ލޯބި ކަނު އެއްޗަކަށްވީ ކީއްވެ؟

ކިޔާފައިވާ ޢަދަދު: 1190

ޚިޔާލީ ވާހަކައެއްގެ ތަރުޖަމާ

ލޯބި ކަނު އެއްޗަކަށްވީ ކީއްވެ؟

ތަރުޖަމާ: އިބްރާހީމް މާހިރު

މިއީ، މީގެ ދެއަހަރެއްހާ ދުވަސްކުރިން ކޮންމެވެސް ވެބްސައިޓަކުން ފެނިފައިވާ ވާހަކައެކެވެ. ބައެއް ސައިޓްތަކުގައިވާ ގޮތުން، މިއީ ގަލްފުގެ ޤައުމެއްގައި ބޭއްވުނު ޚިޔާލީ ކުރުވާހަކަ މުބާރާތަކުން ކޮންމެ ވެސް އަހަރަކު 01 ވަނަ ލިބުނު ވާހަކައެކެވެ. ނަމަވެސް އިތުބާރު ހުރި ސައިޓަކުން އެކަން ކަށަވަރުކުރެވޭ ގޮތެއް ނުވިއެވެ. އަދި ލިޔުނު މީހާގެ ނަންވެސް އެނގޭގޮތެއް ނުވިއެވެ. ލިޔުންތެރިންގެ ގުޅުމުގެ ވެބްސައިޓްގައި، ވަރަށް ފަހުން ޝާއިޢުކޮށްފައިވާ “ކަނުލޯބި” ވާހަކަ ފެށުމުގެ ކުރިން ލިޔުންތެރިޔާ ލިޔުއްވާފައިވާ ޢިބާރާތްކޮޅުން އަޅުގަނޑު ފުރަތަމަ ހީކުރީ އެއީ މި ވާހަކަ ކަމަށެވެ. އެކަމަކު އެއީ އަދި އެހެން ވާހަކައެއްކަން އެނގުމުން މި ހާވަހަކަ ވެސް ތަރުޖަމާކޮށްލާ ހިތްޖެހުނީއެވެ.

ސްރީލަންކާ އިން ފެނުނު ބައެއް ކަންތައްތައް

ކިޔާފައިވާ ޢަދަދު: 1284
އަޙުމަދު ޝިޔާމް
މެއި މަހުގެ ފުރަތަމަ ދުވަހު އަޅުގަނޑު ހުރީ ސްރީލަންކާގައެވެ. މަސައްކަތްތެރިންގެ ދުވަހުގެ ގޮތުގައި މުޅި ދުނިޔޭގައިވެސް ފާހަގަ ކުރަނީ އެ ދުވަހެވެ. އަޅުގަނޑު ސްރީލަންކާގައި ހުރީ ތިމާގެ މީހެއްގެ ގޭގައެވެ. އެގެ ހުންނަނީ މައުންޓް ލެވޭނިޔާގައެވެ. ވަރަށް ގިނަ ދިވެހިން ދަންނަ އަޔަރުވެދިކް ހޮސްޕިޓަލާ ވަރަށް ގާތުގައެވެ. 
  

ވަޑިއެއްގެ ވާހަކައިން ލިބޭ ޢިބްރަތް!

ކިޔާފައިވާ ޢަދަދު: 1210
ޝަފީޢު ޢަބްދުﷲ  ، ޏ. ފުވައްމުލައް

އެއް ޒަމާނެއްގައި އުޅުނު ވަރަށް މޮޅު ވަޑިއެކެވެ. މުޅި އުމުރު ވަޑާން ކުރުމުގައި އޭނަ ހޭދަކުރިއެވެ. މި ގޮތުގައި ދިގު މުއްދަތެއް ފާއިތު ވުމަށް ފަހު، ޤުދުރަތީ ޤާނޫނުގައި އޮންނަ ގޮތުން މާވަޑިޔާއަށް ވެސް މުސްކުޅި ޢުމުރުގެ ހަރުފަތްތަކަށް އަރާން ޖެހުނެވެ. މުސްކުޅިކަމާ އެކު، މަސައްކަތުގައި ލިބިހުރި ތޫނުފިލިކަމުގެ މައްޗަށް ލޯބޯ ކޮށިވުމުގެ އުނިކަން މަތި ވެގެން ދިޔުމުން، މަސައްކަތާ ދުރަށް ގޮސް، ޙަޔާތުގައި ބާކީ އޮތް ދުވަސްތައް އަނބިދަރިންނާއެކު ހޭދަކުރަން އޭނަ ނިންމިއެވެ.

