ކޯރސިކާގެ އަސްތަބީލާއަކުން – މިސުރުގެ ސިންގާ ސަނާ އަށް (17)

ކިޔާފައިވާ ޢަދަދު: 5500

سلطان ركن الدين بيبرس

ކަނީރު ޢަބްދުއްރަޙީމް (ކަނީރު)
(1 ޖުލައި 2013 (ހޯމަ) ދުވަހު ޝާއިޢުކުރި ބަޔާ ގުޅޭ)
އެއިރު ފަރުބަދައިގެ އެކި ހިސާބުގައި މަމްލޫކުންގެ ތީރުވެރިންނާއި ސާޅަނގައިގެ ހުނަރުވެރިން ތައްޔާރަށް ތިއްބެވެ. ތާތާރީންގެ ލަޝްކަރު އަތްފޯރާފަށަށް އައުމާއި އެކު އެއްފަހަރާ ދިން ހަމަލާގެ ނަތީޖާ އަކަށްވީ ތާތާރީން ބަލިވުމެވެ. އެތަކެއްހާސް ހަނގުރާމަވެރިން އެއްފަހަރާހެން މަރުވެގެން ވެއްޓުނެވެ. މަމްލޫކުންގެ ތީރުވެރިން ކެނޑިނޭޅި ތީރުގެ ހަމަލާ ފޮނުވަމުން ގެންދިޔައެވެ.

ސަރާ (47)

ކިޔާފައިވާ ޢަދަދު: 5363
މޫސާ ޞާޢިދު، މަރަދޫ
(30 ޖޫން 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)

“ތިންމަހެއް ނޫން…އެގާރަމަސް… ޢިމްރާން އަހަރެން ބަނޑު ބޮޑު.” ސަރާގެ ބަޑި ފަޅައިގެން ހިނގައްޖެއެވެ. ބާރުބާރަށް ރޮވެން ފަށައިފިއެވެ.

“ކެތްތެރިވޭ އެގާރަމަސް ފަހުންވެސް އަހަރެން ސަރާ އަހަރެންގެ ޙަޔާތަށް ގެންނާނަން. ސަރާއަށް އެނގޭތަ ޝިފްޒާ އާދޭސް ކުރާއިރުވެސް އަހަރެން ކުއްޖަކު ނުހޯދަނީ ސަރާޔާ ދޭތެރޭ ވިސްނާތީ.” ޢިމްރާން ބުންޏެވެ.

ކޯރސިކާގެ އަސްތަބީލާއަކުން – މިސުރުގެ ސިންގާ ސަނާ އަށް (16)

ކިޔާފައިވާ ޢަދަދު: 5043

سلطان ركن الدين بيبرس

ކަނީރު ޢަބްދުއްރަޙީމް (ކަނީރު)
(24 ޖޫން 2013 (ހޯމަ) ދުވަހު ޝާއިޢުކުރި ބަޔާ ގުޅޭ)
—– އަނެއްކާ މިއީ އަހަރެންގެ ފަހު ވަގުތު ޖެހުނީބާވައެވެ؟ މިފަދަ އެތަކެއް ވިސްނުންތަކެއްގައި ގޮސް ބީބަރަސް އޭނާގެ ފޭލިގެއަށް ވަނެވެ. ވަނުމާއި އެކު އޭނާއަށް ފެނުނީ ކުފާސެވެ. އޭނާ އޮތީ ދަތުރުގެ އުނދަގޫތަކާ ވަރުބަލީގެ ސަބަބުން ނިދިފައެވެ.

