ގަޑިޖެހޭ އަލިމަނިކު

ކިޔާފައިވާ ޢަދަދު: 3958

ކުރުވާހަކަ

ގަޑިޖެހޭ އަލިމަނިކު

ޢަބްދުއްރަޝީދު ޙުސައިން

“އަލިމަނިކާ މިހާރު އެހެރަ މެންދަމުން އަލިވެ އެކެއްޖަހައިބޮޑުވީ. ކެފޭ ބަންދުކުރާ ގަޑި ޖެހިއްޖެ.”
         
“މަޖީދީ އުފާ” ގެ ވޭޓަރަކު އަލިމަނިކަށް ގޮވައިލައިފައި ބުންޏެވެ. އަލިމަނިކު އޭރު ސައިބޮނީއެވެ. ގަޑި ބަލައިލިއިރު އެކެއްޖަހައި ދިހަ މިނެޓު ހިނގައިފިއެވެ. މާދަމާއަކީ އަލިމަނިކުގެ ދިދަ ހަފުތާވެސް ފެށޭ ދުވަހެވެ. ވީމާ، އޭނާ އޭނާއާ ވާހަކަ ދެއްކި ވޭޓަރާ ދިމާއަކަށް އެއްޗެއް ނުބުނެއެވެ.

ދިޔަރެސް (26)

ކިޔާފައިވާ ޢަދަދު: 3708
 
މޫސާ ޞާޢިދު
15  އޮގަސްޓް 2014 (ހުކުރު) ދުވަހު ޝާއިޢުކުރިބަޔާ ގުޅޭ)

މަރުވެފައިވާ އަސްމާގެ ފުރާނަ ނެތް މަސްގަނޑު ފެނުނީ އާސަހަރާގެ މަހާނަތަކުގެ ތެރޭގައި އޮއްވައި ސަހަރާ ބަލަހައްޓާ މީހުންނަށެވެ. އޭރުވަނީ ފަތިސްވެ ހެނދުނުވާން ކައިރިވެފައެވެ. އެހެންކަމުން، ނިކަން އަވަހަށް އަސްމާ މަރުވެފައި (މަރާލާފައި) އޮއްވާ އާސަހަރާތެރޭން ފެނުނު ޚަބަރު މުޅި މާލެއަށް ފެތުރިއްޖެއެވެ.

އެ ޚަބަރު ލިބުމުން، އެންމެ ބޮޑަށް ދެރަވެ ރުއީ އަސްމާގެ ރަޙްމަތްތެރިޔާ ފިރާޝާއެވެ. ފިރާޝާއަށް ބޮޑުވަރުވީ އަނިޔާވެރި ގޮތަކަށް މަރާލާފައިވާ އަސްމާގެ ހަށިގަނޑު ފެނުނީމައެވެ. ކަރާއި މޫނާއި ބަނޑުގެ އެތަން މިތާނގައި ތޫނު ވަކިތަކަކުން ޒަޚަމްކޮށްފައި ވުމުގެ އިތުރަށް އެއްލޯވެސް ވަނީ ޗިސްކޮށްފައެވެ. މުޅި މީހާ އޮތީ ރަނގަޅަށް ލެއިން ކަޅިވެފައެވެ. މިޙާލުގައި އޮތް އަސްމާގެ ހަށިގަނޑު ފެނުމާއެކު ފިރާޝާ އަނބުރައިގަތެވެ.

ސާހިބާ (26)

ކިޔާފައިވާ ޢަދަދު: 3610
 ފާޠިމަތު ނަހުލާ
(14 އޮގަސްޓް 2014 (ބުރާސްފަތި) ދުވަހު ޝާއިޢުކުރި ބަޔާ ގުޅޭ)

ޝަހުދު މިހާރު ފޫހިވެއްޖެއެވެ. އޭނާއަށް ލިޔެވުނު ސިޓީގެ ޢަދަދުވެސް ނޭނގެއެވެ. އެއްވެސް ސިޓީއަކަށް ފިޔާޒާ ޖަވާބެއް ނުފޮނުވައެވެ.
ފިޔާޒާއާ ދޭތެރޭގައި ޝަހުދު ވަރަށް ހާސްވެއެވެ. އޭނާ އުޅޭ ޙާލެއްވެސް ޝަހުދަކަށް ނޭނގެއެވެ. ޝަހުދަށް ހީވާ ގޮތުގައި ފިޔާޒާގެ ސިޓީއެއް ނުލިބެނީ ޕޯސްޓް ކުރުމުގައި ދިމާވެގެން އުޅޭނެ މައްސަލައަކާ ހެދިއެވެ. އެހެންކަމުން މިހާރު ޝަހުދު ވެސް އެހުންނަނީ ސިޓީ ނުލިޔެ މަޑުކޮށްލައިގެންނެވެ. ފިޔާޒާގެ ސިޓީއެއް ނުލިބެނީސް ޝަހުދު ދެން ސިޓީއެއް ނުލިޔާނެއެވެ.

