ނަމާދު

ކިޔާފައިވާ ޢަދަދު: 5002
ޢަބްދުއްރަޝީދު ޙުސައިން
ގަދައަޑުން  އަންނަން  ނަމާދަށް ވަގުތު ޖެހުމުން  އަންގަވާ-
              ފަދަޔަކުން  އެއްވެސް   ޢިބާދަތަކަށް   ގޮވާކަށް  ނާންގަވާ

މާތް  އިލާހީ  ހަޟްރަތަށް ކުއްތަންވި  ހިނދުގައި މާތް ނަބީ
              މާތްވި މިޢުރާޖުން  މިއަޅުކަން  މުއުމިނުންނަށް   ލައްވަވާ

ގުރުއަތު (1)

ކިޔާފައިވާ ޢަދަދު: 7842

ކުރުވާހަކަ

ގުރުއަތު (1)

ޢަބްދުﷲ ނަޢީމު އިބްރާހީމް

މިއީ އޭނާއަށް ވަރަށް ކުރީއްސުރެ އާދަ ވެފައިވާ ކަމެކެވެ.
ވަރަށް ކުރީއްސުރެއެވެ.
ކިހާ ކުރިންއަކުން ފެށިގެން ކަމެއް ޚުދު އޭނާއަކަށްވެސް ނޭނގެއެވެ. އޭނާވަރަށް ކުޑައިރުއްސުރެ ފެށިގެން މިކަން ކުރެއެވެ. ކަމެއް ކުރަންއުޅެ، އެކަމެއް ކުރެވިދާނެ ދެގޮތެއް ކުރިމަތި ވެއްޖެނަމަ ނުވަތަ ކަމެއް ކުރުމުގައި އުދަގޫވުން ފަދަކަމެއް ދިމާވެއްޖެނަމަ އަވަހަށް ކަރުދާހާ ގަލަން ގެނުވައެވެ.

ރޯދަ ހަދިޔާ – (ހަލީސާ – 15)

ކިޔާފައިވާ ޢަދަދު: 4239
ފާޠިމަތު ޒާރާ

އަސްވެސް މޮޔަހެއްދޭނަމަ މުބާރާތް ކާމިޔާބުކުރީމުސް

ތާސްކުޅެން ތިބި ދެ ރައްޓެހިންނެވެ. އެތަނުން އެކަކު ބުންޏެވެ. “ކަލެއާއެކު ތާސް ކުޅޭއިރު އަހަރެން އަބަދު ދަށްވަނީ ކީއްވެގެންކަމެއް އަހަންނަކަށް ހަމަ އުޅެއުޅެ ނުވިސްނުނު. އެކަމަކު އަސް ދުއްވުމުގެ މުބާރާތުގައި ކަލޭ އަހަރެންގެ އަތުން ދަށްވޭ”
އަނެއް މީހާ ބުންޏެވެ. “އަސްލު ވާގޮތަކީ، އަހަންނަށް އަސް މޮޔަހައްދާނެ ގޮތެއް ނޭނގެނީ”

ދެއްވި ރަން ފުރުޞަތަށް ޓަކައި ރޯދަމަހަށް ޝުކުރިއްޔާ!

ކިޔާފައިވާ ޢަދަދު: 7074
ޢަބްދުލްޢަޒީޒު ޖަމާލު އަބޫބަކުރު
ހާދަހާ ހެޔޮފުޅޭ ދެއްވި ރަން ފުރުޞަތަށް
       އާދަކޮށް ކޮންމެ އަހަރަކު ތިހެން ދަރުމައަށް
             މާދަމާއަށް ޓަކައި ދަރުމަ ގިނަކޮށްލުމަށް
                     ހާދަ ދީލަތި ކަމެއް  ދެއްވަނީ  އުންމަތަށް

ދަންނަވައިލަން އޮތީ މަރުޙަބާއޭ  ދުލުން
       ދަންނަ ހެޔޮހާ ބަހުން ޢަމަލުތައް ގުޅުވަމުން
             އަންނަހާ މައްސަރުން ރަސްމަހަށްވީކަމުން
                     ޖަންނަތަށް ދާނެ މަގު ދައްކަވައި އުންމަތަށް

