ކުދިވާހަކަ (53)

ކިޔާފައިވާ ޢަދަދު: 3922

އެތަނާއި މިތަނުން

ކުދިވާހަކަ (53)

ބުއްދިވެރި ޖަވާބު

ޢައްބާސް އިބްރާހީމް
އެއްދުވަހަކު މުއްލާ ނަޞްރުއްދީނު މުއްލާ ނަޞްރުއްދީނު އޭނާގެ ދައްތައަކަށް ގޮވާލަންދާން ވެގެން ދިޔައެވެ. ދައްތަ އިންނަނީ އެހެން ވިލެޖެއްގައިކަމުން އޭނާ ދަތުރު ކުރަމުން ދިޔައީ ވަލުތެރޭގައި އޮތްމަގަކުން ލާފައެވެ. މިގޮތަށް ނަޞްރުއްދީނު ދަނިކޮށް ވަލުތެރޭން ނުކުތް ފޭރޭ މީހުންގެ ބައަކާ ދިމާވެއްޖެއެވެ.

ހަލާކުވެފައިވާ ހިތެއްގައި އެހެން ލޯތްބެއް (28)

ކިޔާފައިވާ ޢަދަދު: 3058

ޢަލީ ޝަރީފު، ހ. ފިލިގަސްދޮށުގެ

(11 ޖޫން 2014 (ބުދަ) ދުވަހު ޝާއިޢުކުރި ބަޔާ ގުޅޭ)

އަހަރެމެންގެ ކައިވެނީގައި ބްރައިޑްސް މެއިޑް އަކަށް ވާން ބެރީ ޤަބޫލުވާނު ހެއްޔެވެ؟” ބެރީ ހީގެންފައި ބުންޏެވެ. “ވަރަށް ޗާލު ބްރައިޑްސް މެއިޑްއަކަށް އަހަރެން ވެދާނަމެވެ. އަދި ކީއްހެއްޔެވެ؟ އަހަރެންގެ ކުއްޖާ އޭނާގެ އަންހެނުން ގޮވައިގެން ގެއަށް އަންނަ ތަން ފެނުމަކީ އަހަންނަށް ލިބޭ ހާދަ ބޮޑު އުފަލަކަށް ވާނެއެވެ.”
ބެރީގެ މި ޖުމްލަ އިވުމާއެކު ބްރައިނީ އޭނާގެ ލޯ މަރާލާފައި ޚިޔާލުގެ ދުނިޔެއަށް އެ ދުވަސް ގެންނަމުން “އެ ދުވަސް ވާނީ އަހަރެންގެ ޙަޔާތުގައި ވެސް ހާދަ ބޮޑު ދުވަހަކަށެވެ.” ވަރަށް މަޑުމަޑުން ބުނެލައިފިއެވެ. އެއަޑު ބެރީ އަށް އިވުނީ ހަމަ ކިރިޔާއެވެ. ބުނިލެއް މަޑު ކަމުންނެވެ.

އެއް ހާސް އަހަރު (ނުވަ ވަނަ ބައި)

ކިޔާފައިވާ ޢަދަދު: 2785
އަޙުމަދު ރަޝީދު، ރިކާޒް، ލ. ފޮނަދޫ
(10 ޖޫން 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)

ކޮންތާކަށް އަހަރެން ތި ގެންދަނީ؟” މާނޭވާ ލަމުން ބިޝާރާ ސުވާލުކުރިއެވެ. ޔަރަސް އަޅާވެސް ނުލައެވެ. ރުއްގަނޑުތެރެއިން ބިޝާރާ ދަމަމުން ދިޔައީ ރުއްގަނޑުތެރެއިން ގަމުގެ މުުކުރިމަގާ ވީކޮޅަށެވެ. ވަކި ހިސާބަކަށް ދެވުމުން މަޑުކޮށްލިއެވެ. ފަސްއެނބުރި ބިޝާރާއަށް ބަލައިލިއެވެ. ބިޝާރާ މާނޭވާ ލަމުން ދިޔައެވެ.

