ފެށުން (2)

ކިޔާފައިވާ ޢަދަދު: 1436
ފަތުޙުﷲ ޞާލިޙު، ޏ. ފުވައްމުލައް

މިވާހަކައަކީ މަޝްހޫރު ނޫސް ރިޕޯރޓަރ ކެވިން ކާރޓަރ، ނަގައި އިންޓަރނެޓަށް ލުމުން މުޅި ދުނިޔެއަށް މަޝްހޫރުވި،  މި ވާހަކައިގައި ބޭނުންކޮށްފައި އެވާ ފޮޓޯއާއި ގުޅުވައިގެން އަޅުގަނޑު ލިޔެފައިވާ ޚިޔާލީ ވާހަކައެކެވެ.

ނަމެއްގެ ފަހަތުން…

ކިޔާފައިވާ ޢަދަދު: 1585
އިބުރާހިމް ހުސެން މަނިކު

މިއީ ޚިޔާލީ ހާދިސާއެއްގެ މައްޗަށް ވާހަކައެއް ގޮތަށް ލިޔެވިފައިވާ މަޒުމޫނެކެވެ. މަޒުމޫނުގައި ހިމެނޭ ތާރީޚީ މީސްމީހުންނާއި ކަންކަން ފިޔަވައި ހިނގިކަމެއްގެ މައްޗަށް ނުވަތަ ދިރި ހުރި ނޫނީ މަރުވެފައިވާ މީހަކަށް ނުވަތަ ބަޔަކަށް ނިސްބަތްކޮށް ލިޔެފައިވާ މަޒުމޫނެއް ނޫނެވެ.

އޭނާޔަކީ އިޓާލީވިލާތުގެ ބަޔަކު ހިންގާ ރިސޯޓެއްގައި މަސައްކަތްކުރާ ކުއްޖެކެވެ. އޭނާ އިޓާލީ ބަހުން ވަރަށް ފަރިތަކޮށް ތަޅުވައެވެ. 

ނޭނގެއެވެ. (15) – ސިފައިންގެއަށް ގެންދިޔުން

ކިޔާފައިވާ ޢަދަދު: 1747

ނޭނގެއެވެ. (15)

ސިފައިންގެއަށް ގެންދިޔުން

ފާޠިމަތު ސަރީރާ ޢަލީ ޝަރީފު
މުންނާ ރަށަށް ފުރުމާއެކު، ކުރިއެކޭ އެއްގޮތަށް އެއްޗެހި ގޮވުމާއި އަނިޔާކުރުން ފެށިއްޖެއެވެ. ދުވަސްތައް މި ގޮތުގައި ހޭދަވަމުން ދަނިކޮށް، އެއް ދުވަހަކު ފާތުމައިދީ (އަވަށްޓެރިއެއް) އަތުވެއްޖެއެވެ. އޭނާ އައީ އާފަލު ހިފައިގެންނެވެ. އެއީ ބޯޓު ދަތުރުކުރާން އުޅޭ އޭނާގެ ކޮއްކޮއަކު މާލެ އައި އިރު ގެނައި އާފަލު ކޭހަކުން އަހަރެމެންނަށް ހަދިޔާ ހިފައިގެން އައި އައުމެކެވެ. ފާތުމައިދީ އައުމުން، ދޮންމަންމަ އޭނާއަށް ޖޫސްތަށްޓެއް ދިނުމުން، އޭގެ ދެވެރީން ފެންޑާގައި ވާހަކަ ދައްކާން ތިބެއްޖެއެވެ. އަހަރެން އިނީ އޮޅިގަނޑުމަތީގައި އިށީނދެގެން ހަނޑޫ ހޮވާށެވެ. ދޮންމަންމަ އެއްކަލަ އާފަލު ކޮތަޅުން އާފަލެއް ނަގައިގެން، ބަދިގެއިން ވަޅިއެއް ހިފައިގެން ގޮސް ފާތުމައިދީގެ ގާތުގައި އިށީނދެއްޖެއެވެ. އަދި އެ އާފަލު ކޮށައިލައިގެން އޭގެ ދެ ވެރީން ކާން ފަށައިފިއެވެ.

ކަނު ލޯބި

ކިޔާފައިވާ ޢަދަދު: 1871
ތަރުޖަމާ: ފާޠިމަތު ސަރީރާ ޢަލީ ޝަރީފް
މިއީ އިންޓަނެޓުގައި ދައުރުވަމުންދާތާ އަހަރުތަކެއް ވެފައިވާ ވާހަކައެކެވެ. ވާހަކަ ލިޔުނު މީހެއް އަޅުގަނޑަކަށް ނޭނގެއެވެ. ތަރުޖަމާކޮށްލެވޭތޯ ބަލައިލީއެވެ. އިންޓަރނެޓުން އެކި ފަހަރު އެކި ގޮތަށް މި ވާހަކަ ފެނިފައި ވާތީ، ތަރުޖަމާ ކުރި އިރު، އަޅުގަނޑު ވެސް ކޮންމެވެސް ވަރަކަށް ވާހަކައަށް ބަދަލު ގެނެސްފައިވާނެއެވެ. އެކަމަކު ވާހަކައިގެ އަޞްލަކަށް މާ ބޮޑު ބަދަލެއް ނުގެންނަމެވެ.
 