ސަރާ (46)

ކިޔާފައިވާ ޢަދަދު: 5734
މޫސާ ޞާޢިދު، މަރަދޫ

(23 ޖޫން 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)
ޢިމްރާންގެ އަންބެއްގެ ގޮތުގައި ޢިމްރާންމެންގެ ގެއަށް އާދެވުނީއްސުރެން ޝިފްޒާ ވިސްނަމުން އެދަނީ ޢިމްރާންމެންގެ މުދަލުން އޭނާއަށް ބައިއެޅޭނޭ ގޮތަކާމެދުގައެވެ. އެޢާއިލާގެ އުޞޫލު އޮންނަ ގޮތުން އެކުންފުނީގެ ޙިއްޞާ އެއްވެސް މީހެއްގެ އަންބަކަށް ނުވަތަ ފިރިއަކަށް ލިބޭނީ އެދެމަފިރިއެއްގެ ދަރިޔަކު އޮތްނަމައެވެ. އެހެންވެ ޝިފްޒާ ބޭނުންވަނީ އަވަހަށް ކުއްޖަކު ހޯދާށެވެ. މިހާރު އޭނާ ތަކުރާރުކޮށް އެތައްފަހަރަކު ޢިމްރާން ގާތު އެވާހަކަ ބުނެވެސްފިއެވެ.

ހިމޭން ޝަކުވާ (4)

ކިޔާފައިވާ ޢަދަދު: 5658
ޢައްބާސް އިބްރާހީމް
(28 ޖޫން 2013 (ހުކުރު) ދުވަހު ޝާއިޢުކުރި ބަޔާ ގުޅޭ)
ކުއްލިއަކަށް އަޅުގަނޑަށް މިވީ ކީއްބާވައެވެ……؟  އެއްވެސް ކަމެއް ކުރާހިތެއް ނުވެއެވެ….. ކަމެއްކުރަން އުޅުނަސް ބިރުގަންނަގޮތް ވެއެވެ.  އޮފީހުގައި އިންނަހިތެއްވެސް، އަދި އޮފީހުން ބޭރަށްދާހިތެއްވެސް ނުވެއެވެ.  އަދި އެންމެ ފަހުން ބަނޑުހައިވުންވެސް  އަޅުގަނޑާއި ވަކިވާން ފަށައިފިއެވެ. 

ހިމޭން ޝަކުވާ (3)

ކިޔާފައިވާ ޢަދަދު: 5907
ޢައްބާސް އިބްރާހީމް
(26 ޖޫން 2013 (ބުދަ) ދުވަހު ޝާއިޢުކުރި ބަޔާ ގުޅޭ)
މިހާ ދުވަސް ވީއިރު ވެސް އެ މައްސަލަ ނުބެލި އޮތީ ކީއްވެހެއްޔެވެ.  އަޅުގަނޑުމެންގެ އޮފީހަކީ އެ އޮފީހަށް ހުށަހެޅޭ މައްސަލަތައް ވަރަށް އަވަހަށް ބަލައި އެ މައްސަލަތަކާ ބެހޭ ޤާނޫނީ ލަފާދީ، އަދި ޤާނޫނީ ފިޔަވަޅުތައް އަޅަމުންދާ އޮފީހެކެވެ.  އޮފީހުގެ މުވައްޒަފަކު  އޮފީހުގެ ތެރޭގައި އޭނާއާ މެދު ހިނގަމުންދާ ނުރަނގަޅު ކަމެއްގެ ޝަކުވާ ހުށަހެޅުމުން އެކަން ނުބެލި މިހާ ލަސްވާން ޖެހުނީ ކީއްވެގެން ހެއްޔެވެ.  ޙަފީޒާ އާ އެމައްސަލަ ޙަވާލުކުރި ފަހުން ވެސް މިހާރު ހަފުތާއަކަށް ވުރެ ގިނަދުވަސް ވެއްޖެއެވެ.  އޭގެ ފަހުން އެކަމާ ބެހޭ އެއްވެސް މަޢުލޫމާތެއް އަޅުގަނޑާ ހަމަޔަށް ގެނެސްދީފައެއް ނުވެއެވެ.  އެކަމަކު އަޅުގަނޑަށް ފާހަގަކުރެވޭ އެއް ކަމެއް އެބަ އޮތެވެ. އެ ދުވަހަށް ފަހު، ޙަފީޒާއާއެކުގައި ޝީރީން އޮފީހުގެ ކެންޓީނުގައި ސައިބޯން އިންނަ ތަން އެތައް ފަހަރަކު އަޅުގަނޑަށްވަނީ ފެނިފައެވެ. އެދެމީހުން ވާހަކަދައްކަމުން ދާތީ ފެންނަނީ ވަރަށް މަޖާކޮށެވެ. ވަރަށް ބޮޑަށް ހީނހަދާތީ ވެސް ފެނެއެވެ.  ޝީރީނުގެ ހީނލުމަކީ ވެސް ހާދަ އަސަރުގަދަ ހީނލުމެކެވެ.

