ލޭ ބޯ ފަނި (13)

ކިޔާފައިވާ ޢަދަދު: 8078
ތަރުޖަމާ: ޢަބްދުﷲ ނަޢީމު އިބްރާހީމް
(20 މާރޗް 2013 (ބުދަ) ގުޅޭ)
“ކަން ބޮޑު ނުވޭ! އަހަރެން ދައްތަޔާ ވާހަކަ ދައްކާނަން. ކޮޓަރީގެ ފުރަގަހު ދޮރުން ވަދެވޭނޭ އިންތިޒާމެއް ހަމަ ޖައްސާނަން. ހަމަ ޖެހުނުހައި އަވަހަކަށް އަންނާނަން.”
 
އޭނާ އިރުކޮޅެއް ވާންދެން އަކްބަރްގެ އަތުގައި ހިފަހައްޓައިގެން ހުއްޓެވެ. ހިތުގައި ހުރި ވާހަކަތައް ދައްކަމުން ދިޔައީ ލޮލުންނެވެ. ބޭރުގައި އެއަށްވުރެ އިތުރު ކަމެއް ކުރެވޭކަށް ނޯންނާނެތީއެވެ. ކުއްލިއަކަށް ޓެކްސީއެއް އައިސް ގޭ ދޮރުމައްޗަށް މަޑު ކޮށްފިއެވެ. އޭރު އަކްބަރްގެ އެއް ފައި ހުރީ ދޮރުން ބޭރުގައެވެ. ޓެކްސީން ފޭބިތަން ފެނުނީ ފީރޯޒާގެ މަންމައެވެ. ތިން މީހުންގެ ހަކަޅި ބައްދަލު ވެއްޖެއެވެ.

ޓީޗަރު ދެއްވި ހިތްވަރު

ކިޔާފައިވާ ޢަދަދު: 3761
އަސްމާ އަބޫބަކުރު

ހޫނުގަދަ ދުވަހެއްގެ ހޫނުގަދަ ވަގުތެއްގައި ރައީފާ ތައްޔާރުވަމުން ދަނީ ދަރިފުޅު ބަލައި ސްކޫލަށް ދިޔުމަށެވެ. ދަރިފުޅު ސްކޫލުން އަންނަންވާއިރަށް އޭނާއަށް އެންމެ މީރު ކެއުން ކަމުގައިވާ ނޫޑްލްސް ތައްޔާރު ކުރީ މީގެ ކުޑަ ވަގުތު ކޮޅެއް ކުރީންނެވެ. ރައީފާ ތައްޔާރުވެ ނިމިގެން ގެއިން ނިކުންނަމުން މައިދައިތަ ކޮބައިތޯ ބަލައިލި އެވެ. އޭރު މައިދައިތަ އުޅެނީ އޭނާގެ ކޮޓަރި ސާފުކުރުމުގައި އަވަދިނެތި އެވެ.

ކޯރސިކާގެ އަސްތަބީލާއަކުން – މިސުރުގެ ސިންގާ ސަނާ އަށް (5)

ކިޔާފައިވާ ޢަދަދު: 5346

سلطان ركن الدين بيبرس

ކަނީރު ޢަބްދުއްރަޙީމް (ކަނީރު)
(8 އޭޕްރިލް 2013 (ހޯމަ) ގުޅޭ)

ނަމަވެސް މޫނުމައްޗަށް ވަށައިގެން އަނދިރި ވަމުން އައިސް އެންމެފަހުން އެއްވެސް ތަނެއް ނުފެނި ގެއްލިއްޖެ އެވެ. އަނެއްކާވެސް ހޭނެތުނީ އެވެ.
“ހައްދަވާ ބޮޑުކުރެއްވި ކަލާކޯ އެވެ. މީނާ ދިރިހުރިކަމުގައި ވަނީނަމަ ހަރަކާތް ދެއްވާނދޭވެ! އޭ ކަލާނގެއާ އެވެ. ދެން މިދުޢާ ގަބޫލު ކުރާށެވެ. އޭރުން ކަލޭގެ ބުދުގެ ކުރިމަތީގައި އެތައް އެތައް ބައްތި އެއް  އަހަރެން ދިއްލައި ދޭނަމެވެ.  ބީބަރަސް އަށް ހޭވެރިކަން ވީއިރު މި އިބާރާތްތައް އިވެއެވެ. ކުއްލިއަކަށް ތެދުވެފައި ބީބަރަސް ބުންޏެވެ. “ދެންވެސް އަހަރެންގެ އަތް މޮހާލަދޭށެވެ.”

