ލިޔަންކިޔަން ދަތުމުގެ މާނަ

ކިޔާފައިވާ ޢަދަދު: 1369
ޢަބްދުލްޢަޒީޒު ޖަމާލު އަބޫބަކުރު

މިއަދަކީ ބައިނަލްއަޤުވާމީ ލިޔަންކިޔަން ދަތުމުގެ ދުވަހެވެ. މިއަދުގެ މުނާސަބަތުގައި ދިވެހިރާއްޖޭގެ ލޮބުވެތި ހުރިހާ ރައްޔިތުންނަށް، ޚާއްޞަކޮށް ލިޔަންކިޔަން ދަސްކޮށްދިނުމާއި ދަސްކުރުމުގެ މަސައްކަތުގައި ހީވާގިކަމާއެކު ޙަރަކާތްތެރިވަވަޑައިގަންނަވާ ހުރިހާ ބޭފުޅުންނަށް ތަހުނިޔާ އާއި ހެޔޮ އެދުންތައް ރައްދުކުރަމެވެ.

މާބަގީޗާއަށް ދަމާ

ކިޔާފައިވާ ޢަދަދު: 1217
މުޙަންމަދު ޝާހިދު ޙަލީމް
މާބަގީޗާއަށް     ދަމާ     މާތައް    ބަލާން
                           މާބުރާ  އުދުހޭ  ކޮކާ   ބަޅިނދާ   ބަލާން

މަލުގެ   ރާނީ   ރަތް   ފިޔާތޮށްޓާ   ހުދުން
                          ފަޅުނުވާ ހެން ފަރިވެ ފޮޅިލާ  ތަން ބަލާން

ދޫނުކޮށް ފިނިފެންމަލަށް  ފަރިފަރި  ކަނީރް
                          މޫނު  ހިނިތުންކޮށްލަމުން  ދާ އިރު  ބަލާން

ކާފަގެ މުޅޯ

ކިޔާފައިވާ ޢަދަދު: 1183
އިބުރާހީމް ހުސައިން މަނިކު
ރީތި ހަވީރެއްގެ ފިނި ހިޔާ ރަށުތެރެޔަށް ފެތުރެމުން އަންނަނީއެވެ. “ތުއްރަވާސް ވައިކިސާފަށް” ގޮސް އެތެރެބަޔަށް ބޯދިއްކޮށްލިއިރު އިންޖިނޭރު އާމިރު އޭނާގެ މަޝްހޫރު ކޮއްޕި ބޮލަށް ފައްތައިގެން ނިތްގަނޑު ފަހަތަށް އަނބުރާލައިގެން މޭޒުދޮށުގައި އިނެވެ. ކައިރީގައި އޭނާގެ އައު މުނީމު ނަވާޒު ހުއްޓެވެ. އަހަރެން ފެނުމާއެކު އަޑުގެ ކޮޅަށް ގޮވައިލައިފިއެވެ.

ލޯބީގެ ވާހަކަ

ކިޔާފައިވާ ޢަދަދު: 1638
ތަރުޖަމާ: ޢަބްދުﷲ ނަޢީމް އިބްރާހީމް
 


މިއީ ފިލްމު “ތާޖް މަހަލް” ގެ ލަވައެއްގެ ތަރުޖަމާއެވެ. މި ލަވަ ކިޔައި ދީފައި ވަނީ ކަވީތާ ކްރިޝްނަމުރްތީއެވެ.
 

ދިލްކެ އަރްމާނޯންކީ ޝަމްޢާ ޖަލާއޭ ބެއިޓޭހޭ
އުންކެ ތަސްވީރުކޯ ދިލްމެ ޗުޕާއޭ ބެއިޓޭހޭ

މާނަ:
ހިތުގެ އެދުންތަކުގެ ބައްތި ދިއްލައިގެން އެބަ އިނީމުއެވެ.
އޭނާގެ ތަސްވީރު ހިތުގައި ފޮރުވައިގެން އެބަ އިނީމުއެވެ.

