ސަރާ (52)

ކިޔާފައިވާ ޢަދަދު: 6041
މޫސާ ޞާޢިދު
(8 ސެޕްޓެމްބަރ 2013 (އާދީއްތަ) ދުވަހު    ޝާއިޢުކުރި ބަޔާ ގުޅޭ)

ނަޝާ ގެއަށްއައިސް ވަނީ އެވަގުތުއެވެ. އޭނާ ސަރާއާ ދިމާއަށް ބަލައިވެސް ނުލައި ގޮސް ސޯފާގައި އިށީނެވެ.
   
“ނަޝާ…ކިހިނެއް؟” ސަރާ ނަޝާއަށް ގޮވާލިއެވެ. ނަޝާ ސަރާއާ ދިމާއަށް ބަލައިވެސް ނުލިއެވެ. އޭނާ އަނގަޔަށް ވައްތަރެއް ޖައްސާލުމަށްފަހު، އަނެއް ފަރާތަށް އެނބުރުނެވެ.
   
“ނަޝާ ކީއްވެތަ ފަހަރިއާ އަނގައިން ނުބުނެ ތިހުރީ. ކޮންކަމަކާތަ ރުޅިއައިސްފައި ތިހުރީ؟”  ޒާހިދާ ނަޝާގެ މޫނަށް ބަލަން ހުރެފައި އެއްސެވެ.

“އިނބަ”ގެ ޙަޤީޤަތަކީ ކޮބާ؟

ކިޔާފައިވާ ޢަދަދު: 8933

ހައްދުންމަތީ ބަހުރުވައިގެ ޚާއްޞިއްޔަތުގެތެރެއިން

“އިނބަ”ގެ ޙަޤީޤަތަކީ ކޮބާ؟

ޢަބުދުލްޢަޒީޒު ޖަމާލު އަބޫބަކުރު (މާޒީ)

އަޅުގަނޑުމެންގެ ފަޚުރުވެރި ދިވެހިބަހަކީވެސް އެހެން ބަސްބަހުގެ ޠަބީޢަތާ އެއްގޮތަށް ހެދި ބޮޑުވަމުން ތަރައްޤީވަމުން އަންނަ ބަހެކެވެ. އަދި މިބަހުން ވާހަކަދައްކާ މުޖުތަމަޢެއް ދިރިއުޅޭ ތަނަކާއި ޙާލަތަކާއި އެ ބަޔެއްގެ ފެންވަރާ ގުޅިގެން އެކި ސަރަޙައްދުތަކުގައި ވެސް ތަފާތުތަކެއް ހުންނަ ބަހެކެވެ. ޖުޣުރާފީގޮތުން އެ މުޖްތަމައެއް ދިރިއުޅޭ ތަނަކާއި ދަތުރުފަތުރާއި މުޢާމަލާތުގެ ދުރު ގާތްމިނާއި ތަޢުލީމީ ފެންވަރުގެ ސަބަބުން މި ތަފާތު ބޮޑުވެ ކުޑަވުމަށް މަގުފަހިވަމުން އަންނަ ބަހެކެވެ. މިއީ ދުނިޔޭގެ ހުރިހައި ބަހެއްގެ ވެސް ޠަބީޢަތެވެ. މި ދެންނެވި ތަފާތަށް އަދަބިއްޔާތުގެ ޢިލްމުވެރީން ނުވަތަ ބަސްވާރުން ދީފައިވާ ނަމަކީ ‘ބަހުރުވަ’އެވެ.

ވަޢުދަށް ތެދުވެރިވުން

ކިޔާފައިވާ ޢަދަދު: 5275
ޢަބްދުﷲ ޞާދިޤު
މުޣަލް އެމްޕަޔަރުގެ ރަސްކަލެއް ކަމުގައިވާ އަކުބަރުގެ ރަސްކަމުގެ ދުވަސްވަރު ރާޖުޕޫތު ސަރުދާރަކު ސަރުކާރާ ދެކޮޅުވެރިވެއްޖެއެވެ. އޭނާ ރައްޓެހިންކޮޅަކާއެކު ޖަންގައްޔަށްވަދެ ފިލައި ރައްކާވެއްޖެއެވެ. ރަސްގެފާނު އޭނާ ހިފައި ހައްޔަރުކުރައްވަން އުޅުއްވަ އުޅުއްވާވެސް އޭނާ އަތުލެއްވޭ ގޮތެއް ނުވިއެވެ. ރަސްގެފާނު ވަރަށްބޮޑަށް މަސައްކަތް ކުރައްވާވެސް ވެވަޑައިގަތީ ނާކާމިޔާބެވެ. ދެން ރަސްގެފާނު އިޢުލާނު ކުރެއްވިއެވެ. އެ ބާޣީ ސަރުދާރު ހައްޔަރުކޮށްގެން ގެނެސްދިން ކޮންމެ މީހަކަށް ހިތްފުރެންދެން އިނާމުދެއްވާނަމެވެ.

