ސާހިބާ (6)

ކިޔާފައިވާ ޢަދަދު: 4042

ފާޠިމަތު ނަހުލާ

(12 މާރޗް 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)
އަނެއް ދުވަހު ހެނދުނުގެ ވަގުތެއްގައި ޝަހުދާ ބައްދަލުކުރަން މުޚްތާރު އައެވެ. މުޚްތާރު އައީ ފޯމެއް ހިފައިގެންނެވެ. އެފޯމުގައި ޝަހުދު ސޮއިކުރުމުން، އޭނާ ދިޔައީ ކަނޑައެޅިފައިވާ ގަޑިއަށް ފަހުމީއާ ބައްދަލުކުރުމަށް ދާން ހަނދާންކޮށްދީފައެވެ.
 

ދިޔަރެސް (10)

ކިޔާފައިވާ ޢަދަދު: 4498

މޫސާ ޞާޢިދު

(10 މާރޗް 2014 (ހޯމަ) ދުވަހު ޝާއިޢުކުރި ބަޔާ ގުޅޭ)
“އާނ…އެއީ އަހަރެން ރަށަށް ދިޔަތާ ދެވަނައަށްވީ ދުވަސް. ޔުމްނާ ފެނުނީ މޫދަށް ގެނބިގެން މަރުވެފައި އޮއްވާ.” ސުދާއަށް ހަމަ ރަނގަޅަށްވެސް ރޮވިއްޖެއެވެ. ޔުމްނާދެކެ ލޯބިނުވިޔަސް، ޔުމްނާ މަރުވި ޚަރަބު ލިބުމުން މުޢާޒަށްވެސް ވަރަށް ބޮޑަށް އަސަރު ކޮށްފިއެވެ. އޭނާ ހަމައަކަށް އެޅުނީ ޖީބުގައި އޮތް މޯބައިލް ފޯނު ރިންގްވާން ފެށުމުންނެވެ. އޭނާ ފޯނަށް ޖަވާބުދެމުން ހިނގައިގަތެވެ. ސުދާ ދެލޯ ފޮހެލުމަށްފަހު އަނެއްކާވެސް ކުނިކަހަން ފަށައިފިއެވެ.

ހަލާކުވެފައިވާ ހިތެއްގައި އެހެން ލޯތްބެއް (18)

ކިޔާފައިވާ ޢަދަދު: 3278
ޢަލީ ޝަރީފް، ހ. ފިލިގަސްދޮށުގެ
(05 މާރޗް 2014 (ބުދަ) ދުވަހު ޝާއިޢުކުރި ބަޔާ ގުޅޭ)
ލަސް ލަހުން ނަމަވެސް ޔަޤީނުން އޭނާ އެ ސިޓީ ވީދައިލާން ފަށައިފިއެވެ. ސިޓީ ވީދައިލުމަށްފަހު އުރައިގައި ބަންދު ކުރި ޗެކް ވެސް ދެބުރި ކޮށްލީއެވެ. ދެން އޭނާ ވަރަށް ބާރަށް ގޮވައިލިއެވެ. “ބެރީ އެވެ. ބެރީއެވެ. މިތަނަށް އަވަހަށް އަންނާށެވެ.”
މުސްކުޅި ނަރުސް ދުވެފައި އަތުވެއްޖެއެވެ. “ޔޭސް މާސްޓަރ ހިޔު!” ހިޔު ބުންޏެވެ. “އަހަރެން ގެ ފޮށި ބަންދު ކޮށްދޭށެވެ. އަހަރެން މިދަނީ މެންދުރުގެ ރޭލުން ލަންޑަނަށް ދާށެވެ.”

ކުދިވާހަކަ (39)

ކިޔާފައިވާ ޢަދަދު: 4527

އެތަނާއި މިތަނުން

ކުދިވާހަކަ (39)

ޙަޔާތުގެ ބޭނުން ހިފާށެވެ.

ޢައްބާސް އިބްރާހީމް

އެއްޒަމާނެއްގައި އުޅުނު ވަރަށް ދަހި މީހަކު އެތައްދުވަހަކު މަސައްކަތްކޮށްގެން ފަސްލައްކަ ދީނާރު އެއްކޮށްފިއެވެ. އަދި އެފައިސާތަކުގެ ބޭނުންކޮށްގެން ކުރިޔަށް އޮތް އަހަރެއްހާދުވަހު އޭނާ އުޅެން ގަސްތުކުރާ އުފާވެރި ދުވަސްތަކުގެ ޚިޔާލުތައް ކުރަންފަށައިފިއެވެ. އަދި އޭނާގެ ފައިސާތައް ހޭދަކުރާނޭ މޮޅުގޮތްތައް ރާވަން ފަށައިފިއެވެ. ކުއްލިއަކަށް އޭނާއަށް ކުރިމަތިވީ މަރުގެ މަލާއިކަތާއެވެ.  އޭނާގެ ފުރާނަ ގެންދެވުމަށްޓަކައެވެ.

