ބަނޑުވައްއަކުރު އެއްގޮތް ކުރުން (6)

ކިޔާފައިވާ ޢަދަދު: 3792
Share on FacebookTweet about this on TwitterShare on LinkedInShare on Google+Email this to someonePrint this page
މުޙަންމަދު ޝާހިދު ޙަލީމް

(29 ޖެނުއަރީ 2013 (އަންގާރަ) ގުޅޭ)

7- ޅެމުގެ ހުރިހައި ބައިތެއްގެ ވަކި ކާފިޔާއެއްގެ ބަނޑުވައްއަކުރު އެއްގޮތްކުރުން

ދިވެހި ޅެމުގެ ބަނޑުވައްއަކުރު އެއްގޮތްކުރުމުގައި، ކޮންމެ ބައިތެއްގެ ބަނޑުވައްއަކުރު އެއްގޮތްކުރުމުގެ ބަދަލުގައި ޅެމުގެ ހުރިހައި ބައިތެއްގެ ވަކި ކާފިޔާއެއްގެ ބަނޑުވައްއަކުރު އެއްގޮތްކުރުމަކީ ވެސް ޅެންވެރީން ކުރާ ކަމެކެވެ. މި ގޮތަށް ބަނޑުވައްއަކުރު އެއްގޮތްކުރަނީ އެއް ލަފުޒެއް ތަކުރާރުކޮށްގެންނެވެ. އެހެންކަމުން މި ގޮތުގައި އެ ކާފިޔާތަކުގެ ބަނޑުވައްއަކުރާ އެކުގައި ފިލިކޯޅި ވެސް ހުންނަނީ އެއްގޮތް ވެފައެވެ. މި ގޮތަށް ބަނޑުވައްއަކުރާއި ފިލިކޯޅި އެއްގޮތްކުރާ ތިން ގޮތެއް އޮވެއެވެ.

މުސްކުޅިޔާގެ ޖަވާބު

ކިޔާފައިވާ ޢަދަދު: 3889
Share on FacebookTweet about this on TwitterShare on LinkedInShare on Google+Email this to someonePrint this page
ތަރުޖަމާ: މުޙައްމަދު މޫސާފުޅު ގ.ވިލަމެންދު
ހަނގުރާމައިގެ ދުވަސްވަރެވެ. ހަނގުރާމައިން ލިބުނު ގެއްލުންތަކުން ޖަރުމަނަށް ކާބޯތަކެތި ވަރަށްދަތިވެއްޖެ އެވެ. އެޑޮލްފް ހިޓްލަރގެ ނާޒީ އޮފިސަރުން، ރަށްތަކާއި އަވަށްތަކަށް އަރައި ކާބޯތަކެތިހުރި މިންވަރު ބަލަމުން ގެންދިޔައެވެ.
މި މަސައްކަތުގައި އުޅުނު ގުރޫޕެއް ކުޑަވަރެއްގެ ރަށަކަށް އެރިއެވެ. މިއީ، އާދަޔާ ޚިލާފަށް ކުކުޅު ގިނަ ރަށެކެވެ. ނާޒީ އޮފިސަރގެ އަމުރަށް ކުކުޅުތަކުގެ ވެރިން އޭނާގެ ގާތަށް ގެނުވިއެވެ. އަދި އެތަނުން އެކަކާ އޭނާ، ސުވާލުކުރެއްވިއެވެ.
“މިއީ، ކަލޭގެ ކުކުޅުތަކެއްތަ؟”

ހުރަސް

ކިޔާފައިވާ ޢަދަދު: 4584
Share on FacebookTweet about this on TwitterShare on LinkedInShare on Google+Email this to someonePrint this page
ޙަސަން ނަޖްމީ
“ބޭރުމީހަކާ ނުގުޅޭތި.” އަހަރެންގެ މަންމަ އަބަދު ބުނާނެއެވެ. “ކަނބުލޯ ތީ ދިވެއްސެއް. އެމީހުންނަކީ ބޭރުމީހުން.  ކޮންމެފަދަ ގޮތެއް ވެސް ހަދާފާނެ.”