ބޭކާރު ކަމެއް ކަމަށް ބަލައި، ނުގަންނަން ނިންމި ސިމްކާޑު އެންމެ ފަހު ވަގުތުގައި ގަންނަންޖެހުނީ އަމިއްލަ ސަލާމަތަށްޓަކައެވެ.

ކިޔާފައިވާ ޢަދަދު: 3111
ޢަބްދުލްޢަޒީޒު ޖަމާލު އަބޫބަކުރު.
ހެނދުނު 9:00 ން ފެށިގެން ހަވީރު 4:30 އަށް އޮންނަނީ މަޢުލޫމާތުގެ ދަންފަޅިތަކާއި ތަޖުރިބާކުރުމުގެ ދަންފަޅިތަކެވެ. މެންދުރު ކާން މެދުކަނޑައިލެވޭ ބައިގަޑިއެއްހާ އިރު ފިޔަވައެވެ. 4:30 ގައި ދުވަހުގެ ޕްރޮގްރާމް ނިންމައިލެވޭ އިރު ހުންނަނީ ވަރަށް ބޮޑަށް ވަރުބަލިވެފައެވެ. ހަށިގަނޑުން ފިނިކަން ކެނޑި ހަމައަކަށް އެޅިފައެވެ. ނަމަވެސް ބައިގަޑިއެއްހާ އިރު ހިނގައިލުމަކަށް ފަހު، ހޮޓަލަށް އާދެވޭއިރު އަނެއްކާ ހުންނަނީ ވަރަށް ބޮޑަށް ފިނިވެފައެވެ. ހީކަރުވައިފައެވެ.
 

ދަރިއެއްގެ އާދޭސް…. އަހަރެންގެ ގަލަމުން

ކިޔާފައިވާ ޢަދަދު: 1271
ޢަލީ ޤާސިމް، ކަނީރުމާގެ، އދ. މަހިބަދޫ
ލޯބިވާ ބައްޕާ މަގޭ ބޮލުގާ ނިކަން ފިރުމާލަދީ
        ލޯބި  ބޭނުންވޭ   ޙަޔާތަށް  މާފުކޮށް   ފިރުމާލަދީ
އެންމެ ޅައިރުއްސުރެ މަގޭ ތަރުބިއްޔަތަށް ވިސްނާލިކަން
        ދެންމެޔޭ އަދި ވިސްނުނީ މިކަމަށް މަށަށް ދެން މާފުދީ

ގިލަންވެރިކަމަކަށް ވަކި ފަންތިއެއް ނެތެވެ!

ކިޔާފައިވާ ޢަދަދު: 4295
އަލްމަރްޙޫމް ޑޮކްޓަރ މުޞްޠަފާ މަޙްމޫދް
ތަރުޖަމާ: އަޙްމަދް ސަމީރު ޢަލީ
މިސްރަށް އުފަން الدكتور مصطفى محمود އަކީ މެޑިކަލް ޑަކްޓަރެކެވެ. މެއަށް ޖެހޭ ބަލީގެ ޚާއްސަ ޑަކްޓަރެއްގެ ގޮތުގައި އަށެއްކަ އަހަރު މަސައްކަތް ކުރެއްވުމަށްފަހު 1960 ން ފެށިގެން ލިޔުންތެރިކަމަށް ޚާލިސްވެ ވަޑައިގެން، 2009 ވަނަ އަހަރު މި ދުނިޔެ ދޫކުރެއްވިއިރު 89 ފޮތް ޝާއިއު ކުރައްވާފައިވެއެވެ. ލިޔުއްވުމުގެ އިތުރުން، العلم والإيمان ގެ ނަމުގައި، ކީރިތި ޤުރުއާނުގައި ވާ ޢިލްމީ މުޢުޖިޒާތް އާންމުންނަށް ވިސްނޭފަދަ ތިލަ ގޮތަކަށް، (މިސްރާއި  އަރަބި ދުނިޔޭގައި ވަރަށް މަޝްހޫރުވި އެ ސިލްސިލާގެ) 400 އަށްވުރެ ގިނަ ޓިވީ ޕްރޮގްރާމު  ހުށަހަޅުއްވައިދެއްވެވިއެވެ. އަދި 1979 ގައި “مسجد مصطفى محمود” ގެ ނަމުގައި ވަރަށް ބޮޑު މިސްކިތެއް އަޅުއްވައި މިމިސްކިތުގެ ތިރިން ބައެއްގައި  ނިކަމެތީންނަށް ވަރަށް ހެޔޮ އަގުގައި ބޭސްފަރުވާ ކުރެވޭނެ 3 ކްލިނިކް މިހާރުވެސް ހިންގެއެވެ.
 

