تشبيه(ތަޝްބީހް)

ކިޔާފައިވާ ޢަދަދު: 2952

އިބްރާހިމް ރަޝީދު މޫސާ

تشبيهގެ މާނަ
އަރަބި ބަހުގައި تشبيهގެ މާނައަކީ : އެއް ވައްތަރު ކުރުން ، އެއްގޮތްކުރުން ، އެއް ފަދަ ކުރުން އެވެ. މި ލަފުޒުގެ އަޞްލަކީ شِبْه  ނުވަތަ  شَبَه އެވެ.

تشبيهގެ އިޞްޠިލާހީ މާނަ

އިންދިރާސް

ކިޔާފައިވާ ޢަދަދު: 2195
މަރިޔަމް ސަނާ، ށ. މިލަންދޫ
މިއީ ދުނިޔެއެވެ. ކިތަންމެ ކުޑަހެން ހީވިޔަސް ބޮޑު ތަނެކެވެ. ފަންސަވީސް އަހަރު ދުނިޔޭގައި ހޭދަކުރެވުނުއިރު ފެނުނީ ދުނިޔޭގެ ކުޑަ މިންވަރެކެވެ. ކުރެވުނު ތަޖުރިބާ އާއި އެނގުނު ކަންކަންމަދެވެ. އެކަން އިހުސާސް ކުރެވެނީ ކުރިން ނޭނގޭ އާކަމެއް ނުވަތަ އާތަޖުރިބާއެއް ކުރެވުމުންނެވެ. 
 

ފަޞާޙަތްތެރިކަން

ކިޔާފައިވާ ޢަދަދު: 3317

އިބްރާހީމް ރަޝީދު މޫސާ

އަރަބި ބަހުގައި (الفصاحة) ގެ މާނައަކީ : ފާޅުކަމާއި ބަޔާންކުރުމާއި ދޫފަސޭހަކަމެވެ. މާތްﷲ ވަޙީ ކުރައްވަނީ ” أَخِي هَارُونُ هُوَ أَفْصَحُ مِنِّي لِسَانًا  – އަދި މިއަޅާގެ އަޚު ، هارون މިއަޅާއަށްވުރެ ދޫފަސޭހަކަން ބޮޑެވެ.”
އިޞްތިލާޙުގައި(الفصاحة) އަކީ : މާނަ ފާޅުކަން ބޮޑު، ބޭނުން ކުރުމުގައި އޮޅު ލަފުޒުތަކެވެ. 

فصاحة الكلمة ( ލަފުޒުގެ ފަޞާޙަތްތެރިކަން )

އިހަކަށް ނޭނގެއެވެ.

ކިޔާފައިވާ ޢަދަދު: 3889
ޢަބްދުލްޢަޒީޒު ޖަމާލު އަބޫބަކުރު
 
އިހަކު މަށަކަށް ނޭނގެނޭ ޝަޚުޞިއްޔަތުގެ މަތިވެރިކަމެއް 
           އިވުނު ބަދުބަސްތައް އެއީ ނަފުރަތުގެ ވިހަ ޙަމަލާކަމެއް
މޫނަކަށް ކަނދުރާއަކަށް ނުބަލައި އުޞޫލަށް ބޯލަނބައި
           ދޫނުކޮށް  ސާބިތުކަމާއެކު   ކަންކަމާކެމި  ވާ  ކަމެއް

ސުބުޙާނަ ﷲ !

ކިޔާފައިވާ ޢަދަދު: 2987
                        
  ކަނީރު ޢަބްދުއްރަޙީމް
 
  ﷲ އެއްކައުވަންތަ އޭ   ހަމަ  ގައިމެ   ކުޅަދުންވަންތަ އޭ
               ﷲ ދެނެވޮޑިގެންވެ އޭ  މަތިވެރި އެއީ   އޭ   ޛިލްޖަލާލް
 
  ވިސްނައިފިކުރުކޮށް ބުއްދިކޮށް ރަނގަޅާއި ނުބައި ވަކިކޮށްހަދައި
               ވިސްނާނެ މަގުތައް އަޅަމެނަށް ތަނަވަސް ކުރެއްވީ ޛިލްޖަލާލް
 

‘ދިވެހިބަހުގެ ދުވަސް’ ޞަލާޙުއްދީނަށް ނިސްބަތްކުރެއްވީ ކީއްވެ؟

ކިޔާފައިވާ ޢަދަދު: 5074
ޢަބްދުލްޢަޒީޒު ޖަމާލު އަބޫބަކުރު
ކޮންމެ ޤައުމެއްގައިވެސް އެ ޤައުމެއްގެ އެންމެ މުހިއްމު ޤައުމީ ތަރިކައަކީ އަދި ޤައުމިއްޔަތުގެ އެންމެ ވަރުގަދަ ތަނބަކީ އެ ބަޔެއްގެ މާދަރީ ބަސް ކަމުގައި ގަބޫލުކުރެއެވެ. އަދި އެ ބަޔެއްގެ ބަހުގެ ދުވަސް ވަރަށް ކުލަގަދަ ގޮތެއްގައި ފާހަކަކުރެއެވެ. ބައެއް ގައުމުތަކުގައި އެއ ރަސްމީ ބަންދު ދުވަހެއް ކަމުގައި ކަނޑައަޅައިފައި ވެސް ހުރެއެވެ.
 