“ޕްލީޒް ބުނެބަލަ އަހަރެން ތި ގެންދާ ތަނެއް؟” ކުރިއަށްވުރެން ބޮޑަށް މާނޭވާލަމުން އަނެއްކާ ވެސް ބިޝާރާ ސުވާލުކުރިއެވެ.

ދިޔަރެސް (21)

ކިޔާފައިވާ ޢަދަދު: 3742
މޫސާ ޞާޢިދު
(9 ޖޫން 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

ވަސީމް އޭނާގެ ރަޙްމަތްތެރިޔާ ޢަލިމަނިކާއެކު އައިސް އެތަނަށް ވަނީ ޑޮކްޓަރުވެސް އިތުރަށް ވާހަކަ ދެއްކޭތޯ މަސައްކަތް ކުރުމަށް އަސްޢަދަށް ބާރުލައިދީފައި ދިޔަތަނާހެނެވެ. ޢަލިމަނިކު ފެނުމާއެކު، ސުދާ ތުރުތުރުއަޅައިގަތެވެ. އޭނާ އަވަސްއަވަހަށް އެތަނުން ދުރަށް ޖެހިލިއެވެ. ޢަލިމަނިކަށް އޭނާގެ ވަސް އިޙްސާސް ނުކުރެވޭނެހާ ދުރަށެވެ.
އެތާ ނުހުރެ ތެޅިތެޅި އޮތް ހިތަކާއެކު ސުދާ ދިޔައީ ގެޔަށެވެ. ޢަލިމަނިކަށް ނުފެންނާނެހެން މަންމަ ވެސް ގޮވައިގެނެވެ. އޭރު ވެސް ހޮސްޕިޓަލްގައި ވަރަށްގިނަ އެހީތެރިން އަސްޢަދަށް އެހީތެރިވުމަށްޓަކައި ތިއްބެވެ.

ހަނދުމަވަނީ (1)

ކިޔާފައިވާ ޢަދަދު: 2588
އަޙްމަދު ރަޝީދު، ރިކާޒު، ލ. ފޮނަދޫ


ފެށުން

ހަނދުމަވަނީ’ މިއީ ޚިޔާލީ ވާހަކައެކެވެ. މި ވާހަކައިގައިވާ މީހުންނާއި، އެންމެހައި ޙާދިސާތަކާއި، ކަންކަމަކީ ޚިޔާލަށް އުފައްދާފައިވާ މީހުންނާއި، ކަންކަމާއި، ޙާދިސާއެވެ. މިއިން މީހަކާއި މިހާރު ދިރިހުރި ނުވަތަ ކުރިން ދިރިއުޅުނު މީހަކާ ނުވަތަ ޙާދިސާއަކާ ގުޅުމެއް ވާނަމަ، އަދި މީގައިވާ އެއްވެސް ކަމަކާއި މިހާރު ހިނގަމުންދާ ނުވަތަ ހިނގާފައިވާ ކަމަކާ ގުޅުމެއް ވާނަމަ ވެސް އެއީ އިއްތިފާޤުން ދިމާވެފައިވާ ގޮތެކެވެ.


މި ވާހަކަ ލިޔުމުގައި، އުރުދޫ ބަހުން ލިޔެފައިވާ ވާހަކައެއްގެ ޚިޔާލާއި، ބައެއް އިނގިރޭސި ފިލްމުތަކުން ނަގައިފައިވާ ޚިޔާލުތައް ހުންނާނެއެވެ.

