ރަނގަޅު ފަންސުރަކަށް ވާނެއެވެ.

އެ ވާހަކަ އާއި މި ވާހަކަ (2)

ކިޔާފައިވާ ޢަދަދު: 2410

އެ ވާހަކަ އާއި މި ވާހަކަ (2)

އެއްކޮށް، ލިޔުނީ: އަޙްމަދު އަޖުމަލް ޙާމިދު

ސައި ޖޯޑު

އެއްފަހަރަކު ޖަޕާންގެ ޢިލްމުވެރިޔެއްގެ ގާތަށް ޒުވާނަކު އުނގެނުމަށް ދިޔައެވެ. އޭގެ ދެމީހުން އިރުކޮޅަކު ވާހަކަ ދައްކަން ތިއްބެވެ. އެއަށްފަހު އެ ޢިލްމުވެރިޔާ އޭގެ ދެމީހުންނަށް ސައިތައްޔާރުކުރަން ފެށިއެވެ. އޭނާ އޭނާގެ މެހުމާނުގެ ޖޯޑަށް ފުރެންދެން ސައި އެޅިއެވެ. އެ ފުރި ބަންޑުންވަމުން ދިޔައިރުވެސް އޭނާ ސައި އެޅުން ހުއްޓައެއް ނުލިއެވެ. އެ ޒުވާނާ ސައި ބަންޑުންވާތަން ބަލަން އިނެވެ. އަދި އެންމެފަހުން ކެތް ނުކުރެވިގެން ބުންޏެވެ.
 

ސާހިބާ (31)

ކިޔާފައިވާ ޢަދަދު: 3513
ފާޠިމަތު ނަހުލާ
(12 ސެޕްޓެމްބަރ 2014 (ހުކުރު) ދުވަހު ޝާއިޢުކުރި ބަޔާ ގުޅޭ)

ޝަހުދާ ބައްދަލުކުރަން އޭނާ ހަދާނީ ކިހިނެއް ހެއްޔެވެ؟ ޖެހިޖެހިގެން ދެމީހުންގެ ކޮޓަރި ހުރި ކަމުގައިވިޔަސް، ދެމީހުންގެ ދެމެދުގައި އެތައް ހުރަސްތަކެއް ވެއެވެ. ކުރިމަތީގައި ހުރި ކޮޓަރީގައި ބައްޕަ އުޅޭއިރު، ބައްޕައަށް އެނގިދާނެތީ ވިސްނާން ޖެހެއެވެ.
ޝަހުދު ކޮޓަރީގެ ސޯފާގައި އިށީނދެލައިގެން އިނެވެ. އޭނާ އެއްގޮތަކަށްވެސް ނިންޖެއް ނާދެއެވެ. އޭނާގެ މޭގެ ތެރޭގައިވާ ހިތް ތެޅިފޮޅެނީއެވެ. ދެން އޭނާއަށް މީނާ ފެންނާނޭހެނެއްވެސް ހިއެއް ނުވެއެވެ. މާދަމާއަކީ އެދެމީހުންގެ ދެމެދުގައިވާ ހުރިހާ ގުޅުމެއް ކެނޑިގެންދާ ދުވަހެވެ. މިރެއަކީ އެންމެފަހު ރެއެވެ. މާދަމާގެ ފަހުން ޝަހުދަށް މީނާއެއް ނުފެންނާނެއެވެ. އެއީ ހަމަ ޔަޤީން ކަމެކެވެ.

އެ ވާހަކަ އާއި މި ވާހަކަ (1)

ކިޔާފައިވާ ޢަދަދު: 2741
 

އެ ވާހަކަ އާއި މި ވާހަކަ (1)

އެއްކޮށް، ލިޔުނީ: އަޙްމަދު އަޖުމަލް ޙާމިދު

ރޯނު އެދުރު

އެއްފަހަރަކު ޒުވާނަކު ޚަލީފާ މައުމޫންގެ އަރިހަށް ގޮސް އޭނާ އެއީ ބޮޑު ޢިލްމުވެރިއެއްކަމުގެ ދަޢުވާ އުފުލި އެވެ.  އޭނާ ދެންނެވި އެވެ. “ޙަދީޘް ޢިލްމާބެހޭގޮތުން އަޅުގަނޑާ ސުވާލުކުރައްވަބައްލަވާށެވެ! މަނިކުފާނު ކޮންމެ ސުވާލެއް ކުރެއްވިޔަސް، އަޅުގަނޑު ޖަވާބު އަރުވާނަމެވެ.”