ބަސް ދަބަސް

ކިޔާފައިވާ ޢަދަދު: 5670

މަޑަވެލީ އަލީ ނަސީރު
ކުޑަވެސް ޝައްކެއް ނެތެވެ. ބަހަކީ، ދިރުން ލިބިގެންވާ އެއްޗެކެވެ. އެހެންނަމަވެސް ބަހަށް ލިބިފައިވާ ދިރުމަކީ، އިންސާނުންނާއި، ޖިންނިޝައިޠާނުންނާއި، މާމެލާމެއްޔާއި، ގަސްގަހާގެއްސާއި، މަސްމަހާމެއްސާއި، މިނޫނަސް މިފަދަ ތަކެއްޗަށް ލިބިފައިވާފަދަ އާދެ! ހެލިފެލިވެ، އުފެދިބޮޑުވެ، ނުވަތަ ޙަރަކާތްކުރުން ފަދަ ދިރުމެއް ނޫނެވެ. ބަހަށް ލިބިފައިވާ ދިރުމަކީ، ތަރައްޤީ އާއި، ކުރިއެރުމާއި، ބުރުސޫރަ އާއި، އޮމާންކަމާއި، އަޑުމަޚްރަޖަ އާއި، ޒަމާނާއި އެއްގޮތަށް އަންނަމުންދާ ބަދަލުތަކާއި، އަޚްލާޤިއްޔާތާއި އާއި، އަދަބިއްޔާތުގެ ސިފަތަކެވެ.

ގެންގެރުމާއި ގެންގަރުން

ކިޔާފައިވާ ޢަދަދު: 8920

ހައްދުންމަތީ ބަހުރުވައިގެ ޚާއްޞިއްޔަތުގެ ތެރެއިން:

ގެންގެރުމާއި ގެންގަރުން

ޢަބްދުލްޢަޒީޒު ޖަމާލު އަބޫބަކުރު

ދިވެހިބަހުގެ ކޮންމެ ބަހުރުވައަކީވެސް ވަކި ޚާއްއްޞިއްޔަތެއް އޮންނަ ބަހުރުވައެކެވެ. ބަހުގެ މުއްސަނދިކަން ދެނެގަތުމަށްޓަކައި އެކި ބަހުރުވަތަކުގެ ޚާއްޞިއްޔަތުތައް ދެނެގަތުން ވަރަށް މުހިއްމެވެ. ބަހުރުވައިގެ ހަމަތަކާއި އުޞޫލުތައް ދިރާސާކުރުމަކީ ދިވެހިބަހުގެ ކިތަންމެ ޙަޤީޤަތްތަކެއް ދެނެގަނެވޭނެ ކަމެކެވެ.

ފަހަރަކު ހަރުފަތަކަށް އަރާށެވެ.

ކިޔާފައިވާ ޢަދަދު: 5543

އެތަނާއި މިތަނުން

ކުދިވާހަކަ (14)

ފަހަރަކު ހަރުފަތަކަށް އަރާށެވެ!.


ޢައްބާސް އިބްރާހީމް

އަޅުކަމުގެ ދަތުރެއްގައި ފަރުބަދައަކަށް އަރަން ދިޔަ މީހެކެވެ. އޭނާގެ ދަތުރުގައި ފަރުބަދައިގެ ކައިރީގައިވާ ރަށަކަށް އާދެވުނީ އެއް ދުވަހެއްގެ އިރުއޮއްސުނުތަނާއެވެ. އޭނާއާ ދިމާވި ބުއްދިވެރި ޢުމުރުން ދުވަސްވެފައިހުރި މީހަކު، އޭނާގެ ދަތުރު ހުއްޓައިނުލައި ކުރިޔަށް ގެންދިޔުމަށް އެހީވެދިނުމުގެ ގޮތުން އޭނާއަށް ބައްތިއެއް ދީފިއެވެ.

ދަތުރުކުރަމުން ދިޔަ މީހާ އޭނާއަށް ޝުކުރުއަދާކުރުމަށްފަހު ބުނެލިއެވެ. “މި ބައްތީގެ އަލި ފޯރަނީ ހަމައެންމެ ދެތިން ހަރުފަތާ ހަމައަށެވެ. މިއަށްވުރެ އަލިގަދަ ބައްތިއެއް ލިބިދާނެތޯއެވެ؟’

އަޅުގަނޑުގެ އަތުން ގާސިޔާއަށް އެ ސިޓީފުޅު ރައްދު ކޮށްދިނުން

ކިޔާފައިވާ ޢަދަދު: 8578
ލިޔުއްވީ: ލެފްޓިނެންޓް އެންޑްރޫ ސަމާޒް ރޯވަން
ތަރުޖަމާ: އަޙްމަދް ސަމީރު ޢަލީ


ލެފްޓިނެންޓް އެންޑްރޫ ސަމާޒްރޯވަންއަކީ، އެމެރިކާގެ އެންމެ މަޝްހޫރު އެއް މިލިޓަރީ ކޮލެޖްގައި (ވެސްޓް ޕޮއިންޓްގައި) ކިޔަވައިވިދާޅުވި ބޭކަލެކެވެ. އަސްކަރީ ދާއިރާގައި ވަރަށް ކުލަގަދަ ބަޠަލެކެވެ. އާންމުންނަށް ލެފްޓިނެންޓް ރޯވަން މަޝްހޫރުވީ، ލިޔުންތެރިޔާ އެލްބަރޓް ހަބަޑް 1899 ގައިލި ޔުއްވި މަޝްހޫރު މަޒުމޫނު، “ގާސިޔާއަށްމެސެޖެއް” ގައި ލެފްޓިނެންޓް ރޯވަންގެ ހުޝިޔާރުކަމާއި އަމުރަށް ކިޔަމަންތެރިވުމާއި، އަމާނާތްތެރިކަމާ ބެހޭ ގޮތުން ލިޔުއްވުމުގެ ސަބަބުންނެވެ.
 