ސާހިބާ (18)

ކިޔާފައިވާ ޢަދަދު: 3572
ފާޠިމަތު ނަހުލާ
(8 ޖޫން 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)

މީނާ ތެދުވެ އެނދުގައި އިށީނދެލިއެވެ.އޭނާއަށް މިހާރު ޝަހުދު ދެކެ އެލޯބިވަނީ ކެތްނުކުރެވޭ ވަރަށެވެ. އެހެން ނަމަވެސް ޝަހުދަކަށް އެކަމެއް ނޭނގެއެވެ. ކިތަންމެ ދުވަހެއް ވިޔަސް، ނުބުނަނީހެއް ޝަހުދަކަށް އެކަމެއް ނޭނގޭނެއެވެ. މީނާ އެނދުން ތެދުވެއްޖެއެވެ. އޭނާ ބޭނުންވަނީ ޝަހުދު ގާތަށް ދާށެވެ. އެކަނިވެރި ވަގުތުތައް ޙިއްޞާކުރާނެ މީހަކު ޝަހުދުވެސް ބޭނުންވާނެއެވެ.

އަވަލައިގެން އައި ކަޅުކުކުޅު

ކިޔާފައިވާ ޢަދަދު: 4045

ގަބޫލުކުރަންދަތި ކުރީގެ ވާހަކަ ތަކުގެ ތެރެއިން….

އަވަލައިގެން އައި ކަޅުކުކުޅު

ކަނީރު ޢަބްދުއްރަޙީމް (ކަނީރު)

ޖިންނި އަވަލުމަކީ ވަރަށްކުރީއްސުރެ ވަމުން އަންނަ ކަމެއްކަމުގައި ގަބޫލުކުރެވި  ތަފާތު އެތަކެއް މީހުން އެކިވަކި ގޮތަށް އެފަދަ ވާހަކަތައް ކިޔައިދެމުން އަންނަ، އަދި މިހާރުވެސް އެފަދަ ވާހަކަތައް ދެކެވޭ ކަމެކެވެ. ސަބަބާއި ދޭތެރޭ ވެސް ތަފާތު ވާހަކަތަކެއް ދެކެއެވެ.  އެކަމުގެ ހަގީގީ ސަބަބު ތަކާއި  ސިއްރުތައް ނޭނގުމުގެ ތެރޭގައިވާ ކަމަށް ބޮޑަށް ގަބޫލުކުރަން ޖެހޭ ކަމެކެވެ. މިފަދަ އަވަލުން ނުވަތަ އަޅައިގަތުން އެކި ފަހަރު އެކި މީހުންނަށް ދިމާވެފައި ހުރިކަމަށް ކިޔައިދެނީ ވެސް ތަފާތު ގޮތްގޮތަށެވެ. ކުރާ/ ކުރެވޭ ކަމެއްގެ ސަބަބުން އެފަދަ އެއްޗަކަށް ކޮންމެވެސް ގޯނާއެއްވެ އުނދަގުލެއްވެގެން އަޅައިގަންނަނީކަމުގައި ބުނެވޭލެއް ތަންކޮޅެއް ގިނަކަމުގައި ފެނެއެވެ. އަނެއް ބަޔަކު ބުނެދޭގޮތުގައި އެއީ ކޮންމެހެން އެކަހަލަކަމެއް ވެގެންވާ ކަމެއްނޫނެވެ. އެއެއްޗެހީގެ ތެރޭގައި ވެސް ހިފިނުހުރެގެން އުޅޭ، ހަމައެއްލަމައެއް ނުގެންގުޅޭ އެއްޗެހި އުޅޭތީ އެ ފަދަ ތަކެތި ހަމަ، އެއްވެސް ކަމަކާނުލައި ވެސް އަޅައިގަނެގެން އުނދަގޫކުރާން ފަށައެވެ.

