ކުދިވާހަކަ (57)

ކިޔާފައިވާ ޢަދަދު: 3737

އެތަނާއި މިތަނުން

ކުދިވާހަކަ (57)

ވަޒީފާލިބެނީ ކާކަށް.

ޢައްބާސް އިބްރާހީމް

ވިޔަފާރިވެރިޔަކު ކާތިބެއް ހޯދަންވެގެން ނޫހުގައި އިޝްތިހާރެއް ޖަހައިފިއެވެ. އަދި އެކަމަށް އެދުނު އެތައްބައެއްގެ ތެރެއިން ދިހަ މީހުން އިންޓަރވިއުކުރުމަށް ގެނެސްފިއެވެ. ވިޔަފާރިވެރިޔާ އެމީހުންނާ އިންޓަރވިއު ކުރަމުން ދިޔައީ ވަކިވަކީންނެވެ. އެމީހންގެތެރެއިން އެކަކު ހޮވުމަށްފަހު އޭނާއަށް ވަޒީފާ ދީފިއެވެ.

ސާހިބާ (30)

ކިޔާފައިވާ ޢަދަދު: 3551
ފާޠިމަތު ނަހުލާ
(5 ސެޕްޓެމްބަރ 2014 (ހުކުރު) ދުވަހު ޝާއިޢުކުރި ބަޔާ ގުޅޭ)

“މީ ޙަޤީޤަތަކީ…..އެކަމަކު މީ ކޮންމެހެން މީނާއަށް އެނގެންޖެހޭ ޙަޤީޤަތެއް ނޫން. އެނގިގެން ވާނެ ފައިދާއެއް ނުވެސް އޮންނާނެ….. ކިތަންމެ ބޭނުމަސް ކުރެވޭނެ އިތުރު ކަމެއްވެސް ނޯންނާނެ. މިވާހަކަ ރަނގަޅުވާނީ މިހާ ހިސާބުން ހުއްޓާލާފައި، ހިތުގައި އޮތް ކަމެއް ހިތުގައި ބޭއްވިއްޔާ….” ޝަހުދު ވާހަކަ ނިންމައިލިއެވެ. އެހެންނަމަވެސް މީނާ އެހާ ހިސާބުން އެވާހަކަ ހުއްޓައިލާކަށް ބޭނުމެއް ނުވިއެވެ.

އެއްހާސް އަހަރު – ބާރަވަނަ ބައި

ކިޔާފައިވާ ޢަދަދު: 2525

އަޙުމަދު ރަޝީދު، ރިކާޒު، ލ. ފޮނަދޫ
(3 އޮގަސްޓް 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
އެންމެފަހުން ވޭމްޕަޔަރ އައިސް އޭނާ އަތުލައިފިއެވެ. ވަރަށް ހަމަޖެހިލައިގެން އެ ވޭމްޕަޔަރ ބިޝާރާގެ ފުރަގަހުގައި އެ ހުރީއެވެ. އެތާހުރި ގަހެއްގައި ލެނގިލައިގެންނެވެ. ހަށަންބަނދެލައިގެންނެވެ. ހީވަނީ ބިޝާރާ އަތުލައިގަތުމަށް އޭނާ މާބޮޑު މަސައްކަތެއް ނުކުރާހެންނެވެ. އޭނާ ހުރީ އެހާވެސް ހަމަޖެހިލައިގެންނެވެ. އޭނާ ލައިގެން ހުރި ކަޅު ލެދަރު ކޯޓު، ރޭނގަނޑުގެ އެ އަނދިރިކަމާއި އެކުވެފައިވާކަހަލަ އެވެ. ނަމަވެސް އޭނާގެ ދޮނފޫޑުވެފައިވާ ހަންގަނޑާއި އޭނާ އަޅައިގެންހުރި ބެލްޓްގައިވާ ސްޓީލް ދަގަނޑުގެ ބައިން އޭނާ ފާހަގަކުރަން ބިޝާރާއަށް އެނގުނެވެ.
 

ސާހިބާ (29)

ކިޔާފައިވާ ޢަދަދު: 3437

ފާޠިމަތު ނަހުލާ
(31 އޮގަސްޓް 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
މީނާ ހޮސްޕިޓަލްގެ އެނދުގައި އޮތެވެ. އޭނާ އޮތީ ވަރަށް ފޫހިވެސް ވެފައެވެ. ޝަހުދު މިހާރު އޭނާއާ ވާހަކަ ދައްކަނީ ވަރަށް މަދުންނެވެ. މުޅި ދުވާލާއި ރޭގަނޑު ގާތުގައި ހޭދަކުރާއިރުވެސް ކޮންމެހެން ބުނަންޖެހޭ ވާހަކައެއް ނޫނީ އޭނާ ނުބުނެއެވެ. ޝަހުދު ވާހަކަ ނުދައްކަން ފެށީމާ މީނާއަކަށްވެސް އިސްވެ އަނގައިން ބުނާކަށް ނުކެރެއެވެ.

