100 ރުފިޔާ ދިގުވަނީ…!

ކިޔާފައިވާ ޢަދަދު: 1374
 
ޙަސަން ޝާކިރު މުޙައްމަދު 
ހޮނިހިރު ދުވަހެކެވެ. ކުޑަމެންދުރު(1) 11.30 ހާއިރު، ތިލަދުންމަތީގައި އުޅުއްވާ އަޅުގަނޑުގެ ވަރަށް ގާތް ރަޙްމަތްތެރިޔަކު ގުޅުއްވާފައި ކަމެއް ކޮށްދިނުމަށް އެދިވަޑައިގެންފިއެވެ. ހޮނިހިރު ދުވަހަކީ، ރަސްމީ ބަންދު ދުވަހެއް ނަމަވެސް އެއީ، އޮފީސް ދުވަހަކަށްވުރެ އަވަދިނެތި އުޅެންޖެހޭ ދުވަހެކެވެ. ސައިކަލުގެ ދިޔަވަރު ހިނދޭލެއް އަވަސްވާ ދުވަހެކެވެ. ދާންޖެހޭ ތަންތަން ގިނަވެފައި ކުރަންޖެހޭ ކަންކަންވެސް ގިނަ ދުވަހެކެވެ. އެދުވަހުގެ އަވަދިނެތް ވަގުތުތަކަށް ކުއްލިއަކަށް މި އިތުރުވީ، ދުވަހަކުވެސް ނުކުރާ ބާވަތެއްގެ ކަމެއް ކުރާށެވެ. ނުގަންނަ އެއްޗެއް ގަންނާށެވެ. ކާރެއްގެ ޓަޔަރެއް (ރަދީފުގައި އޮތީ “ޓައެރު” ނަމަވެސް ކިޔައިއުޅޭ ނަމުން ލިޔެލީއެވެ.) ގަނެފައި އެދުވަހު ހަވީރު 4 ޖަހާއިރު ފުރުމަށް ހަމަޖެހިފައިވާ ބޯޓަކަށް އެރުވުމެވެ.
 

ސަމާސާ އަދަބު (3): “ޙައްޖަށް ދަނީ ކީއްކުރަން؟”

ކިޔާފައިވާ ޢަދަދު: 2725
{jcomments on}

“ޙައްޖަށް ދަނީ ކީއްކުރަން؟”

ފާޠިމަތު ސަރީރާ ޢަލީ ޝަރީފު

އަހަންނަކީ އުމުރުން 54 އަހަރުގެ އަންހެނަކީމެވެ. މާލެ ގޮސް އޭރު އުޅުނީ ޙައްޖަށް ދިއުމަށްޓަކައެވެ. އަހަންނަކީ އެފަދަ ބޮޑު ޚަރަދެއް ކޮށްގެން އަމިއްލައަށް ޙައްޖަށް ދެވޭ ފަދަ ތަނަވަސްކަމެއް ހުރި މީހަކީމެއް ނޫނެވެ. މީހެއްގެ އިޙްސާންތެރިކަމުން އެކަން ކޮށްދިނީއެވެ.

ސަމާސާ އަދަބު (2): ރަހުމަތުގެ ވާރޭ

ކިޔާފައިވާ ޢަދަދު: 2188

ރަހުމަތުގެ ވާރޭ

ފާޠިމަތު ސަރީރާ ޢަލީ ޝަރީފު
ދުވަސްވަރަކީ މާލެއިން ފެން ހުސްވި ދުވަސްވަރެވެ. އާނއެކެވެ. މާލެއިން ފެން ހުސްވީއެވެ. ފެން ކުންފުނީގެ ޕެނަލް ބޯޑެއްގައި ރޯވެގެން އެ ކުންފުނީގެ މަސައްކަތް ހުއްޓި، މުޅި މާލެ ފެނަށް ޖެހުނީއެވެ. މާލޭގެ ވަޅުފެނުން ނުބައި ވަސް ދުވާތީ، އިހަށް ވަޅުފެން ބޭނުންކުރަމުން އައި ގޭގޭ މީހުންގެ ގިނަ ބަޔަކުވެސް ވަޅުތައް ދޫކޮށްލައި، ގާތްގަނޑަކަށް މުޅި މާލެ ޑީސެލިނޭޓަޑު ފެނަށް ބަދަލުކޮށްލިތާ ކިތަންމެ ޒަމާނެކެވެ. 
 

ސަމާސާ އަދަބު (1) – ދެން ބޮވޭނީ ކޮން ކުރުނބައެއް؟

ކިޔާފައިވާ ޢަދަދު: 3827

ދެން ބޮވޭނީ ކޮން ކުރުނބައެއް؟

ފާޠިމަތު ސަރީރާ ޢަލީ ޝަރީފު
ގްރޭޑް ހަތެއްގައި އުޅުނު އަހަރު ބޮޑު ޗުއްޓީއަށް އަހަރެން ދިޔައި ފުވައްމުލަކަށެވެ. އެއީ އަހަރެންގެ ބައްޕަގެ ރަށެވެ. އެރަށުގައި ބައްޕަގެ އާއިލާގެ ވަރަށް ގިނަ ބަޔަކު އުޅެއެވެ. އަހަންނާ ގާތްގަނޑަކަށް އެއް އުމުރުފުރައެއްގެ ހައެއްކަ އަށެއްކަ ކުދީންވެސް އުޅެއެވެ. އެއީ ހައްތަހާވެސް އަހަންނާ ދެބެއިންގެ ދެދަރި ކުދީންނެވެ. 
 
އެއް ދުވަހަކު މިވެރީން އައިސް ކުރުނބާ ބޯން ދާން ހިނގަހަރޭ ކިޔައިގެންފިއެވެ. ދާނީ ނިއުލައިޓަށެވެ. އެއީ އަހަންނާ ދެބެއިންގެ ދެދަރި އާނިފާދައްތައާއި ސިރާޖާއި މިޞްބާޙާއި، މި ތިން ކުދީންގެ ބައްޕަގެ ގެއެވެ. ގެ ހަދައި ނިންމާފައި ހުއްޓެއްކަމަކު، އެގޭގައި އެއްވެސް ބަޔަކު ދިރިއެއްނޫޅެއެވެ. އެގޭ ގޯތިތެރެއަށް ވަންއިރު ދެތިން ރުކެއް ހުއްޓެވެ. ގޯތިތެރެ އޮތީ ވިނައާއި، ވަލުގަހާއި، ހިކިފަތުން ފުރިފައެވެ. 
 

ޖަބް ޕިޔާރް ކިސީ ސޭ ހޯތާހޭ.

ކިޔާފައިވާ ޢަދަދު: 2194
ޙުސައިން ޝާކިރު 
މިއީ، ޢުމުރުގެ ސާދަ ފަނަރަ އަހަރާ ގުޅިފައިވާ ހަނދާނެކެވެ. ހަނދާނަށް ގެނެވޭގޮތުގައި އެއީ، ނަވާރަ ސަތޭކަ ފަސްދޮޅަހުގެ އަހަރުތަކެވެ. “ފަންސިނަމާ” އާދެ، ފަރީދީ ސިނަމާގެ ދައުރު ނިމި މާލޭގެ މެދުތެރޭގައި އޮލިމްޕަސް ތިއޭޓަރ ހެދި އެ ދުވަސްވަރު އިންޑިއާގައި އުފައްދާ އެންމެ މަޝްހޫރު ފިލްމުތައް މާލެ ގެނެވި އޮލިމްޕަސް ތިއޭޓަރުގައި އަޅުވަމުން ދިޔަ ދުވަސްވަރެވެ. ބޮލީވުޑް ނަން ދިވެހިން ނުދަންނަ ޒަމާނެވެ. އަތުގައި އެންމެ ރުފިޔާއެއް އޮތްނަމަވެސް ދެޖިންސްގެ ޒުވާނުންނާއި ކޮންމެ ޒުވާން ދެމަފިރިޔަކު ހިތްހަމަޖައްސައިލުމަށްޓަކައި ބައިސްކޯފު ބަލާން އޮލިމްޕަހަށް ވަދެ އެނބުރޭފަންކާގެ ދަށުގައި ގޮދަޑިޖެހި ގޮޑީގައި އިށީނދެލައިގެން ފިލްމުބަލައި އުޅުނު ދުވަސްވަރެވެ. އިރުއޮއްސިގެން އަންނައިރު އޮލިމްޕަހު ގޭޓުންފެށިގެން އިރުމައްޗަށް ދަމާލެވޭ ކިޔޫ ހަނދުވަރު ހިނގުމުން އުތުރަށް ދަމައިލެވި މަގުފުރި ތޮއްޖެހިގެން ހަމަކޮންމެރެއަކުހެން ދިޔަ ޒަމާނެވެ.
 

އަހަރުމަތިފުޅުު ދުވަހުގެ ސިހުން

ކިޔާފައިވާ ޢަދަދު: 395
އިންޓަނެޓުން ފެނުނު ޖޯކެއް ކިޔާފައި:
ލިޔުނީ އަޙްމަދް ސަމީރު ޢަލީ
މާ ދުރު ހިސާބެއްގައި ކޮންމެވެސް ދުވަސްވަރެއްގައި، ދަޅުގައި ބަންދުކުރި ތޮޅިއޮށް މާ މީރު މީހަކު އުޅުނެވެ. މި ދެންނެވުނު ވައްތަރުގެ ތޮޅިއޮށް މީނާ  ކާހިތްވަނީ ވަކިވަރަކަށް ނޫނެވެ! އެއީ ދެވި ހިފުމެކޭވެސް ބައެއް މީހުން ބުނާ މިންވަރަށެވެ! ދަޅުގައި ބަންދުކުރި ތޮޅިއޮށް ކާ ކޮންމެ ފަހަރަކު އެކަމުގެ ނުތަނަވަސްކަން ނުފެންނަ ފަހަރެއް ހަނދާން ނެތިގެންވެސް ކައްސާލައިފައެއް ނެތެވެ! މި ދިމާވާ ކަމަކީ ލައްކަ ގިނަ ބަޔަކު ލަދު ގަންނާނޭ ކަމެއް ކަމުގައި ވިޔަސް، ދަޅުގައި ބަންދުކޮށްފައި ހުންނަ ތޮޅިއޮށް ކާ ކޮންމެ ފަހަރަކު ދިމާވާ ކަންތަކަކީ އޭނާ މާ ކަންބޮޑުވާ ކަމެކޭ ދެންނެވޭކަށްވެސް ނެތެވެ. އެއީ އޭނާ އެކަމުގެ ސަަބަބުން އުފުލާ ބުރައެއް ތުރާލެއް ނެތުމުންނެވެ. ދިމާވަނީ، އިޖްތިމާއީ ގޮތުން ބޭ އަދަބީ ކަމެކޭ ހަމަ ކަށަވަރުންވެސް ލިޔެވިދާނެއެވެ!
 

ވިހަން ދިޔުމުގެ ރިހާސަލު

ކިޔާފައިވާ ޢަދަދު: 4135

ޙަސަން ޝާކިރު މުޙައްމަދު 
މުހިންމު ކަންކަން ފެށުމުގެ ކުރިން އެކަމެއް ރާވައިފައިވާ ގޮތަށް ކުރިޔަށް ގެންދިއުމަށް ރިހާސަލެއް ބޭއްވުމަކީ، ވަރަށް ގިނައިން ކޮށްއުޅޭކަމެކެވެ. އިތުބާރާއެކު އެކަމެއް ފުރިހަމައަށް ނިންމައިލެވޭނޭ ކަމުގެ ޔަޤީންކަން ހޯދުމަށްޓަކައެވެ. ގަޑިއާއި ވަގުތު ވަޒަންކޮށް ބަރާބަރަށް ކަންކަން ނިންމައިލުމަށްޓަކައެވެ. 

ރީތި އެއްޗިއްސަށް ބަލަނީ އެ ފަދަ އެއްޗެއް އުފައްދާކަށް ނޫނެވެ.