ހުދުކޯޓު ލާ ހިތްވި އަންހެން ކުއްޖެއްގެ ވާހަކަ

ކިޔާފައިވާ ޢަދަދު: 1946
ލިޔުއްވީ: ހެމަވަތީ (އާއިލީ ނަން ވަންހަނާ ކުރަށްވާފައި)
ތަރުޖަމާ: އަޙްމަދް ސަމީރު ޢަލީ
ދަންނަވަން މި އުޅޭ ވާހަކައިގެ ބޮޑުބައެއް ގުޅިފައިވަނީ، މުސްކުޅިވެ ޕެންޝަން ލިބިފައިވާ ދެމަފިރިންގެ ނޯކަރެއްގެ ގޮތުގައި އަޅުގަނޑުގެ މަންމަ މަސައްކަތްކުރި ދުވަސްވަރާއެވެ! އާދެ، ކޭ ކޭ ކޭ ރައޯ އާއި އޭނާގެ އަނބި ކަނބަލުން ވިމްލާ އަށް ކައްކައިދީ، އަންނައުނު ދޮވެދީ، ޖުމްލަ ގޮތެއްގައި އާދައިގެ ގެއެއްގައި ކުރަން ހުންނަ ތަފާތު ކުދި ކުދި، އެހެން ނަމަވެސް ކޮށް ހުސްނުވާ، ތަފާތު ކަންތައް ކުރުމުގައެެވެ. މިސިޒް ރައޯ އަކީ ގެވެހިކަމުގެ އިލްމު ކިޔަވައިދެއްވި، އެ ރޮނގުގެ ޕްރޮފެސަރެކެވެ. ފިރިކަލުން މިސްޓަރ ރައޯ ވަޒީފާ އަދާ ކުރެއްވީ އިންޑިއަން ރެއިލްވޭ ސާރވިސަޒްގެ އިސްމަގާމެއްގައެވެ. މިހާރު މި ދެމަފިރިންވެސް ހިލޭ ސާބަހަށް ކުރަށްވާ ކަމެއް ފިޔަވައި އެއްވެސް ކަމެއް ނުކުރައްވައެވެ. ދިރިއުޅުއްވަނީ ޕެންޝަން ފައިސާއިންނާއި ކުރިން ރައްކާކުރަށްވާފައިވާ އެއްޗަކުންނެވެ.
 

އޭރުގެ ފަތްފުށްތަކުން…. (105)

ކިޔާފައިވާ ޢަދަދު: 1006

 ޞަލާޙުއްދީނުގެ ޚާއްޞަ ތަޤުރީރެއް (2)

(7 ޖޫން 2015 (އާދީއްތަ) ދުވަހު ޝާއިޢުކުރި ބަޔާ ގުޅޭ)
ނުކުންނަނަމަ ވާތުފައި އިސްކޮށް أللهم إنى أسئلك من فضلك މި ފަދައިން ކިއަމުން ނުކުތުމާއި. މިހިރި މިހިރީ މިސްކިތްތަކުގެ އަދަބުތަކެވެ.
 (12)ފޮތް ގެންގުޅުމުގެ އަދަބުތައް.
ތިމާ ގެންގުޅޭ ފޮތްތަކަށް ކަމޭހިތުމީ. علم ވެރީނާއި علم އުގެނޭން އުޅޭމީހުންގައި ނެތިނުވާނޭ ކަމެއްކަމުގައި ބޮޑެތި إمام ވެރީން ވަނީ ކަޑައަޅުއްވައި އަންގަވައިފައެވެ. قران ފޮތެއް ގެނެވޭ ތަން ފެނިއްޖެ ނަމަ ތެދުވުމީ ސުންނަތެކެވެ. ނުތެދުވުމީ ފާފަވާކަމެކެވެ. قران ފޮތް އޮތް ތަނަށް ފައިންއެރުމާއި އެތަނެއް ގިރާކޮށް ދިއުމާއި. އޮޅިއޮޅި މަތީގައި قران ފޮތް ބެހެއްޓުމާއި. މިހިރީ ބޮޑަތި مكروه ނުވަތަ حرام ކަންތަކެވެ. ބޮސްދޭން ހަދައިގެން ނޭފަތާއި މުނުގައި ހުންނަ ކުނިމިލަތައް އުގުޅުން حرام  ވެ. އެކަމަކު ބައެއްމީހުން ފޮތްހުޅުވައިގެން މޫނު ކާއްތައިވެސް އުޅެއެވެ.