ދިޔަރެސް (28)

ކިޔާފައިވާ ޢަދަދު: 4200

މޫސާ ޞާޢިދު
(26 އޮގަސްޓް 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)
“އަޅެ….ކަރީމްބޭ…އޭނަގެ ކިބައިން މުޢާޒު ސަލާމަތް ކުރެވިދާނެތަ؟ އަހަރެން ބޭނުން….މުޢާޒު ސަލާމަތް ކުރަން.” ފިރާޝާގެ ހިތް އަވަސްވިއެވެ. މިހާރު އޭނާގެ އުންމީދުވެސް ކޮންމެވެސްވަރަކަށް އާވެއްޖެއެވެ. އޭނާއަށް އަލުން މުޢާޒުގެ ލޯބި ލިބެން އުޅެނީއޭ ހިތަށް އަރަން ފަށައިފިއެވެ. އޭނާގެ ހިތް މިހާރު އޭނާގެ ގާތު ބުނާކަހަލައެވެ. “ފިރާޝާއެވެ. ކެތްތެރިވާށެވެ. ކާމިޔާބު ލިބޭކަށް ދެން މާގިނަ ދުވަހެއް ނެތެވެ. ސުދާގެ ޙަޤީޤަތް އެނގި، ސުދާ މުޢާޒުގެ ދިރިއުޅުމުން ބާކީވާ ވަގުތު ހުސްވާ މަޤާމު ގައިމުވެސް ފިރާޝާއަށް ލިބޭނެއެވެ. މިފަހަރު ލިބޭ މަޤާމުގައި ސާބިތުވެ ހުރުމަށް ދިރިއުޅުން ބައްޓަން ކުރުމަކީ ފިރާޝާގެ ވާޖިބަކަށް ހަދަން ވާނެއެވެ. އެހެން ނޫނީ އަނެއްކާވެސް ފިރާޝާގެ ޙަޔާތުން މުޢާޒު ބީވެދާނެއެވެ.

ސާހިބާ (28)

ކިޔާފައިވާ ޢަދަދު: 3881
ފާޠިމަތު ނަހުލާ
(24 އޮގަސްޓް 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
މީނާ އެހެން ބުނީ ފަރުވާތެރިކަމާއެކު ޝަހުދުގެ މޫނަށް ބަލަން އިނދެއެވެ. މީނާ އެހެން ބުނުމުން ޝަހުދުގެ މޫނުމަތި އުޖާލާވެގެން ދިޔައެވެ. ވަރަށް އުފާވެފައި ޝަހުދު މީނާއަށް ބަލައިލިއެވެ. އެހެން ނަމަވެސް މީނާގެ މޫނުމަތި ފެނުމާއެކު ޝަހުދުގެ އެއުފާވެރިކަން ކެނޑިގެން ހިނގައްޖެއެވެ. ޝަހުދު އަވަސް އަވަހަށް މޫނު އަނބުރައިލިއެވެ. ޝަހުދުގެ އެއުފާވެރިކަމުގެ ސަބަބުން މީނާއަށް އިތުރު ވޭނެއް ލިބުނުހެން ޝަހުދަށް ހީވިއެވެ.

ދިޔަރެސް (27)

ކިޔާފައިވާ ޢަދަދު: 3966
މޫސާ ޞާޢިދު
(20 އޮގަސްޓް 2014 (ބުދަ) ދުވަހު ޝާއިޢުކުރި ބަޔާ ގުޅޭ)

ފިރާޝާ ގެޔަށް އައިއިރު، ދަރިފުޅު އަޒްހާން އުޅެނީ މުޢާޒަށް ގުޅައިގެނެވެ. ކައިރީގައި ފިރާޝާގެ ކޮއްކޮ ނާދިޔާވެސް ހުއްޓެވެ.
“ބައްޕީ…މަންމީ އަތުވެއްޖެ….މަންމީ އަތަށްދެނީ.” ފިރާޝާ ވަނުމާއެކު، އަޒްހާން ފިރާޝާ އަތަށް ފޯނު ދިނެވެ. ފިރާޝާ ނިކަން ޖެހިލުންވެފައި ހުރެ ފޯނު ކަންފަތުގައި ޖައްސާލިއެވެ.

ސާހިބާ (27)

ކިޔާފައިވާ ޢަދަދު: 4101

ފާޠިމަތު ނަހުލާ
(17 އޮގަސްޓް 20141 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“ޝަހުދަށް ބޭކާރުދޯ!” މީނާ ކުޑަހިނިތުންވުމެއް ތުންފަތްމައްޗަށް ވެރިކުރުވި ނަމަވެސް، އެހިނިތުންވުމުގައި ވަނީ ރިހުމުގެ އަސަރެވެ. ދެލޮލުގައިވަނީ ކަރުނައިގެ އަސަރެވެ.

