ސަންޑޭ (16)

ކިޔާފައިވާ ޢަދަދު: 1918
މޫސާ ޞާޢިދު

( 28 އެޕުރީލު 2015 (އާދީއްތަ) ދުވަހު ޝާއިޢުކުރި ބަޔާ ގުޅޭ)

“ވަރަށް އުފާވެއްޖެ. މިހާރު ބަނޑަށް ކިހާ ދުވަހެއް ވެއްޖެތަ؟” ނަވާލް ލިބުނު އުފަލާއެކު އެއްސެވެ. އޭރު ޒިލާވެސް ހުރީ ވަރަށް އުފާވެފައެވެ.

“ހަ ހަފުތާ. މަހަކު އެއްފަހަރު އަހަންނަށް ދައްކަންވާނެ.” ޑޮކްޓަރ ޝާންތާ މިފަހަރު ވާހަކަ ދެއްކީ އިނގިރޭސިބަހާ ދިވެހި ބަސް މަސްހުނިކޮށްގެންނެވެ.
“ޑޮކްޓަރ މިހާރު ދެން ރަނގަޅަށް ދިވެހިބަސް ދަސްވާހާ ދުވަސް ވެއްޖެއެއްނު.” ނަވާލް ޝާންތާއާ ދިމާކުރިއެވެ. ޝާންތާ ހިނިތުންވެލިއެވެ.

ބަރުދާސްތު (5)

ކިޔާފައިވާ ޢަދަދު: 1401
ފަތުޙުﷲ ޞާލިޙު، ޏ. ފުވައްމުލައް

(23 އޭޕްރިލްގެ ޢަދަދާއި ގުޅޭ)

“ޝާނިލް . . . ޝާނިލް އަހަރެން އޭނާ މަރާލީ ޤަސްދުގައެއް ނޫން. . . . އަހަރެން . . .  އަހަރެން” ޒާރާ އަކަށް އިތުރަކަށް ވާހަކައެއް ނުދެއްކުނެވެ.

“ޒާރާ . . . މިމައްސައިގެ ހެކި އެބަހުރި. . . ދެރަނުވޭ، ހުރިހާކަމެއްވެސް ވާނީ ރަނގަޅަށް .  .  . އަހަރެން ޒާރާ އާއި އެކު އަބަދުވެސް ހުންނާނަމޭ ބުނީމެއްނު” ޝާނިލް މަސައްކަތްކުރީ ޒާރާއަށް ހިތްވަރު ދެވޭތޯއެވެ. “ޒާ އަކީ ކުށްވެރިއެއް ނޫނޭ .  .  .  ބަލާބަލަ!” ޝާނިލް އިޝާރާތްކުރީ ފާރުގައި ހުރި ޓީވީއަށެވެ.

ސަންޑޭ (15)

ކިޔާފައިވާ ޢަދަދު: 1909
މޫސާ ޞާޢިދު

( 26 އެޕުރީލު 2015 (އާދީއްތަ) ދުވަހު ޝާއިޢުކުރި ބަޔާ ގުޅޭ)

“ނަދުހާ، ނަދުހާގެ މައިންބަފައިންގެ ގާތުގައި ދިރިއުޅޭ.
އަހަރެންވެސް އެހެން ގޮތެއްވޭތޯ މަސައްކަތް ކުރާނަން.” މުނާޒް ބުންޏެވެ. ނަދުހާ ބޯޖަހައިލިއެވެ.

“މުނާޒް ރުޅިއައީތަ؟ އަހަރެންގެ މަންމައާއި ބައްޕައަށް ނޭނގިވެސް ކައިވެނިކޮށްގެން އުޅެވިދާނެއެއްނު.” ނަދުހާ ޖިންނީންގެ ދިރިއުޅުމާ ދޭތެރޭ ކުޑަކޮށް ވިސްނާލުމަށްފަހު ބުންޏެވެ.

“ނ.އަތޮޅު ޤުރުއާން މުބާރާތް-2015” ގެ ހަނދާނުގައި…..!