ދިހަ ޑޮލަރު

ކިޔާފައިވާ ޢަދަދު: 7921

ކުރުވާހަކަ

ދިހަ ޑޮލަރު

ތަރުޖަމާ: ޢަބްދުﷲ ނަޢީމު އިބްރާހީމް

ޑިއަރ ޖެކް ޓަރނަރ

އަހަރެމެން ދެ މީހުންނަށް ބައްދަލު ވެވުނީ މީގެ އެތައް އަހަރެއް ކުރީން ރަޙްމަތްތެރިއަކު ބޭއްވި ޕާޓީއެއްގައެވެ. އެ ޕާޓީގައި އަހަރެން އާދަޔާ ޚިލާފަށް ގިނައިން ރާ ބުއި ކަން ހަނދާން ހުންނާނެއެވެ. ބޮއިގެން ހުރުމުގެ ސަބަުން އަހަންނަށް އެނބުރި ގެއަށް ދާން ޖެހުނީ ޓެކްސީ އެއްގައެވެ. ޓެކްސީ އަށް ދޭން ޖެކް ގެ އަތުން ދިހަ ޑޮލަރު ހޯދި ހަނދާން އަހަރެންނަށް ވީ މީގެ ހައެއްކަ ދުވަސް ކުރިންނެވެ. އަހަރެން މި ސިޓީ ލިޔަން ޖެހުނު ޙަޤީޤީ ސަބަބަކީ އެއީ އެވެ. މި ސިޓީ އާ އެކު ދިހަ ޑޮލަރު ފޮނުވީމެވެ. ދަރަންޏަށް ދިހަ ޑޮލަރު ދިން ކަމަށް ޓަކައި ޝުކުރު ދަންނަވަމެވެ.

ރޯދަ ހަދިޔާ – (ހަލީސާ – 14)

ކިޔާފައިވާ ޢަދަދު: 4012
ފާޠިމަތު ޒާރާ

ކިޔެވިނަމަ މިފަހަރުގެ ހުރިހާ މަސައްކަތެއް ވީހީ ބޭކާރު

ދަރިފުޅު ސްކޫލު އިމްތިޙާނުގައި ފެއިލްވުމުން ބައްޕަ ދަރިފުޅާ ވާހަކަ ދައްކަމުން ބުންޏެވެ. “ދެރަނުވޭ ދަރިފުޅާ. މިއީ ތަޤުދީރުގައި ހުރި ގޮތް. ދަރިފުޅުގެ ތަޤުދީރުގައި ލިޔެވިފައިއޮތީ މިއިމްތިޙާނުން ފެއިލްވާން. އެހެންވީމަ ފެއިލްވީ.”
މި އަޑުއަހާފައި ދަރިފުޅު ބުންޏެވެ. “އެހެންވީއިރު ތިޔަވީ ވަރަށް ރަނގަޅަށް. ހަމަ ނަޞީބެއް ބައްޕާ، އަހަރެން މިފަހަރު އިމްތިޙާނުން ފާސްވާން އެހާ މަސައްކަތެއް ނުކުރަން. އެހެންނަމަ ހުރިހާ މަސައްކަތެއް ދިޔައީހީ ފެނަށް.”

ރޯދައިގެ އަރަތް

ކިޔާފައިވާ ޢަދަދު: 6155
ކަނީރު ޢަބްދުއްރަޙީމް (ކަނީރު)
ހާރުކައިގެން ދޭއް ނުޖަހަނީސް ދެމަފިރިންމެ ނިދައިފިއޭ
            ބާރުލައިގެން ހޭލެވުނު އިރު  އަސުރު ބަންގި ގޮވައިފިއޭ
ފެންވަރައިގެން އައިސަގޮސް ބަދިގޭގޭ އާލަތްކޮށްފިއޭ
            ދޮން އަހަންމަދު ގޮސް ފިހާރައިން މޮޅުރިހާކުރު ގަނެފިއޭ

ހުއްދަ (3)

ކިޔާފައިވާ ޢަދަދު: 7868
 
ކުރުވާހަކަ

ހުއްދަ (3)