ޝަހުދަށް އެކަން ފާހަގަކުރެވުނެވެ. މަޑުމަޑުން މީނާގެ ވާހަކަތަކުގެ މިޞްރާބު ބަދަލުވަމުންދާހެން ޝަހުދަށް ހީވިއެވެ. އެވާހަކައާއިގެން ކުރިއަށްދާކަށް ޝަހުދު ބޭނުމެއް ނޫނެވެ. މިހާރު ޝަހުދުވަނީ އެފަދަ އެއްވެސް ވާހަކައެއް ނުދައްކަން ނިންމާފައެވެ. އެ އަސަރުތަކާއި އެ ޖަޒުބާތުތަކުގެ ތެރެއަށް ނުވަންނަން އޭނާ އެދަނީ އިންތިހާއަށް މަސައްކަތް ކުރަމުންނެވެ. އެކަން ނާކާމިޔާބުވާކަށް އޭނާ ބޭނުމެއް ނޫނެވެ.

މުއްލާ ނަޞީރުއްދީނުގެ ވާހަކަ – 9

ކިޔާފައިވާ ޢަދަދު: 4077

ފަހު ފުރުޞަތު (3)

ޢައްބާސް އިބްރާހީމް

(22 އޮގަސްޓް 2014 (ހުކުރު) ދުވަހު ޝާއިޢުކުރި ބަޔާ ގުޅޭ)

މުއްލާ އިތުރު ފުރުޞަތެއް ފަހިވެދާނެކަމުގެ އުއްމީދުގައި ފަހު ފުރުޞަތުގެ ބޭނުން ކޮށްފިއެވެ. އޭނާގެ އަތުގައި އޮތް ފަސްސަވީސް އަސްރަފީ ތަށްޓަށް ވައްޓާލައިފިއެވެ. އަދި ޑައިސްކޮޅު ވައްޓާލުމުން ނަސީބަކުން އޭނާގެ ނަންބަރާ ދިމާވެއްޖެއެވެ. އެވަގުތު އަނެއްކާވެސް އެއްކަލަ އިސްތަށިގަނޑު ރަތްކޮށްފައިހުރި މީހާ އެތާނގައިހުރި ހުރިހާ ފައިސާއާއެކު އިތުރު ފުރުޞަތެއް ނެގުމަށް ހުށަހަޅައިފިއެވެ. މުއްލާވެސް އެކަމާ އެއްބަސްވެއްޖެއެވެ. އެފަހަރު ޑައިސްކޮޅު ވައްޓާލީ އަނެއް މީހާއެވެ. އޭނާއަށް އެފުރުޞަތު ގެއްލުނީއެވެ. އޭގެފަހުން އެތައްފަހަރަކު ޑައިސްކޮޅު ވައްޓަމުން ދިޔައިރުވެސް އެމީހާއަށް ކާމިޔާބުވާގޮތެއް ނުވިއެވެ. ކޮންމެފަހަރަކުވެސް އިތުރުފައިސާ އޭނާއަތުން ގެއްލި މުއްލާއަށް ލިބޭގޮތް ވަމުންދަނީއެވެ. އަނެއްކޮޅުން އިސްތަށިގަނޑު ރަތްކޮށްފައިހުރި މީހާ އޭނާގެ ނަސީބު ދިމާވޭތޯ އެއްފަހަރަށްވުރެ އިތުރަށް އަނެއްފަހަރު ފައިސާ ބަހައްޓަމުން ގެންދަނީއެވެ. އެކަމަކު މިހާރު ނަސީބުވެރިޔަކީ މުއްލާ ނަޞީރުއްދީނެވެ.

މުއްލާ ނަޞީރުއްދީނުގެ ވާހަކަ – 8

ކިޔާފައިވާ ޢަދަދު: 3798

ފަހު ފުރުޞަތު (2)

ޢައްބާސް އިބްރާހީމް
(19 ޖުލައި 2014 (ހޮނިހިރު) ދުވަހު ޝާއިޢުކުރި ބަޔާ ގުޅޭ)

އެންމެން ވެސް ބަލަބަލަތިބީ ޑައިސް އެއްލާލާއިރު މައްޗަށް އޮންނާނެ ނަންބަރަކަށެވެ. ކުއްލިއަކަށް އެންމެންނަށްވެސް މާނޭވާއެއް ލެވިގެން ދިޔަހެން ހީވިއެވެ. ޑައިސް ދަޅުން ވަކިވެގެން އަށިމައްޗަށް ވެއްޓުނީއެވެ.