ޞަދަޤާތް ކުރުމަކީ ބަލިމީހުންނަށް ހުރި ފަރުވާއެކެވެ.

ކިޔާފައިވާ ޢަދަދު: 1431
ތަރުޖަމާ: އަޙްމަދް ސަމީރު ޢަލީ
އަރަބި ގައުމެއްގެ ތަނަވަސް އާއިލާއެއްގެ އަންހެނަކު ޑަކްޓަރަށް ދައްކައި ތަހުލީލުތަކުގެ ނަތީޖާ ލިބުނުއިރު ސިހިގެން ދިޔައީ އޭނާއަށް ކެންސަރު ޖެހިފައިވާކަމަށް ޑަކްޓަރުން ބުނުމުންނެވެ. ނަމަވެސް އެއީ އެބަލީގެ ހަމަ ކުރީކޮޅެވެ. ހަށިގަނޑުގެ ތެރެއަށް އަދި މާބޮޑަށް ބަލި ފެތުރިފައިނުވާތީ، ބޭހުން ފަސޭހަވުމުގެ އުންމީދު އޮތެވެ.

އަހަންނަށް އެންމެ ރަނގަޅެވެ.

ކިޔާފައިވާ ޢަދަދު: 1078
އާދަމް ނަޞީރު އިބްރާހީމް
އަހަންނަށް އެންމެ ރަނގަޅޭ، ކުށްވެރީންނަށް ލުއި އަދަބު ދޭށޭ!
            ޖަހަންނަމައަށް ލެވޭ ހިނދު ވެސް، އެ ވޭނުން މިންޖުކޮށްދޭށޭ!
ދިމާއަށް ގަސްތުގައި ބުރިކޮށްލި ޙުރުމަތްތެރިވި ކަނދުރާތައް
            ‘ތިމާމެން’  ލަސްނުކޮށް  ގުޅުވައި،  ފުރާނަ  އިޢާދަކޮށްދޭށޭ!

“އޮނަރަބްލް” އަށް ވުރެ މަތިވެރި ވާހަކައެއް

ކިޔާފައިވާ ޢަދަދު: 1552

ޢަބްދުލްޢަޒީޒު ޖަމާލު އަބޫބަކުރު

އެކި ބޭފުޅުންނަށް އެރުވޭ ޝަރަފާއި ލަޤާބާއި، އެކި ބޭފުޅުން ފުރުއްވާ މަޤާމުތަކާ އަޅުގަނޑަށް ތަފާތެވެ. ޝަރަފާއި ލަޤަބާ ބެހޭގޮތުން ވެސް ރަސްމީ ފަރާތަކުން އުޞޫލެއް ކަނޑައަޅުއްވަން ވެއްޖެ ކަމަށް އެބަ ގަބޫލުކުރެވެއެވެ.
މިކަމާ ބެހޭ ގޮތުން ކުރިން ކަނޑައެޅިފައި އޮންނަ އުޞޫލެއް އޮތްނަމަ އެ އުޞޫލަށް މީހުން އަހުލުވެރިކުރުވާން އެބަޖެހެއެވެ. މި ގޮތަށް މި ގަބޫލުކުރެވެނީ އެކި މީހުން އެކި ގޮތަށް ލަޤަބުތައް ބޭނުންކުރާތީއެވެ. އުޞޫލެއް ނުހިފެހެއްޓޭތީއެވެ. ކުރީ ދުވަހެއްގައި “އޮނަރަބްލް”ގެ ވާހަކަވެސް ދަންނަވައިލެވުނީ ހަމަ އެފަދަ ސަބަބަކާ ހުރެއެވެ.

ޅެން ހެދުމުގެ މުބާރާތް – ޅެންވެރިޔާ 2016

ކިޔާފައިވާ ޢަދަދު: 1215
އާދަމް ނަޞީރު އިބްރާހީމް
މުބާރާތެއްގެ ދޮރު ހުޅުވިއްޖެ،  ނަމަކީތޯއެ، “ޅެންވެރިޔާ”
              ކޮބާ ހޭލާށެ  ދެން އަވަހަށް، ލަހެއްނުވެ  މިހިރަ ޅެންވެރިޔާ
 
ޚިޔާލާ ފަލްސަފާޔާ ތިޔަ ޝުޢޫރުތަކުން  މި ބާޒާރަށް
              ތިޔާގިކަމެއް ގެނެސްދޭށޭ ނަގައި  ފިކުރުގެ ކުނބަށް  ދެރިޔާ