ދަރިފުޅުމެންނޭ މިއަޑު އަހާށޭ ރަނގަޅަށް އުޅޭށޭ! (+12)

ކިޔާފައިވާ ޢަދަދު: 1019
މުޙައްމަދު މަޖުދީ އިބްރާހީމް، އއ.މާޅޮސް

ރާގު: ހޭވާހޭވާ ނެތިހޭ މިދަނީ…..

ހޭލާ  ދަންވަރު   ހަތަރުދަމާއެކު   ކޮއްޕާ  ފޯނުގަ  ނުތިބޭށޭ
                  ބޭކާރު  ވަގުތު  ޖާނާމާލާ،    ޣާފިލުވެ   ތިހެން   ނޫޅޭށޭ
                       **     ***    **
ބޯދިގުކޮށްގެން  ނިޔަފަތި   ނުކަނޑާ ދަތްއުނގުޅާލާ  ނުހެދީމާ
                      ގޯހޭ އެންމެން ބުނެ އަޑު އުފުލާ،  ލަދުގަންނަ ގޮތަށް  ނޫޅޭށޭ

ބައްދަލު ނުވެދާނެތީއެވެ.

ކިޔާފައިވާ ޢަދަދު: 765
ޢަބްދުﷲ ޞާލިޙު
ކައިރިވެލާށެވެ!
މިފަދަ ރެއެއް ފަހަރުގައި ދެން ނައަތުވެދާނެތީއެވެ.
ބުނެދެވޭނީ ވަކި ކާކަށްހެއްޔެވެ.
ކަލާއާއި އަލުން ބައްދަލުވެދާނެކަމެވެ.
މިއީ ޤުދުރަތުން ހިބަ ކޮށްދެއްވި ވަގުތު ކޮޅެކެވެ.

لاالہ الااللہ

ކިޔާފައިވާ ޢަދަދު: 1666
ތަރުޖަމާ: ޢަބްދުﷲ ނަޢީމް އިބްރާހީމް
 


މިއީ ޢައްލާމާ އިޤްބާލް ހައްދަވައިފައިވާ لاالہ الااللہ މި ޅެމުގެ ތަރުޖަމާއެވެ. އަޅުގަނޑަކީ އަބަދުވެސް އިޤްބާލުގެ ޅެމަށް ވަރަށް ބޮޑު ޝައުގުވެރިކަމެއް ބަހައްޓަމުން އަންނަ މީހަކީމެވެ. އެ ޝައުގުވެރިކަން ޖެހުނީ އަލްއަޚް ޢައްބާސް އިބްރާހީމާ ދެކެވޭ ވާހަކަތަކުގެ ތެރެއިންނެވެ. އިޤްބާލުގެ ޅެން ތަރުޖަމާ ކުރާ ހިތް އަބަދުވެސް އޮވެއެވެ. އެކަމަކު އެކަން ނުކުރެވި އޮންނަނީއެވެ. މި ޅެން ތަރުޖަމާ މި ކުރީ އަލްއަޚް އަޝްރަފް ޢަބްދުއްރަޙީމް ދާދި ފަހުން ނެރުއްވި ފޮތަކުން ލިބުނު އައު ހިތްވަރަކުންނެވެ. އޭނާ ވަނީ އިޤްބާލުގެ ޅެމެއް ކަމުގައިވާ “ޝުޢާއެ އުއްމީދު” ދިވެހި ބަހަށް ތަރުޖަމާ ކުރައްވައިފައެވެ. މީގެ ކުރީންވެސް އަޅުގަނޑު ބޭރު ބަސްބަހުން ހުންނަ ޅެން ތަރުޖަމާ ކުރީމެވެ. އެކަމަކު އެ މަސައްކަތް ވަޅު ޖަހާފައި އޮންނަތާ ދުވަސްކޮޅެއް ވެފައި ވަނިކޮށް، މި ސައިޓުގައި އަލްއަޚް ޢަބްދުލްޣަފޫރު ޢަބްދުއްރަޙީމް ތަރުޖަމާ ކުރައްވައި ޝާއިޢު ކުރައްވާ ޅެންތައް ފެނިފައި އަތާއި ސިކުނޑި ހިރުވަހިރުވާ ހުންނަތާ ދުވަސްކޮޅެއް ވެއްޖެއެވެ.
މި ތަރުޖަމާއަށް މަތީގައި ދެންނެވުނު ތިން ބޭފުޅުންގެ ތަނަވަސް ޚިޔާލުފުޅު ލިބިއްޖެއްޔާ ވަރަށް ބޮޑަށް އުފާ ކުރާނަމެވެ.

