ދޮންދީނާ

ކިޔާފައިވާ ޢަދަދު: 1566
ތަރުޖަމާ: ފާޠިމަތު ސަރީރާ ޢަލީ ޝަރީފް
އަނެއްކާވެސް އިންޓަނެޓުގައި ދައުރުވާތާ އަހަރުތަކެއް ވެފައިވާ ވާހަކައެވެ. ލިޔުނު މީހަކު ނޭނގެއެވެ. ތަރުޖަމާކޮށްލެވޭތޯ ބަލައިލީއެވެ.
 
ކާޅު ވަރަށް ގިނަ ރަށެއްގައި ހީވާގި ދަނޑުވެރިއަކު އުޅުނެވެ. މި ރަށުގައި އުޅޭ ކާޅާ ހުރެ މި ދަނޑުވެރިޔާގެ ދަނޑުން އެންމެ ރަނގަޅަށް މަންފާ ލިބޭ ގޮތެއް ނުވެއެވެ. ބުރަ މަސައްކަތުން ހައްދާ ދަނޑުގެ ގޮވާމުގެ ބޮޑު ބައި ކައި ހަލާކުކުރަނީ ކާޅެވެ. 

ޒަމާނީ އަޅުވެތިކަން ނައްތައިލުން

ކިޔާފައިވާ ޢަދަދު: 1895

Professor Kevin Bales
ތަރުޖަމާ: އަޙްމަދް ސަމީރު ޢަލީ

ތިރީގައި އެވާ ލިޔުމަކީ TED talks ގެ ބައްދަލުވުމެއްގައި ޕްރޮފެސަރ ކެވިން ބޭލްސް ދެއްވި ދަރުސެއްގެ ތަރުޖަމާއެވެ. ޕްރޮފެސްރ ބޭލްސް އަކީ އިންސާނުން އަޅުވެތިކޮށްގެން ގެންގުޅޭ ގެންގުޅުމާއި ބެހޭ ވަރަށް ގިނަ ދިރާސާ، ތަފާތު ފަސް ގައުމެއްގައި އަމަލީގޮތުން އެފަދަ ކަންކަން ހިނގާ ތަންތަނަށް ވަޑައިގެން މައުލޫމާތު ހޯއްދަވައިގެން، ވަރަށް ގިނަ ފޮތް ލިޔުއްވާފައިވާ ބޭކަލެކެވެ. މީނާގެ އެންމެ ފަހު ފޮތް “ Disposable People: New Slavery in the Global Economy ”
 ( ބޭނުން ނިމުނީމައި އެއްލައިލެވޭ މީހުން: ބައިނަލް އަޤުވާމީ އިގްތިސާދުގައި އާ އަޅުވެތިކަން ) މި ފޮތަކީ މިހާރު ތަފާތު 10 ބަހަށް ތަރުޖަމާކުރެވިފައިވާ ފޮތެކެވެ.  އަދި ހަގީގީ ފިލްމެއްވެސް އެ ފޮތުގެމައްޗަށް ތައްޔާރު ކުރެވިފައިވެއެވެ. ޕްރޮފެސްރ ބޭލްސް އަކީ އދ ށް، އިނގިރޭސި، ނޭޕާލު، އަދި ނޯވޭ ސަރުކާރަށް ފަންނީ ލަފާ ދެއްވާ މުޝީރެކެވެ! 2008 ވަނަ އަހަރު ފަރަންސޭސި ވިލާތުގައި ނޯބެލް އިނާމު ހާސިލުކުރެއްވި އިއްޒަތްތެރިންނާ މުޚާތަބުކުރައްވައި ޒަމާނީ އަޅުވެތިކަމާ ބެހޭގޮތުން ތަގުރީރު ކުރެއްވެވިއެވެ. އެމެރިކާގެ ކުރީގެ ރައީސް ބިލް ކްލިންޓަންގެ ނަންފުޅުގައި ހިންގަވާ ޖަމިއްޔާ އުފައްދަވަން އުޅުއްވިއިރުވެސް ޕްރޮފެސަރ ބޭލްސްގެ ލަފާފުޅު ހޯއްދެވިއެވެ.

އިބްރާހީމުގެ ހުވަފެން (5)

ކިޔާފައިވާ ޢަދަދު: 1240

އަޙުމަދު ޝިޔާމް

ހަސަން ފުޅު ނެތް ދުނިޔެ އެއްގައި އެހެން މީހަކާ ކައިވެނި ނުކުރާން  ނިންމައިގެން ހުރި ހުރުން ބަދަލު ކުރަން ޖެހުމަކީ، ހަލީމާއަށް އެހައި ފަސޭހަ ނިންމުމެއް ނޫނެވެ.