ވަފާތެރި ރަހުމަތްތެރިއެއްގެ ޤުރުބާނީ އާއި ﷲ މިންވަރު ކުރެއްވި ނިއުމަތް

ކިޔާފައިވާ ޢަދަދު: 1552
ތަރުޖަމާ: އަޙްމަދް ސަމީރު ޢަލީ
އަހަންނާއި އަހަރެންގެ ރަހުމަތްތެރި ސުއޫދަކީ، ސައޫދީ އަރަބިއްޔާގެ ‘ ބުރައިދާ’ ކިޔާ ސަހަރުގައި ވިޔަފާރިކޮށްއުޅުނު ވަރަށް ގާތް ދެ ރަހުމަތްތެރިންނެވެ. އަހަރުމެން ދެމީހުން އެކީގައި ވިޔަފާރި ކުރިނަމަވެސް އަހަރެންގެ އަމިއްލަނަމުގައިވެސް ތަފާތުވިޔަފާރި ކުރަމުން ގެންދިޔައީމެވެ.  އެއް ހުކުރު ދުވަހަކު، އަހަރެންގެ އާދައިގެ މަތިން ހުކުރުނަމާދަށް ދިޔައީ ރަށުގެ ބޮޑުމިސްކިތަށެވެ. ހުކުރުނަމާދުން އަވަދިވުމުން، މިއަދު ކަށުނަމާދެއް އޮތްކަމަށް އިއުލާނުކުރެވިއްޖެއެވެ. މިހެން ގޮވައިލެވުނު އަޑު އަހަރެންގެ ދެ ކަންފަތުގައި ޖެހުނު ހިނދު، އެއީ އަނެއްކާ އަހަރެން ދަންނަ މީހެއްގެ ކަށުނަމާދުބާއެވެ، ހިތާހިތާ ސުވާލުކުރެވުނެވެ.  އަދި ދަންނަ މީހެއްކަމުގައި ނުވުމަށްވެސް ހިތުގެއަޑިން ދުއާކުރެވުނެވެ! 

މިލިޔަނަރެއްގެ އެންމެ ފަހުބަސްކޮޅު

ކިޔާފައިވާ ޢަދަދު: 1520
ތަރުޖަމާ: އަޙްމަދް ސަމީރު ޢަލީ
 

ތިރީގައި އެވާ ލިޔުމަކީ އިޖްތިމާއީ ވިޔުގަތަކުގައި ދާދި ފަހުން ދައުރުވާންފެށި ލިޔުމެކެވެ. މަޝްހޫރުވި އެންމެ ބޮޑު ސަބަބަކީ އެ ލިޔުމަކީ ” އެޕްލް ކޮމްޕިޔުޓަރ” ކުންފުނީގެ ބާނީ، ސްޓީވް ޖޯބްސްގެ އެންމެ ފަހު ލިޔުން ކަމުގައި ބުނެ މި ލިޔުން އެކަކު އަނެކަކަށް ފޮނުވަމުން ގެންދިޔުމުންނެވެ. އަޅުގަނޑަކީ، ލިޔުމެއް ތަރުޖަމާ ކުރުމުގެ ކުރިން، އެ ލިޔުމަކާބެހޭގޮތުން ލިބެން ހުރި މައުލޫމާތު ހޯދައި ކިޔާފައި ނޫނީ އެ މަސައްކަތް ފަށާ މީހަކަށް ނުވާތީ އެ ލިޔުމުގެ ހަގީގަތް ހޯދައިލީމެވެ. އަޅުގަނޑަށް ޔަގީންވީ ތިރީގައި އެވާ ލިޔުމަކީ ސްޓީވް ޖޯބްސްގެ ލިޔުމެއް ނޫންކަމެވެ! ނަމަވެސް މި ލިޔުމަކީ އާއިލާއާއި އެކަހެރިކޮށް، ދުވާލަކު ފަނަރަ ގަޑިއިރު ނުވަތަ އަށާރަ ނަވާރަ ގަޑިއިރު މަސައްކަތުގައި އުޅެފައި ހުރި މަހުޖަނެއްގެ އެންމެ ފަހުވަގުތުގެ ޝުއޫރު ކަމުގައިވުމީ ވަރަށް ގާތް ކަމެކެވެ!