ކަރުނަ ތިކި (4)

ކިޔާފައިވާ ޢަދަދު: 4179
ޙަސަން ނަޖުމީ
(2   ސެޕްޓެމްބަރ 2013 (ހޯމަ) ދުވަހު ޝާއިޢުކުރި ބަޔާ ގުޅޭ)
 
“ނޫހަށް އަރާފާނެތީ ތިބޭފުޅާގެ ސެކެޓްރީ ހާދަ ބިރެއްގަނޭތާ.  އަވަހަށް ކަނޑުގެ ތާޒާވައި ލިބޭ ހިސާބަކަށް އޭނާ ގޮވައިގެން ވަޑައިންނަވަންވީނޫންތޯ؟”
   
މިހާ ހިސާބުން އާދިލާގެ ކެތްތެރިކަން ކޮޅުންލައިފިއެވެ. އޭނާ އެތަނުން ދުރަށް ގޮސް މޫދު ފެންނަ ހިސާބުގައި ހުރި ގަހަކަށް ލެނގިލައިފިއެވެ. އޭނާއަށް މި ހަދާލެވުނު ގޮތުން އަފީފަށް މި ދެވުނީ އިތުރު ފުރުސަތެކޭ އޭނާގެ ހިތަށް އެރީ މާފަހުންނެވެ. އޭނާ އެނބުރި ބަލާލިއިރު މިހުރެވުނީ އަކީ އަދި އެކަންޏެއްވެސް ނޫންކަން އެނގުނެވެ. އޭރު އޭނާގައި ޖެހޭ ހިސާބުކާރީގައި ޝާން ހުންނެވިއެވެ.
 

ޔުނެސްކޯގެ ޑިރެކްޓަރ ޖެނަރަލް އިރީނާ ބޮކޯވާގެ ޚިޠާބު

ކިޔާފައިވާ ޢަދަދު: 8832

 

ލިޔަންކިޔަން ދަތުމުގެ ބައިނަލްއަޤްވާމީ ދުވަސް

ޔުނެސްކޯގެ ޑިރެކްޓަރ ޖެނަރަލް އިރީނާ ބޮކޯވާގެ ޚިޠާބު

ތަރުޖަމާ: އަޙްމަދް ސަމީރު ޢަލީ

މިއަދަކީ ބައިނުލްއަޤުވާމީ ލިޔަންކިޔަން ދަތުމުގެ ދުވަހެވެ. މިއަދުގެ މުނާސަބާ ގައި ދިވެހިރާއްޖޭގެ އެންމެހާ ރައްޔިތުންނަށް ޢާއްމުކޮށް، އަދި ޚާއްޞަކޮށް ‘ލިޔުންތެރިޔާ’ އާއި ‘ލިޔުންތެރީން’ގެ އެންމެހާ މެންބަރުންނަށާއި ކިޔުންތެރީންނަށާއި ލިޔުންތެރީންނަށް ތަހުނިޔާ އާއި މުބާރިކުބާދީ އަރިސްކުރަމެވެ.

ސަރާ (51)

ކިޔާފައިވާ ޢަދަދު: 5680

މޫސާ ޞާޢިދު، މަރަދޫ

(01 ސެޕްޓެމްބަރ 2013 (އާދީއްތަ) ދުވަހު ޝާއިޢުކުރި ބަޔާ ގުޅޭ)
   
“އާނ…މަންމަވެސް ދާނަން. ކީއްވެ ނުދާންވީ؟” ފަހީމާ ބުންޏެވެ.

އެދުވަސް ވެގެންދިޔައީ އެގެއަށް ވަރަށް އުފާވެރިކަން ގެނެސްދިން ދުވަހަކަށެވެ. ޑޮކްޓަރ ޝީކާއަށް މަރްޙަބާ ކިޔުމަށްޓަކައި ގޭގެ ހުރިހާ ނޯކަރުންތައްވެސް ތިބީ ނަލަހެދިލައިގެނެވެ.

“ދަރިފުޅު ޑޮކްޓަރަކަށްވެގެން އަންނާނޭ ދުވަހަކަށް ދައްތަ އިންތިޒާރު ކުރާތާ ވަރަށް ދުވަސްވެއްޖެ. މިއަދު ދައްތަ ވަރަށް އުފާވެއްޖެ.” ފަހީމާ ޝީކާގެ ބޮލުގައި ފިރުމާލިއެވެ.