ދެބެންގެ ވާހަކައެއް

ކިޔާފައިވާ ޢަދަދު: 1595
ތަރުޖަމާ: އަޙްމަދް ސަމީރު ޢަލީ
ޖެހިޖެހިގެން އޮތް ބޮޑު ދެ ދަނޑުގައި ގޮވާންހައްދައި އުޅުނު އެއްބަނޑު އެއްބަފާ ދެބެންގެ މެދުގައި މައްސަލަތަކެއްޖެހި އެކަކު އަނެކަކާ ދިމާއަށް ބުނަންނުވާ ބަސްބަހުން ބުނެ މޫނުކެނޑިއްޖެއެވެ! މިހެން މި ދިމާވީ ޖެހިގެން އޮތް ދެ ދަނޑުގައި  އެކަކު އަނެކަކު ބޭނުންވި އެއްޗެއް ބޭނުންކޮށްލަން ދީ، މީހުންނަށް ޖެހިއްޖެ ހިނދެއްގައި އެކަކުގެ މަޖޫރީން އަނެކާގެ ދަނޑުގައި ކުރަން ހުރި ކަންކަން ކޮށްދީ، މިހެން ސާޅީހަކަށް އަހަރު އުޅުނު ފަހުންނެވެ! ދިމާވި ކަމަކާ ހުރެ އެ ރީތި އުޅުމާއި ގުޅުން ދެމީހުންމެ ހަނދާންނައްތާލައި،  ‘ ބޮލަށް އިބިލީސް ސަވާރުވެއްޖެ’ އެވެ!
 

ކަމަކުވެސް ނުދެޔޭ

ކިޔާފައިވާ ޢަދަދު: 1121
ޢަބްދުﷲ ޞާދިޤު
 
އެވީ ގޮތަކާމެދަށް ވިސްނަން އިނަސް އިނދެ ކަމަކުވެސް ނުދެޔޭ
             ހަވީރުފިނީ ހިނގަން އުޅުނަސް ހިނގައިވެސް ކަމަކުވެސް ނުދެޔޭ
ނިދަން އުޅެ ނުނިދެޔޭ ނިދިވީ އެތައް ކޯހެއްގެ ދުރުމިނުގާ
              ނިދޭފަހަރަކު އެހެން ނިދުނަސް ނިދައިވެސް ކަމަކުވެސް ނުދެޔޭ

ހިތް ހިތަކަށް… (3)

ކިޔާފައިވާ ޢަދަދު: 1056
-އިބުރާހިމް ހުސެން މަނިކު- 
(22 ޖެނުއަރީ 2015 (ހޯމަ) ދުވަހު ޝާއިޢުކުރި ބަޔާ ގުޅޭ) 
މަލަކާ ލޮލަށް ވެރިވެގެން ދިޔަ ލާނެތް ވިދުވަރުން އަހަރެން ބުނި އެއްޗެއް އޭނާޔަށް މޭރުންވީ މުޅިން ތަފާތު ގޮތަކަށްކަން އެނގުނެވެ. ބުނެލާ ކަހަލައެވެ. މަގޭ ދަށުފޭރާން ލަދަކަށް ނުވާނެތާއެވެ. ތިޔައީ މަގޭ ވާން އުޅޭ ފިރިމީހާއެވެ. ހިތުގައި ހިނގަމުން ދިޔަ ޝުއޫރުތަކުން ހެވި މަޖާވެފައި ހުރި މޫނުމަތީން ފެނިފެނި ހުރީ ކުޑާއިރުވެސް އެމޫނުން ފެންނަން ހުންނަ ޖެހިލުން ކުޑަގޮތެވެ. މަޖާ މައްޗަށް މަޖާ އެރީ ޖެހިގެން ހުރި ގޭގެ ރެޑިއޯއިން އަންނާން ފެށި ލަވަޔަކުންނެވެ. 
   

ނުދަންނަ މީހަކު ދިން ނޫޑުލިސް ތަށި

ކިޔާފައިވާ ޢަދަދު: 1303
ތަރުޖަމާ: ފާޠިމަތު ސަރީރާ ޢަލީ ޝަރީފު
 

މިއީ އިންޓަނެޓުގައި ދައުރުވަމުންދާ ވާހަކައެކެވެ. މި ވާހަކައިގެ އަސްލަކީ ވިއެޓްނާމުން އައިސްފައިވާ ވާހަކައެއްކަމަށް ބައެއް ސައިޓުތަކުގައި ބުނެއެވެ. ނަމަވެސް އަޞްލު ވާހަކަ ލިޔުނު ލިޔުންތެރިޔަކު އެނގޭ ގޮތެއް ނުވިއެވެ. ތަރުޖަމާކޮށްލެވޭތޯ ބަލައިލީއެވެ.