ދެން ހެދޭނީ ގޯސް

ކިޔާފައިވާ ޢަދަދު: 1354
އާދަމް ނަޞީރު އިބްރާހީމް
ޙަޤީޤަތް ނޭނގި އެނގުނު ކަމަށް ހެދީމާ ދެން ހެދޭނީ ގޯސް
                   ޔަޤީނޭ ޙައްޤު،  ވަހުމު ކަމަށް ހެދީމާ  ދެން ހެދޭނީ ގޯސް

އެހެން ހިތްތަކުގެ ރިހުމާ ވޭން  ބަޔާންކޮށްދީ ކިޔައިދިނުމުން
                   އެހެން ހުރެފައި  އެއީ މަކަރޭ  ބުނީމާ ދެން ހެދޭނީ  ގޯސް

މައި ސިކް ގޭމް (3)

ކިޔާފައިވާ ޢަދަދު: 1157
  
ޢާއިޝަތު ނާޖީ
 
(29 އޮކްޓޯބަރ 2015 ގައި ޝާއިޢު ކުރި ބަޔާ ގުޅޭ)
 
ނޯޓް: މި ވާހަކައިގެ ފުރަތަމަ ދެބައި ޝާއިޢު ކުރުމަށް ފަހު ފަހުބައި (މިބައި) ޝާއިޢު ނުކުރެވި ލަސްވީ ސައިޓް ބަލަހައްޓާ މީހުންނަށް އެރި އޮޅުމެއްގެ ސަބަބުންނެވެ. މި އޮޅުމަށްޓަކައި ލިޔުންތެރިޔާ ޢާއިޝަތު ނާޖީ އަރިހުންނާއި ކިޔުންތެރިންގެ އަރިހުން ނިހާޔަތަށް މަޢާފަށް އެދެމެވެ.
—————-
މުއްތިޤުލް ބާމާގެ ވާހަކައަށް ފަހު ސުވާލު ކުރުމުގެ ފުރުޞަތު ދިނުމުން   ވަރަށް ގިނަ ދަރިވަރުން ނުރުހުން ފާޅުކޮށް، ވާހަކަ ދައްކަން ފެށިއެވެ. ނަމަވެސް މި ވާހަކަތަކަށް އޭނާ ރައްދު ދެމުން ގެންދިޔައީ ވަރަށް ޙިކުމަތްތެރި ކަމާއި ވިސްނުންތެރި ކަމާއެކުގައެވެ. އެހެން ކަމުން ސެޝަން ނިމުނު އިރު މަދު ކުއްޖަކު ފިޔަވައި ގިނަ ކުދިން އޭނާގެ ވާހަކަތައް ޤަބޫލު ކޮށް ތާއީދު ކުރަން ފެށިއެވެ. މުއްތިޤުލް ބާމާގެ ވާހަކަ ތަކުން ޚާއްޞަކޮށް ޖިލްބާބު ލައި ބޮޑު ބުރުގާ އަޅާފައި ތިބި އަންހެން ކުދިންގެ ތުންފަތް މައްޗަށް  ހިނިތުންވުން ގެނެސް ދިނެވެ.
 

[ހާމަސް ގަންނާނެއްބާ!]

ކިޔާފައިވާ ޢަދަދު: 1359
ޙަސަން ޝާކިރު މުޙައްމަދު
ހާލަކީ، (ނުވަތަ ހައުލަކީ) ކުކުޅުގެ ފިރިހެން އެއްޗެވެ. ކިތަންމެ ގިނައިން ހާ ކަތިލައިގެން ރިހަ ކެއްކިޔަސް އެ ރިހަ ބަދަލުވެގެން ދަނީ ކުކުޅު ރިހައަށެވެ. ރިހައިގައި ހުންނަނީވެސް ކުކުޅު މަހެވެ. އެއީ، ކުކުޅުގެ ފިރިސޮރަށް ލިބިފައި އޮންނަ ދަރަޖައެވެ. ނަމަވެސް އަޅުގަނޑު ދަންނަވައިލެވޭތޯ މި އުޅެނީ، ކުކުޅު ހާލުގެ މަހުގެ ވާހަކައެއް ނޫނެވެ. އެކަމަކު ހާމަހުގެ ވާހަކައެވެ.

ޅެންވެރިޔާގެ ތަސްބީޙަ

ކިޔާފައިވާ ޢަދަދު: 962

އަބޫބަކުރު އާދަމް، ސިލްވަރބީޗް، ނ.މަނަދޫ

 
ޅެންވެރިކަމަށް އުޖާލާ ކުރިމަގު ލިބުން އަދައިގެން
             ގެންދާނަމޭ މަސައްކަތް ކުރަމުން މަ  ފޫގަޅައިގެން
 
ޅެންވެރިތަކުންގެ ސަފުގައި ފައިހަމަކުރަން އަދައިގެން
             ޅެންބަސްތަކެއްލިޔާނަން ތެދެކޭ މަ އިސް ނަގައިގެން
 
ޅެންވެރި ޚިޔާލު ދޫކޮށް ނުލުމަށް މަ ކަނޑައަޅައިގެން
             ހުންނާނަމޭ  އަޒުމުގައި  އިތުބާރު  ޚާއްޞަ ދީގެން