ސާހިބާ (5)

ކިޔާފައިވާ ޢަދަދު: 4100
 
 ފާޠިމަތު ނަހުލާ
(4 މާރޗް 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)
“އަހަރެން ޝަހުދަށް މިދޭ ފައިސާގެ ބަދަލުގައި ޝަހުދު އަހަރެންނަށް ވަރަށްބޮޑު މަސައްކަތެއް ކޮށްދޭން ޖެހޭނެ…..” ފަހުމީ މިހެން ބުނުމުން ޝަހުދު ނިތްއަރުވާލިއެވެ.
“ކުރެވޭނެތަ؟” ފަހުމީ އަހާލިއެވެ.

“ލައްބަ!” ޝަހުދު އަވަސް އަވަހަށް ބުންޏެވެ. އެފައިސާގެ ބަދަލުގައި ކޮންމެ މަސައްކަތެއް ކުރާށޭ ބުންޏަސް ޝަހުދު އުފަލުން ކުރާނެއެވެ.

ދިޔަރެސް (9)

ކިޔާފައިވާ ޢަދަދު: 4986

މޫސާ ޞާޢިދު
(2 މާރޗް 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“މާލޭ….އަހަރެންގެ ވަރަށް ގާތް ރައްޓެއްސެއް. ބޮޑުދައްތާ މިގޭގައި ހުސް ކޮޓަރިއެއް ނެތްތަ؟ އަހަރެމެންގެ ކޮޓަރި ހޫނުގަދަކަމުން، މި މުޢާޒު އުޅެނީ އަބަދުވެސް ނުނިދިގެން. މީނަ ފުރަންވަންދެން މިގޭގައި ބަހައްޓަން ކަމަށް މިއައީ….” ޙަސީނާގެ ސުވާލަށް ޖަވާބު ދިނުމަށްފަހު ނާޝިދު އެއްސެވެ.

ދަރިފުޅު

ކިޔާފައިވާ ޢަދަދު: 2959
ޢާއިޝަތު ނާޖީ

ލަޠީފާ އާއި ނާޒިމްގެ ދެފަރާތުގެ ޢާއިލާގެ މެންބަރުން ކެތްތެރިކަމެއް ނެތި އިންތިޒާރު ކުރަމުން ދަނީ މޯލްޑިވިއަން، ގަމުގެ ވައިގެ ބަނދަރަށް ޖައްސާނެ ވަގުތަކަށެވެ. މިއަދަކީ ލަޠީފާއާއި ނާޒިމްގެ ކައިވެންޏަށް 15  އަހަރު ފުރުނު ފަހުން އަލަށް ލިބުނު ދަރިފުޅު ވިހަން ގޮސް ބެންގަލޫރުގައި ތިބޭތާ ހަތް މަސް ކޮށްފައި އެނބުރި ރަށަށް އަންނަ ދުވަހެވެ. މެންދުރުން އަނބުރައި އެކެއް ޖަހާކަށްހާއިރު ބޯޓު ވައިގެ ބަނދަރުގައި ޖައްސައިފިއެވެ. ރަންވޭގެ އިން ވަކި ކުރަންޖަހައިފައިވާ ނަރު ދާ ގަނޑުގެ ތެރެއިން ލަޠީފާއާއި ނާޒިމް އެމީހުންގެ ތުއްތު ދަރިފުޅު ގޮވައިގެން، އަވާމެންދުރުގެ ރިހި ވިދުވަރުން ދިއްލައިލެވިފައިވާ ރަންވޭގެ މަތިން އަންނަތަން ފެނުމާއެކު އެ  ލޯބިލޯބި ތުއްތު ދަރިފުޅަށް މަރުޙަބާ ކިޔުމަށްޓަކައި  އައިސް ތިބި މީހުން ދުއްވައިގަތެވެ. “އަންނަ މީހުން”ގެ ގިމަތައިގެ “ނުކުންނަ” ތަނުން ނުކުތުމާއެކު ފަހަރަކު މީހަކު އުރައިލައިފައި “ހާދަ ލޯތްބޭ  ހަމަ ހީވަނީ ބެންގަލޫރު ކުއްޖެއްހެންނޭ” ބުނެލިއެވެ.