އެކަމަކު ދިވެއްސަކާ އަހަރެން ގުޅޭކަށް ވެސް މަންމަ ފުރުޞަތެއް ނުދެއެވެ. އަހަރެންގެ ހަޔާތަށް އެކަކުވެސް ނުގެނެވިގެން އުޅެނީ މަންމަގެ ރުހުން ނުލިބިގެންނެވެ. އަހަރެން މީހަކަށް ފޯނެއް ކޮށްލިޔަސް ވާހަކައެއް ދައްކާލިޔަސް މަންމަ އެކަން އޮޅުންފިލުވާނެއެވެ. އެއީ ކާކުތޯ ބަލާނެއެވެ. އެންމެ ފަހުން މަންމައަށް ކަމުނުގޮސްގެން އެކަންތައް ޖެހެނީ ހުއްޓައިލާށެވެ.

ތެޔޮ ވަޅެއް

ކިޔާފައިވާ ޢަދަދު: 9547
Share on FacebookTweet about this on TwitterShare on LinkedInShare on Google+Email this to someonePrint this page
ޢަބްދުލްޢަޒީޒު ޖަމާލު އަބޫބަކުރު
އޭ ކަނޑާއޭ، ތިޔަ ކަނޑުން  ނެރެދީބަލާށޭ  ތެޔޮވަޅެއް
              ނޭކަށޭނަ ކަމެއް ކަމަށް ނަހަދައި ވަރަށް ބޮޑު ތެޔޮވަޅެއް

އެންމެ ފުނުގައި އަދި އެއަށްވުރެވެސް ފުނަށް ތޮރުފައި ހަދައި-
              ގެން ވިޔަސް، ތެޔޮ ނެގި އެއިން މަންފާކުރާނޭ ތެޔޮވަޅެއް

އަދު  ޒަމާނީ އާލަތާ  ޢިލްމާ ހުނަރު  އެބަ ހުރިކަމުން
              މަދު ނުވާފަދަ މިންވަރެއްގައި ތެޔޮ ނެގޭނޭ  ތެޔޮ ވަޅެއް

ބަނޑުވައްއަކުރު އެއްގޮތް ކުރުން (5)

ކިޔާފައިވާ ޢަދަދު: 4033
Share on FacebookTweet about this on TwitterShare on LinkedInShare on Google+Email this to someonePrint this page
މުޙަންމަދު ޝާހިދު ޙަލީމް

(27 ޖެނުއަރީ 2013(އާދީއްތަ) ގުޅޭ)

6- ގިނަކާފިޔާ ބައިތުގެ ބަނޑުވައްއަކުރާއި ފިލިކޯޅި އެއްގޮތްކުރުން

ދިވެހި ޅެމުގައި އެންމެ އާންމު ވައްތަރަކީ ދެކާފިޔާ ބައިތުގެ ޅެމެވެ. އެހެންނަމަވެސް ބައިތުގައި ދެ ކާފިޔާއަށް ވުރެން ގިނަ ކާފިޔާ އެކުލެވިފައި ވާ ޅެންވެސް ދިވެހި ޅެމުގެ ތެރޭގައި ހުރެއެވެ. މި ފަދަ ގިނަކާފިޔާ ބައިތުގައި ވެސް ބަނޑުވައްއަކުރާއި ފިލިކޯޅި އެއްގޮތްކުރާ ގޮތް، އާންމު ގޮތެއްގައި، ދެކާފިޔާ ބައިތަކާ ތަފާތެއް ނެތެވެ. އެހެންނަމަވެސް ގިނަކާފިޔާ ބައިތުގައި ބަނޑުވައްއަކުރު އެއްގޮތްކުރާ މައިގަނޑު ދެ ގޮތެއް އޮވެއެވެ.

