ދިޔަރެސް (9)

ކިޔާފައިވާ ޢަދަދު: 5037

މޫސާ ޞާޢިދު
(2 މާރޗް 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“މާލޭ….އަހަރެންގެ ވަރަށް ގާތް ރައްޓެއްސެއް. ބޮޑުދައްތާ މިގޭގައި ހުސް ކޮޓަރިއެއް ނެތްތަ؟ އަހަރެމެންގެ ކޮޓަރި ހޫނުގަދަކަމުން، މި މުޢާޒު އުޅެނީ އަބަދުވެސް ނުނިދިގެން. މީނަ ފުރަންވަންދެން މިގޭގައި ބަހައްޓަން ކަމަށް މިއައީ….” ޙަސީނާގެ ސުވާލަށް ޖަވާބު ދިނުމަށްފަހު ނާޝިދު އެއްސެވެ.

ދަރިފުޅު

ކިޔާފައިވާ ޢަދަދު: 3015
ޢާއިޝަތު ނާޖީ

ލަޠީފާ އާއި ނާޒިމްގެ ދެފަރާތުގެ ޢާއިލާގެ މެންބަރުން ކެތްތެރިކަމެއް ނެތި އިންތިޒާރު ކުރަމުން ދަނީ މޯލްޑިވިއަން، ގަމުގެ ވައިގެ ބަނދަރަށް ޖައްސާނެ ވަގުތަކަށެވެ. މިއަދަކީ ލަޠީފާއާއި ނާޒިމްގެ ކައިވެންޏަށް 15  އަހަރު ފުރުނު ފަހުން އަލަށް ލިބުނު ދަރިފުޅު ވިހަން ގޮސް ބެންގަލޫރުގައި ތިބޭތާ ހަތް މަސް ކޮށްފައި އެނބުރި ރަށަށް އަންނަ ދުވަހެވެ. މެންދުރުން އަނބުރައި އެކެއް ޖަހާކަށްހާއިރު ބޯޓު ވައިގެ ބަނދަރުގައި ޖައްސައިފިއެވެ. ރަންވޭގެ އިން ވަކި ކުރަންޖަހައިފައިވާ ނަރު ދާ ގަނޑުގެ ތެރެއިން ލަޠީފާއާއި ނާޒިމް އެމީހުންގެ ތުއްތު ދަރިފުޅު ގޮވައިގެން، އަވާމެންދުރުގެ ރިހި ވިދުވަރުން ދިއްލައިލެވިފައިވާ ރަންވޭގެ މަތިން އަންނަތަން ފެނުމާއެކު އެ  ލޯބިލޯބި ތުއްތު ދަރިފުޅަށް މަރުޙަބާ ކިޔުމަށްޓަކައި  އައިސް ތިބި މީހުން ދުއްވައިގަތެވެ. “އަންނަ މީހުން”ގެ ގިމަތައިގެ “ނުކުންނަ” ތަނުން ނުކުތުމާއެކު ފަހަރަކު މީހަކު އުރައިލައިފައި “ހާދަ ލޯތްބޭ  ހަމަ ހީވަނީ ބެންގަލޫރު ކުއްޖެއްހެންނޭ” ބުނެލިއެވެ.

ނޯކަރު

ކިޔާފައިވާ ޢަދަދު: 3502
 ޢާއިޝަތު ނާޖީ

ދަތުރަށް ތައްޔާރު ކުރަމުންދާ ފޮށިގަނޑުތައް ބަންދުކުރުމަށް ގުދުވެ އޮތުމަށްފަހު ތެދުވެ ހިންދަމައިލައި ފުން ނޭވާއެއް ލުމަށްފަހު އަލިބެ ބުނެލިއެވެ. “ބައި މިލިއަނެއްހައި ރުފިޔާ ޚަރަދުކޮށްގެން އެޅި ގެ ފައްކާކޮށް ނިމުނުއިރަށް އެގޭގައި އުޅޭނެ ފުރުޞަތެއް ވެސް ނުލިބި ފުރައިގެން ދާންޖެހުމުން ހާދަ ހިތަކަށް އަސަރު އެބަ ކުރެޔޭ” ހަސީނާ ހަމަޖެހިލުމާއެކު ޕިސް ކަނޑާލާފައި ބުންޏެވެ.” ދެން އަލިބޭ އެހާ ފިކުރު ކުރާ އެއްޗެއްނޫން…..ފާރޫގު ގެ ބަލާނެ …..ދޯ ފާރޫގު…..! އެހެންނޫނަސް ކީއްކުރާ ގެއެއް؟….. އަހަރެމެންގެ ހުރި ހުރިހައި ވެސް ކަމަކީ  މި ޝާނީ!…. އެ މަންޖެއަށް ކިޔެވެނިކޮށް ނިމުނީ!…. އެއަށްވުރެ ވަކިބޮޑު އުފަލެއް ލިބޭނެތަ؟

