މަރުފަލި…!

ކިޔާފައިވާ ޢަދަދު: 3176
ރުޝްދުﷲ އިސްމާޢީލް، ސޯސަންމާގެ، މ.މަޑުއްވަރި

މަދަދު ދޭނަމޭ، ބުނެ – އެހީތެރިވި އިރުގައި
        ޢަދަދު ވެސް ނުވާ ކޫރު –  އެޅުނީ މި ހިތުގައި
ގުނާ ޢަދަދު ނުމެވާ – އުފާތުކުތެރޭގައި
        މުނާސަބަތު  ރޭތައް – ހުވާކޮށް  އެ  ތާނގައި

މަރްޙޫމް ޔޫސުފު ޢަލިފުޅު ގެ ހަނދާނުގައި ….

ކިޔާފައިވާ ޢަދަދު: 5153
 
ޢަބްދުއްރަޝީދު ޙުސައިން
އޮއްސިގެން އިރު ދެޔޭ މޮޅިން ބަޔަކު ބަލަން ތިއްބައި،
                  ރަސްކަމެއް  މޫރިތިކޮށް މުޅި  ދުވާލު  އަލިކޮށްފައި،
ދެމި ހަނދާން ހުންނަ އެތައްޚިދުމަތެއް ތަނަށްދީފައި،
                  ނިމިދެޔޭ  މީސްތަކުން ތިމާގެ ޤައުމު  ރޮއްވާފައި

ވެބްސައިޓްތަކަށް ޚަބަރު ލިޔުން

ކިޔާފައިވާ ޢަދަދު: 8387

ޢަބްދުﷲ ނަޢީމު އިބްރާހީމް

އޮންލައިން ނޫސްތައް ފުރަތަމަ ތަޢާރަފްވީ ދުވަސްކޮޅު ޕްރިންޓް މީޑިއާގެ ނޫސްވެރިން ކޮންމެވެސް ވަރަކަށް ޖެހިލުންވިއެވެ. އޮންލައިން ނޫހުގެ ސަބަބުން ޗާޕުކޮށްގެން ނެރޭ ނޫސްތައް ވިކުން މަދު ވެދާނެ ކަމަށް ނުވަތަ ޗާޕުކޮށްގެން ނެރޭ ނޫސްތަކުގެ މަގާމު އުވިގެން ހިނގައިދާނެ ކަމަށް ބިރުންވެސް އުޅުނެވެ.

ޠާރިޤްބިން ޒިޔާދުގެ ހިތްވަރުފުޅު ގަދަކަން

ކިޔާފައިވާ ޢަދަދު: 5519

ޢަބްދުﷲ ޞާދިޤު

ސްޕޭނަކީ، ޔޫރަޕްގެ ރަށެކެވެ. އެރަށުގައި އެތައް ސަތޭކަ އަހަރެއް ވަންދެން އިސްލާމުން ނުހަނު ކީރިތިކަމާއި މޫރިތިކަމާއެކު ވެރިކަން ކުރިއެވެ. ނަމަކީ އަންދަލުސްއެވެ. އެތާނގައި އިސްލާމުން ވެރިކަން ކުރި ކަމުގެ އެތައް ހަނދާނަކާއި އެތައް ނިޝާނެއް މިއަދުވެސް ފެންނާން އެބަ ހުއްޓެވެ. އޭގެ ތެރޭގައި ޤުރުޠަބާ އާއި އަލްޙަމްރާގެ ގަނޑުވަރު ޚާއްޞަގޮތެއްގައި ފާހަގަކޮށްލެވެއެވެ. މި އިމާރާތްތަކުގެ ރީތިކަމާއި ފުރިހަމަކަމުން އެތަންތަން ދެކޭމީހުން ޙައިރާންވާ ވަރުވެއެވެ.

މާޒީގެ ހަނދާނެއް

ކިޔާފައިވާ ޢަދަދު: 3084
ސަމާހާ ސައުދު، ހީނާއާގެ، ހއ. ވަށަފަރު

އަހަރެންނާއި އަހަރެންގެ އެކުވެރި ޖައުދާއަކީ އަބަދުވެސް ކުލާހުގައި ވަރަށް ސަކަރާތްޖަހާ ދެމީހުންނެވެ. ޓީޗަރު ކިޔަވައިދޭ ގަޑީގައި ސަކަރާތްޖެހޭލެއް މަދުކަމުން ކޮންމެ ވެސް އުޒުރެއް ދައްކައިގެން ކްލާހުން ބޭރަށް ނުކުމެވޭތޯ ވެސް ބަލަމެވެ. މީގެތެރެއިން ދުވަހެކެވެ. ކިޔެވުމުގެ އެ ދުވަހުގެ ދަންފަޅި ނިންމައިލުމަށްފަހު ދެމީހުން މިސްރާބުޖެހީ އިސްކޫލުގެ އުތުރުފަރާތު ހިރުނދުގަހާ އިންވެގެންހުރި ލައިބްރަރީއަށެވެ.
 

ސަފަރު ކަތްދަ

ކިޔާފައިވާ ޢަދަދު: 4515
ފަތުޙުﷲ އަޙުމަދު
ސަފަރަވެރިން ވިސްނާށޭ          ސަފަރަމަހަށް ހޭލާށޭ 
ސަފަރަ މަހުން ދިހަވަނަރޭ        ސަފަރަކަތްދަ އަރާނޭ

އަރާނޭ އަރާނޭ                ސަފަރަކަތްދަ އަރާނޭ
ސަފަރަ މަހުން ދިހަވަނަރޭ         ސަފަރަ ކަތްދައަރާނޭ

ސަރާ (29)

ކިޔާފައިވާ ޢަދަދު: 6154
މޫސާ ސާޢިދު، މަރަދޫ
(19 ފެބްރުއަރީ 2013 (އަންގާރަ) ދުވަހު ޝާއިޢުކުރި ބަޔާ ގުޅޭ)
ނުވެސް ދަންނަ ނަންބަރަކުން ސަރާއަށް ފޯނު އަންނަން ފެށީ މިއުފާވެރި ކަމުގައި ހަފްތާއެއްހާ ދުވަސް ފާއިތުވީ ފަހުންނެވެ. އެފޯންކޯލް އައި ވަގުތަކީ ޢިމްރާންވެސް ގޭގައި ނޫޅޭ ވަގުތެކެވެ.

“ކީއްތިކުރަނީ؟” ސަރާ ފޯން ނެގުމާއެކު އެކޮޅުން ވާހަކަ ދެއްކި ފިރިހެން މީހާ ކުރީ ސުވާލެކެވެ. އެމީހާ ވާހަކަ ދެއްކި ގޮތުން އެއްވެސް ވަރަކަށް ބީރައްޓެހި ގޮތެއް ނެތެވެ. ހީވަނީ ސަރާއަކީ މާކުރިއްސުރެވެސް އޭނާ ދަންނަ ރައްޓެއްސެއް ހެންނެވެ.

ރަތްކުރާ ކިރިމި

ކިޔާފައިވާ ޢަދަދު: 3241

ރުޤިއްޔަތު ޝަރޫނާ،  ބޯގަންވިލާ،  ހއ. އިހަވަންދޫ

އުމުރުން 17 އަހަރުގެ އާމިރަކީ ފަޤީރު އާއިލާއަކަށް އުފަން ދެމަފިރިއެއްގެ ހުރި ހަމައެކަނި ފިރިހެން ދަރިފުޅެވެ. ފަޤީރު ނަމަވެސް އާމިރަކީ އާ ގޮތްގޮތަށް، އެހެން ގޮތަކުން ބުނާނަމަ ހުޅަނގުގެ ގޮތްތަކަށް އުޅެން ބޭނުންވާ މީހެކެވެ.

މާދަރީބަހަށް ރައްކާތެރިވަމާ ހިނގާ!

ކިޔާފައިވާ ޢަދަދު: 6235
ޙަސަން ޝާކިރު މުޙައްމަދު
މާދަރީ ބަސް ކުރިއަރައިތޯ ހިންމަތެއްކުރަމާ ހިނގާ!
               ވާދަކޮށްގެންވެސް މިކަމުގައި އަލިމަގެއް ހޯދަން ހިނގާ!
ކާބަފައިންގެ ފުށުން މިތާ ވާރުތަވެފައިވާ ދިވެހިބަސް
               ލާބަހުރިގޮތުގައި ނިކަން ބޭނުންކުރަން ކެރެމާ  ހިނގާ!

މާދަރީ ބަހާ މެދު ފިކުރު ކުރިވަރަކަށް ގިސްލެވުން ވަނީ އިތުރެވެ.

ކިޔާފައިވާ ޢަދަދު: 10009
އަޙްމަދް ސަމީރު ޢަލީ

މިއަދަކީ ބައިނަލް އަގުވާމީ ފެންވަރުގައި ފާހަގަ ކުރެވޭ، މާދަރީ ބަހުގެ ދުވަހެވެ. މި ދުވަހުގެ ތަހުނިޔާ އާއި މުބާރަކުބާދީ، މި ލިޔުންކޮޅު ވިދާޅުވާ ކޮންމެ ފަރުދަކަށް އަރިސްކުރަނީ ކަރުނަޔާ އެކުގައެވެ. ދިވެހި ބަހަށް ލިބިދާނެ ގެއްލުމަކަށް ނުވިސްނައިި ފާއިތުވެގެން ދިޔަ ސާޅީހަކަށް އަހަރުގެ ތެރޭގައި އަޅުގަނޑުމެނަށް ކުރެވިފައިވާ ތަފާތު ކަންތަކުގެ ސަބަބުން މިހެން ލިޔެވުނީއެވެ.