ދެ ފިކުރެއްގައި ހުރެގެން ގެއިން ނުކުމެގެން ހިނގައި ގެންފިއެވެ. މޫނުމަތިން ފެންނަނީ ހާސްކަމާ ފިކުރު ބޮޑުވުމެވެ. މަޑު ހިނގުމެއްގައި ހުރެގެން ކުރިއަށް ދާއިރު މަގުމަތިން ދިމާވި ދެ އަންހެނަކު ހަލީމާއަށް ގޮވައިލުމުން ވެސް ރޭކާލާ ގޮތެއް ވެސް ނުވި އެވެ. ފިކުރުތަކުގެ ތެރެއަށް ގެނބިފައި ވާލެއް ބޮޑު ކަމުން އަޑު ނީވުނީއެވެ.

ސޭޓާއި ތަރުޖަމާނު

ކިޔާފައިވާ ޢަދަދު: 1293
އިބުރާހީމް ހުސެން މަނިކު
ސޭޓާއެކު ފަރީދު (އަސްލު ނަމެއް ނޫން) ކޮޅުނބަށް ގޮސް ހުރީ ސޭޓުގެ ތަރުޖަމާނެއް ގޮތުންނެވެ. ސޭޓަކީ އެދުވަސްވަރު ރާއްޖޭގެ ވިޔަފާރީގެ އުދަރެހުގައި އެންމެ ގަދަޔަށް ފިޔަޖަހާ އެއް ތަރިއެވެ. ސޭޓު ވެސް ކޮންމެ ވެސް ވަރަކަށް އިނގިރޭސި ބަސް ދެނެލައްވައެވެ. އެހެނަސް ތައުލީމީ މީހުންގެ ތެރޭގައި ލޯދިލުވައިލާން ކެރިލައްވާ މިންވަރަކަށް ނޫނެވެ. މިހައިކަށްހައި ވަރަށް ނުވަތަ މިއަށް ވުރެ ހެޔޮކޮށް ސިންގަޅަ ބަސް ދެނެލައްވައެވެ. ނަމަވެސް މިވަރަކުން އަދި ނުފުދޭނެ ތާއެވެ. ބައެއް ފަހަރު ވިޔަފާރީގެ ބޮޑެތި މުއާމަލާތުތައް ހިންގައިލާން ޖެހެނީ ލަންކާގެ ބޮޑެތި ބޮޑެތި ކުންފުނިތަކާއެވެ. އެތަންތާނގެ ވެސް އިސްވެރީންނާއެވެ. ނުވަތަ އިސް މެނޭޖަރުންނާއެވެ.

އަދި ހަރޯދަ ހިފައިލަމާ!

ކިޔާފައިވާ ޢަދަދު: 1626
ޢަބްދުލްޢަޒީޒު ޖަމާލު އަބޫބަކުރު
 
ތިމާއަށް ފަރުޟުވީ ޢަދަދަށް ނަވާވީސް ރޯދަ ހަމަކުރުމުން
                    ދިމާއަށް އޮތް ދަރަނި ނިމުނަސް މުހިއްމޭ އަދި ހަޔެއް ހަމަވުން
ޝަހުރު ރަމަޟާނުގައި ވާޖިބުވި ހުރިހާ ރޯދަ ހިފި ނިމުމުން
                    އަހުރެމެންނަށް އޮތީ ޝައްވާލުގައި ހަ ދުވަހުގެ ރޯދަ ހިފުން

ފިޠުރު ޢީދު އައިމާ….

ކިޔާފައިވާ ޢަދަދު: 1591
ޢަބްދުލްޢަޒީޒު ޖަމާލު އަބޫބަކުރު
ޢީދު އައިމާ ހިތްތަކުގެ ރޫޙަށް އުފާ ގެނުވައިފިޔޭ
            ޢީދުގައި ހިތް ހެޔޮކަމާއި  ސަލާމް އެކީ ފަތުރައިފިޔޭ 
ދީނުގައި އޮތް ވަޙުދަތާ އީމާންކަމުގެ ބާރުން ހިތަށް 
            ހީނުވާ ފަދަ އަޚުކަމެއް މުޅި އުންމަތަށް ގެނުވައިފިޔޭ
މުސްކުޅިންނާ ބޮޑެތި މީހުން، ކުޑަކުދީންނާ އެކުއެކީ
            މުސްލިމުންގެ އިޚާވަތުގެ ރޫޙެއް އަލުން ދިރުވައިފިޔޭ