ސަރާ (35)

ކިޔާފައިވާ ޢަދަދު: 5898
މޫސާ ސާޢިދު، މަރަދޫ
(7 އޭޕްރިލް 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)

ދަރިފުޅަށް ފަހީމާގެ ކެހިވެރި ރޭވުމުގެ ޙަޤީޤަތް އެނގުނީތީ ފަހީމާ ވަރަށް ބޮޑަށް ދެރަވެ ލަދުގަނެއްޖެ އެވެ. ދަރިފުޅުގެ ކުރިމަތީގައިއޭނާގެ ޤަދަރު ވެސް ކުޑަވެ މުޅިން މާޔޫސްވެއްޖެ އެވެ.

ވަޖުދީ އެބަޔަށް އައިސްވަނީ އެވަގުތުއެވެ. ޝާޢިރާ ކޮބައިހޭ އަހާފައި މަލަކާ ގާތު އައިސްބަލާށޭ ބުނެފައި، ވަޖުދީ ގޮސް ވަނީ އެމީހުންގެ އެޕާޓްމަންޓަށެވެ. އޭރު ޝާޢިރާ މެދުގޭތެރޭ ސޯފާގައި ކޮންމެވެސް ފޮތެއް ކިޔަން އިނެވެ. ވަޖުދީ އައިގޮތަށް އައިސް ޝާޢިރާ އިން ސޯފާގައި އިށީނެވެ. މަލަކާވެސް އޭނާގެ ފަހަތުން އައިސް ވަނެވެ.

ޙަޔާތުގެ ދެކުލަ

ކިޔާފައިވާ ޢަދަދު: 3240
އަސްމާ އަބޫބަކުރު

ދިރިއުޅުން ވޭތުކުރުމުގައި ކޮންމެ މީހަކު ބޭނުންވާނީ އުފާވެރިކަމެވެ. އުފާވެރި ކަމާއެކު ދިރިއުޅުން އާރާސްތު ކުރުމަށް އަހަރެން ފައިނެގީމެވެ. އުފާވެރި ޙަޔާތަކަށް އެންމެ ބޭނުންވާނީ ފައިސާ ކަމުގައި ދެކިގެންނެވެ. ރައްޓެހި ރަޙުމަތްތެރީން ގާތުގައިވެސް އަހަރެން ބުނެފައިވާނީ މުއްސަނދި މީހަކާއި ނޫނީ އަހަރެން ނީންނާނަމެވެ. އޭރުން އަހަންނަށް އުފަލާއި އަރާމުގައި ޙަޔާތުގެ ދުވަސްތައް ހޭދަ ކުރެވޭނެތީއެވެ. 

ކޯރސިކާގެ އަސްތަބީލާއަކުން – މިސުރުގެ ސިންގާ ސަނާ އަށް (5)

ކިޔާފައިވާ ޢަދަދު: 5827

سلطان ركن الدين بيبرس

ކަނީރު ޢަބްދުއްރަޙީމް (ކަނީރު)
(1 އޭޕްރިލް 2013 (ހޯމަ) ދުވަހު ޝާއިޢުކުރި ބަޔާ ގުޅާ)

މިހާތަނަށް ވާހަކަ ގެންދިޔަ އިރު މުސްކުޅި އުމަރުދާއީ ގެ ދެލޯ ކަރުނައިން ފުރިއްޖެ އެވެ.
“ސާހިބާގެ ދަރިއަކަށް ވުމަކީ ކުޑަ އުފަލެއް އާދައިގެ ފަޚުރެއް ނޫން.  އަޅުގަނޑުގެ ރޫޙާނީ ބައްޕާ. މި ވަގުތާއި ހަމައަށް އަޅުގަނޑަށް ދަރިފުޅާއޭ ގޮވައިލައްވާނެކަމަށް ހިތަށް ވެސް އަރައިފައެއް ނެތް. ” ބީބަރަސް ދެރަވެލައިފައި އުފަލާއެކު ބުންޏެވެ.

ސަރާ (34)

ކިޔާފައިވާ ޢަދަދު: 6660
މޫސާ ސާޢިދު، މަރަދޫ
(31 މާރޗް 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“އެބުނީ މަންމަގެ ވާހަކައެއް ނޫން. އެހެން ކޮންމެވެސް ނަޖްމާއެއްގެ ވާހަކަ އެބުނީ.” ނަޖްމާ މަސައްކަތް ކުރީ ސަރާއަށް އޮޅުވާލާށެވެ. ނަމަވެސް މަންމަގެ މޫނުމަތިން މަންމަ ހަދަނީ ތެދު ނޫންކަމާއި، ވަރަށް ބޮޑަށް ނުތަނަވަސްވެފައިވާކަން ހާމަވެއެވެ.