ދިޔަރެސް (25)

ކިޔާފައިވާ ޢަދަދު: 4054
މޫސާ ޞާޢިދު
(2 އޮގަސްޓް 2014 (ހޮނިހިރު) ދުވަހު ޝާއިޢުކުރި ބަޔާ ގުޅޭ)

“އަހަންނެއް ފިރާޝާގެ ދިރިއުޅުމުގެ ތެރެއަކަށް ނުވަންނަން… އޭނަގެ ދިރިއުޅުން ހަލާކުކޮށްލީ އޭނަ އަމިއްލައަށް… އޭނަ އުޅުނީ އޭނަގެ މުޑުދާރު ދިރިއުޅުމުގެ ހިޔަނިން މުޢާޒުގެ ޙަޔާތް ބަނަކޮށްލަން.” ސުދާގެ އަޑު ބާރުވިއެވެ.

“ފިރާޝާއަކީ ކަލޭ ތި ހީކުރާކަހަލަ މީހެއް ނޫން… ކަލޭ މުޢާޒުގެ ބޮލަށް ވަދެގެން ފިރާޝާއާއި މުޢާޒު ދުރުކުރުވީ… ފުރަތަމަ ނުލާހިކު ރަނގަޅަށް އުޅެމުން އައިސް މައްސަލަތައް ދިމާވާން ފެށީ ކަލޭ ތިގެއަށް ފޭބީމަ… ކަލޭ ތިހެން އުޅުނަކަ ނުދޭނަން.” އަސްމާ އިންޒާރު ކުރިއެވެ.

ސާހިބާ (25)

ކިޔާފައިވާ ޢަދަދު: 3789

ފާޠިމަތު ނަހުލާ

(10 އޮގަސްޓް 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“ދޮގު…..މުޅިން ދޮގު…..މީ މީނާ އަހަންނަށް ޤަޞްދުގައި ހެދި ގޮތެއް…..” ޝަހުދު ރުޅިއައިސްފައި ބާރަށް ބުންޏެވެ.

“ހުރިހާ ކަމެއްވެސް ކުރަނީ މީނާ ޤަޞްދުގައި……މީނާ އަހަންނާ އިނީވެސް މީނާ ބަލިވެއިންކަން އެނގިގެން، އެކަމުގެ މަތިޖަހާނެ ގޮތެއް ހޯދަން….މީނާ އަހަރެންދެކެ ލޯބިވެއޭ ކިޔައިގެން އަހަރެން ހެއްދީވެސް މީނާއަށް އަހަރެންނާ އެކީ ނޫޅެވޭނެކަން އެނގިހުރެގެން.” ޝަހުދު ބާރަށް ހަޅޭއްލަވަމުން ދިޔައެވެ. މީނާވެސް ބޭނުންވީ ވާހަކަ ދައްކާށެވެ. އޭނާގެ ހިތުގައި ފުރިބާރުވެފައިވާ ވާހަކަތަކުން ކޮންމެވެސްވަރެއް ހާމަކުރާށެވެ.

ސާހިބާ (24)

