އޭރުގެ ފަތްފުށްތަކުން…. (69)

ކިޔާފައިވާ ޢަދަދު: 2271

کستوربا گاندھی

الفاضل عبدالمجيد ماھر

އަލްފާޟިލް ޢަބްދުލްމަޖީދު މާހިރަކީ، މި ފަންނުގައި ގިނަ ބޭފުޅުންނަށް އެނގިވަޑައި ނުގަންނަވާ ބޭފުޅަކަށް ވެދާނެއެވެ. ނަމަވެސް އޭނާއަކީ ވެސް ލިޔުންތެރިޔެކެވެ. ތަފާތު މައުޟޫޢުތަކަށް ލިޔުއްވައިފައިވެއެވެ. ދިވެހިބޭސްވެރިކަމާބެހޭ ފޮތެއް ވެސް ވަނީ ލިޔުއްވައިފައެވެ.

އަލްފާޟިލް ޢަބްދުލްމަޖީދު މާހިރަކީ، ސަރުކާރުގެ މުހިންމު މަގާމުތަކެއް ފުރުއްވާފައިވާ ބޭފުޅެއްވެސް މެއެވެ. އެ މަގާމުތަކުގެތެރޭގައި މުނިސިޕަލްޓީގެ ރައީސް ކަމާއި ޕޯސްޓް މާސްޓަރކަމާއި މޯލްޑިވްސް ވޯޓަރ އެންޑް ސެނިޓޭޝަން އޮތޯރިޓީގެ މެނޭޖަރކަމާއި މިނިސްޓްރީ އޮފް ފިޝަރީޒް އެންޑް އެގްރިކަލްގެ ސީނިއަރ އަންޑަރ ސެކްރެޓަރީކަންފަދަ މަގާމުތައް ހިމެނެއެވެ.

އަންހެނެއްބާއެވެ؟ ނުވަތަ މިނިކާވަގެއްބާއެވެ؟ (1)

ކިޔާފައިވާ ޢަދަދު: 7317
ލިޔުއްވީ: ފްރޭންކް ސްޓޮކްޓަން
ތަރުޖަމާ: އަޙްމަދް ސަމީރު ޢަލީ

މާ އިހު ޒަމާނެއްގައި، ވަރަށް ނާތަހުޒީބު ރަސްކަލަކު އުޅުއްވިއެވެ. މި ރަސްގެފާނު ރަސްކަންކުރައްވާ ރަށުގެ ވަށައިގެންވާ ރަށްތަކަކީ ނިސްބަތުން ވަރަށް ތަހުޒީބު ބައެކެވެ. މިހެންވެ މި ރަސްގެފާނުގެ ބައެއް ވިސްނުންފުޅު ތަކުގައި ކުޑަ ތަހުޒީބު ކަމެއް ހުރިނަމަވެސް މި ރަސްގެފާނާއި ގުޅުންހުރި ކަންކަމުގެ ބޮޑު ބަޔަކީ ނާތަހުޒީބު ކަންކަމޭ ބުނުމަކީ ދޮގެއްނޫނެވެ. މި ރަސްގެފާނުގެ ޚިޔާލު ފުޅަކީވެސް އިސްރާފެވެ. ކުރައްވާ ކޮންމެ ކަމަކީވެސް ކުރަން ހެޔޮނުވާވަރުގެ ބޮޑެތި ކަންތަކެވެ! ޚުދުމުޚްތާރު ރަސްކަލަކަށްވީތީ އޭނާ ބޭނުންފުޅު ޚިޔާލެއް ހަގީގަތަކަށް ހައްދަވަން ކުރައްވަން ޖެހިވަޑައިގަންނަވާ ހަމަ އެކަނި ކަމަކީ ފުއްޓައްކެތް ޖައްސަވައިލެއްވުމެވެ! އެކަމެއް ވަރަށް އަވަހަށް ހަގީގަތަކަށް ބަދަލުކޮށްލާނެ މީހުން ގަނޑުވަރުގައި އަބަދުވެސް ތިބެއެވެ!