އާދައިގެ މަތީން މިއަދުވެސް މަރްޔަމް އޭނާގެ މަންމައާ ޒުވާބުކޮށްފައި، މަންމަ ދެކެ ރުޅިއައިސްގެން ގެއިން ނުކުމެގެން ހިނގައްޖެއެވެ. މިހެން ނުކުމެގެން އުޅެނިކޮށް، މަގުމަތީގައި ކުޑަ ކަޑައެއް ހަދައިގެން ނޫޑުލިސް ވިއްކާން އިން މީހަކާ ދިމާވެއްޖެއެވެ. ކޮންމެވެސް ވަރެއްގެ ކިއުއެއް ވެސް އެތަނުގައި އޮތެވެ. ތާޒާ ނޫޑުލީހުގެ މީރު ވަހުން މުޅި ސަރަޙައްދު އޮތީ އެއްވަސް ވެފައެވެ. މަރްޔަމްގެ ބަނޑު ހީވީ ފުރިއަރައިދާނެހެންނެވެ. ނޫޑުލިސްކޮޅެއް ލިބޭނެ ނަމައޭ ހިތަށް އެރިއެވެ. އެކަމަކު މަރްޔަމްގެ އަތުގައި ލާރިއެއް ނެތެވެ.

ތިބީންނަށް ބުނެލަދޭށޭ އުދުހި ގޮސް އަދު އެކި މަޖާލުތަކަށް!

ކިޔާފައިވާ ޢަދަދު: 1166
އާދަމް ނަޞީރު އިބްރާހީމް (2015)

 ޖަވާބެއް ދޭށެ ޔާ ރަމަޟާން، ވެވޭ މި ހިތުގެ  ސުވާލުތަކަށް
                ދުވާލެއް ރޭގަނޑެއް ނެތި ދައުރު ވާ އެކި އެކި  ޚިޔާލުތަކަށް

 ތިބާގެ ރިޙާބުގައި ނޫންހޭ ބަދުރު، އުންމަތް    މި ހެއްވާލީ
                އެބާރަށް އަދު މި ވީ  ކީއްހޭ   ބަލާށޭ އަދުގެ    ޙާލުތަކަށް

ކޮއްކޮ

ކިޔާފައިވާ ޢަދަދު: 1363
ލަވަ ތަރުޖަމާ: ފާޠިމަތު ސަރީރާ ޢަލީ ޝަރީފު
 

“ޗައިލްޑް”، މި ރީތި ލަވައިގެ ޖުމުލަ މާނަ ލިޔެލެވޭތޯ ބަލައިލާނަމެވެ.


ކޮއްކޮ އުފަންވި ދުވަހު، ކޮއްކޮގެ މަންމައާއި ބައްޕަގެ ހުވަފެން ހަޤީޤަތަކަށްވިއެވެ. 
ތިޔައީ އެ ދެމަފިރިން ދަންނަވަމުން ގެންދިޔަ ދުޢާގެ ޖަވާބެވެ.
ތިޔައީ އެ ދެމަފިރިންނަށް ވަރަށް ޚާއްޞަ ދަރިފުޅެކެވެ.
ކޮއްކޮގެ ކޮންމެ ހިނިތުންވުމަކުން އެ ދެމަފިރިންނަށް އުފާވެރިކަން ލިބުނެވެ.
ކޮއްކޮ ރޮއިލި ކޮންމެ ފަހަރަކު ކޮއްކޮއާ އަޅައިލުމަށް ކޮއްކޮގެ ގާތުގައި އެމީހުން ތިއްބެވެ.