ހަލާކުވެފައިވާ ހިތެއްގައި އެހެން ލޯތްބެއް (17)

ކިޔާފައިވާ ޢަދަދު: 3373

ޢަލީ ޝަރީފް، ހ. ފިލިގަސްދޮށުގެ

(27 ފެބްރުއަރީ 2014 (ބުރާސްފަތި) ދުވަހު ޝާއިޢުކުރި ބަޔާ ގުޅޭ)

އެއްހަފުތާ ފަހެވެ. ހިޔު ވޭނަރ އޭނާގެ މޭޒު ކައިރީގައި އިށީނދެއްޖެއެވެ. ފޮތުގެ އިތުރު ޞަފުޙާއެއް ފުރައިލެވޭތޯ މަސައްކަތްކުރަން ފަށައިފިއެވެ. ނަމަވެސް ވަރަށް ކުޑަ އިރުކޮޅެއްގެ ތެރޭގައި ފޫހިވެގެން ހުއްޓައިލައިފިއެވެ. ސަބަބަކީ އަތުން ލިޔަމުން ކުރިއަށް ގެންދިޔުމުގެ އުނދަގޫކަން ބޮޑީއެވެ. މީގެ ކުރީގައި ބްރައިނީ ލިޔެދޭއިރު އެއް ދުވަހެއްގެ ތެރޭގައި ކުރެވޭ މަސައްކަތް މިހާރު ހަތް ދުވަހުން ވެސް އޭނާ އަކަށް ނުވެއެވެ. ބްރައިނީ ނެތުމުގެ އުނިކަން އިންތިހާ ދަރަޖައަށް ލިބެން ފަށައިފިއެވެ. އެއްވެސް ދައުރެއްގައި އޭނާގެ އެކުވެރިއަކު ނެތިގެން އެފަދަ ބޮޑު ހިތާމައެއް އުފުލާކަށް އޭނާއަކަށް ނުޖެހެއެވެ. ބްރައިނީ ދިޔަފަހުން ގޭތެރޭއަށް ލިބިފައިވާ ފަޅުކަމުގެ ވާހަކަ ޚުދް މިސިޒް ބެރީ ވެސް ދައްކައެވެ.

ސާހިބާ (4)

ކިޔާފައިވާ ޢަދަދު: 4271

ފާޠިމަތު ނަހުލާ

(24 ފެބްރުއަރީ 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

އަދިވެސް ޝަހުދު އިނީ ޙައިރާންވެފައެވެ. އިންތިހާއަށެވެ. އޭނާއަށް ޤަބޫލުކުރަން ދަތިވެފައިވީ ނަމަވެސް، އޭނާއަށް ފެންނަމުން އެދަނީ ޙަޤީޤަތެއްކަން އެނގުނެވެ. އެހެން ނަމަވެސް، އޭނާގެ ހިތުގައިވަނީ ސުވާލު އުފެދިފައެވެ. ދެންމެގައި ފެނުނު ނިކަމެތި އިންސާނަކާ ދޭތެރޭގައި ހަމްދަރުދީވެ، އެހާބޮޑު އެހީއެއްވާން އޭނާ އެކަނޑައެޅީ ކީއްވެހެއްޔެވެ؟ އެއީ އޭނާގެ ރަނގަޅުކަމާއި މާތްކަންބާއެވެ! އެކަމަކު އޭނާގެ މޫނުމަތިން އެހާ މާތް ފާޑެއް ނުޖަހައެވެ. އެހެން ހިތަށް އަރުވާކަށްވެސް ނުވާނެއެވެ. އެކަމަކު އެއީ ޝަހުދުގެ ހިތަށް އަރަމުންދިޔަ އެއްޗެކެވެ.

ދިޔަރެސް (8)

ކިޔާފައިވާ ޢަދަދު: 4807

މޫސާ ޞާޢިދު

(23 ފެބްރުއަރީ 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“ދަރިފުޅާ…ތިތާ ތިހިރަ އެނދުގަނޑުވެސް ބަދަލުކޮށްލައްޗޭ. ތިކަހަލަ ބާ އެނދުގަނޑެއްގައި ނިންދަވާ ވަރަށްވުރެން އެއީ މަންމަގެ މާ ގާތް ކުއްޖެއް.” ޙަފީޒާ އެދުނެވެ.
“އާނ…މަންމާ…އެނދު ބަދަލުކޮށްލާނަން. އެމީހުން އެކޮޅުން ފުރައިފިތަ؟” މުޢާޒު ދޮރުފޮތިތައް ނައްޓަމުން ބުންޏެވެ.
“ދަރިފުޅު ބައްޕަ ބުނި…މިރޭ އަންނާނެޔޯ.” ޙަފީޒާ ބުންޏެވެ.