ކިޔާފައިވާ ޢަދަދު: 1396

އަބޫބަކުރު އާދަމް ސިލްވަރބީޗް ނ.މަނަދޫ

އަތޮޅު ޤުރާން މުބާރާތަށް ފަހިކަމާ އެންމެ ފާގަތިކަން
              ވަކިން ލިބުމޭ މިފުރުޞަތުގައި މި އެދެނީ  ހާއުފާވެރިކަން
 
ބައިވެރިންނަށް މުބާރާތުގެ މަރުހަބާ ހެޔޮހިތުން ކިޔަމުން 
              ހަޔާތެއް ބާއްޖަވެރިދެއްވާ އެދެން އަތޮޅަށް ޝަރަފުވެރިކަން

އިލާހީ  ހަޟުރަތުން ﷲ   ބާލެއްވި  މާތް ޤުރުއާން
              މިއީ ތެދުމަގު ހަޔާތުގެ ކަށަވަރޭ ޝައްކެއް މިއަދު ނުކުރަން

ސަންޑޭ (14)

ކިޔާފައިވާ ޢަދަދު: 1925
މޫސާ ޞާޢިދު

(19 އެޕުރީލު 2015 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“ނުކުރާނަން، ތިކަމެއް ދުވަހަކުވެސް ނުކުރާނަން. ވަރިހަމަ ކިތަންމެ ދުވަހެއް މިހެން އުޅެން ޖެހުނަސް.” އޭރު އަދި އަމިއްލަ އިޚްތިޔާރުން ބޭރުނުވާތީ ނަވާލް ހަޅޭއްލަވައިގަތެވެ. އެހިނދު މުނާޒް ނަވާލްގެ ހަށިގަނޑުތެރެއަށް ވަންތަން ނަދުހާއަށް ފެނުނެވެ. އެހެންކަމުން، އޭނާ އަނެއްކާވެސް ތަކުރާރުކޮށް (ވަރި) އަށް އެދުނެވެ.

“ވަރިކުރަންވީތަ، ނަދުހާ ހީކުރީތަ އަހަންނަށް ނުކެރޭނޭ….” މުނާޒްގެ ބާރުގައި ނަވާލް ބުންޏެވެ.

ރޭގައި ތިބާ . . .

ކިޔާފައިވާ ޢަދަދު: 1341

ފަތުޙުﷲ ޞާލިޙު، ޏ. ފުވައްމުލައް

ރޭގާ ތިބާ ހުވަފެން ތެރެއިން ފެނުމުން މިހިތް ފުރުނޭ ނިކަން
    މޭގާ މިވާ ކުދި ނާރުތައް ނޭދޭ ތިނޫން މޫނެއް ދެކެން
        ހޭގާ މަ ދިރި ހުރިހާ ހިނދަކު އެދެނީ ކަލާ ލިބުމޭ ހިތުން

” ރޭ ފަތިހޭތޯއެވެ! ”

ކިޔާފައިވާ ޢަދަދު: 2344
އަޙްމަދް ސަމީރު ޢަލީ
މަތީގައި އެވާ ސުރުޚީ އަށް އަލިއަޅުވައިލާނަމޭ ހިތައި، އަޅުގަނޑު ޚިޔާލު ކުރާތާ ލައްކަ ދުވަސް ވެއްޖެއެވެ. އިއްޔެ (ހުކުރު ދުވަހު) ފަތިހު ކެންދޫގައި ހިނގި ވަރަށް ހިތާމަވެރި ހާދިސާއެއްގެ ޚަބަރު ކިޔައިލި އިރު ‘ ރޭ ފަތިހު ލޯންޗަކާއި ދެ ދޯންޏެއް އަންދައިލި’ ޚަބަރުގައި ލިޔެފައިވެއެވެ.  ހަގީގަތުގައި މި ކުރު މަޒްމޫނުގައި  އެ ލިޔުންތެރިޔާ އަށް އަޅުގަނޑު ރައްދެއް ދޭކަށް ގަސްދެއް ނުކުރަމެވެ.  އަޅުގަނޑަށް ވިސްނޭ ގޮތުގައި މިއީ މިހާރު ވަރަށް އާންމު ކުށް ބަހެކެވެ.