އަޅުގަނޑު މި އުޅެނީ އެ ދުވަސް ރަސްމީ ބަންދު ދުވަހަކަށް ހަދާން ޖެހޭނެ ކަމަށް ވަކާލާތު ކުރާކަށް ނޫނެވެ. މިހާރުވެސް ސަރުކާރުގެ މުވައްޒިފުންގެ އެންމެ ޗުއްޓީ ގިނަ ޤައުމުގެ ގޮތުގައި ފާހަގަކުރެވިފައިވާ މި ޤައުމުގައި އިތުރު ދުވަހެއް ބަންދުކުރާކަށް އަޅުގަނޑު ވަކާލާތެއް ނުކުރާނަމެވެ. އެއީ ކޮށްގެން ވާނެ ކަމެއް ވެސް ނޫނެވެ.
 

ޖަބް ޕިޔާރް ކިސީ ސޭ ހޯތާހޭ.

ކިޔާފައިވާ ޢަދަދު: 2194
ޙުސައިން ޝާކިރު 
މިއީ، ޢުމުރުގެ ސާދަ ފަނަރަ އަހަރާ ގުޅިފައިވާ ހަނދާނެކެވެ. ހަނދާނަށް ގެނެވޭގޮތުގައި އެއީ، ނަވާރަ ސަތޭކަ ފަސްދޮޅަހުގެ އަހަރުތަކެވެ. “ފަންސިނަމާ” އާދެ، ފަރީދީ ސިނަމާގެ ދައުރު ނިމި މާލޭގެ މެދުތެރޭގައި އޮލިމްޕަސް ތިއޭޓަރ ހެދި އެ ދުވަސްވަރު އިންޑިއާގައި އުފައްދާ އެންމެ މަޝްހޫރު ފިލްމުތައް މާލެ ގެނެވި އޮލިމްޕަސް ތިއޭޓަރުގައި އަޅުވަމުން ދިޔަ ދުވަސްވަރެވެ. ބޮލީވުޑް ނަން ދިވެހިން ނުދަންނަ ޒަމާނެވެ. އަތުގައި އެންމެ ރުފިޔާއެއް އޮތްނަމަވެސް ދެޖިންސްގެ ޒުވާނުންނާއި ކޮންމެ ޒުވާން ދެމަފިރިޔަކު ހިތްހަމަޖައްސައިލުމަށްޓަކައި ބައިސްކޯފު ބަލާން އޮލިމްޕަހަށް ވަދެ އެނބުރޭފަންކާގެ ދަށުގައި ގޮދަޑިޖެހި ގޮޑީގައި އިށީނދެލައިގެން ފިލްމުބަލައި އުޅުނު ދުވަސްވަރެވެ. އިރުއޮއްސިގެން އަންނައިރު އޮލިމްޕަހު ގޭޓުންފެށިގެން އިރުމައްޗަށް ދަމާލެވޭ ކިޔޫ ހަނދުވަރު ހިނގުމުން އުތުރަށް ދަމައިލެވި މަގުފުރި ތޮއްޖެހިގެން ހަމަކޮންމެރެއަކުހެން ދިޔަ ޒަމާނެވެ.
 

ބަލާޣާ ޢިލްމުގެ ފެށުން

ކިޔާފައިވާ ޢަދަދު: 3241
އިބްރާހީމް ރަޝީދު މޫސާ
ﷲ ސުބްޙާނަހޫ ވަ ތަޢާލާ ކޮންމެ ޤައުމަކަށް ވެސް އެބަޔަކު މޮށެ އުޅޭނެ ބަހެއް ލެއްވިއެވެ. އެބައިމީހުންގެ އެއްބަޔަކު އަނެއްބަޔަކާއެކު ތަފާހުމުވެ ، ބޭނުންތައް ފުއްދުމަށާއި ޚިޔާލުތައް ހުށައެޅުމަށްޓަކައެވެ. މާތްﷲ ވަޙީ ކުރައްވަނީ ” وَمَا أَرْسَلْنَا مِن رَّسُولٍ إِلَّا بِلِسَانِ قَوْمِهِ لِيُبَيِّنَ لَهُمْ – ތިމަންރަސްކަލާނގެ އެއްވެސް رسول އަކު އެބޭކަލެއްގެ قوم ގެބަހުން މެނުވީ ނުފޮނުއްވަމެވެ. (އެއީ) އެއުރެންނަށް ސާފުކޮށް ބަޔާންކޮށްދެއްވުމަށްޓަކައެވެ. ”  
 