ސަންޑޭ (20)

ކިޔާފައިވާ ޢަދަދު: 3352
މޫސާ ޞާޢިދު
( 12 މެއި 2015 (އަންގާރަ) ދުވަހު ޝާއިޢުކުރި ބަޔާ ގުޅޭ)
“ދޮންމަންމައަކަށްދޯ ވާނީ. މަންމަ އަންނާނަން ފާޚާނާއަށް ވަދެލާފަ…..” މަރީނާ ތެދުވެގެން ގޮަސް ކޮޓަރިއަށް ވަދެއްޖެއެވެ. ނަދުހާވެސް ތެދުވެގެންގޮސް ކޮޓަރިއަށް ވަނެވެ. ސިޓިންގރޫމްގައި ހުއްޓާ މުނާޒް އައިސް ދިމާކޮށްފާނެތީއެވެ. އެހެން ވެއްޖެއްޔާ މަރީނާ އަންނައިރުވެސް މުނާޒް އަޅާނުލާ ހުރެދާނެއެވެ. ކޮޓަރިއަށް ވަދެ ނަދުހާ އެނދުގައި އޮށޯވެލިއެވެ. ކޮޓަރި ދޮރުވެސް އޭނާ ނުލައްޕައެވެ. މުނާޒަށް ފުރްޞަތު ކުޑަކުރުމުގެ ޤަޞްދުގައެވެ. މުނާޒް އެކަންޏެއް ނޫނެވެ. ދަލޭކައަކީވެސް ބޮޑު ތުރާލަކަށް މިހާރު އޭނާއަށް ވެއްޖެއެވެ. އެހެންވެ މަންމައާއި ބައްޕަ ގާތު ބުނެގެން ފަންޑިތަ ހަދަންވެސް މިހާރު އޭނާ ހިތަށްއަރައެވެ. ނަދުހާ އެހެން އޮންނަތާ މާގިނައިރުތަކެއްނުވެ، ބާރު ވައިރޯޅިއަކާއެކު ކޮޓަރި ދޮރު ނިކަން ބާރަށް ލެއްޕިއްޖެއެވެ. ނަދުހާ ފުންމައިގެން ތެދުވެއްޖެއެވެ. އެއީ މުނާޒް ނޫނީ ދަލޭކަގެ އިޝާރާތެއްކަން އޭނާއަށް އެނގުނީމައެވެ. ނަދުހާ ތެދުވެގެން ހިނގައިގަތީ ކޮޓަރިން ނުކުންނާށެވެ. އޭނާ ގޮސް ތަޅުގައި ހިފާލިއެވެ. ނަމަވެސް ދޮރެއް ނުހުޅުވުނެވެ. ހީވަނީ މީހަކު ދޮރުގައި ހިފަހައްޓާފައި ހުރިހެންނެވެ.
 

ސުނާމީ ކާރިސާއިން ޢިބްރަތެއް!!!

ކިޔާފައިވާ ޢަދަދު: 4641
ހަތިފުށީ ޢަބްދުﷲ ޝާކިރު
ސުނާމީ   ކާރިސާއިން   ޢިބްރަތެއް   ޙާޞިލު ކުރަން  ވެއްޖޭ.
ދުޢާކޮށް ރަޙްމަތަށް  އެދިގެން  ސުލޫކު  ރަނގަޅު ކުރަން ވެއްޖޭ. 
 
“ނެތޭ އައިސްފައި މުޞީބާތެއް، ޢަމަލުތައް  ގޯސް ވެގެން ނޫނީ”
ވެވޭ ކުށްފާފަ ވިޔަކޮށްގެން،  ބަލައި  އިޞްލާޙް  ވާން   ވެއްޖޭ.
 

ފެށުން

ކިޔާފައިވާ ޢަދަދު: 4737
ފަތުޙުﷲ ޞާލިޙު، ޏ. ފުވައްމުލައް
ކެވިންގެ ދުވަހުގެ މަސައްކަތް އަހަރެން ދިޔައީ ފަރުވާތެރިކަމާއި އެކު ބަލަމުންނެވެ. ފޮޓޯ ނެގުމުގެ ދާއިރާގައި އޭނާއަކީ ކޮންފެންވަރެއްގެ މީހެއްކަން އަހަންނަށް ސާފެވެ. ކޮންމެ ފޮޓޯއަކީވެސް ވަރަށް ވިސްނައިގެން އޭނާ ނަގާފައިވާ، އެހާ ބޭނުންތެރި ފޮޓޯއެކެވެ. ފޮޓޯ ބަލަމުން އަހަރެން ދިޔައިރު ކެވިން ވެސް ކައިރީގައި ހުރެގެން އެކި ފޮޓޯތަކާއި ގުޅުންހުރި އެކި އެއްޗެހި ކިޔައިދެމުން ދިޔައެވެ.