ހިމޭން ޝަކުވާ (2)

ކިޔާފައިވާ ޢަދަދު: 5598

ޢައްބާސް އިބްރާހީމް

(25 ޖޫން 2013 (އަންގާރަ) ދުވަހު ޝާއިޢުކުރި ބަޔާ ގުޅޭ)
އަނެއްކާވެސް އެއްކަލަ މީރުވަސް އަޅުގަނޑުގެ ވަށައިގެން ފެތުރިގެން ދިޔައެވެ.  އެއަސަރުގައި އަޅުގަނޑު “މަސްތު” ވެފައި އިންއިރު، ޝީރީން ކޮޓަރީން ނިކުމެގެން ދިޔަވަގުތު އޭނާގެ ތުންފަތުގެ އެއްމިޔަކަނުން ހިނިތުންވުމެއް ފެނުނުކަމަށް އަޅުގަނޑަށް ޝައްކު ކުރެވުނެވެ.   އެކަމަކު…….. އެއީ ހަމައެކަނި އަޅުގަނޑަށް ހީވިގޮތް ކަންނޭނގެއެވެ. އަދި އެއީ ހަމަ ޙަޤީޤަތެއްނަމަ……. އެއްމިޔަކަނުން ހިނިތުންވުމެއް……. އަނެއްކާ އެއީ ކީއްވެގެން ގެނައި ހިނިތުންވުމެއް ބާވައެވެ.  އަޅުގަނޑުގެ ޙައިރާންކަން ހައްތާވެސް ދިޔައީ އިތުރުވަމުންނެވެ.  

ހިމޭން ޝަކުވާ

ކިޔާފައިވާ ޢަދަދު: 5733
ޢައްބާސް އިބްރާހީމް

މަގުމަތިން ވަޑައިގަންނަވާއިރު ތިޔަބޭފުޅުންނަށް ވެސް އަޅުގަނޑުމެންގެ އޮފީސް ފެނިވަޑައިގަންނަވާނޭ ކަމަށް ހީކުރަމެވެ. ރަށުގެ އެންމެ ގިނަ މީހުން އައިސްއުޅޭ ޝޮޕިންގ އޭރިޔާއާއި ވަރަށް ގިނަ އޮފީސްތަކެއް ވެސް ހުންނަ ހިސާބެއްގައި އަޅުގަނޑުމެންގެ އޮފީސް ހުންނާތީއެވެ. އަދި ވަރަށް ރީތި ނޫކުލައިގެ އެކްރިލިކް ޝީޓެއްގައި ހުދު އަކުރުތަކަކުން “ޝާހިދު އެންޑް ޝަހީދު ސޮލިސިޓަރސް” ގެ ނަން ލިޔެވިފައިވާ ނަންބޯޑެއް މަގުމައްޗަށް ފެންނާނޭހެން ހަރުކޮށްލާފައި ހުންނާނެތީއެވެ. 

ކޯރސިކާގެ އަސްތަބީލާއަކުން – މިސުރުގެ ސިންގާ ސަނާ އަށް (15)

ކިޔާފައިވާ ޢަދަދު: 5550

سلطان ركن الدين بيبرس

ކަނީރު ޢަބްދުއްރަޙީމް (ކަނީރު)