ކުދިވާހަކަ (52)

ކިޔާފައިވާ ޢަދަދު: 4256

އެތަނާއި މިތަނުން

ކުދިވާހަކަ (52)

ދަރަނިތައް ހަނދާން ނައްތައިލުން

ޢައްބާސް އިބްރާހީމް

ސިކަންދަރުލޯދީގެ ވެރިކަމުގެ ދުވަސްވަރުގައި ވަރަށް މަޝްހޫރު އަޅުވެރިޔަކު އުޅުނެވެ. އޭނާގެ ނަމަކީ ޒައިނުއްދީނެވެ. އޭނާގެ ޒުވާން ދުވަސްވަރުގައި ޒައިނުއްދީނަކީ ވަރަށް މުއްސަނދި އަދި ތިޔާގި ދިރިއުޅުމެއް އުޅުނު މީހެކެވެ. އަދި ނުހަނު ދީލަތި މީހެއްވެސްމެއެވެ. ދުވަސްތައް ފާއިތުވަމުންގޮސް މިހާތަނަށް އައިއިރު އޭނާވަނީ އަތްމަތި ހުސްވެ ވަރަށްބޮޑަށް ފަގީރުވެފައެވެ. ނަމަވެސް އޭނާގެ ދީލަތިކަމަށް އެއްވެސް ބަދަލެއް ނާދެއެވެ.

ހަލާކުވެފައިވާ ހިތެއްގައި އެހެން ލޯތްބެއް (27)

ކިޔާފައިވާ ޢަދަދު: 3111
ޢަލީ ޝަރީފު، ހ. ފިލިގަސްދޮށުގެ
(4 ޖޫން 2014 (ބުދަ) ދުވަހު ޝާއިޢުކުރި ބަޔާ ގުޅޭ)

ބްރައިނީ އަސަރުން ފުރިފައިވާ ގޮތެއްގައި އަހައިލިއެވެ. “ބޮޑުދައިތާއެވެ! އޭނާއަކަށް ނުރައްކަލެއް ނުވާނެ ހެއްޔެވެ؟ މަރެއް ނުވާނެ ދޯއެވެ؟”
ބޮޑުދައިތަގެ އޯގާވެރި ނަސޭހަތާއި އުއްމީދުގެ ވާހަކަތައް އިިވެމުން ދިޔަ ހިނދު ބޮލުގެ އިޝާރަތުން ބްރައިނީ ގެންދިޔައީ ޖަވާބުދެމުންނެވެ.
“އަހަރެމެން އީމާންވާންވީ މާތް ރަސްކަލާންގެ ކުރައްވާނޭ ހެޔޮ މިންވަރަކަށެވެ. އިރާދަކުރެއްވިއްޔާ އޭނާގެ ދެފައިން ހިނގައިލައިފައި އަންނާނޭ ދުވަސް ދައްކަވާނެއެވެ.” ބޮޑުދައިތަގެ ވާހަކަ ނިންމައިލަމުން ބުންޏެވެ.

ދިޔަރެސް (20)

ކިޔާފައިވާ ޢަދަދު: 3893
މޫސާ ޞާޢިދު
(2 ޖޫން 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

ސުދާ ނިކަން ބާރަށް ހިނގާފައި ގޮސް ޢަލިމަނިކު ހުރަސް ކުރިއެވެ. ޢަލިމަނިކަށް އޭނާގެ މޫނު ނުފެންނާނެހެނެވެ.
ނަމަވެސް، އެވަގުތު ޢަލިމަނިކަށް އޭނާގެ މޫނު ފެނުނެވެ. އިންތިހާއަށް ހާސްވުމުގެ ސަބަބުން ރަތްވެފައިވާ ސުދާގެ މޫނުމަތިން އާދަޔާ ޚިލާފު އެތައް ކަމެއް އޭނާއަށް ފާހަގަކުރެވުނެވެ. އެހެންކަމުން، ދެވަނަފަހަރަށް އެ މޫނު ދުށުމަށް އޭނާ ބޭނުންވިއެވެ. ހަތަރުކަޅި ހަމަކޮށް ސީދާ ސުދާގެ ލޮލަށް ބަލައި، އެ ލޮލުގެ ތެރޭން ކަންތައްތަކެއް ދެނެގަންނާން އޭނާ ބޭނުންވެއެވެ. އެހެންކަމުން، ސުދާ ދިޔަ ފަސް ވެސް އޭނާ ނިކަން ރަނގަޅަށް ބެއްޔެވެ.