ދަންމަރު (21)

ކިޔާފައިވާ ޢަދަދު: 38541
Share on FacebookTweet about this on TwitterShare on LinkedInShare on Google+Email this to someonePrint this page

ނަސޭޙަތެއް

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމް އިބްރާހީމް
ބެންޖަމިން ފްރޭންކްލިން  (Benjamin Franklin) އަކީ އެމެރިކާގެ މުފައްކިރެކެވެ. އޭނާ އުފަންވެވަޑައިގަތީ، މީލާދީން 1706ވަނަ އަހަރު އެވެ. އަވަހާރަވީ 1790 ވަނަ އަހަރު އެވެ. އޭނާގެ ވިދާޅުވުމެއްގައި ވެއެވެ. “ކާވެނީގެ ކުރީން ތިބާގެ ލޯ ތަންމިނަށް ހުޅުވައިފައި ބަހައްޓާށެވެ. އެކަމަކު ކާވެނީގެ ފަހުން ދެބައިކުޅަ އެއްބަޔަށް  މަރައިލައިގެން ހުންނާށެވެ.”
Keep your eyes wide open before marriage, half shut afterwards.

ބާރަ މަސް

ކިޔާފައިވާ ޢަދަދު: 3330
Share on FacebookTweet about this on TwitterShare on LinkedInShare on Google+Email this to someonePrint this page
ލިޔުނީ: އެލެކްޒެންޑަރ
ތަރުޖަމާ: ޙުސައިން ސިރާޖު ޢުމަރު
އެއްޒަމާނެއްގައި ރަޝިއާގެ (މިހާރުގެ ބެލާރުސްގެ) އަވަށެއްގައި ހުވަފަތް ވެފައިވާ އަންހެނަކު އުޅުނެވެ. އޭނާގެ ތިބެނީ ދެއަންހެން ދަރިންނެވެ. އެއިގެ ތެރެއިން އެއް ކުއްޖަކީ މަރުވެފައިވާ އޭނާގެ ފިރިމީހާއަށް އެހެންބަނޑަކަށް ލިބިފައިވާ ދަރިއެކެވެ. އެއީ އޭނާގެ ދޮންދަރިއެވެ. އަނެއް ކުއްޖަކީ އޭނާގެ ފިރިމީހާއަށް ލިބުނު އޭނާގެ އަމިއްލަ ދަރިފުޅެވެ.   އޭނާ، އޭނާގެ އަމިއްލަ ދަރިފުޅު ހަލީމަ ދެކެ އޭނާ ވަރަށް ބޮޑަށް ލޯބިވެއެވެ. އެކަމަކު ޔަތީމު ވެފައިވާ ދޮންދަރިފުޅު މަރިޔަބު ދެކެ އިންތިހާއަށް އޭނާ ނަފުރަތު ކުރެއެވެ. އެއީ ޔަތީމް މަރިޔަބު ހަލީމައަށް ވުރެ ބަލާލަން ރީތިވެފައި ހިތްހެޔޮ ކަމުން ނެވެ. ހިތްހެޔޮ ކަމަކީ ކުއްޖާގެ ރީތިކަން އެއްހާސް ގުނައަށް ރީތި ކޮށްދޭ ކަމެކޭ ބުނާފަދައިން މަރިޔަބުގެ ރީތިކަން އެހާވެސް ނަލައެވެ. އަދި، އެދެކުދިންގެ ތަފާތު އެހާވެސް ބޮޑެވެ.

ސަރާ (23)

ކިޔާފައިވާ ޢަދަދު: 5547
Share on FacebookTweet about this on TwitterShare on LinkedInShare on Google+Email this to someonePrint this page
މޫސާ ސާޢިދު، މަރަދޫ
(20 ޖެނުއަރީ 2013 (އާދީއްތަ) ގުޅޭ)
އޭނާ އިސްޖަހައިލި އެވެ. ސަރާ ވަރަށް ބޮޑަށް ލަދުގަނެއްޖެކަން އެނގުމުން ނިމާލް އޮފީހަށްދާން ނުކުމެއްޖެއެވެ.