(17 ޖޫން 2013 (ހޯމަ) ދުވަހު ޝާއިޢުކުރި ބަޔާ ގުޅޭ)
ނަސްރާނީ ސައުދާގަރު ތާތާރީ ކޭމްޕަށް ދިޔަ ވާހަކަވީ ބީބަރަސް އަށް ވަރަށް ބޮޑު ވާހަކަ އަކަށެވެ. އެކަމާބެހޭ އިތުރު ތަފްސީލު ހޯދުމަށް އޭނާގެ ޖާސޫސުން ފަރާތްފަރާތަށް ފޮނުވައިގެން މަސައްކަތްތަކެއް ކުރަންފެށީ އެވެ. އެއާއި އެކު ޚުދު ބީބަރަސް ވެސް ޣައްޒާ އަށް ދިޔައީ އެވެ.
ބީބަރަސް ޣައްޒާއަށް ދިޔަތާ ހައެއްކަ ރޭގެ ފަހުން އެއް ރެޔަކު މެންދަމު މޭރިއޭންގެ ކޮޓަރީ ދޮރުގައި މީހަކު ޓަކިދިނެވެ. މޭރިއޭން އަށް ހޭލެވުމާއެކު ހިސާބަކަށް ކަންބޮޑުވިއެވެ. އެއީ މިހާ ދަންވަރު ބީބަރަސް ރަށުގައި ނެތީސް އޭނާގެ ކޮޓަރި ދޮރުގައި ޓަކި ދޭނެ މީހަކު ހުރެގެން ނުވާނެތީ އެވެ. އެކަމަކު ވެސް މަޑުމަޑުން އެނދުން ތެދުވެގެން އައިސް ދޮރުކަރިއަށް ހުއްޓުނެވެ. އޭރު ޓަކިދިނުމުގެ ދޭތެރެ އަވަސްވެ ބާރަށް އެމީހަކު ދޮރުގައި ތަޅަންވެސް ފަށައިފިއެވެ. އެ ވަގުތު އަންހެން އަޑަކުން ހަޅޭއްލަވައިގަތް އަޑާއެކު ކުއްތާ ވަރަށް ގަދައަށް ވޭނީ އަޑަކުން ހަޅޭއްލަވައިގެންފައި އަޑު ކެނޑިއްޖެއެވެ. އެ އަންހެނަކަށް ވާނީ ހިގާޒިޔާ އޭ  މޭރިއޭން ހިތަށް އެރިއެވެ.

ސަރާ (45)

ކިޔާފައިވާ ޢަދަދު: 5892
މޫސާ ޞާޢިދު، މަރަދޫ
(16 ޖޫން 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)

“މިބުނީ ތަހުޒީބު ގޮތްތައް ނުހުންނާނެ ވާހަކަ.” އެއީ ރާއްޖެތެރެ ޝިފްޒާ މާނަކުރާ ގޮތްކަން ނޭނގެއެވެ. އެ ގޮތަށް މާލެ އުފަން ވަރަށްގިނަ މީހުން މާނަކުރެއެވެ.

“ތަހުޒީބޭ! މާލެ ތަރައްޤީކޮށް ތަހުޒީބު ކުރަނީ ކޮންބައެއްތަ؟ ޝިފްޒާ ވެސް ތިޔަ ވަރަށް ބޮޑާވާކަށް ނުވާނެ. ތިޔަ ގޮތަށް ބޮޑާވުމަކީ ވަރަށް ހުތުރު، އަހަރެން ވަރަށް ނުރުހޭ ސިފައެއް. ތިޔަ ގޮތަށް ބޮޑާވާ މީހުންނަކީ ތަޞައްރުފް ނުފުދޭ މީހުންގެ ގޮތުގައި އަހަރެން ދެކެނީ. އޭގެ މީހެއް ޝިފްޒާއަކީ ވެސް. ޝިފްޒާމެން ތަރައްޤީ މާނަކުރާ ގޮތް ވެސް އަހަންނަށް އެނގޭ. ޝިފްޒާމެން މާނަކުރާ ތަހުޒީބާއި ތަރައްޤީއަކީ އޮރިޔާން ހާމަ ހެދުން ލައިގެން އުޅުން. ރާއްޖޭގެ ގިނަ ރަށްތަކުން އަހަރެމެންނަށް ފެންނަނީ ހާދަ ނިވާކަންބޮޑު ތަހުޒީބީ ހެދުން އަޅައިގެން ތިބޭ ކުދިންނޭ. އަހަރެން ދެކެން ބޭނުންވާ ތަރައްޤީއަކީ އެއީ. ޝިފްޒާ ވެސް ބުރުގާ އަޅަން އަހަންނަށް ފެންނަނީ…” ޢިމްރާން ބުންޏެވެ.