އަލްއުސްތާޛު ޢަބްދުﷲ ޙަމީދަކީ……..

ކިޔާފައިވާ ޢަދަދު: 1513
ޢަބްދުލްޢަޒީޒު ޖަމާލު އަބޫބަކުރު

ވަކިވެގެން  ދިޔައީ  މި ޤައުމުން ހާދަ  އަގުހުރި ދަރިޔެކޭ
                  ވަކިވެދިޔަޔަސް ޖިސްމު، ޒިކުރާއަށް ނިމުންނެތް ޝަޚުޞެކޭ

ޚިދުމަތުގެ މައިދާނުގައި ހުރިހާ  ގޮތުން  މިންކުރިޔަކަސް
                  ހިނދުހިނދަށް  އަދި  ދާއިމަށް އެއްވަނަ ދެވޭނޭ  ތަރިޔެކޭ

ހަމަ ޒުވާން ދައުރަށް ފެށުނު އަހަރުގެތެރޭ (އެއްދިހަ އަށެއް)
                   ޢަމަލުގައި ސާބިތު  އަތޮޅު  ވެރިޔެއްކަމަށް ވި  ޒުވާނެކޭ

އަލްއުސްތާޛު ޢަބްދުﷲ ޙަމީދުގެ ހަނދާނުގައި

ކިޔާފައިވާ ޢަދަދު: 1007

އަލްއުސްތާޛު ޢަބްދުﷲ ޙަމީދުގެ ހަނދާނުގައި

ޙަޔާތުގެ ބާބުތައް ޔާދުން….

މުޙައްމަދު ނަޞީރު، އއ.މާޅޮސް

ހަނދާންތައް، ދޮންވެލީގެ  މަޒާރުގައި  ބޮސްދޭށަ، ހިތި އަސަރާ
           ވަދާޢުގެ  ހިޔަނިލައި   ފެހިކޯނިތައް   ހެލިލާށަ،  ހުރި ޒިކުރާ

ޒަމީރަށް  ވެރިވަމުން،  ޞަދުމާގެ  ހޫނާ،  އޭގެ  ހުންނަ ތަދާ
           “ޙަމީދު”ގެ  ޒިކުރުގައި  ހެދެނީ،   ދުމޫޢުން  މޮޅިތަކާ  ފިކުރާ

އެ ޚިދުމަތްތެރިކަމާ ޝަޚްޞިއްޔަތާ  ގުޅިގެން އައިސް  މިތަނުން
           އެ ދިރިގެން ދިޔަ މިސާލާ  އޭގެ އަގު  ނުފިލާނެ  ހުރި  ފަޚުރާ

ޙަމީދު ގެ ހަނދުމަތައް

ކިޔާފައިވާ ޢަދަދު: 934
އާދަމް ޢަބްދުއްރަޙްމާން – ހއ.އުތީމު
 
ފެތުރިލާ މުޅި ދިވެހި ޖައްވަށް ވެރިކުރީ ފުންއަސަރުތައް
            އުތުރެމުން   އާލާވަމުން  ދާހާ  ޙަމީދުގެ  ހަނދުމަތައް
ކަނޑުތަކާފަޅުތައް ހުރަސްކުރި ހަނދުމައިންދޭ އަސަރުގައި
            ބަނޑުދަމާލީ  ގޮނޑުދޮށަށް އަދު ބީއްސަމުންދާ ރާޅުތައް
ފޯދެމުން އައި ބަހުގެ ގަސްތައް ލޯބިވެތި ފެން ދެއްވުމުން
            މޯޅި ވިއްޔޭ   މާތަކާއެކު   އޭގެ   ހުރިހާ  ކޯނިތައް