ބަރުދާސްތު (4)

ކިޔާފައިވާ ޢަދަދު: 1510
 
ފަތުޙުﷲ ޞާލިޙު، ޏ. ފުވައްމުލައް
(21 އޭޕްރިލްގެ ޢަދަދާއި ގުޅޭ)

“އަޅުގަނޑުމެން މިއައީ ޒާރާ ނަޞީރު މިގޭގައި އުޅޭކަމުގެ މަޢުލޫމާތު ލިބިގެން .  .  .  .  . އޭނާގެ ފިރިމީހާ މަރާލުމުގެ ކުށުގައި ހައްޔަރުކުރަން” ބޭރުގައި ތިބީ ފުލުހުންގެ ދެ އޮފިސަރުންނެވެ. އަންހެން އޮފިސަރަކާއި ފިރިހެން އޮފިސަރެކެވެ. ޝާނިލްއަށް ލިބުނީ ޝޮކެކެވެ. ބުނާނެ އެއްޗެއް ނޭނގުނެވެ. ޒާރާއަށް ރޮވެން ފެށިއެވެ. ގިސްލަގިސްލާފައި ރޯންފެށިއެވެ. އިތުރު ބަހެއް ނުބުނެ އަންހެން އޮފިސަރު އެތެރެއަށް ވަނެވެ. ޒާރާގެ އަތުގައި ބިޑިއެޅުވިއެވެ. ޝާނިލްއަކަށް އެއްވެސް އެހީއެއް ނުވެވުނެވެ. ހުންނަން ޖެހުނީ ގޮތް ހުސްވެ މާޔޫސް ވެފައެވެ. މިވީ ކިހިނެއްބާއެވެ! ތަޤްދީރުގައި އެދެމީހުންގެ ނަން އެކުގައި ލިޔެވެން ނެތީބާވައެވެ! ޝާނިލް ކުޑަދޮރުން ބަލަންހުއްޓައި ޒާރާ ގެންގޮސް ވެހިކަލަށް އަރުވައިގެން ގެންދިޔައީއެވެ. އަބަދުގެ އަބަދަށް ދެމީހުން ވަކިވީއެވެ. އެތައް ދުވަހަކަށްފަހު އާވެވުނު އުއްމީދުތައް ވިއްސި ވިހާލިވީއެވެ.

މަލަށް މާބުރުގެ ގޯނާ ފޯރަނީ……

ކިޔާފައިވާ ޢަދަދު: 2834

 

ޢަބްދުލްޢަޒީޒު ޖަމާލު އަބޫބަކުރު

މަލަށް މާބުރުގެ ގޯނާ ފޯރަނީ . . . ދަޢުވަތުދެވޭތީއްޔޭ

          އަލަށް  ފޮޅިލާ  ހިނދުން  ފިޔަތައް  ދިމާއަށް  ހާމަވާތީއްޔޭ

 

ކޮކާތައް ޝައުޤުވެރިވާ ކުލަތަކުން ފިޔަތައް މުލަންމާކޮށް

          ޝިކާރައަކަށް  އެ މާ ރުހިގެން   ގަބޫލުވެ   ހުށަހެޅޭތީއްޔޭ

 

އަތުން ބިނދެވޭ ގޮތަށް މަގަތަށް އައިސް ފަރިކުލަތަކާއެކުގައި

          ފަތުން ފަރުދާވެގެން ނުމެ ތިބެ، މަތީން ފެނި ކަޝްފުވާތީއްޔޭ

ދުޢާ (ފުވައްމުލަކު ބަހުރުވައިން)

ކިޔާފައިވާ ޢަދަދު: 1474
ފަތުޙުﷲ ޞާލިޙު / ޏ. ފުވައްމުލައް

ރާގަ: ހިތާމައިގެ ކަނޑުގާ އޮޔާވައި ތެރޭގާ

އިލާހިއްޔަ ރައްބީ ފަރާތަހަ ވެޚާލިސް ކެރާނ މީ ދުޢާއެއު މަގެން ހެއު ލިބެންތޯ
        ބިލާހާވެ ހެއްލީން މަގެން ކަތިވެގެން އޭނ ފަސާދައިގެ މިބިމެން ސަލާމައް ވެވެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .

 
 
ފެލާވަޅޮ ރަސޫލާ ޙަޔާތިގެ މިސާލެން ހިދާޔަތިގެ ނޫރެން ޙަޔާއު އަލި ވެވެންތޯ
        ސަލާމައް ވެގެންވީ ސަރާސަރޮ މިދީނެއި އުސޫލެއި ވެ ޤާއިމް ނިމީގެން ގިއެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .