ސަރާ (13)

ކިޔާފައިވާ ޢަދަދު: 5910

މޫސާ ސާޢިދު، މަރަދޫ

(30 ނޮވެމްބަރ 2012 (ހުކުރު) ގުޅޭ)

“ކިހިނެއްވީ؟ ހުވަފެނެއް ފެނުނީތަ؟” ޢިމްރާން ވަނީމާ އިރުކޮޅެއް ވަންދެން ބަސް ހުއްޓިފައި ހުރެފައި މަލަކާ ވާހަކަ ދެއްކިއެވެ.

“ހުވަފެނެއް ފެނުނީކީ ނޫން…އަހަރެން މިއައީ މިރޭ މިކޮޓަރީގައި ނިދަން…މާޝަކުވާ ގިނަނުކުރާތި، އަހަރެން ނުކުމެގެން ހިނގައިދާނަން.” ޢިމްރާން އެނދުގައި އިށީނެވެ. މަލަކާ ހިތްހަމަޖެހުމުގެ ނޭވާއެއްލިއެވެ.

ޙަޔާތުގެ ހިޔަނި (14)

ކިޔާފައިވާ ޢަދަދު: 4260
ޑޮކްޓަރ މުޙައްމަދު ރަޝީދު
(5 ޑިސެމްބަރ 2012 (ބުދަ) ގުޅޭ)

ބުނަން ނުބުނަން ހިތަހިތާފައި އެންމެފަހުން ހިތުގައި އޮތް ސުވާލު ކުރިއެވެ. “ދެންއަޅުގަނޑުމެންގެ ގުޅުމަށް ވާނީ ކިހިނެއްތޯއެވެ؟”

“އަޅުގަނޑުމެންގެ ކޮން ގުޅުމެއްތޯއެވެ؟” ފަރުވާކުޑަކަމާއެކު ނަބީލާ މިސުވާލު ކުރިގޮތުން އެނގުނީ އައިމަން އެކުރާ އިޙްސާސް ތަކާއި އެދެކޭ ހުވަފެންތަކަކީ އޭނާ އެކަނިމާއެކަނި ދެކޭ ހުވަފެން ތަކަކާއި ޚިޔާލުތަކެއް ކަމެވެ. އޭގައި ނަބީލާ އެއްވެސް ކަހަލަ މަސްއޫލުވުމެއްނެތް ހުސް ހުވަފެން ތަކެއްކަމެވެ.

ދަންމަރު (12)

ކިޔާފައިވާ ޢަދަދު: 8936

ތާރީޚު ބަދަލު ވުން

މައުލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް

ބީ. ޓުޗްމާން ލިޔުއްވާފައިވާ ގޮތުގައި ތާރީޚަކީ ނުބައި ލަފާކުރުންތަކެއް ފެންނަމުންދާ ދިއުމެކެވެ. އެހެން ޢިބާރާތަކުން ދަންނަވަނީ ނަމަ ޢާއްމު ގޮތެއްގައި ތާރީޚު ބަދަލު ވެގެން ދަނީ އިންސާނުން އުއްމީދު ކުރާ ގޮތާ ޚިލާފު ގޮތަކަށެވެ. ހާދިސާތައް ހިނގަމުން ދާ އިރު މަންޒަރު ދެކެން ތިބޭ މީހުން އެ މީހުންނަށް ފެންނަ ގޮތްތައް ހާމަ ކުރަމުން ދެއެވެ. އެހެން ނަމަވެސް ތާރީޚު ބަދަލު ވެގެން ދަނީ އެ މީހުން ބުނާހައި ގޮތަކަށް ނޫނެވެ. އެންމެ ފަހުން ކަންތައްތައް ނިމިގެން ދަނީ އިންސާނުން އުއްމީދު ކުރި ގޮތާ ދިމާ އިދިކޮޅު ގޮތަކަށެވެ.

ރަފިޔާގައި ހަލުވިދާ ކެއްކުން

ކިޔާފައިވާ ޢަދަދު: 4058
މުޙައްމަދު އަފްޝާން، މަތަރެސްމާގެ، ހއ. އިހަވަންދޫ
ހއ. ބެރިންމަދޫއަކީ ޒަމާނުންސުރެ މަސައްކަތްތެރި ހުނަރުވެރި ބަޔަކު ދިރިއުޅެމުންދާ ރަށެކެވެ. މި ގޮތުން، ވަޑާން ކުރުމާއި، ގެދޮރު ޢިމާރަތް ކުރުމާއި، ބޭސްވެރިކަމާއި، ފަންޑިތަ ހެދުމާއި، އަދި މީގެ އިތުރުން ކެއްކުމަށް ކުރިއަރައިފައިވާ ރަށެކެވެ. މިހެންކަމުން، މިރަށަށް ކެއްކުމުގެ ދުވަސްވަރެއް އަތުވެއްޖިއްޔާ ރަށުގެ އެންމެހާ އަޚުންނާއި އުޚުތުންގެ އެއްބާރުލުން ލިބެމުންދެ އެވެ. ހަމަ މިއާއެކު، މިކައްކާ ކެއްކުން ވަނީ ރަށަށް އަންނަ ޢީދެއް ގޮތަށެވެ.

ޙަޔާތުގެ ހިޔަނި (13)

ކިޔާފައިވާ ޢަދަދު: 4334
ޑޮކްޓަރ މުޙައްމަދު ރަޝީދު
(3 ޑިސެމްބަރ 2012 (ހޯމަ) ގުޅޭ) 
“ކުޑައިރުއްސުރެ އަހަންނާ ބެހިގެން އަޑުއަހާ ކަމަށްވާއިރު އަޑުއިވިފައި ހުރީ ކޮންކަހަލަ ވާހަކަތަކެއް ހެއްޔެވެ.” ނަބީލާ ބުނާނޭ އެއްޗެއް ނޭނގިގެންހުރެ ސުވާލު ކުރިއެވެ.
 
“އަޅުގަނޑު ދަންނަނީ ތިއީ ވަރަށް ގިނަ ތަންތަނަށް ދަތުރުކުރައްވާ ވަރަށް ގިނަބަސް ދެނެވަޑައިގަންނަވާ ބޭފުޅެއްކަމެވެ.”
 

އޮބާ މާ

ކިޔާފައިވާ ޢަދަދު: 3606
ފާތިމަތު ސަނޫހާ، ދާރުއްސަލާމް، ހދ.ފިނޭ
އިނގިރޭސި ފެންވަރު މަތިކުރުމަށް ނަގައިދޭ ކުލާހެއްގައި މުދައްރިސަކު ކުލާހަށް ދިޔަ ކުދިންނަށް އިނގިރޭސި އެނގޭ މިންވަރު ބަލާލުމަށްޓަކައި ފަހަރަކު ކުއްޖަކާ ސުވާލުކުރަމުން ދިޔަ އެވެ. މިތާނގައި ވަރަށް ލާނެތް ކުއްޖަކު އިނެވެ. ނަމަކީ ކުއްޅަވައް އަލިދީދީ އެވެ. މީނާއަކީ ބަހަށް ލޯބިކުރާ ކުއްޖެކެވެ. މުދައްރިސް މީނާއާ ސުވާލެއް ކޮށްލި އެވެ. “ވަޓު އިޒް ޔުއަރ ނޭމް؟” ޖަވާބުގައި ކުއްޅަވަށްއަލި ދީދީ ބުންޏެވެ. “މައިނޭމް އިޒް މިސްޓޭކު ޔަންގް ރައުންޑް ލައިޓް ގިވްގިވް”
 

ޙަޔާތުގެހިޔަނި (12)

ކިޔާފައިވާ ޢަދަދު: 4491
ޑޮކްޓަރ މުޙައްމަދު ރަޝީދު
(2 ޑިސެމްބަރ 2012 (އާދީއްތަ) ގުޅޭ)
ހައިވަކަރު ސިޑީގެ މެދާ ހަމައިން ބިތުގައި އެލުވިފައިވާ ބޮޑު ލޯގަނޑު ކުރިމައްޗަށް ގުދުވަމުން ދެތުންފަތުގެ ކުލަ ހެޔޮވަރުކޮށްލަނީއެވެ. އައިމަން އަވަސް އަވަހަށް އެނބުރި ކުރިން އިންގޮތަށް ފޮތުގެ ތެރެއަށް ގެއްލިގެން އިންކަމަށް ހެދުނެވެ.
“މެޑަމް ބޮވާރީ މާ ކަމުދަނީތޯއެވެ؟” އައިމަން އިނީ ރަނގަޅަށް ހޭލައި ސަމާލުވެގެން ކަމުން ނަބީލާގެ މިސުވާލުން އެއްވެސް ޙައިރާންކަމެއް ނުލިބެއެވެ. އެހެންނަމަވެސް ސިއްސައިގެންދިޔަގޮތް ދައްކަމުން ޖަވާބުދިނެވެ.

ސާދަވިލޭރެއެއްގެ މެންދަމުގެ ހުވަފެން

ކިޔާފައިވާ ޢަދަދު: 5647
ޢަބްދުއްރަޝީދު ޙުސައިން
ރީތި ނަލަނަލަ ހަނދެއްކުރި އަލީގައި
          ރީތި މޫދެއްގެ  ލޮނުގަނޑު މަތީގައި
                     ވީތި  ހުރިހާ  އުފާ  އެކުއެކީގައި
                                ވީމެ ދެކުދިން އެލަވް ބައްތެލީގައި

ރޭގެ ލުއިލުއި ވަޔާކަނޑުގެ ރާޅާ
          އޭގެއެތަކެއް ރެޔާ އެއްގޮތެއްގައި
                     މޭގެ ގުޅުމާ ވަފާތެރިވި ލޯތްބާ
                                ވެއްޖެޔޭ ރައްޓެހިންނަށް އެރޭގައި

ޙަޔާތުގެ ހިޔަނި (11)

ކިޔާފައިވާ ޢަދަދު: 4341

ޑޮކްޓަރ މުޙައްމަދު ރަޝީދު

(14 ނޮވެމްބަރ 2012 (ބުދަ) ގުޅޭ)

ވާހަކައާއި ނުއިވޭ ޙާލުގައިވެސް އުފައްދައި ދުނިޔެއަށް ހަދިޔާކޮށްފައިވާ ރީތި ސިމްފޮނީ ތަކުގެ ވާހަކައެވެ. އެއަށްފަހު ރަޝިޔާގެ މިޔުޒިކް އުފެއްދުންތެރިޔާ ޗައިކޮވިސްކީގެ ވާހަކައެވެ. އޮސްޓްރިޔާގެ މޮޒާރޓްގެ ވާހަކައެވެ.
އެންމެ ފަހުން ދެއްކީ މަޝްހޫރު އަދީބުންނާއި ޅެންވެރިންގެ ވާހަކަތަކެވެ. އަދަބުގެ ވާހަކަ އެންމެ ފަހަށް ބޭއްވުން އެއީ ނަބީލާ ގަސްތުގައި ކުރިކަމެކެވެ. އައިމަން ޝައުޤުވެރިވާ މައުޟޫޢުތައް ކުރިން ގެންނަންވެގެންނެވެ. ނަބީލާގެ އަމިއްލަ ވާހަކަ، ފަހަށް ބާއްވަން ވެގެންނެވެ. އިނގިރޭސި އަދަބުން ޑިގްރީ ނެގުމަށްފަހު މާސްޓަރސް ހެދުމަށް ޔުނިވަރސިޓީއަށް ނަން ހުށަހަޅައިފައި ޗުއްޓީގައި މާލެ އައިސް އުޅޭ ވާހަކަ ދެއްކީ އެއަށްވުރެ ވެސް ފަހުންނެވެ. ބައްޕަ އަރިހުގައި ނިއުޔޯރކުގައި ދިރިއުޅޭތާ ދުވަސްތަކެއްވީ ވާހަކައާއި އޭގެ ކުރިން ކޮލޮމްބޯގައްޔާއި ލަންޑަންގައި އުޅެފައިވާ ވާހަކަ ގެނައީ އަދި މާފަހުންނެވެ.

ޗައިނާގެ މި ދަރިވަރު މި އުޅެނީ ހާދަހާ ބޮޑު ޒިންމާއެއް ބޮލުގައި އަޅައިގެންނެވެ!

ކިޔާފައިވާ ޢަދަދު: 9008
އަޙްމަދް ސަމީރު ޢަލީ

ތިރީގައި މި ލިޔެލަނީ ޗައިނާގެ ދަރިވަރަކު އޭނާގެ އެކުވެރިންނަށް ލިޔެފައި ފޮޓޯއެއް ގޮތަށް ފޮނުވި “ ޓްވީޓް ” އެކެވެ. ޗައިނާގައި  ޓްވިޓަރގެ ބަދަލުގައި ބޭނުންކުރަނީ “ސީނޯ ވެއިބޯ” ކިޔާ ޚިދުމަތެކެވެ. މާ ދިގުކޮށް މެސެޖް ނުކުރެވޭތީ އޭނާ މި ލިޔުން އަތުން ލިޔެ، ފޮޓޯއެއްގޮތުގައި މަދު ރަހުމަތްތެރިން ކޮޅަކަށް ފޮނުވުމުން، އެކަކު އަނެކަކަށް ފޮނުވަމުން ގޮސް މުޅި ދުނިޔެއަށް މަޝްހޫރުވީއެވެ! އެ ދަރިވަރުގެ ލިޔުނީ ތiރީގައި އެ ވާ ކަހަލަ ގޮތަކަަށެވެ.