މަލަށް މާބުރުގެ ގޯނާ ފޯރަނީ……..

ކިޔާފައިވާ ޢަދަދު: 1197

ޅެން ޝަރަޙަ:

މަލަށް މާބުރުގެ ގޯނާ ފޯރަނީ……..

މަރިޔަމް ޢަލީ

މި ވެބްސައިޓަށް ލިޔުއްވާ ޢަބްދުލްޢަޒީޒު ޖަމާލު ހައްދަވައިފައިވާ ތިރީގައި މިވާ ޅެމަކީ 2000 ވަނަ އަހަރު ނުވަތަ 2001 ވަނަ އަހަރުހާ ހިސާބުގައި “މިއަދު” ނޫހުގައި ޝާއިޢުކޮށްފައި އޮއްވައި އަޅުގަނޑަށް ފެނުނު ޅެމެކެވެ. ހަމަ އެ ޅެން “ލިޔުންތެރީން”ގައިވެސް ޝާއިޢުކޮށްފި އެވެ. އެ ޅެމުން އަޅުގަނޑަށް ވަރަށް އަސަރުތަކެއް ކުރުވި އެވެ. އަޅުގަނޑަށް މާނަކުރެވުނީ މި ޅެމުގައި ޝާޢިރުގެ ބަނޑުގައި އޮތް ފުން މާނައެއް ވާކަމަށެވެ. އެހެންކަމުން މި ޅެން މާނަކޮށް ޝަރަޙަކޮށްލާހިތްވީއެވެ. މިއީ މި ގޮތުން އަޅުގަނޑު ކުރި ފުރަތަމަ މަސައްކަތެވެ.

ދިވެހި ދަރިން ތިބީ ކުރިޔަށް ދާން

ކިޔާފައިވާ ޢަދަދު: 1547
 
ޢަބްދުއްރަޝީދު ޙުސައިން
ފާލު ދޮށު ބޮނބި ތަޅާން
ރާ ރުކުގައި ރާ އަރާން
               މާކަނޑުމަތީ ދޮށިއަޅާން
               ފައިތިބެ ފަނުން ގެއަޅާން
                             މާޙިކްމަތުން ދިދަ އުފުލާލީ
                             ދާލުން އަލިފު  ވިހުރައިލީ

އާރުލާ ދިވެހި ގޮތާ ދިވެހި އުޅުން ހިފަހައްޓާން
    މާކުރިއްސުރެ ދެމިއޮތް ސުލްޙަ މިތާ ދަމަހައްޓާން
        މާތްވި ދީނާއި ސިޔާދަތު އަބަދަށް ދަމަހައްޓާން
            ޖާނުދީ ދިވެހި ދަރީން އަބަދު ތިބީ ކުރިޔަށް ދާން

ލޯބި، ލޯބީގެ ވާހަކައެއް

ކިޔާފައިވާ ޢަދަދު: 1873

ލޯބި، ލޯބީގެ ވާހަކައެއް

އަހަންނަށް އޭނާ އެނގެއެވެ.