ތަރުޖަމާ: ޢަބްދުﷲ ނަޢީމު އިބްރާހީމް
(20 ޖުލައި 2013 ދުވަހު ޝާއިޢުކުރި ބަޔާ ގުޅޭ)
“ޒުބައިދާ- މިތާނގައި… މި އޮފީހުގައި ކީއްކުރަނީ…؟” ރިޒާ ސުވާލު ކޮށްލިއެވެ.
“އަހަރެން އަނެއްކާވެސް މި ރަށަށް އައީ- ގޭގެ ޙާލަތު މިހާރު ހުރި ގޮތުން ވަޒީފާއެއް އަދާ ކުރަން މަޖުބޫރުވީ- ނުކައެއް ނޫޅެވޭނެއެއްނު ދޯ-؟”
“ޒުބައިދާއާ ބައްދަލުވީތީ ވަރަށް އުފާ ވެއްޖެ- ވަގުތެއް ވެއްޖެއްޔާ ގެއަށް ޖައްސައިލާތި-“

ރޯދައަށް ތައްޔާރުވުން

ކިޔާފައިވާ ޢަދަދު: 2910
 
ކުޑައިރުގެ ހަނދާންތައް(1)

ރޯދައަށް ތައްޔާރުވުން

އަޙްމަދު ޝިޔާމް

ކުޑައިރުގެ ހަނދާންތަކަކީ ފަސޭހައިން ފޮހެވޭނޭ ހަނދާންތަކެއް ނޫނެވެ. އަޅުގަނޑުގެ ޢުމުރުން 8 އަހަރުން ފެށިގެން ގޭތެރޭގައި ކުރަންޖެހޭ މަސައްކަތްތައް ކުރުމުގައި އަވަދިނެތި އުޅުނީމެވެ. އޭރުގެ ދިރިއުޅުން ބައްޓަންވެފައި އޮތް ގޮތުން މިހާރުގެ ކުޑަކުދިން ކުރަން ނުޖެހޭ ކިތަންމެ މަސައްކަތެއް އޭރު އަޅުގަނޑުމެން ކުރަންޖެހެއެވެ.

ރޯދަ ހަދިޔާ – (ހަލީސާ – 13)

ކިޔާފައިވާ ޢަދަދު: 4047
 
ފާޠިމަތު ޒާރާ

ވާރޭވެހޭތޯ ދުޢާކޮށްކޮށް އިނުމަކީ އަޅެ ކުޑަކަމެއްތަ؟

ކަންނެތްކަމަށް ރަށުތެރެއިން އެންމެ ހޮވާލެވޭ މީހާގެ ގޭގައި ރޯވެ އަނދާ ހުލިވަނީއެވެ. އެކަމަކު މިމީހާ މަގުގެ އަނެއް ފަރާތުގައި ބިންމަތީގައި ހަމަޖެހިލައިގެން އިނީއެވެ. މިކަމާ ޙައިރާންވެގެން މީހަކު މީނާއާ ސުވާލުކުރިއެވެ. “ބަލަ އަލިފާން ނިއްވަން ނޫޅެ މަޑުމަޑުން ތިޔަ އިންނަނީ ކީއްވެގެންތަ؟” ގޭގެ ވެރިމީހާ ޖަވާބު ދިނެވެ. “އަޖައިބުވެދާނެއެއްނު! މަ މިއިނީ މަޑުމަޑުންތަ؟ މިއޮތްހުރިހާއިރު މަ މިއިންނަނީ ވާރޭވެހޭތޯ ދުޢާކޮށްކޮށް”

ނަމުގެ މާނަ

ފުރާވަރުގެ އަންހެން ކުއްޖެކެވެ. އެއްދުވަހަކު މި އަންހެން ކުއްޖާ އޭނާގެ މަންމަ ގާތު އެއްސެވެ. “މަންމާ، އަހަރެންގެ ނަމުގެ މާނައަކީ ކޮބާތަ؟”

މަންމަ ވަރަށް ގަޔާވެލާފައި ބުންޏެވެ. “ދަރިފުޅާ، ޢަރަބި ބަހުން ދަރިފުޅުގެ ނަމުގެ މާނައަކީ “ޑްރީމް” (ހުވަފެން)”
އެ ކުއްޖާ މޫނުކުނިކޮށްލާފައި ބުންޏެވެ. “ޑްރީމޭ؟! އެކަމަކު ދެން މަންމާ. ސައިކަލެއްގެ ނަމެއް ނޫނީ ނޭނގުނީތަ މަށަށް ކިޔަން؟”

————————–