އާ ފެށުމެއް

ކިޔާފައިވާ ޢަދަދު: 3670
ޢަބްދުﷲ ޞާދިޤު
ރީތި ކުލަކުލަޔަށް ނުބަލަމާ! މީހުނަށް އިސްކަން ދެމާ!
                     ރީތިކޮށް އިހު އުޅުނުހެން އުޅެގެން ހިނގާ ކުރިއަށް ދަމާ!
ހީނލަމުން ހިނިތުންވަމުން ފެނުމުން ސަލާންކޮށް އަނެކަކާ
                     މީ ދިވެހި ޤައުމުގެ ދަރިންނޭ  ހީކުރާ  ބަޔަކަށް  ވަމާ!

އަލަށް އުފެދޭ ލަފުޒުތައް (4)

ކިޔާފައިވާ ޢަދަދު: 2601
ލިޔުންތެރީންގެ ގުޅުން
(4 މާރޗް 2014 (ހުކުރު) ގުޅޭ)

ޢާއްމުކޮށް ބޭނުންކުރަންޖެހޭ ބިދޭސީ ބައެއް ލަފުޒުތަކުގެ ބަދަލުގައި ބޭނުންކުރާނެ ދިވެހި ލަފުޒު އުފައްދައި ބޭނުންކުރުމަކީ ބަހަށް ލިބޭ ކުރިއެރުމެއްކަން ކަށަވަރެވެ. ނަމަވެސް މި މަސައްކަތް ކާމިޔާބުވާނީ ދިވެހި ލިޔުންތެރީންނާއި މީޑިއާއިން މިފަދަ ލަފުޒުތައް ޢާއްމު ގޮތެއްގައި ބޭނުން ކުރަންޏާއެވެ.
 

އިލާހީ ލަޤަބު

ކިޔާފައިވާ ޢަދަދު: 2361
ސަޢީދު ޢަލީ ފުޅު، ބ.ދަރަވަންދޫ
އާދަމް ޞަފިއްޔުﷲ އަކީ  އާދަމް  ދަރިންގެ   ބަފާކަލުން.
              އާދަވެ މި އިންސާނުން  އުޅޭ ބިމުގައިމެ ލެއްވި  ބަފާކަލުން.

އާދަމްގެފާނުގެ  ހަށިކޮޅުން  ހައްވާގެ ފާނުގެ   އުފައްދަވައި،
             އާދަމްގެ ދަރިފަސްކޮޅު އުފެއްދެވި އަޞްލަކީތޯ؟ ދެކަނބަލުން

އިންސާނިޔަތު ފެށިގެންއައީ ދުނިޔޭގެ ބިމުގައި ޔާރުނޭ،
             އިންޞާފުވެރިކޮށް  ދިރިއުޅެން  އާބާދު  ވީތީ  ދެކަނބަލުން

ހަމައެކަނި ވިދާޅުވެލެއްވުމަށް….(49)

ކިޔާފައިވާ ޢަދަދު: 1848

އަލަށް ފޮޅޭ މާތަކަށް، ދުވަސްވީ ގަސްތަކުގެ ދުވަހުގައި ފޮޅުނު މާތަކުގެ خبرނޭނގި ހިނގައިދާނެއެވެ.

އެހެނަސް…. ބިންގަނޑު އެ ކަންކަން ހަނދާނެއް ނުނެތޭނެއެވެ.

السّيّد ملمގޭ ދޮންސީދީ

އޭނާއަކީ އެންމެ ފުރަތަމަ ތުއްޕުޅުއިރުވެސް މަސްވެރިކަމަށް ފަންޑިތަ ހައްދަވައިދެއްވަން އުޅުއްވި ބޭފުޅެކެވެ. އޭނާގެ دورދެން ބަދަލުވީ ކުލަގަދަ قومى خدمۃތަކެއްގެ ރަން دورއަކަށެވެ. އެدورގެ ދިގުމުއްދަތުގެ އަހަރުތައް خدمۃ ގެ ކުލަތަކުން ފުރާލެއްވުމަށްފަހު عمرފުޅުން ދުވަސްވެ މުސްކުޅިފުޅުވުމަށްފަހު ސަރުކާރުގެ ދީލަތި އެހީފުޅުގެ ދަށުގައި މިހާރު ވެސް އޭނާއަކީ دولۃގެخدمۃގެ ލިސްޓްގައިވާ قدرވެރި ބޭފުޅެކެވެ. މިހާރު އަނެއްކައިވެސް އޭނާގެ މަސައްކަތްޕުޅަކީ އިހުފަދައިން ފަންޑިތަ ހެއްދެވުމެވެ. މަސްވެރިކަމަށާއި އެނޫންވެސް ކަންކަމަށެވެ.