ތަރުޖަމާ: އަޙްމަދް ސަމީރު ޢަލީ

” އުމުރުން 80 އަހަރު ވެފައި ހުރި އެ އިއްޒަތްތެރިޔާ އަހަރެން މަސައްކަތް ކުރާ ހޮސްޕިޓަލަށް ދުރުވިއިރު އަދި އަށްގަޑި ބައެއް ނުވެއެވެ.  އަދި ވަރަށް ދެރަވެފައި ބުނުއްވީ، ފަޅާ ޑަކްޓަރު ކަފައިލެއްވި ކުޑަ ފާރުކޮޅުން ރޮދި ކޮށައިލަން، ހަމަޖެހިފައިވަނީ ހެނދުނު ނުވައެއް ޖަހާއިރު ކަމުގައެވެ. ނަމަވެސް އެ ގަޑިއަށް އެހެން ކަމެއްވެސް ހަމަޖެހިފައިވާތީ، އަތުގެ ބޮޑުވައިއިނގިލި ކައިރިން ރޮދި ކޮށާލައިގެން ދެން ދާން ޖެހޭތަނަށް ދެވޭނެ ކަމުގެ އުންމީދުގައި ތަންކޮޅެއް ކުރިން ދުރުވީ ކަމުގައި ބުނުއްވިއެވެ!

މިނިވަން ފަންސާސް

ކިޔާފައިވާ ޢަދަދު: 2136
 
ޢަބްދުއްރަޝީދު ޙުސައިން
މިނިވަންކަންދޭ ދީނެއްގެ އަސާސް
      ފެނި ވާ އުފަލުން ޤައުމީ އިޙްސާސް
             ގެނުވީ މިދުވަސް މިނިވަން ފަންސާސް
                    މިނިވަން ފަންސާސް މިނިވަން ފަންސާސް

އޭރުގެ ފަތްފުށްތަކުން ….(104)

ކިޔާފައިވާ ޢަދަދު: 1174
 

ޞަލާޙުއްދީނުގެ ޚާއްޞަ ތަޤުރީރެއް

އިދާރާ

މިއީ 1358 ވަނަ އަހަރު ޖުމާދަލްއައްވަލުމަހު 15 ވަނަ ދުވަހު، އޭރުގެ މަދްރަސަތިއްސަނިއްޔާގެ ދަރިވަރުންނަށް ފަޟީލަތުއްޝައިޚު ޙުސައިން ޞަލާހުއްދީން ދެއްވި އަގުހުރި ތަޤުރީރެކެވެ. މި ޢިލްމީ ތަޤުރީރުގެ މުހިއްމު ކަމުން، މިހާރުގެ ކިޔަވާ ކުދީންނަށް ވެސް މަންފާއެއް ކޮށްފާނެކަމުގެ އުންމީދުގައި މި ތަޤުރީރު ޝާއިޢުކޮށްލީއެވެ.

(ބިސްމިއާއި ޙަމްދު ޞަލަވާތަށްފަހު) އޭ މާތްވެގެންވާ އަޚުންނޭވެ! އޭ މި މާތް މަދުރަސާގެ ނަމާއިގެން މަތިވެރިވާން ތިބި ދަރީންނޭވެ! ތިޔަކުދީންގެ ކުރިމަތީގައި ތަޤުރީރު ދިނުމަށް މި މޭޒުގެ ކައިރީގައި ވަރަށް ގިނަ ފަހަރުފަހަރަށް ބޭބޭއަށް އެބަހުއްޓެވެއެވެ. ފަށްފަށުން ތިޔަކުދިންނަށް ދީއުޅޭ ނަސޭހަތުން އަމުދުން ފާއިދާޔެއް ނުކުރެޔެކޭވެސް ހިޔެއް ނުވެއެވެ. ކޮންމެދުވަހަކު ކިޔެނީ ހަމަ އެކައްޗެއް ކަމުގައިވެސް ނުވާނޭކަމެއް ނޭގެއެވެ. އެކައްޗެއް ނަމަވެސް ގިނަ ފަހަރުފަހަރަށް ކިޔަނީވިއްޔާ. އަސަރެއް ނުކޮށެއް ހަމަ ހިލައަކު ނުދާނެއެވެ (وذكّر فإن الذكرى تنفع المؤمنين) މިހެންވީއިރު منفع ނުފެނިއެއް ނުހުންނާނެއެވެ.