ރަމަޟާން މަސް

ކިޔާފައިވާ ޢަދަދު: 1047
ފަތުޙުﷲ ޞާލިޙު، ޏ. ފުވައްމުލައް
މަސްތަކު ތެރެއިން ހެޔޮ އެންމެމާތް މަހަކީ ޔަޤީން ރަމަޟާން މަސް
އަސްލީ ހެވާ އަދި ލާބައިން ފުރިގެންވަނީ ރަމަޟާން މަސް
ޝައިޠާނުތައް ކަސްތޮޅު އެޅޭ އުރެދުންތަކާ ދުރުކޮށްލަދޭ
ޝައިޠާނު ދޭ ވަސްވާހަކަށް ފުރުޞަތު ނުވާ ރަމަޟާން މަސް
ކެތްތެރިކަމާ މަޑުމޮޅިކަމާ މާތް ސިފަތަކުން ވެ ޖަރީވެވޭ
ހިތްތިރިކަމާ އަޅުވެރިކަމުން ހަށިގަނޑު ދިރޭ ރަމަޟާން މަސް

ހިނގާބަލާށެ މި ޤައުމާއި މެދު އަލުން ވިސްނަން!

ކިޔާފައިވާ ޢަދަދު: 1136
އާދަމް ނަޞީރު އިބްރާހީމް (2015) 
 
1. ހިނގާބަލާށެ މި ޤައުމާއި މެދު އަލުން   ވިސްނަން 
          ހިނގާ! ހިނގާ! ރަނގަޅަށް ފިކުރު ހިންގަމުން ވިސްނަން 
                      *****
 
2. ގަލާ ހިލައިގެ އަޅުންނަށް  ވެގެން،  ގުދަށް  ތިއްބާ! 
          ކަލާނގެ ދެއްވި  ހިދާޔަތުގެ   ޙުރުމަތަށް   ވިސްނަން 
 

ލަކުނު

ކިޔާފައިވާ ޢަދަދު: 1548
ތަރުޖަމާ: ފާޠިމަތު ސަރީރާ ޢަލީ ޝަރީފު
އަނެއްކާވެސް އިންޓަނެޓުގައި ދައުރުވާތާ އަހަރުތަކެއް ވެފައިވާ ވާހަކައެވެ. ލިޔުނު މީހަކު ނޭނގެއެވެ. ތަރުޖަމާކޮށްލެވޭތޯ ބަލައިލީއެވެ.
 
އެއް ޒަމާނެއްގައި އުޅުނު، ވަރަށް ރީތި، ވަރަށް މޮޅު، އެހައިމެ ތޫނުފިލި ފިރިހެން ކުއްޖެކެވެ. ނަމަކީ ނޫރީއެވެ. ނޫރީއަކީ އޭނާ ދާ ކޮންމެ ތަނެއްގައިމެ ފާހަގަކޮށްލެވޭ ކުއްޖެކެވެ. ބައި ބަހައިގެން މަސައްކަތެއް ކުރަން ޖެހުނަސް، ކުޅިވަރެއް ކުޅެން ޖެހުނަސް ކޮންމެ ބަޔަކުވެސް އެމީހުންގެ ބަޔަށް ނޫރީ ލައްވަން ބޭނުންވެއެވެ. 
 

ދެ ހިސާބަކުން އިބްރަތްތެރި ދެވާހަކަ

ކިޔާފައިވާ ޢަދަދު: 1678
އަޙްމަދް ސަމީރު ޢަލީ

އިންޑިޔާގައި ކިޔައި އުޅޭ ވާހަކައެއް:

ދަނޑުވެރި ދެމަފިރިން، ކައިރީގައި އޮތް ސަހަރުން ވިޔަފާރިކޮށްގެން އައުމުން އެ ދެމަފިރިންގެ ގޭގައި އުޅޭ މީދާ ލަޝްކަރުގެ ތެރެއިން އިސް މީދަލެއް، ކުޑަ ބާގަނޑަކުން ސިއްރުސިއްރުން ބަލައިލައިފިއެވެ.  ވިސްނުން ތޫނު އެއްޗަކަށްވާތީ، އެމީހުން ގަނެގެން އެ ގެނައި ތަކެތީގެ ތެރޭގައި މީރު ކާއެއްޗެއް އޮތްތޯ ކޮށްލިކަމެކެވެ. ކަމަކުދާކަށްނެތެވެ! އެވެރިން ގަނެގެން އެއައީ ވަރުގަދަ ދައްޗެކެވެ. މި ރަސްމީދާ ދުވަހަކުވެސް ދެކެފައިނުވާ، އެކަމަކު ހަމަ ފެނުމުން އެއީ މީދާ ހިފަން ފަރުމާކޮށްފައިވާ، ފިސާރި ނުރައްކާތެރި ދައްޗެއްކަން އެނގިއްޖެއެވެ!