ތިން ލޯބިވެރިން

ކިޔާފައިވާ ޢަދަދު: 7491

ލިޔުއްވީ: ހަލް ބޯލަންޑް
ތަރުޖަމާ: އަޙްމަދް ސަމީރު ޢަލީ


Hal Borland އަކީ ވަރަށް ގިނަ ވާހަކަފޮތް ވެސް ލިޔުއްވި މަޝްހޫރު ނޫސްވެރިއެކެވެ. ތިރީސް އަހަރަށްވުރެ ގިނަ ދުވަހު ނޫސްވެރިއެއްގެ ގޮތުން މަސައްކަތް ކުރެއްވިއެވެ. އަވަހާރަވީ 1978 ގައެވެ.


“އެ ތިން ޒުވާނުންގެ ތެރެއިން އަންހެން ކުއްޖާއަށް ވަރޖީނިއާ ކިޔަމާހެއްޔެވެ؟   އަދި ފިރިހެން ދެ ޒުވާނުންނަށް ކިޔާނީ ޓޮމް އާއި ބެރީއެވެ. މި ތިން ޒުވާނުންނަކީ އެ ބަޔެއްގެ ޚަބަރުދަބަރު އަހަރުމެން ވާހަކަ ފޮތްފޮތުން ކިޔާކަހަލަ ވަރަށް ‘ކުލަގަދަ’ ބަޔެކެވެ.  އެ ތިން ޒުވާނުންނާއި މިލިޔުންތެރިޔާ، އަހަރުމެން ހަތަރު މީހުން ޔުނިވަރސިޓީގައި ކިޔަވަން އުޅުނީ އެކީގައެވެ. 
 

ކުދިވާހަކަ (37)

ކިޔާފައިވާ ޢަދަދު: 4811

އެތަނާއި މިތަނުން

ކުދިވާހަކަ (37)

ޝިކާރަ ކުރުން

ޢައްބާސް އިބްރާހީމް

އެއްދުވަހަކު ރަސްގެފާނު ސާރިދޯޅި ޝިކާރަކުރެއްވުމަށް ވަޑައިގަންނަވަމުން އަރިހުގައި މުއްލާ ނަޞްރުއްދީނު ގެންދަވަން ބޭނުންފުޅުވިއެވެ. ނަޞްރުއްދީނު ޝިކާރައަށް ދާހިތެއްނެތުމާއެކުވެސް އޭނާއަށް މަޖްބޫރުވީ ރަސްގެފާނުގެ އަރިހުގައިދާށެވެ.

ހަލާކުވެފައިވާ ހިތެއްގައި އެހެން ލޯތްބެއް (16)

ކިޔާފައިވާ ޢަދަދު: 3390
ޢަލީ ޝަރީފް، ހ. ފިލިގަސްދޮށުގެ
(12 ފެބްރުއަރީ 2014 (ބުދަ) ދުވަހު ޝާއިޢުކުރި ބަޔާ ގުޅޭ)

ބްރައިނީ ފިކުރު ބޮޑުވެ ހާސް ވެފައިވާ ޙާލެއްގައި ހުރެ  ބުނެފިއެވެ.
 
“އަޅުގަނޑަށް ތިޔަ ކަން އެނގެއެވެ. އަދި މިވަގުތު މިގެއިން ދާން ޖެހުމުގެ ސަބަބުން އަޅުގަނޑު ކޮޅުނެތް ކޮޅަށް ހިތާމަކުރަމެވެ. އެކަމަކު ހިޔު އެވެ…”
   
“އެއީ ދިރިހުރުމާއި މަރާ ދެމެދުގެ ކަމަކަށް ވެސް ވެދާނެއެވެ.” ހިޔު ބްރައިނީގެ ޖުމްލަ މެދުކަނޑައިލިއެވެ. “އެހެން ނަމަވެސް ތިޔަ ގޮތަށް ބްރައިނީ ލަންޑަނަށް ދާކަށް ރަނގަޅެއް ނޫނެވެ.”
  

ސާހިބާ (3)

ކިޔާފައިވާ ޢަދަދު: 4135
ފާޠިމަތު ނަހުލާ
(18 ފެބްރުއަރީ 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)

“މިރަށުގައި ތިބި ބައެއް މުއްސަނދިންގެ އެޑްރެސްތައް ޢާދިލް އަހަންނަށް ދީފި. ޢާދިލް ބުނަނީ އެމީހުންގެ އެހީ ހޯދާށޯ…..” ޝަހުދު އޭނާގެ ތުންފަތްމައްޗަށް ފަނޑު ހިނިތުންވުމެއް ވެރިކުރުވިއެވެ. އެހެން ނަމަވެސް، ފިޔާޒާގެ ލޮލުގެ ތެރެއަށް ދިޔައީ ކަރުނަތިކިތައް ޖަމާވަމުންނެވެ.