ކިޔާފައިވާ ޢަދަދު: 3987
ފާޠިމަތު ނަހުލާ
(07 އޮގަސްޓް 2014 (ބުރާސްފަތި) ދުވަހު ޝާއިޢުކުރި ބަޔާ ގުޅޭ)
ދުރުގައި މި މަންޒަރު ބަލަންހުރި މީނާގެ ލޮލުން ކަރުނަ އޮހޮރެމުންދިޔައެވެ. ޝަހުދުގެ ހިތުގައި މިހާރު މީނާގެ މައްޗަށް އުފެދިފައިވާ ނަފްރަތު މިއަދު މީނާއަށް އެނގިއްޖެއެވެ. ބައްޕަ ޝަހުދުދެކެ ރުޅިއަޔަސް މީނާއަކަށް ޝަހުދު ދެކެ ރުޅިއެއް ނާދެވޭނެއެވެ. ޝަހުދު އެ ކިޔަނީ މީނާއާ ދިމާއަށް ކިޔަން ޙައްޤު އެއްޗިއްސެވެ. ޝަހުދުގެ އަޑުގެ މައްޗަށް ފަހުމީގެ އަޑު ގަދަވެގެން ދިޔުމުން ޝަހުދު މައިތިރިވެއްޖެއެވެ. ޝަހުދަށް މާބޮޑަށް ރުޅިއާދެވުނީއެވެ. ވާނީ އެހެންނެވެ. ޝަހުދު އޭނާގެ ރުޅި ކޮންޓްރޯލް ކޮށްގެން އިންދައި ފަހުމީ އައިސް އެ ވާހަކަ ދައްކަން ފެށުމުން ޝަހުދު ކޮންޓްރޯލުން ނައްޓައިލީއެވެ.

ކުދިވާހަކަ (56)

ކިޔާފައިވާ ޢަދަދު: 4021

އެތަނާއި މިތަނުން

ކުދިވާހަކަ (56)

“މާވަޑިޔާގެ ގެ”

ޢައްބާސް އިބްރާހީމް

އެއްޒަމާނެއްގައި އުޅުނު މާވަޑިއަކަށް ދިމާވިކަމެއްގެ ވާހަކައެވެ. އެއްދުވަހަކު އޭނާގެ ހިތަށްއެރީ އޭނާ މިހާރު މުސްކުޅިވެގެން މަސައްކަތް ހުއްޓާލަން ވެއްޖެ ކަމަށެވެ. މިހެން ހިތަށް އަރައިގެން އޭނާގެ ވެރިޔަކަށް ހުންނަ މީހާގެ ގާތުގައި އެވާހަކަ ބުނެފިއެވެ. މާވަޑިޔާގެ މިވާހަކަ އަހާފައި އޭނާގެ ވެރިމީހާ ވަރަށް ދެރަވިއެވެ. އަދި ދުވަސްކޮޅަކު މަސައްކަތުގައި ދެމިހުރުމަށް އޭނާގެ ކިބައިން އެދުނެވެ. ނަމަވެސް މާވަޑިމީހާ އެކަން ޤަބޫލުކުރާގޮތެއް ނުވިއެވެ. “މިހާރު އަޅުގަނޑު މުސްކުޅިވެ ގައިބާރުވެސް ދެރަވެއްޖެއެވެ. ކުދީންވެސް ބޮޑެތިވެ ދިރިއުޅެން ފަށައިފިއެވެ. އެކުދީންވެސް އެދެނީ އަޅުގަނޑު މުސްކުޅިވެގެން ހުންނާށެވެ.” އޭނާ ބުންޏެވެ.

ސާހިބާ (23)

ކިޔާފައިވާ ޢަދަދު: 3883
ފާޠިމަތު ނަހުލާ
(01 އޮގަސްޓް 2014 (ހުކުރު) ދުވަހު ޝާއިޢު ކުރި ބަޔާ ގުޅޭ)

ކޮންމެ ގޮތެއް ވިޔަސް އޭނާ ފިޔާޒާއާ ދޭތެރޭގައި ކަންބޮޑުވާކަށް ނުޖެހެއެވެ. ފިޔާޒާއަކީ މީނާ ކަހަލަ އަންހެނެއް ނޫނެވެ. ޝަހުދު ފިޔާޒާއަށް އިތުބާރު ކުރެއެވެ.

ކުއްލިއަކަށް މީހަކު ބާރަށް ދޮރުގައި ޖަހައިލި އަޑަށް ޝަހުދު ސިހުނެވެ. ޝަހުދު ދޮރާ ދިމާއަށް ބަލައިލިއެވެ. ކުޑަ ޙައިރާންކަމަކާ އެކުގައެވެ. އަނެއްކާވެސް މީހަކު ވަރަށް ބާރަށް ދޮރުގައި ޖަހައިލައިފިއެވެ. މީނާ ޝަހުދުގެ ކޮޓަރި ދޮރުގައި އެގޮތަށް ތަޅައިފާނޭ ހެއްޔެވެ؟ އަނެއްކާ މީނާއަށް ކަމެއްވީބާއެވެ. އެހެން ހިތަށް އެރުމާއެކު، ކޮޓަރީގެ ދޮރާ ދިމާއަށް ޝަހުދަށް ބާރަށް ހިނގައިގަނެވުނެވެ. ޝަހުދު އަވަސް އަވަހަށް ދޮރު ހުޅުވައިލިއެވެ. އެދޮރުން ބޭރުގައި ހުރީ މީނާއެއް ނޫނެވެ. މީނާގެ ބައްޕަ ފަހުމީއެވެ.