ނޯކަރު

ކިޔާފައިވާ ޢަދަދު: 3446
 ޢާއިޝަތު ނާޖީ

ދަތުރަށް ތައްޔާރު ކުރަމުންދާ ފޮށިގަނޑުތައް ބަންދުކުރުމަށް ގުދުވެ އޮތުމަށްފަހު ތެދުވެ ހިންދަމައިލައި ފުން ނޭވާއެއް ލުމަށްފަހު އަލިބެ ބުނެލިއެވެ. “ބައި މިލިއަނެއްހައި ރުފިޔާ ޚަރަދުކޮށްގެން އެޅި ގެ ފައްކާކޮށް ނިމުނުއިރަށް އެގޭގައި އުޅޭނެ ފުރުޞަތެއް ވެސް ނުލިބި ފުރައިގެން ދާންޖެހުމުން ހާދަ ހިތަކަށް އަސަރު އެބަ ކުރެޔޭ” ހަސީނާ ހަމަޖެހިލުމާއެކު ޕިސް ކަނޑާލާފައި ބުންޏެވެ.” ދެން އަލިބޭ އެހާ ފިކުރު ކުރާ އެއްޗެއްނޫން…..ފާރޫގު ގެ ބަލާނެ …..ދޯ ފާރޫގު…..! އެހެންނޫނަސް ކީއްކުރާ ގެއެއް؟….. އަހަރެމެންގެ ހުރި ހުރިހައި ވެސް ކަމަކީ  މި ޝާނީ!…. އެ މަންޖެއަށް ކިޔެވެނިކޮށް ނިމުނީ!…. އެއަށްވުރެ ވަކިބޮޑު އުފަލެއް ލިބޭނެތަ؟

ހަލާކުވެފައިވާ ހިތެއްގައި އެހެން ލޯތްބެއް (17)

ކިޔާފައިވާ ޢަދަދު: 3327

ޢަލީ ޝަރީފް، ހ. ފިލިގަސްދޮށުގެ

(27 ފެބްރުއަރީ 2014 (ބުރާސްފަތި) ދުވަހު ޝާއިޢުކުރި ބަޔާ ގުޅޭ)

އެއްހަފުތާ ފަހެވެ. ހިޔު ވޭނަރ އޭނާގެ މޭޒު ކައިރީގައި އިށީނދެއްޖެއެވެ. ފޮތުގެ އިތުރު ޞަފުޙާއެއް ފުރައިލެވޭތޯ މަސައްކަތްކުރަން ފަށައިފިއެވެ. ނަމަވެސް ވަރަށް ކުޑަ އިރުކޮޅެއްގެ ތެރޭގައި ފޫހިވެގެން ހުއްޓައިލައިފިއެވެ. ސަބަބަކީ އަތުން ލިޔަމުން ކުރިއަށް ގެންދިޔުމުގެ އުނދަގޫކަން ބޮޑީއެވެ. މީގެ ކުރީގައި ބްރައިނީ ލިޔެދޭއިރު އެއް ދުވަހެއްގެ ތެރޭގައި ކުރެވޭ މަސައްކަތް މިހާރު ހަތް ދުވަހުން ވެސް އޭނާ އަކަށް ނުވެއެވެ. ބްރައިނީ ނެތުމުގެ އުނިކަން އިންތިހާ ދަރަޖައަށް ލިބެން ފަށައިފިއެވެ. އެއްވެސް ދައުރެއްގައި އޭނާގެ އެކުވެރިއަކު ނެތިގެން އެފަދަ ބޮޑު ހިތާމައެއް އުފުލާކަށް އޭނާއަކަށް ނުޖެހެއެވެ. ބްރައިނީ ދިޔަފަހުން ގޭތެރޭއަށް ލިބިފައިވާ ފަޅުކަމުގެ ވާހަކަ ޚުދް މިސިޒް ބެރީ ވެސް ދައްކައެވެ.

ސާހިބާ (4)

ކިޔާފައިވާ ޢަދަދު: 4215

ފާޠިމަތު ނަހުލާ

(24 ފެބްރުއަރީ 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

އަދިވެސް ޝަހުދު އިނީ ޙައިރާންވެފައެވެ. އިންތިހާއަށެވެ. އޭނާއަށް ޤަބޫލުކުރަން ދަތިވެފައިވީ ނަމަވެސް، އޭނާއަށް ފެންނަމުން އެދަނީ ޙަޤީޤަތެއްކަން އެނގުނެވެ. އެހެން ނަމަވެސް، އޭނާގެ ހިތުގައިވަނީ ސުވާލު އުފެދިފައެވެ. ދެންމެގައި ފެނުނު ނިކަމެތި އިންސާނަކާ ދޭތެރޭގައި ހަމްދަރުދީވެ، އެހާބޮޑު އެހީއެއްވާން އޭނާ އެކަނޑައެޅީ ކީއްވެހެއްޔެވެ؟ އެއީ އޭނާގެ ރަނގަޅުކަމާއި މާތްކަންބާއެވެ! އެކަމަކު އޭނާގެ މޫނުމަތިން އެހާ މާތް ފާޑެއް ނުޖަހައެވެ. އެހެން ހިތަށް އަރުވާކަށްވެސް ނުވާނެއެވެ. އެކަމަކު އެއީ ޝަހުދުގެ ހިތަށް އަރަމުންދިޔަ އެއްޗެކެވެ.