އެއީ ނިޔާޒް ޢިމްރާން ގޮވައިގެން އައިސް އެގޭ ދޮރުމައްޗަށް ހުއްޓުނު ވަގުތެވެ. އޮފީސް ގަޑިޖެހޭތީ ނިމާލް މަޑުވެސްނުކޮށް ދިޔައީއެވެ. ނިޔާޒް ޢިމްރާން ގާތު އެތެރެއަށް ވަންނާށޭ ބުނެފައި އިމްރާންގެ ފަހަތަށް ޖެހިލިއެވެ.

އޭރު ސިޓިންގރޫމްގައި ހުރި ސޯފާއެއްގައި ސަރާ، ގޭގެ މައިދޮރަށް ފުރަގަސްވާގޮތަށް އިށީނދެ އިނެވެ.

ވިސްނައިފި ނަމަ، ދިވެހިން މިހެން ކުރިޔަށް އަރައިދާ ސަބަބަކީ…..

ކިޔާފައިވާ ޢަދަދު: 8276
Share on FacebookTweet about this on TwitterShare on LinkedInShare on Google+Email this to someonePrint this page
ޢަބްދުލްޢަޒީޒު ޖަމާލު އަބޫބަކުރު
ތިޔައީ މި ޤައުމުގެ ރޫޙަކީ، ތިޔައީ  މި  ޤައުމުގެ ދިރުމަކީ
            ތިޔަ ޚިދުމަތުންނޭ ކުރިއަރައި ދިވެހިން މިދާ ބޮޑު  ސިއްރަކީ

އިސްލާމްކަމާ  ތައުޙީދުގައި  ސާބިތުކަމާއެކު  މި  ގޮތުގައި
            ވިސްނައިފި ނަމަ ދިވެހިން މިހެން ކުރިޔަށްއަރައިދާ ސަބަބަކީ

ބަނޑުވައްއަކުރު އެއްގޮތް ކުރުން (4)

ކިޔާފައިވާ ޢަދަދު: 3984
Share on FacebookTweet about this on TwitterShare on LinkedInShare on Google+Email this to someonePrint this page
މުޙަންމަދު ޝާހިދު ޙަލީމް

(26 ޖެނުއަރީ 2013 (ހޮނިހިރު) ގުޅޭ)

5- މުލައަކުރުގެ ފަހަތަށް އަންނަ ހުސްނޫނު

ބައެއް ފަހަރަށް ބައިތުގެ އެއް ކާފިޔާ، މުލައަކުރުގެ ފަހަތަށް ހުސްނޫނު އަންނަ ލަފުޒަކުން ފަށައިފައި އަނެއް ކާފިޔާ، މުލައަކުރުގެ ފަހަތަށް ހުސްނޫނު ނާންނަ ލަފުޒަކުން ފަށައެވެ. އެހެންނަމަވެސް މުލައަކުރުގެ ފަހަތަށް ހުސްނޫނު އައިސްފައިވާ ކާފިޔާގައި ހުސްނޫނާ ޖެހިގެން އޮތް އަކުރު، (އެ ކާފިޔާގެ ދެވަނައަށް އޮތް ފިލިޖެހިފައިވާ އަކުރު) އަނެއް ކާފިޔާގެ ބަނޑުވައްއަކުރާ އެއްގޮތް ނަމަ ބެލެވެނީ ބަނޑުވައްއަކުރު އެއްގޮތް ކަމުގައެވެ. މި ގޮތަށް ބެލެވެނީ ހުސްނޫނަކީ އެ ނޫނުގެ ކުރީގައި އޮތް އަކުރުގެ އަޑާގުޅިފައިވާ، އަޑުގެ ނިޝާނަކަށް ވާތީއެވެ.