ހަނދުމަވަނީ (3)

ކިޔާފައިވާ ޢަދަދު: 2438
އަޙުމަދު ރަޝީދު، ލ. ފޮނަދޫ

(21 ޖޫން 2014 (ހޮނިހިރު) ދުވަހު ޝާއިޢުކުރި ބަޔާ ގުޅޭ)
ލީނާގެ މާމަގެ މި ޚާއްޞަ ކޮށާރަކީ އެހެން ގޭގައި ހުންނަކަހަލަ އާދައިގެ ކޮށާރެއްނޫނެވެ.އެހެންނޫނަސް މިޒަމާނުގައި ކޮށާރެއް ހުއްނާނީވެސް މަދު ރަށެއްގެ މަދު ގެއެއްގައެވެ. އެ ކޮށާރުގެ މަތިވަޑާންގަނޑު އެހެން ކޮށާރުތަކަށްވުރެން އުހެވެ. ގާތްގަނޑަކަށް ކޮށާރުގެ ތަޅުމު ފިލާތަކާއި މަތިވަޑާންގަނޑާދެމެދު ބާރަވަރަކަށް ފޫޓް ހުންނާނެއެވެ. ކޮށާރަށް އެރުމުން އެއީ އެހާ ކުޑަކޮށާރެއް ނޫންކަންވެސް އެނގޭނެއެވެ. މިހާރު މިހުންނަވަރުގެ އާދައިގެ ކޮޓަރިއަކަށްވުރެން ކުޑަވާނީ ހަމަ ތަންކޮޅެކެވެ. ކޮންމެ މޫސުމަކަސް ކޮށާރުތެރެ ހިކިވެފައި ހޫނުކަމެއް ހުންނާނެއެވެ. އެހެން ކޮށާރުތަކުގައި ކާޑުގެ ބާވަތްތައް ގެންގުޅުނަސް މި ކޮށާރުތެރެ ފުރިފައިވަނީ ތަފާތު ފޮތްފޮތުންނެވެ. އިހުގެ ތަފާތު އެއްޗެއްހިންނެވެ. މުޅިންވެސް އިހުގެ ބައު ފޮތްތަކެވެ. އުސްކޮށް ބަރިބަރިއަށް ޖަހާފައެވެ. އެހެންވެގެން ލީނާ އެކޮށާރަށް އެރުނުކަންވެސް އޭނާގެ މާމައަށް ރޭކައެއްނުލިއެވެ.

އެއް ހާސް އަހަރު (އެގާރަ ވަނަ ބައި)

ކިޔާފައިވާ ޢަދަދު: 2968
އަޙުމަދު ރަޝީދު، ރިކާޒް، ލ. ފޮނަދޫ

(30 ޖުލައި 2014 (ބުދަ) ދުވަހު ޝާއިޢުކުރި ބަޔާ ގުޅޭ)

‘އެ ވެމްޕަޔާ އަހަރެންދެކެ އެހާ ރުޅި އަންނަނީ ކީއްވެގެންބާވައެވެ. އަހަރެން ދެކެ އެވަރުގެ ގަދަ ރުޅީއެއް އަންނަންވީ އޭނާއަށް އަހަރެން ކޮން ގޯނާއެއް ކޮށްގެން ހެއްޔެވެ؟’ ހިތަށް ވެރިވަމުންދިޔަ ސުވާލުތައް އަޑުއިވޭވަރަށް ކިޔަމުން ދިޔައެވެ. އޭނާ އިނީ ނުހަނު އެކަނިވެރިވެފަ އެވެ. ފިނިވެ، ހީކަރުވާފައެވެ. އިންތިހާއަށް ބަނޑުހައިވެފަ އެވެ. އަޅާލާނެ އެއްވެސް މީހަކު ނެތެވެ. ޢާއިލާއެއް، ގެއެއް ނެތެވެ. އެކައްޗެއްވެސް ނެތެވެ.