ރޯދަމަސް

ކިޔާފައިވާ ޢަދަދު: 889
ރޯނުގޭ ޙަސަން މަނިކު
ސަވާބުގެ ކޮޅެއް ނެތް މިއީ ރޯދަމަސް    
         ހެވާލާބައިން ފުރުނު މާތް ރޯދަމަސް
ތިމާގެ އަޚުވަންތަކަން ނެރި އެ ކުރިއަށް
    ތިމާގެކަން އޮންނަ ދިރުވާށެ  ކުރިއަށް
        އެކުވެރިވާން، ތެދުވެރިވާން ހިތްވަރުދޭ ރޯދަމަސް

ހިތް ހިތަކަށް… (2)

ކިޔާފައިވާ ޢަދަދު: 1009
-އިބުރާހިމް ހުސެން މަނިކު- 
(19 ޖޫން 2015 (ހުކުރު) ދުވަހު ޝާއިޢުކުރި ބަޔާ ގުޅޭ)
މަލަކާ ލަދުރަކި ގޮތަކަށް ހިނިތުންވެލައިފައި އިސްޖަހައިލިއެވެ. އަހަރެން މިރަށަށް އަންނަން ޖެހުނު މަގުސަދު މަށަށް އެނގޭ ފަދައިން މަލަކާއަށް ވެސް އެނގޭ ކަހަލައެވެ. މަންމަ މިރަށުގައި ހުރި އިރު އެވާހަކައެއް މޮހޮންމަދުބެޔާއި ފަހަރިދައިތައާ ދައްކައި ދެމަފިރީން މެދުވެރިކޮށް މަލަކާއާ ވެސް އޮތީ ދައްކާފައި ކަން މަލަކާ މަށަށް ބަލައިލި ގޮތުން ވިސްނުނެވެ. 

ހައްތަހައި ވެސް ފިލާވަޅު

ކިޔާފައިވާ ޢަދަދު: 1160

ތަރުޖަމާ: ފާޠިމަތު ސަރީރާ ޢަލީ ޝަރީފު
ތޯމަސް އަލްވާ އެޑިސަންއަކީ އެމެރިކާއަށް ނިސްބަތްވި މަޝްހޫރު އީޖާދުވެރިއެކެވެ. އޭނާ އީޖާދުކުރި އެއްޗެހި ބައިވަރެވެ. “ފޯނޯގްރާފް”އާއި “މޯޝަން ކެމެރާ” ވެސް އީޖާދުކުރީ އޭނާއެވެ. ތިޔަ ކުދީން ތަންތަން އަލިކުރަން ތިޔަ ދިއްލާ ބޮކި ވެސް އީޖާދުކުރީ އޭނާއެވެ. ބޮކި އީޖާދުކުރަން އޭނާ ކުރި މަސައްކަތުގެ ތެރޭގައި، އެކި ކަހަލަ މަޢުދަނުން ނަރު ހަދައިގެން ބޮކީގެ “ފިލަމެންޓް”ގެ ގޮތުގައި ބޭނުންކޮށްގެން، ބޮކި ދިއްލޭތޯ އޭނާ ވަރަށް ދުވަސްވާންދެން މަސައްކަތް ކުރިއެވެ. އޭނާ ހިތްހަމަޖެހޭ ވަރުގެ އަލިކަމެއް ބޮކިން ލިބުނީ އެކަމަށްޓަކައި އެތައް ދުވަހެއް ވާންދެން ކުރި ބުރަ މަސައްކަތުންނެވެ. މި ކުރި މަސައްކަތުގައި ދެ ހާހެއްހައި މަޢުދަން ޓެސްޓު ކުރެވުނު އިރު ވެސް، އޭގެ ތެރެއިން އެއްވެސް އެއްޗެއް އެހައި ރަނގަޅަކަށް މަސައްކަތެއް ނުކުރިއެވެ. ނަމަވެސް އޭނާ ފޫއްސެއް ނުވެއެވެ. މަސައްކަތް ހުއްޓައެއް ނުލައެވެ.

ތަޤްވާގެ މަތީ ދެމިހުރުމަށް!

ކިޔާފައިވާ ޢަދަދު: 1320
ޙަސަން ޝާކިރު މުޙައްމަދު

ރޯދައިގެ ވިމާތް މަޤްޞަދު  ޙާޞިލު ކުރަމުންދޭ،
            ހޯދަން ނިޢުމަތް އެންމެތަކުން  އިސްނަގަމުންދޭ.

ވަގުތަށް ހުރުމަތްތެރިވެ ނަމާދުގެ  އެ ޖަމާޢަތް،
            ހަގުނާއި  ދޮށިން  ހޯދުމުގައި  ކުރިއަރަމުންދޭ.