ނިމުމެއް ނެތް ކަރުނަ

ކިޔާފައިވާ ޢަދަދު: 3446
އަސްމާ އަބޫބަކުރު
ދަރީންނަކީ ކައިވެނީގެ ފޮނިމޭވާއޭ އެންމެން ވެސް ބުނެއެވެ. އެއީ އެންމެން ދަންނަ ޙަޤީޤަތް ވެސް މެއެވެ. އެތައް ރެޔެއްގެ ނިދި ނަގައިލައި ދަރީންނަށް ޓަކައި  ޤުރުބާންވަނީ ވެސް އެފޮނި މޭވާގެ ޙަޤީޤީ ފޮނިކަން ދުށުމުގެ ބޭނުމުގައެވެ. މިއީ މުޅިން ތެދު ކަމުގައިވާ ނަމަ ދުނިޔޭގައި ތިބޭނީ އުފަލާއި އަރާމުގައި އުޅޭ މީހުންނެވެ. މޮޅިވެރި ސާލުލައިގެން ދުނިޔެއަށް ދެއްކުންތެރިކަމުގެ ހިނިތުންވުން ދައްކުމުގައި އުޅޭ އަހަރެން ކަހަލަ މީހުންނެއް ނޫޅޭނެ އެވެ. އަދި ކުށްވެރީންނެއް ވެސް  ދުނިޔެއަކު ނުތިބޭނެ އެވެ. ކޯޅުންތަކާއި ހަނގުރާމަތަކެއް ވެސް ދުނިޔޭގައެއް ނުވާނެ އެވެ. އެހެން މީހުންގެ ޚިޔާލާ އަހަރެންގެ ޚިޔާލު ތަފާތުވަނީ  އެކަހަލަ އެތައް ސަބަބުތަކަކާ ހުރެއެވެ.

މާޒީއަކީ މާޒީ

ކިޔާފައިވާ ޢަދަދު: 3274

ފަތުޙުﷲ އަހްމަދު ރަޝީދު

އަވި ބާރު ހޫނުގަދަ ދުވަހެކެވެ.މެންދުރުގެ އިރު  ރަސްކަން ކުރަމުންދިޔައީ އެއްވެސް ރަޙްމެއް ހަމްދަރުދީއެއް ނެތް ފަދައަކުންނެވެ. ނަފީސާ އިނީ ގޭގެ ބޮޑުކޮޓަރި ތެރޭގައި ފަންކާ ޖަހައިގެން ފިނިކޮށްލުމުގެ ނިޔަތުގަ އެވެ. ޓީވީ އެމްގެ ދޭއެއްގެ ޚަބަރުގެ ތެރެއަށް ފީނަމުންނެވެ. ޚަބަރުގެ ތެރެއިން އިވެމުން ދިޔައީ ކޮންމެވެސް ޒުވާނެއް ރަޙްމު ކުޑަގޮތަކަށް މަރައިލިވާހަކަ އެވެ. އެއާ ވިދިގެން އިވެމުން ދިޔައީ ކަމާބެހޭ އެކިއެކި ވެރިންނާއި އިސްވެރިން އެ ޢަމަލު ކުށްވެރިކޮށް ވާހަކަ ދައްކަމުން ދިޔަ ވާހަކަތަކެވެ.

ކޯރސިކާގެ އަސްތަބީލާއަކުން – މިސުރުގެ ސިންގާ ސަނާ އަށް (4)

ކިޔާފައިވާ ޢަދަދު: 5279

سلطان ركن الدين بيبرس

ކަނީރު ޢަބްދުއްރަޙީމް (ކަނީރު)
(25 މާރޗް 2013 (ހޯމަ) ދުވަހު ޝާއިޢުކުރި ބަޔާ ގުޅޭ)
ބީބަރަސް ބުނަން ފެށިއެވެ.

“ޔަގީން ނުކުރެއްވޭ ކަމުގައި ވާނަމަ ބާކޫ ކުރެން އައްސަވާލައްވަން ވީނޫންތޯ؟ ނޫންނަމަ މިހާރު އެހިސާބަށް ދުރުވަންނަވަނިކޮށް ލަފާކުރެވޭ ގޮތުން މި ކަންތަކުގެ ވާހަކަ ކިޔައިދޭ ވަގުތާއި ދިމާވެދާނެހެން ހީވޭ.”