ކިޔާފައިވާ ޢަދަދު: 4142
ޢަބްދުލްޢަޒީޒު ޖަމާލު އަބޫބަކުރު
މާލޭ ޢީދުމިސްކިތް ބީނާކުރެއްވި ކަމަށް ވަނީ މުޢީނުއްދީނު ރަސްކަމުގައެވެ. އެއީ އެ ޒަމާނަށް ބަލާ އިރު ބޮޑު ރީތި މިސްކިތެކެވެ. އެ ޒަމާނަކު އެކަންޏެއް ނޫނެވެ. މިހާރު ވެސް އެ މިސްކިތަކީ މަސައްކަތްތެރިކަމުގެ ގޮތުން އާދަޔާ ޚިލާފު މޮޅު ބިނާ އެކެވެ. އެހެންވީ އިރު، އެ ޒަމާނުގައި އެ މިސްކިތުގެ ރީކަން ދެކެން ބޭނުންނުވާނީ ކާކުތޯއެވެ؟

ހަމައެކަނި ވިދާޅުވެލެއްވުމަށް. . . . (75)

ކިޔާފައިވާ ޢަދަދު: 1711

ހަމައެކަނި ވިދާޅުވެލެއްވުމަށް. . . . (75)

އިއްތެޅި ބިއްތެޅި

މާރަންދޫ ސޭކުކަލޭފާނު، އެއް ދުވަހަކު ޢީދު މިސްކިތުގައި އިންނަވައިގެން އަވަސް އަވަހަށް އިނގިލި ބިންދަބިންދައިފައި (އިއްތެޅި ބިއްތެޅި) މިހެން ކިޔުއްވަނިކޮށް ބަޔަކު މީހުނާ ދިމާވި އެވެ. ފެއިބެންނެވީމާ އެ މީހުން ބުނެފޫއެވެ. ބަލަ ސޭކު ކަލޭފާނު މާ އަވަސް އަވަހަށް ކޮން އެއްޗެއް ކިޔުއްވާ ދުވަހެއްތޯ އެވެ؟

އަންހެނުންނަށް ކުރާ އަނިޔާ ހުއްޓުވުމުގެ ބައިނަލްއަޤުވާމީ ދުވަސް

ކިޔާފައިވާ ޢަދަދު: 4812

ޢަބްދުލްޢަޒީޒު ޖަމާލު އަބޫބަކުރު
އިއްޔެއަކީ އެ ދުވަހެވެ. ގިނަ މީޑިއަމްތަކުން އިވުނު ގޮތުގައި އަންހެނުންނާ ދެކޮޅަށް ކުރާ އަނިޔާ ހުއްޓުވުމުގެ ދުވަހެވެ. ޚަބަރުތަކުން މި އަޑު އިވުމުން އަޅުގަނޑަށް ވެސް ކުޑަ ހުއްޓުމެއް އައެވެ. މި އުޅެނީ އަންހެނުންނާ ދެކޮޅަށް ކުރާ އަނިޔާ ހުއްޓުވަންތޯ، ނުވަތަ އަންހެނުންނަށް ކުރާ އަނިޔާ ނައްތައިލާން މަސައްކަތްކުރަންތޯ ސުވާލު އުފެދުނެވެ.

އަޅުގަނޑުގެ ވިސްނުން ކޮށީކަމަށް ވުމަކީ ހަމަ ވަރަށް އެކަށީގެންވާ ކަމެކެވެ. އެހެންވެ މި ނަމާ މެދު އަންހެން ބޭފުޅުންގެ ޚިޔާލު ވެސް ބަލައިލީމެވެ. ގިނަ ބޭފުޅުން ވިދާޅުވާ ގޮތުން ނަމަ، އެ ބޭފުޅުންނަށް ރަނގަޅީ “އަންހެނުންނާ ދެކޮޅަށް ކުރެވޭ އަނިޔާ”އޭ ލިޔުމަށް ވުރެ “އަންހެނުންނަށް ކުރާ އަނިޔާއާ ދެކޮޅަށޭ” ލިޔުނިއްޔާއެވެ. އަޅުގަނޑުގެ ސުވާލަށް ޖަވާބުދެއްވި ބޭބޭފުޅުންނަށް ޝުކުރު ދަންނަވަމެވެ.