އަހަރުމަތިފުޅުު ދުވަހުގެ ސިހުން

ކިޔާފައިވާ ޢަދަދު: 395
އިންޓަނެޓުން ފެނުނު ޖޯކެއް ކިޔާފައި:
ލިޔުނީ އަޙްމަދް ސަމީރު ޢަލީ
މާ ދުރު ހިސާބެއްގައި ކޮންމެވެސް ދުވަސްވަރެއްގައި، ދަޅުގައި ބަންދުކުރި ތޮޅިއޮށް މާ މީރު މީހަކު އުޅުނެވެ. މި ދެންނެވުނު ވައްތަރުގެ ތޮޅިއޮށް މީނާ  ކާހިތްވަނީ ވަކިވަރަކަށް ނޫނެވެ! އެއީ ދެވި ހިފުމެކޭވެސް ބައެއް މީހުން ބުނާ މިންވަރަށެވެ! ދަޅުގައި ބަންދުކުރި ތޮޅިއޮށް ކާ ކޮންމެ ފަހަރަކު އެކަމުގެ ނުތަނަވަސްކަން ނުފެންނަ ފަހަރެއް ހަނދާން ނެތިގެންވެސް ކައްސާލައިފައެއް ނެތެވެ! މި ދިމާވާ ކަމަކީ ލައްކަ ގިނަ ބަޔަކު ލަދު ގަންނާނޭ ކަމެއް ކަމުގައި ވިޔަސް، ދަޅުގައި ބަންދުކޮށްފައި ހުންނަ ތޮޅިއޮށް ކާ ކޮންމެ ފަހަރަކު ދިމާވާ ކަންތަކަކީ އޭނާ މާ ކަންބޮޑުވާ ކަމެކޭ ދެންނެވޭކަށްވެސް ނެތެވެ. އެއީ އޭނާ އެކަމުގެ ސަަބަބުން އުފުލާ ބުރައެއް ތުރާލެއް ނެތުމުންނެވެ. ދިމާވަނީ، އިޖްތިމާއީ ގޮތުން ބޭ އަދަބީ ކަމެކޭ ހަމަ ކަށަވަރުންވެސް ލިޔެވިދާނެއެވެ!
 

އަސަރު (9)

ކިޔާފައިވާ ޢަދަދު: 3257

ތަރުޖަމާ: ޢައްބާސް އިބްރާހީމް  މ.ސިލްވަރކްލައުޑް

(28 ޑިސެންބަރު 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)
އެމީހުންގެ މަޝްވަރާއާއިއެކު ޑަކްޓަރ ސޯނީއޭ ކިޔާ މީހަކު ލައްވާ ޤަވާޢިދުން ބޭސް ފަރުވާ ކުރަންފެށިއެވެ. ޑަކްޓަރ ސޯނީ ކޮންމެ ދުވަހަކުވެސް ހެނދުނާއި ހަވީރު ގެޔަށް އައިސް މަންމަގެ ޙާލު ބަލާ ހަދައެވެ. މަންމަޔަށް ބޭސްދީ ހަދަނީ ޚުދު ރާޖްގެ އަތުންނެވެ.
ވޭތުވެގެން އެދިޔަ ދިހަދުވަހާއި ރޭގަނޑުގެ ހުރިހާ ވަގުތެއްގައި ހުރިހައި ހިނދުކޮޅެއްގައި އޭނާ ދެކެމުން ދިޔައީ މަންމަގެ އުދާސްވެފައިވާ މޫނެވެ. ބަލިކަށިވެފައިވާ ހަށިގަނޑެވެ. ވަރުދެރަވެފައިވާ ޖިސްމެވެ. އެކަމަށްޓަކައި ޚުދު އޭނާ އެވަނީ އުދާސްވެފައެވެ. ހާސްވެފައެވެ. ވަރުބަލިވެފައެވެ. ތުނބުޅިވަނީ ދިގުވެފައެވެ. ބޯވެސްވަނީ ދިގުވެފައެވެ. ހެދުންވެސްވަނީ އެއްވެސް ކަހަލަ ތަރުތީބެއް ނެތިފައެވެ………