ކާކު ބުނެގެން ތިޔަ އައީ؟

ކިޔާފައިވާ ޢަދަދު: 3969
ޢަބްދުއްރަޝީދު ޙުސައިން

ކާކުބުނެގެން ތިޔައައީ، މިހިތަކު   ޖަހާ ވިންދެއް  ނެތޭ
          ތާކުއޮތް  ގަބުރެއް  ބަލަންނަމަ، އާނ،މަ އަދިވެސް އެބައޮތޭ

ހާދަމީހަކު  ހާދަފަހަރަކު   ބުނެކިޔައިގެންވެސް  ދެކެން،
          ނާދެވުނު  މީހަކު ދެނެއް   ރޯކަށް  އުޅޭނެ   ކަމެއް ނެތޭ

ސިޔާސަތަކީ ދީނުގެ އެއް ބައެވެ.

ކިޔާފައިވާ ޢަދަދު: 5653
ޢަބްދުލްޢަޒީޒު ޖަމާލު އަބޫބަކުރު (މާވަށު އަޒީ)
ދީނަކީ  ކަންތައް  ކުރަންވީ  ގޮތް  އެނގޭނޭ ހަމަތަކޭ
                 ދީ ނަތީޖާ  ހެޔޮމަގަށް  ކުރިޔަށް  ހިނގަންވީ  މަގުތަކޭ

އަޅުކަމާ މަތިވެރިވި  އަޚުލާޤާ ޢަޤީދާއާ  “ގުޅުން”
                 އަޅުތަކުންނަށް  އަންގަވައި  ނާޒިލްކުރެއްވެވި  ގޮތްތަކޭ

ވެރިކަމާ ބާރާ  ނަހީއާ  އަމުރުތައް  ޝާމިލުވެގެން
                 ވެރިކަމާއި  ސިޔާސަތާ  ދައުލަތް   ގުޅައިދޭ   ބާރެކޭ

ހަލާކުވެފައިވާ ހިތެއްގައި އެހެން ލޯތްބެއް (20)

ކިޔާފައިވާ ޢަދަދު: 3564
ޢަލީ ޝަރީފު، ހ. ފިލިގަސްދޮށުގެ
(28 މާރޗް 2014 (ހުކުރު) ދުވަހު ޝާއިޢުކުރި ބަޔާ ގުޅޭ)

ޑިކް އަށް ވެސް ހަލާކުވެފައިވާ ކާރުގެ ތެރެއިން ނުކުމެވުނީ ހަމަ ކިރިޔާއެވެ. އޭނާގެ ގައިގައި ދެތިން ތަން ވަރަށް ފުންކޮށް ކެނޑިފައި ހުރުން ނޫނީ ލިބުނު އެއްވެސް އަނިޔާއެއް ނެތެވެ. އެކަން ދިމާވީ، ޙައިރާންވާ ފަދަ ގޮތަކަށެވެ. މިހާރު ޑިކް ހޮސްޕިޓަލުން ނުކުމެ އެތާގެ ހޮޓަލަކަށް ބަދަލުވެއްޖެއެވެ. ހިޔުގެ ޙާލު ނުރައްކާތެރި ދަރަޖައިން ސަލާމަތް ވަންދެން އޭނާ ޤަސްދުކުރީ ހޮޓަލުގައި ހުރުމަށެވެ.

ސާހިބާ (8)

ކިޔާފައިވާ ޢަދަދު: 4036
ފާޠިމަތު ނަހުލާ
(24 މާރޗް 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

“ކޮންކަމެއް….؟ ތީ ފިޔާޒާއަށް ހީވާގޮތް…..” އަވަސް އަވަހަށް ޝަހުދު ބުންޏެވެ.
“ތީ ދޮގު!” ފިޔާޒާ ޔަޤީންކަމާއެއެކު ބުންޏެވެ.
“އަހަރެން….ކޮންކަމެއް ސިއްރުކުރަނީ؟ ފިޔާޒާއަށް ހުރިހާ އެއްޗެއް މިކިޔާދެނީއެއްނު؟” ޝަހުދު ފިޔާޒާގެ ކޮލުގައި އިނގިލިތައް ކާއްތާލަމުން ބުންޏެވެ.